08:57 - 03 դեկտեմբերի, 2019
Վրաստանում ԵՄ դեսպանը ցանկանում է շուտ վերականգնել իշխանություն-ընդդիմություն երկխոսությունը |aliq.ge|
aliq.ge։ Վրաստանում Եվրամիության դեսպան Կարլ Հարցելը խոսել է երկրում ստեղծված իրավիճակի մասին: Նա նշել է, որ անպայման կողմերի միջև պետք է տեղի ունենա երկխոսություն, պետք է բացառել ամեն տեսակի բռնությունը:
Նրա խոսքով իշխանության և ընդդիմության միջև բանակցությունների հաջորդ փուլը հնարավորինս շուտ պետք է անցկացվի:
«Հաջորդ փուլի ժամկետը դեռ հստակեցված չէ: Ես կարծում եմ որ բանակցությունների հաջորդ փուլը հնարավորինս շուտ պետք է անցկացնել: Եվրամիությունն աջակցում է երկխոսություններին: Առաջին հանդիպումը շատ կարևոր էր, քանի որ տեղի ունեցավ մտքերի փոխանակում: Լարվածությունը մեղմելու համար երկխոսությունը խիստ կարևոր է: Երկխոսության միջոցով մենք կարող ենք հարցը լուծել»,- հայտարարել է Վրաստանում ԵՄ դեսպանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)