Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։


Աշխարհում նոր տիպի կորոնավիրուսային վարակով՝ COVID-19-ով հիվանդների թիվը մոտենում է 860 հազարի |armenpress.am|

Աշխարհում նոր տիպի կորոնավիրուսային վարակով՝ COVID-19-ով հիվանդների թիվը մոտենում է 860 հազարի |armenpress.am|

<diarmenpress.am: v dir="auto">Աշխարհում նոր տիպի կորոնավիրուսային վարակով՝ COVID-19-ով հիվանդների թիվը մոտենում է 860 հազարի: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 42 հազարը: Ապաքինվածների թիվը կազմում է 178 հազար 335: Վարակվածների 95 տոկոսի մոտ հիվանդությունն ընթանում թեթև, 5 տոկոսի մոտ՝ ծանր: Վիրուսից վարակվածների թվով առաջին տեղում հայտնված ԱՄՆ-ում 188 հազար 592 հաստատված դեպք կա: Այստեղ մահացածների թիվն անցել է 4 հազարը: Վարակվածության ցուցանիշով երկրորդ տեղում Իտալիան է, այստեղ հաստատված դեպքերի թիվը 105 հազար 792-ն է: Իտալիան աշխարհում առաջինն է մահացածների թվով: Կորոնավիրուսից այստեղ մահացել է 12 հազար 428 մարդ: Շրջանցելով Չինաստանին՝ վարակվածների թվով երրորդ տեղում է հայտնվել Իսպանիան: Այստեղ հաստատված դեպքերի թիվը 95 հազար 923 է: Մահացածների ընդհանուր թիվը 8 հազար 464 է: Վարակվածների թվով չորրորդ տեղում հայտնված Չինաստանում հաստատված դեպքերի թիվը 81 հազար 554 է: Այստեղ հաստատված նոր դեպքերի թիվը 36 է: Ապաքինվել է 76 հազար 238 մարդ:  Կորոնավիրուսից վարակվածության ցուցանիշով Չինաստանին հաջորդում է Գերմանիան: Այստեղ հաստատված դեպքերի ընդհանուր թիվը 71 հազար 808 է: Մահացել է 775 մարդ: Գերմանիային հաջորդում է Ֆրանսիան, որտեղ հաստատված դեպքերի թիվը 52 հազար 128 է: Մահերի թիվը 3 հազար 500-ից ավելին է: Իրանում հաստատված դեպքերի ընդհանուր թիվը 44 հազար 605 է: Մահացածների ընդհանուր թիվը 2 հազար 898 է:  Մեծ Բրիտանիայում վարակվածների ընդհանուր թիվը 25 հազար 150 է, Շվեյցարիայում՝ 16 հազար 605 է: Վրաստանում կորոնավիրուսով վարակվածության հաստատված 110 դեպք կա, Ռուսաստանում` 2 հազար 337, Թուրքիայում՝ 13 հազար 531: Մեկ օրում 100-ից ավելի նոր դեպքեր են գրանցվել Իսրայելում, Պակիստանում, Մեքսիկայում, Հնդկաստանում, Թայլանդում, Հարավային Կորեայում և այլն:  Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվը հասել է 200-ի:
10:57 - 01 ապրիլի, 2020
COVID-19. Իտալիայում մահացածների թիվն անցել է 11 հազարը |armenpress.am|

COVID-19. Իտալիայում մահացածների թիվն անցել է 11 հազարը |armenpress.am|

armenpress.am: Աշխարհում նոր տիպի կորոնավիրուսային վարակով՝ COVID-19-ով հիվանդների թիվն անցել է 785 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 37 հազարը: Ապաքինվածների թիվը կազմում է 165 հազար 659: Վարակվածների 95 տոկոսի մոտ հիվանդությունն ընթանում թեթև, 5 տոկոսի մոտ՝ ծանր:Վիրուսից վարակվածների թվով առաջին տեղում հայտնված ԱՄՆ-ում 164 հազար 253 հաստատված դեպք կա: Մահացածների թիվն անցել է 3 հազարը: Վարակվածության ցուցանիշով երկրորդ տեղում Իտալիան է, այստեղ հաստատված դեպքերի թիվը 101 հազար 739-ն է: Իտալիան աշխարհում առաջինն է մահացածների թվով: Կորոնավիրուսից այստեղ մահացել է 11 հազար 591 մարդ:Շրջանցելով Չինաստանին՝ վարակվածների թվով երրորդ տեղում է հայտնվել Իսպանիան: Այստեղ հաստատված դեպքերի թիվը 87 հազար 956 է: Մահացածների ընդհանուր թիվը 7 հազար 716 է:Վարակվածների թվով չորրորդ տեղում հայտնված Չինաստանում հաստատված դեպքերի թիվը 81 հազար 518 է: Չինաստանի իշխանությունները հայտարարել են երկրի ներսում կորոնավիրուսի տարածման դադարի մասին:Կորոնավիրուսից վարակվածության ցուցանիշով Չինաստանին հաջորդում է Գերմանիան: Այստեղ հաստատված դեպքերի ընդհանուր թիվը 66 հազար 885 է: Վարակվածության բարձր ցուցանիշ ունենալով հանդերձ, այստեղ ցածր է մահացության ցուցանիշը՝ կազմելով 645:Իրանում հաստատված դեպքերի ընդհանուր թիվը կազմում է 41 հազար 495: Մահացածների ընդհանուր թիվը 2 հազար 757 է: Իրանում կորոնավիրուսով վարակվածներից ընդհանուր առմամբ ապաքինվել է 13 հազար 911 մարդ:Ֆրանսիայում կորոնավիրուսով վարակվածության դեպքերի ընդհանուր թիվը 44 հազար 550 է: Ընդհանուր առմամբ մահացել է 3 հազար 24 մարդ: Մեծ Բրիտանիայում վարակվածների ընդհանուր թիվը 22 հազար 141 է, Շվեյցարիայում՝ 15 հազար 922:Վրաստանում կորոնավիրուսով վարակվածության հաստատված 103 դեպք կա, Ռուսաստանում` 1836, Թուրքիայում 10 հազար 827: Հայաստանում մարտի 30-ի դրությամբ հաստատված դեպքերը 482-ն են։ Ապաքինվել է 30 հիվանդ, մահացել՝ երեքը։ Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվը հասել է 200-ի:
09:46 - 31 մարտի, 2020
COVID-19. Ապաքինվածների թիվն անցել է 151 հազարը |armenpress.am|

