19:10 - 04 հունիսի, 2020
Դիաբետով, սիրտանոթային հիվանդությամբ 68-ամյա բժիշկը բուժվել է կորոնավիրուսից
«Արմենիա» բժշկական կենտրոնի Նյարդավիրաբուժության բաժանմունքի վարիչ Դավիթ Պատրիկյանը բուժվել է կորոնավիրուսից ու երկկողմանի թոքաբորբից, հայտնում են «Սուրբ Գրիգոր Լուսավորիչ» ԲԿ-ից։
Պատրիկյանը ԲԿ է տեղափոխվել մայիսի 21-ին։ Բժիշկը հայտնել է, որ վարակվել է մասնագիտական պարտականությունները կատարելիս և մեղավորներ չի փնտրում վարակման համար։
«Ես ռիսկային խմբի անդամ եմ, եթե այդպես կարելի է ասել, տարիքս 68 է, ունեմ շաքարային դիաբետ, սիրտանոթային հիվանդություններ, մի խոսքով նման վարակը ինձ համար կարող էր ճակատագրական լինել»,-պատմել է առողջացած բժիշկը՝ հավելելով, որ իր փրկվելը հավասար էր հրաշքի։
Բժիշկը հորդորել է պահպանել հակահամաճարակային կանոնները և հետևել ցուցումներին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)