21։54- Եվրոպական հանձնաժողովը, որն այսօր կազմակերպել էր «Գլոբալ պատասխան կորոնավիրուսին» խորագրով դոնորների առցանց ֆորում, կարողացել է 3 ժամում հավաքել 7.4 մլրդ եվրո կորոնավիրուսի դեմ պայքարի համար: ԵՄ-ն իր հերթին խոստացել է 1 մլրդ եվրո ներդրում, որից մոտ ապագայում կսկսվի գիտական հետազոտությունների ֆինանսավորումը:

Ֆինանսանական միջոցներ նվիրաբերել են ինչպես տարբեր երկրներ, այնպես էլ բիզնես, ֆինանսական ոլորտի ներկայացուցիչներ, գիտահետազոտական ընկերություններ: |armenpress.am|


21։14- ՄԵզնից որևէ մեկը չի կարող ընդունել աշխարհ, որտեղ մարդկանց մի մասը պաշտպանված է, մյուսը՝ ոչ։ Յուրաքարնչյուր ոք պետք է պաշտպանված լինի։ Մեզնից և ոչ ոք պաշտպանված չէ այնքան ժամանակ, մինչև մեզնից յուրաքանչյուրը կլինի պաշտպանված։ [ԱՀԿ Գլխավոր տնօրեն Թեդրոս Ադհանոմ Գեբրեյեսուս]


20։35- Գերմանիայի կանցլեր Անգելա Մերկելը հայտարարել է, որ պետությունը կհատկացնի 525 միլիոն եվրո գլոբալ մակարդակով կորոնավիրուսի դեմ պայքարի և պատվաստանյութի ստեղծման համար: |armenpress.am|


19:28- Բելառուսի իշխանությունները մտադիր չեն հրաժարվել մայիսի 9-ին Մինսկի կենտրոնում Հաղթանակի օրվա առթիվ շքերթ անցկացնելու գաղափարից: Կիրակի օրը կայացած խորհրդակցության ժամանակ այս մասին հայտարարել է Բելառուսի նախագահ Ալեքսանդր Լուկաշենկոն: Բելառուսի նախագահի խոսքով՝ համաճարակաբանական տեսանկյունից Մայիսի 9-ի շքերթը ամենավտանգավոր միջոցառումը չէ։ |azatutyun.am|

19:19- Աշխարհը հավաքվում է՝ միասին հաղթահարելու կորոնավիրուսը։ Այս պահի դրությամբ մենք հավաքել ենք 5․4 միլիարդ Եվրո, որպեսզի վարակի ախտորոշումը, բուժումն ու պատվաստանյութը հասանելի լինեն։ [Եվրոպական հանձնաժողովի նախագահ Ուրսուլա վոն դեր Լայնեն]

18:13- Աշխարհում նոր տիպի կորոնավիրուսային վարակով վարակվածների թիվն անցել է 3 միլիոն 589 հազար 263-ը: Մահացածների թիվն անցել է 248 հազարը: Ապաքինվել է 1 միլիոն 162 հազար 712 մարդ: Վիրուսով վարակվածների թվով առաջին տեղում հայտնված ԱՄՆ-ում 1 մլն 189 հազար 845 հաստատված դեպք կա: Այստեղ մահացածների թիվը 68 հազար 633 է: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 247 հազար 122 է: Մահացության ցուցանիշը կազմում է 25 հազար 264: |armenpress.am|

17:40- Ամբողջ աշխարհից հզոր ուղեղները կմիանան կորոնավիրուսի դեմ մղվող պայքարին։ Սակայն հաղթականակի համար անհրաժեշտ է շատ ավելին։ Դրա համար անհրաժեշտ են միջազգային գործընկերություն, նվիրվածություն, համակողմանի համագործակցություն և ֆինանսական միջոցներ։ Անգործության գինը շատ ավելի բարձր է լինելու՝ խլելով կյանքեր ու ռեսուրսներ։ ԵՄ-ի կազմակերպված, այս պահին ընթացող դրամահավաքի ժամանակ՝ #GlobalResponse միջոցառման շրջանակներում, հայտարարել է Եվրոպական խորհրդարանի նախագահ Շարլ Միշելը։

16:10- Ռուսաստանում կորոնավիրուսով վարակված անձանց թիվը մեկ օրում ավելացել է 10 հազար 581-ով՝ դառնալով 145 հազար 268: Ապաքինվել է ավելի քան 18 հազար մարդ, 1356 հիվանդ մահացել է: Վերջին մեկ օրում մահերի թիվն ավելացել է 76-ով: |armenpress.am|