COVID-19. Ապաքինվածների թիվն անցել է 151 հազարը |armenpress.am|

armenpress.am: Աշխարհում նոր տիպի կորոնավիրուսային վարակով՝ COVID-19-ով հիվանդների թիվն անցել է 723 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցնում է 33 հազարը: Ապաքինվածների թիվը կազմում է 151 հազար 798: Վարակվածների 95 տոկոսի մոտ հիվանդությունն ընթանում է թեթև, 5 տոկոսի մոտ՝ ծանր:  Վիրուսից վարակվածների թվով առաջին տեղում հայտնված ԱՄՆ-ում 142 հազար 637 հաստատված դեպք կա: Մահացածների թիվը կազմում է 2 հազար 485: Վարակվածության ցուցանիշով երկրորդ տեղում Իտալիան է, այստեղ հաստատված դեպքերի թիվը 97 հազար 689-ն է: Իտալիան աշխարհում առաջինն է մահացածների թվով: Կորոնավիրուսից այստեղ մահացել է 10 հազար 779 մարդ:  Վարակվածների թվով երրորդ տեղում Չինաստանն է, որտեղ ընդհանուր թիվը կազում է 81 հազար 470: Ի դեպ, Չինաստանի իշխանությունները հայտարարել են երկրի ներսում կորոնավիրուսի տարածման դադարի մասին:  Չինաստանին, վարկվածության թվով մոտենում է Իսպանիան, որտեղ ընդհանուր թիվը 80 հազար 110 է: Այստեղ ևս բարձր է մահացության ցուցանիշը: Կորոնավիրուսով պայմանավորված մահացել է 6 հազար 803 մարդ:  Կորոնավիրուսից վարակվածության ցուցանիշով Իսպանիային հաջորդում է Գերմանիան: Այստեղ հաստատված դեպքերի ընդհանուր թիվը 62 հազար 435 է: Վարակվածության բարձր ցուցանիշ ունենալով հանդերձ, այստեղ ցածր է մահացության ցուցանիշը՝ կազմելով 541: Վիրուսից վարակվածության նկատելի աճ է գրանցվել Ֆրանսիայում. այն շրջանցել է Իրանին: Ֆրանսիայում գրանցվել է վարակի հաստատված 40 հազար 174 դեպք: Մահացել է 2 հազար 606 մարդ: Ֆրանսիային հաջորդում է Իրանը՝ 38 հազար 309 հաստատված դեպքով: Այստեղ մահացածների ընդհանուր թիվը կազմում է 2 հազար 640: Մեծ Բրիտանիայում վարակվածների ընդհանուր թիվը 19 հազար 522 է, Շվեյցարիայում՝ 14 հազար 829:   Վրաստանում կորոնավիրուսով վարակվածության հաստատված 91 դեպք կա, Ռուսաստանում` 1534, Թուրքիայում 9 հազար 217:  Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվը 195-ից ավելի է: Նոր կորոնավիրուսի առաջացրած հիվանդության բռնկումը 2019-ի վերջում գրանցվել է Կենտրոնական Չինաստանում և մարտի 11-ին Առողջապահության համաշխարհային կազմակերպության կողմից ճանաչվել համավարակ (պանդեմիա)։ 
10:15 - 30 մարտի, 2020
Հանթավիրուսը նոր համավարակի սկիզբ չէ ու մարդուց մարդուն չի փոխանցվում
 |media.am|

