Ադրբեջանի մաքսային պետական կոմիտեն տարածել է հաղորդագրություն՝ հերքելով իրանական մի շարք լրատվամիջոցների կողմից տարածված լուրը՝ իրանցի վարորդների ազատ արձակման վերաբերյալ։
Մաքսային պետական կոմիտեի հաղորդմամբ՝ իրանի քաղաքացի հանդիսացող վարորդների դեմ քրեական գործ է հարուցվել սեպտեմբերի 16-ին և մինչ այժմ հետաքննությունը շարունակվում է։
Հիշեցնենք, որ ժամեր առաջ իրանական մի շարք լրատվամիջոցներ, մասնավորապես Fars News Agency-ն, Մեհր լրատվական գործակալությունը հայտնել էին, որ Իրանի և Ադրբեջանի արտգործ նախարարների երեկվա հեռախոսազրույցից հետո, այսօր ազատ են արձակվել սեպտեմբերի 15-ին Իրանից Հայաստան Գորիս-Կապան ճանապարհով բեռներ տեղափոխող բեռնատարների իրանցի երկու վարորդներ։
comment.count (0)