16:08- Իրանում կորոնավիրուսի մայիսի 4-ի վիճակագրական տվյալները․

Վարակակիրների թիվն ավելացել է 1.223-ով
Ընդհանուր՝ 98.647
Մահացածների թիվն ավելացել է 74-ով
Ընդհանուր՝ 6.277
Ապաքինվածների թիվն ավելացել է 975-ով
Ընդհանուր՝ 79.397
[Իրանում ՀՀ դեսպանություն]

15:26- Ուկրաինայում կարանտինը կերկարացվի մինչև մայիսի 22-ը, սակայան դրան զուգահեռ կլինեն որոշակի թուլացումներ։ Այսօր այս մասին կառավարության նիստին ասել է երկրի վարչապետ Դենիս Շմիգալը։ Վարչապետը նաև նշել է, որ հետագա քայլերը կախված կլինեն աշխարհում կորոնավիրուսի հետ կապված իրավիճակից։ |rbc.ua|

15:22- Կորոնավիրուսի համավարակի հետևանքների հաղթահարման ու վերականգնման գործընթացը մշակելիս Եվրոպական միությունը իր ռազմավարության մեջ անպայմանորեն պետք է ներառի նաև բնապահպանական խնդիրները, ինչի մասին հայտարարել են Եվրոպական խորհրդարանի մի շարք անդամներ։ |europarl.europa.eu|

14:10- Անգլիայի ֆուտբոլի առաջնությունը կարող է հաջորդ մրցաշրջանում անցկացվել առանց երկրպագուների: Պրեմիեր լիգայի ակումբների ղեկավարներն այն կարծիքին են, որ ֆուտբոլն իր նախկին վիճակին կբերվի միայն այն ժամանակ, երբ գտնվի կորոնավիրուսի պատվաստանյութը: |armenpress.am|

13:52- Մայիսի 3-ի դրությամբ Թուրքիայի 54 նահանգներում գտնվող 247 բնակավայրերում կարանտինային ռեժիմը վերացվել է։ 31 նահանգներում մուտքերի և ելքերի սահմանափակումները երկարացվել են մինչև երկուշաբթի գիշեր։ Այդ սահմանափակումներն ուժի մեջ էին մտել դեռևս ապրիլի 18-ից: |ermenihaber.am|

13:48-  Եվրամիությունը մայիսի 4-ին անցկացնելու է միջազգային դոնորների առցանց համաժողով: Մտադիր են հավաքել 7,5 մլրդ եվրո` հետագայում կորոնավիրուսի վարակի տարածմանը հակազդելու համար: |armenpress.am|

13:14- Խոսել կորոնավիրուսի տարածման լիարժեք դադարի մասին հնարավոր չէ, ինչքան էլ որ երկիրը փակ լինի։  Շփումն այս կամ այն ձևով առկա է, ինչպես նաև դեռ առկա է վարակի նոր աղբյուրների առաջացման վտանգը։ [Ռոսպոտրեբնադզորի ղեկավար Աննա Պոպովա] |tass.ru|

13:10-  Ճապոնիայում մինչև մայիսի 31-ը երկարաձգվում է արտակարգ դրության ռեժիմի ժամկետը: Որոշումն առնչվում է բոլոր վարչական տարածքներին։ Երկրում կորոնավիրուսիով վարակվածների ընդհանուր թիվը կազմում է 14 հազար 877, մահացածներինը՝ 487: |armenpress.am|

12:33- Այսօրվանից Իրանը մասնակիորեն մեղմացնում է կորոնավիրուսի պատճառով սահմանված կարանտինային միջոցառումները: Երկրի տարածքը ըստ համաճարակի տարածման աստիճանի բաժանվել է երեք գոտիների` սպիտակ, դեղին և կարմիր: Այն բնակավայրերում, որոնք կորոնավիրուսից ազատ գոտիներ են հռչակվել, կյանքն առաջիկայում պետք է բնականոն հունի մեջ մտնի: Իրանի նախագահ Հասան Ռոհանին նշում է, որ համաճարակի տարածումը երկրում վերջնականապես հաղթահարել դեռ չի հաջողվել: |azatutyun.am|

12:11-  Իտալիայում ուժի մեջ է մտել կորոնավիրուսի հետևանքով մտցված սահմանափակումները թուլացնելու որոշումը: Սահմանափակումների թուլ:ացումը վերաբերում է արտադրական ու շինարարարական գործունեությանը։ Աշխատանքի է վերադառնում 4,5 մլն մարդ: Նրանք կարող են օգտվել հասարակական տրանսպորտից: Առևտրի կենտրոնները, ռեստորանները, բարերը, մարզասրահները, լողավազանները, վարսավիրանոցները կմնան փակ: |armenpress.am|