Հանթավիրուսը նոր համավարակի սկիզբ չէ ու մարդուց մարդուն չի փոխանցվում |media.am|

media.am: Չինաստանում ծագած նոր տեսակի կորոնավիրուսից աշխարհը դեռ չազատված, լրատվականներում տարածվեց նույն Չինաստանում «բռնկված նոր մահաբեր վիրուսի» լուրը։ Հանթավիրուսով գրանցված մահվան դեպքի մասին մարտի 24-ին Twitter-ում առաջինը գրեց տեղական, անգլալեզու Global Times-ը։ Թվիթում մասնավորապես ասված էր, որ մարտի 23-ին Յունան նահանգում Շանդոնգ նահանգից աշխատանքից վերադարձի ճանապարհին ավտոբուսում մահացած մարդու մոտ հայտնաբերվել է հանթավիրուս, իսկ մյուս 32 ուղևորները թեստավորվել են։ Նույն թվիթի մեկնաբանություններում անհանգստություններից ու մեմերից բացի, որոշ օգտատերեր տեղեկացրեցին, որ խուճապի մատնվելու կարիք չկա, քանի որ սա նոր տեսակի վիրուս չէ, մարդուց մարդ փոխանցվելու հավանականությունը շատ փոքր է, գոյություն ունի դրա դեմ պատվաստանյութ և այն երկրորդ կորոնավիրուս դառնալու շանսեր չունի։ Բացի լայնորեն տարածված թվիթից, լուրի սկզբնաղբյուր Global Times-ը մահվան դեպքին և վիրուսին անդրադարձավ կայքում՝ տրամադրելով լրացուցիչ մանրամասներ և Ուհանի համալսարանի վիրուսաբանի մեկնաբանությունը, համաձայն որի․ Վիրուսը նոր չէ և մեծամասամբ չի փոխանցվում օդակաթիլային ճանապարհով, իսկ վարակի աղբյուրը առնետների հետ անմիջական շփումն է կամ դրանց կրծոտած սննդից օգտվելը։ Անհանգստանալու կարիք չկա, քանի որ այս հիվանդությունը կանխարգելելի է, կառավարելի և գոյություն ունի դրա դեմ պատվաստանյութ։ Ուշագրավ է, որ ամերիկյան «Հիվանդությունների վերահսկման և կանխարգելման կենտրոն»-ը հակառակ պնդումն է անում, համաձայն որի չկա այս վիրուսի դեմ պատվաստանյութ, սակայն, վաղ ախտորոշելու և ինտենսիվ բուժման դեպքում հնարավոր է բուժում։ Կենտրոնը նաև տեղեկացնում է, որ հանթավիրուսով հնարավոր է վարակվել ոչ միայն առնետներից, այլև կրծողների այլ տեսակներից։ Վիրուսը պահպանվում է դրանց մեզի, կղանքի և թքի մեջ, իսկ մարդը կարող է վարակվել դրանց հետ անմիջական շփումից կամ աղտոտված օդը շնչելով։ Global Times-ի թվիթն արագ արձագանք գտավ մի շարք անգլալեզու լրատվականներում։ Լուրին անդրադարձավ ամերիկյան New York Post-ը։ Կայքին մեկնաբանություն տված շվեդ փորձագետը տեղեկացրեց, որ մահվան պատճառ հանդիսացած վիրուսն առաջացել է 1950-ականներին ամերիկա-կորեական պատերազմի շրջանում՝ Կորեայում։ Լուրին առաջին անդրադարձածներից էր թուրքական «Անադոլու» գործակալությունը, որը սխալմամբ պնդեց, թե այս վիրուսի առաջին դեպքը գրացվել է 1993-ին՝ ԱՄՆ-ում։ Տարածվող լուրերի բովանդակությունը նույն օրը ստուգեց փաստերի ստուգմամբ զբաղվող Snopes.com-ը։ Կայքը մասնավորապես պարզեց, որ հազվադեպ հանդիպող, Չինաստանում միայն մեկ մարդու մահվան պատճառ դարձած վիրուսը ոչ նոր հիվանդության բռնկում է, ոչ էլ նոր երևույթ։ Առաջին անգամ հանթավիրուսի դեպքերը գրանցվել են Կորեկան պատերազմի ժամանակ, իսկ դրա ամենահաճախ հանդիպող ենթատեսակը, ըստ ամերիկյան «Հիվանդությունների վերահսկման և կանխարգելման կենտրոն»-ի, 1993-ին գրացնվել է ԱՄՆ-ում։ Այս վիրուսի մասին WhatsApp-ով տարածվող հաղորդագրություններին մարտի 25-ին անդրադարձավ բրիտանական The Independent-ը՝ դրանք համարելով մոլորեցնող։ Նույն բրիտանական Express.co.uk-ն էլ խուճապային վերնագրով էր անդրադարձել լուրին՝ «Հանթավիրուս, Չինաստանում անհանգստացնող կերպով տարածվում է մահաբեր նոր վիրուսը»։ Ուշագրավ է, որ այս հրապարակման մեջ կա հակասություն․ թեև թվիթին հղում տալով կայքը գրում է, թե ավտոբուսում եղած 32 ուղևորները թեստավորվել են, հաջորդ նախադասության մեջ էլ նույն թվիթին հղում տալով հակասում, թե անձի հետ ճանապարհ գնացածներից տենդի ախտանշաններ ունեցող միայն երկուսն են թեստավորվել։ Այս հանգամանքը, սակայն, չխանգարեց հայկական լրատվականին հրապարակումը դրաձնել իր լուրի սկզբնաղբյուր։ Express․co.uk-ին հղում տալով` panorama.am-ը նյութը վերնագրեց՝ «Չինաստանում տարածվում է նոր մահացու վիրուս՝ հանտավիրուս»: Տարածվել բառն այս դեպքում խնդրահարույց է, քանի որ բացի արձանագրված մահվան մեկ դեպքից կայքը վիրուսի «տարածման» այլ դեպքերի մասին չի հայտնում։ Իհարկե, Panorama.am-ը միակը չէր, որ շուրջ 70 տարի գոյություն ունեցող վիրուսն անվանեց «նոր»։ Հայկական լրատվականներում վիրուսի մասին իրար կրկնող բովանդակությունները մեծամասամբ ունեին խուճապային և մոլորեցնող վերնագրեր, որոնք հաճախ հակասում էին բովանդակությանը։ Նոր անվանողներից էր 168.am-ը։  Նույն բովանդակությունն ու վերնագիրը հանդիպում ենք politik.am-ի, yn.am-ի, մի փոքր այլ ձևակերպմամբ էլ arenanews.am-ի մոտ։ Իսկ ահա 1in.am-ի նմանաբովանդակ վերագրով նյութում միանգամից երկու սխալ պնդում արեց․ նախ սա հանթավիրուսից գրանցված առաջին մահվան դեպքը չէ, երկրորդ՝ հիվանդության դեպքեր մինչ այս միայն Արգենտինայում և Չիլիում գրանցված չեն եղել: Վիրուսը նոր անվանողների թվում է նաև 5-րդ ալիք հեռուստաընկերությունը, որը ահասարսուռ ոճով հայտարարեց, թե «Ու մինչ աշխարհը ծնկի է եկել կորոնավիրուսից, Չինաստանի Յունան շրջանում նոր վիրուս է հայտնվել ու արդեն հասցրել մարդու մահվան պատճառ դառնալ»։ Թեև լուրում, հղում անելով Չինական լրատվամիջոցներին, ասում են, թե  այս վիրուսը ԴԵՌ մարդուց մարդ չի փոխանցվում, բայց վիրուսի ուսումնասիրած փորձագետները փաստում են, որ դեռ-ի խնդիր չկա։ Ավելին կարդացեք media.am կայքում։
22:31 - 25 մարտի, 2020
ՀՀ նախագահը կարևորում է Չինաստանի աջակցությունը COVID-19- ի դեմ պայքարում. Global Times |armenpress.am|