11:54- Վաղվանից Վրաստանում շինարարության ոլորտում աշխատող բոլոր ընկերություններին կտրվի աշխատանքը վերսկսելու թույլտվություն: Այս մասին կառավարության նիստում հայտարարել է վարչապետ Գիորգի Գախարիան: Գախարիայի խոսքով՝ ստեղծված հատուկ խմբերը կշարունակեն ամենօրյա ստուգումները, և կարևոր է, որ բոլոր այն ընկերությունները, որոնք կվերականգնեն աշխատանքը, խստորեն պահպանեն սահմանված նորմերը: |aliq.ge|

11:43-  Սահմանափակումների թուլացմանն ընդառաջ Ֆրանսիան, Իտալիան ու Իսպանիան մի քանի շաբաթվա կտրվածքով գրանցում են մահացությունների ամենցածր ցուցանիշը՝ Ֆրանսիայում մահացել է135 հոգի, Իսպանիայում՝ 164 հոգի, ինչն ամենացածր ցուցանիշն է մարտի կեսերից, Իտալիայում՝ 174 հոգի, որը երկու ամսվա ամենացածր ցուցանիշն է։ |bbc.com|

11:26- Ֆրանսիայի իշխանությունները հայտարարել են, որ Մեծ Բրիտանիայից և Շենգենյան գոտուց երկիր ժամանողների նկատմամբ չի կիրառվելու 14 օրյա պարտադիր մեկուսացման պայմանը։ |theguardian.com|

11:22- Թուրքիայում մինչ օրս գրանցված վարակման դեպքերը թիվը կազմում է 126․045, որից 63151-ն արդեն առողջացել է։ 24 ժամում նոր դեպքերի թիվն ավելացել է 1670-ով։ Մահացությունների թիվն ավելացել է 61-ով՝ կազմելով 3․397։ Ապաքինվածների թիվն ավելացել է 4․892-ով։ |ermenihaber.am|

11:14- Աերոֆլոտ» ընկերության մամուլի քարտուղար Յուլիա Սպիվակովան հայտնել է, որ ընկերությունը նախատեսում է վերսկսել միջազգային ավիափոխադրումները ամռան կեսերին, այս պահին դժվար է հստակ նշել ժամկետները, սակայն, լավագույն կանխատեսումներով, դա հնարավոր կլինի իրկանացնել հուլիսից։ Սպիվակովան նաև նշել է, որ համավարակից հետո հնարավոր է՝ մտցվեն անվտանգության հատուկ կանոններ և՛ ուղևորների, և՛ փոխադրողների համար։ |rg.ru|

10:23-  Աշխարհում նոր տիպի կորոնավիրուսային վարակով վարակվածների թիվն անցել է 3 միլիոն 566 հազար 804-ը: Ապաքինվել է 1 միլիոն 156 հազար 970 մարդ: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 247 հազար 122 է: Մահացության ցուցանիշը կազմում է 25 հազար 264: ԱՀԿ-ի տվյալներով՝ վարակ արձանագրած երկրների և տարածքների թիվն անցել է 210-ը: |armenpress.am|

10:18- Վրաստանում կորոնավիրուսի հաստատված դեպքերն՝ ըստ վերջին տվյալների

Հաստատված դեպքեր- 593 (+4)
Առողջացածներ- 223
Մահացածներ- 9 |stopcov.ge|

09։40- Չինաստանում մայիսի 3-ին գրանցվել է կորոնավիրուսի վարակի 3 նոր դեպք։ Նոր դեպքերը բերովի են։ Այս մասին հաղորդում է Չինաստանի առողջապահության ազգային հանձնաժողովը։ |reuters.com|

09։36- Ըստ Ջոն Հոփքինսի համալսարանի տվյալների՝ վերջին օրվա ընթացքում ԱՄՆ տարածքում գրանցվել է կորոնավիրուսի վարակի 25 502 և մահվան 1 313 դեպք։ Ընդհանուր առմամբ, ԱՄՆ–ում վարակվածների թիվն առնվազն 1 158 041 է, 67 682 հոգի մահացել է։ |edition.cnn.com|

09։02- Անձնական պաշտպանության միջոցների, այդ թվում` բժշկական դիմակների արտահանումը ՌԴ-ից թույլատրվում է միայն ԵԱՏՄ անդամ երկրների սահմաններում: Կիրակի հրապարակվել է կառավարության որոշումը, որով չեղարկվում է նախկինում սահմանված անձնական պաշտպանիչ միջոցների դուրս բերման արգելքը: |tert.am|

Նորություններ կորոնավիրուսի մասին, Աշխարհ, 05․05․20

Կորոնավիրուսի շուրջ զարգացումներ, Հայաստան, 04․05․20

Նորություններ կորոնավիրուսի մասին, Աշխարհ, 03․05․20