ՀՀ նախագահը կարևորում է Չինաստանի աջակցությունը COVID-19- ի դեմ պայքարում. Global Times |armenpress.am|

armenpress.am: Չինաստանի Ժողովրդական Հանրապետության իշխող՝  կոմունիստական կուսակցության «Ժողովուրդ» օրաթերթի հովանու ներքո լույս տեսնող՝ ազդեցիկ Global Times անգլալեզու օրաթերթը «Հայաստանի Հանրապետության նախագահը կարևորում է Չինաստանի աջակցությունը COVID-19- ի դեմ պայքարում» վերնագրով հոդվածում անդրադարձել է Հայաստանի նախագահ Արմեն Սարգսյանի և Հայաստանում Չինաստանի դեսպան Թիան Էրլունի մարտի 23-ի հանդիպմանը: Հրապարակման մեջ մասնավորապես ասվում է. «Նախագահ Արմեն Սարգսյանը բարձր է գնահատել Չինաստանի առաջատար դերը ամբողջ աշխարհում COVID-19- ի դեմ համատեղ պայքարում: Երևանում Չինաստանի դեսպան հետ հանդիպմանը նախագահը կարևորել է Չինաստանի հետ համագործակցությունը եւ նշել, որ կորոնավիրուսի համաճարակի դեմ պայքարում տարբեր երկրների հետ փորձի և տեղեկատվության փոխանակումը շատ էական դեր կարող է ունենալ հիվանդության դեմ պայքարի արդյունավետության բարձրացման տեսանկյունից: «Վիրուսի դեմ պայքարում Չինաստանի նախնական հաջողությունն ամբողջությամբ արտացոլել է Չինաստանի կառավարության արտակարգ առաջնորդությունը, չին հասարակության ուժեղ համախմբվածությունը և չին ժողովրդի բարձր  սոցիալական պատասխանատվությունը»,-ասել է նախագահը: Նա ընդգծել է, որ վիրուսի դեմ պայքարում Չինաստանի աջակցությունը թե՛ խորհրդատվության, թե՛ սարքավորումների և բժշկական պարագաների տեսքով շատ կարևոր է Հայաստանի համար: Դեսպան Թիանն իր հերթին ներկայացրել է Չինաստանում ձեռնարկված հակահամաճարակային միջոցառումները և խոստացել շարունակել հետագա համագործակցությունը Հայաստանի հետ ՝ վիրուսի դեմ պայքարում հաղթելու համար»:
13:57 - 25 մարտի, 2020
Արմեն Սարգսյանը կարևորել է Չինաստանի օգնությունը կորոնավիրուսի դեմ պայքարի հարցում

Արմեն Սարգսյանը կարևորել է Չինաստանի օգնությունը կորոնավիրուսի դեմ պայքարի հարցում

Հայաստանի Հանրապետության նախագահ Արմեն Սարգսյանը մարտի 23-ին ընդունել է Հայաստանի Հանրապետությունում Չինաստանի Ժողովրդական Հանրապետության դեսպան Թիան Էրլունին: Այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից։ Հայաստանի նախագահը և Չինաստանի դեսպանը, մասնավորապես, անդրադարձել են իրենց երկրներում նոր կորոնավիրուսի վարակի հետևանքով ստեղծված իրավիճակին և դրա կանխարգելման և հաղթահարման ուղղությամբ ձեռնարկված ու ձեռնարկվող քայլերին։ Դեսպան Թիան Էրլունը ներկայացրել է Չինաստանում իրականացվող հակահամաճարակային միջոցառումները, ինչպես նաև խոսել այլ երկրներին ցուցաբերվող աջակցության, այդ թվում՝ չին բժիշկների մասնագիտական օգնության մասին: Կարևորելով համագործակցությունը միջազգային գործընկերների հետ՝ նախագահ Սարգսյանն ասել է, որ կորոնավիրուսի համաճարակի դեմ պայքարում տարբեր երկրների հետ փորձի և տեղեկատվության փոխանակումը հիվանդության դեմ պայքարի արդյունավետության բարձրացման տեսանկյունից շատ էական դեր կարող է խաղալ: Նախագահը նշել է, որ Հայաստանի համար չափազանց կարևոր է Չինաստանի օժանդակությունն ինչպես խորհրդատվության, այնպես էլ սարքավորումների և պարագաների տեսքով:
18:16 - 23 մարտի, 2020
ՀՀ ԱԳ նախարարի տեղակալը Չինաստանի դեսպանի հետ քննարկել է կորոնավիրուսի դեմ պայքարի շուրջ համագործակցությանը վերաբերող հարցեր

ՀՀ ԱԳ նախարարի տեղակալը Չինաստանի դեսպանի հետ քննարկել է կորոնավիրուսի դեմ պայքարի շուրջ համագործակցությանը վերաբերող հարցեր

Մարտի 23-ին ՀՀ ԱԳ նախարարի տեղակալ Ավետ Ադոնցը հեռախոսային տեսաքննարկում է (WeChat հավելվածի միջոցով) անցկացրել ՀՀ-ում ՉԺՀ դեսպան Թիեն Ըրլունի հետ, որի ընթացքում կողմերն անդրադարձել են Հայաստանում և Չինաստանում նոր տիպի կորոնավիրուսի հետ կապված իրավիճակին, տեղեկատվություն են փոխանակել այս ուղղությամբ երկու երկրների կառավարությունների կողմից ձեռնարկվող քայլերի շուրջ: Երկուստեք գոհունակություն է արտահայտվել նոր տիպի կորոնովիրուսի դեմ պայքարի ուղղությամբ Հայաստանի և Չինաստանի միջև հաստատված սերտ համագործակցության կապակցությամբ: Նախարարի տեղակալ Ադոնցը շնորհակալություն է հայտնել դեսպան Թիեն Ըրլունին ՀՀ-ում ՉԺՀ դեսպանության օգնությամբ ՀՀ առողջապահության նախարարությանն անհատույց տրամադրված 1008 հատ նոր տիպի կորոնովիրուսի թեստերի համար, որոնք օրերս հասել են Հայաստան: Կողմերը մտքեր են փոխանակել ՀՀ և ՉԺՀ միջև մուտքի արտոնագրի պահանջը ժամանակավոր չեղարկող համաձայնագրի գործողության դադարեցման ներկայիս ժամկետը (ս.թ. մարտի 31) երկարաձգելու կապակցությամբ և պայմանավորվել սերտ կապ պահպանել տվյալ հարցի կապակցությամբ՝ համակարգելով երկու կողմից ձեռնարկվող քայլերը: ԱԳ նախարարի տեղակալը բարձր է գնահատել այն փաստը, որ չինական կողմը շարունակաբար կիսվում է նոր տիպի կորոնավիրուսի դեմ պայքարի և կանխարգելման միջոցառումների իր լավագույն փորձով: Նա կարևորել է Չինաստանի կողմից համավարակի դեմ պայքարի վերաբերյալ գիտելիքի առցանց տեղեկատվական հարթակի ստեղծումը (Knowledge Center for China’s Experiences in Response to COVID-19), ինչպես նաև ՉԺՀ Ճըծյանգ նահանգի առաջին բժշկական համալսարանական հիվանդանոցի կողմից նոր տիպի կորոնավիրուսի կանխարգելման և բուժման մասին ձեռնարկի կազմումը, որի վերաբերյալ տեղեկատվությունը վերջին շրջանում փոխանցվել է ՀՀ առողջապահության նախարարությանը: Կողմերը քննարկել են նաև բժշկական հատուկ արտահագուստի, դիմակների և թոքերի արհեստական օդափոխության սարքերի մատակարարումների հետ կապված հարցեր: ՀՀ ԱԳ նախարարի տեղակալը խնդրել է չինական կողմին շարունակել այս ուղղությամբ տրամադրվող աջակցությունը: Դեսպան Թիենը նշել է, որ Չինաստանը պատրաստ է Հայաստանին հավելյալ աջակցություն ցուցաբերել՝ անհատույց տրամադրելով բժշկական հատուկ արտահագուստ և թոքերի արհեստական օդափոխության սարքեր 110.000 ԱՄՆ դոլարի չափով:  Դեսպան Թիենն ընդգծել է չինական կողմի պատրաստակամությունը շարունակելու սերտ համագործակցությունը հայկական կողմի հետ նոր տիպի կորոնովիրուսի դեմ պայքարի հետ կապված տարաբնույթ խնդիրների լուծման ուղղությամբ՝ ընդգծելով համավարակի դեմ հաղթանակ տանելու հարցում միջազգային մակարդակում միասնականության և համերաշխության դրսևորումը։
15:22 - 23 մարտի, 2020
Նորություններ կորոնավիրուսի մասին, աշխարհ, 20.03.20 (թարմացվող)

Նորություններ կորոնավիրուսի մասին, աշխարհ, 20.03.20 (թարմացվող)

18:15- Վրաստանը կորոնավիրուսի տարածման սպառնալիքի պատճառով մարտի 21-ից դադարեցնում է ավիահաղորդակցությունը բոլոր ուղղություններով։ Այդ մասին հայտարարել է  Վրաստանի կառավարության մամուլի քարտուղար Իրակլի Չիկովանին։18:10- Աշխարհում նոր տիպի կորոնավիրուսով՝COVID-2019-ով վարակվածների թիվն անցել է 253 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցնում է 10 հազար 400-ը: Մարտի 20-ին նկատելիորեն աճ է նկատվում ապաքինվածների թվում՝ անցնելով 89 հազարը. մարտի 19-ի առավոտյան այդ թիվը 85 հազար էր: Վարակվածների մեծ թվով երրորդ տեղում է հայտնվել է Իսպանիան՝ անցնելով Իրանին, այստեղ կորոնավիրուսի հաստատված 19 հազար 980 դեպք կա, մահացել է հազարից ավելի մարդ: Վարակվածների թվով հաջորդ տեղում Իրանն է, որտեղ արձանագրվել է վարակվածության 19 հազար 644 դեպք: Մահերի թիվը 1433 է:16։28- Վրաստանի կառավարության որոշմամբ՝ սահմանային անցակետերում կստեղծվեն լրացուցիչ կարանտինային տարածքներ: Ցամաքային սահմանով Վրաստան մուտք գործող այդ երկրների քաղաքացիները ստիպված կլինեն անցնել կարանտին սահմանային անցակետերում կառուցված լրացուցիչ կարանտինային տարածքներով։Կարանտինային տարածքներ կկառուցվեն Լարսի, Կարմիր կամրջի և Սարփիի սահմանային անցակետերում: [Վրաստանի վարչապետի մամուլի խոսնակ Իրակլի Չիկովանի] |shantnews.am|   15։32- Անգլիայում ու Ուելսում իշխանությունները 65 հազարից ավելի նամակ են ուղարկել թոշակի անցած բժիշկներին ու բուժքույրերին՝ խնդրելով վերադառնալ աշխատանքի ու միանալ կորոնավիրուսի դեմ պայքարին։ Շոտլանդիայում ևս կառավարությունը աշխատանքի վերադառնալու կոչով դիմել է վերջին երեք տարվա ընթացքում թոշակի անցած բոլոր բուժաշխատողներին։ |BBC|   15։09- Հետևելով Ford Otosan և Toyota ընկերությունների օրինակին՝ Honda-ն այսօր Թուրքիային հայտնել է իր գործարանի աշխատանքների կասեցման մասին։ Որոշումը պայմանավորված է կորոնավիրուսի բռնկման պատճառով արտադրության համար անհրաժեշտ ապրանքների մատակարարման խափանումներով։   14։18- Ուզբեկստանն այսօրվանից  դադարեցնում  է միջազգային բոլոր ուղևորափոխադրումները: Ուղևորափոխադրումներն`ինչպես ավտոբուսներով, ավտոմեքենաներով, այնպես էլ երկաթուղիով, օդային տրանսպորտով միջազգային ուղղություններով դադարեցվում են 40 օրով: Այս սահմանափակումը չի վերաբերում բեռնափոխադրումներին, արտաքին առևտրային շրջանառությանը: |armenpress.am|   14։12- Վրաստանում մարտի 21-ից կիրականացվեն միայն այն չվերթները, որոնք գործարկում են «Վրացական ավիաուղիներ» ընկերությունը և համաձայնեցված են Վրաստանի կառավարության հետ։[Վրաստանի վարչապետի խորհրդական Իրակլի Չիքովանի]|aliq.ge|   12։55-Աշխարհում կորոնավիրուսից ապաքինվել է ավելի քան 88 հազար մարդ: Վիրուսից վարակվածների թվով շարունակում է առաջին տեղում մնալ Չինաստանը, որտեղից էլ սկսել է բռնկումը։ Այստեղ վարակվածների թիվը 80 հազար 967 է, թեպետ, նոր դեպքերի նվազում է նկատվում: Վարակվածների թվով երկրորդ տեղում Իտալիան է, այնտեղ կորոնավիրուսով վարակվել է 41 հազար 35 մարդ։ |armenpress.am| 12։49- Google որոնողական համակարգն այսօր տեղադրել է տարբերանշան` ի պատիվ հունգարացի բժիշկ Իգնաց Զեմմելվեյսի, ով ասեպտիկայի մեթոդի համահիմնադիրներից մեկն է։ Ասեպտիկան մանրէներրի կանխարգելիչ ոչնչացումն է, սարքերի, գործիքների ստերիլիզացումը։ Տարբերանշանի նպատակն է ցույց տալ, թե որքան կարևոր է ձեռքերը լվանալ։ Կից ներկայացվում է նաև տեսահոլովակ, որտեղ նկարագրվում է, թե ինչպես է պետք ճիշտ լվանալ ձեռքերը։   12։41- Սլովակիայում կորոնավիրուսով վարակման ևս 19 նոր դեպք է արձանագրվել:Այս մասին հայտնում է Սլովակիայի առողջապահության նախարարության պաշտոնական կայքը:Նախարարությունը հայտնում է, որ երկրում կորոնավիրուսի հաստատված դեպքերի թիվը 124 է: Այդ երկրում կորոնավիրուսի հետևանքով մահացության դեպք չի արձանագրվել: |armenpress.am|   12։20- Կանադայում մարտի 19-ի ժամը 18:30-ի (տեղական ժամանակով) դրությամբ կորոնավիրուսի հաստատված դեպքերի թիվը 846 է: Այս մասին նշված է Կանադայի կառավարության պաշտոնական կայքում:Կանադայում ամենաշատ դեպքերն արձանագրվել են Բրիտանական Կոլումբիա նահանգում 271, այնուհետև Օնտարիոյում՝ 258, Ալբերտայում` 146 և այլն: |armenpress.am|   12։18- Միացյալ Թագավորությունում կորոնավիրուսի հաստատված դեպքերի թիվը հասել է 3 269-ի:Աս մասին հայտնում է ՄԹ առողջապահության նախարարության կայքը:Միացյալ Թագավորությունում իրականացվել է կորոնավիրուսի 64 621 թեստավորում, 61352-ն ունեցել է բացասական պատասխան:Կորոնավիրուսից մահացությունների թիվը 144 է: |armenpress.am|   11։45- Հնդկաստանում կորոնավիրուս է հայտնաբերվել ևս 22 հոգու մոտ, այսպիսով վարակվածների ընդհանուր թիվը հասել է 219-ի:Այս մասին հայտնում է այդ երկրի Առողջապահության նախարարության պաշտոնական կայքը:Ըստ գերատեսչության տվյալների՝ կորոնավիրուսով վարակված Հնդկաստանի քաղաքացիների թիվը այս պահին 163 է, երկրում գտնվող վարակված օտարերկրացիներինը՝ 32, վարակից բուժվածները 20 հոգի են, իսկ վիրուսի հետևանքով մահացել է 4 անձ: |armenpress.am|   11։44- Իտալիայում կորոնավիրուսով վարակվածների թիվը հասել է 41 035-ի: Այս մասին հայտնում է Իտալիայի առողջապահության նախարարության պաշտոնական կայքը:Նախարարությունը նշում է, որ վիրուսից երկրում ապաքինվել է 4 440 հոգի: Այս պահի դրությամբ 14 935 մարդ գտնվում է տնային մեկուսացման մեջ:   11։23- Թուրքիայի Ստամբուլ քաղաքում ալկոհոլային թունավորման զանգվածային դեպք է գրանցվել։ Վերջին մեկ շաբաթվա ընթացքում Ստամբուլում բնակվող Թուրքմենստանի բազմաթիվ քաղաքացիներ տեղափոխվել են հիվանդանոց։Պատճառն այն է, որ կորոնավիրուսից պաշտպանվելու համար նրանք էթիլային անխառն սպիրտ են խմել ու նաև քսել այն ամբողջ մարմնին։60-ից ավել թունավորվածներից 20-ը մահացել են, 34-ի վիճակը ծանր է և գտնվում են վերակենդանացման բաժանմունքում։|ermenihaber.am| 11։15- Սերբիայի նախագահ Ալեքսանդր Վուչիչը հայտարարել է, որ կորոնավիրուսի հետագա տարածման կանխման նպատակով փակում է երկրի բոլոր սահմանները։   11։05- Եվրոպական խորհրդի նախագահ Շարլ Միշելը թվիթերյան գրառում է արել՝ հայտնելով, որ ԵՄ առաջնորդները մարտի 26-ին կանցկացնեն 3-րդ տեսահանդիպումը՝ քննարկելու կորոնավիրուսի դեմ ձեռնարկվող հետագա գործողությունները։   11։03- Վրաստանում կորոնավիրուսով վարակվածների թիվը 3-ով ավելացել է: Այժմ կորոնավիրուսով վարակված 43 անձ կա, որոնցից մեկը առողջացել է:Ներկայումս 1575 մարդ գտնվում է կարանտինում, իսկ 275-ը մնում է ստացիոնար հսկողության տակ:|aliq.ge|   10։48- Հինգշաբթի օրը Սպիտակ տունը հայտարարել է, որ կորոնավիրուսի համաճարակի պատճառով ԱՄՆ նախագահ Դոնալդ Թրամփը չեղարկել է հունիսին Քեմթ Դևիդում կայանալիք Մեծ յոթնյակի հանդիպումը, դրա փոխարեն երկրների ղեկավարները կանցկացնեն տեսակոնֆերանս։   10։44- Ղազախստանում արձանագրվել է կորոնավիրուսով վարակման ևս 5 նոր դեպք: Այս մասին նշված է այդ երկրի Առողջապահության նախարարության պաշտոնական կայքում:Ղազախստանում կորոնավիրուսի հաստատված դեպքերի թիվը 49 է, որից 22-ն արձանագրվել է Ալմաթի, 25-ը՝ Նուր-Սուլթան, իսկ 2-ը՝ Կարագանդա քաղաքներում:   10։38- Վրաստանի խորհրդարանն այսօրվանից անցնում է լրատվամիջոցների հետ հեռահար կապի: Խորհրդարանի անդամների հետ զրուցելու ցանկության դեպքում լրատվամիջոցները ստիպված կլինեն հարցն ուղարկել խորհրդարանի էլեկտրոնային հասցեին:Բոլոր նիստերը, մամլո ասուլիսները կհեռարձակվեն առցանց` parliament.ge կայքի միջոցով:«Երկրում իրավիճակի հարթվելուց անմիջապես հետո, լրատվամիջոցների հետ աշխատանքը կվերականգնվի»,- նշված է խորհդարանի պաշտոնական էջում:|aliq.ge|   09։36-Իսրայելի վարչապետ Բենյամին Նեթանյահուն մարտի 19-ին երկրում արտակարգ դրություն մտցնելու մասին է հայտարարել, որի խախտումը կարող է հանգեցնել տուգանքների։  7 օրվա ընթացքում Իսրայելի բնակիչները կարող են լքել իրենց տները միայն «ծայրահեղ անհրաժեշտության դեպքում», այն է՝ այցելություններ խանութներ, դեղատներ կամ բուժհաստատություններ, աշխատանքի կարող են գնալ այն անձինք, որոնք չեն կարող աշխատել տնից։ Արգելվում է այցելել այգիներ, լողավազաններ, ծովափ, թանգարաններ, սահմանափակվում են հանրային շփումները։   09։10- ԱՄՆ Պետդեպարտամենտը մարտի 19-ին ԱՄՆ քաղաքացիներին զգուշացրել է կորոնավիրուսի պանդեմիայի պայմաններում չիրականացնել ճանապարհորդություններ երկրի սահմաններից դուրս ՝ հայտարարելով ճանապարհորդությունների զգուշացման ամենաբարձր՝ 4-րդ մակարդակը։ Փոխանցում է CNN-ը։  Պետդեպարտամնետը կոչ է անում դրսում գտնվող ԱՄՆ քաղաքացիներին անմիջապես կազմակերպել իրենց վերադարձը երկիր, հակառակ դեպքում պետք է պատրաստ լինեն «անորոշ ժամանակով» մնալ դրսում։   08։56- Ըստ Ռոսպոտրեբնադզորի՝ մարտի 19-ի տվյալների՝ Ռուսաստանի Դաշնության տարածքում իրականացվել է կորոնավիրուսի բացահայտման ավելի քան 133 000 թեստ,գրանցվել է 199 դեպք,առողջացել է 5 հոգի։   08։54- Վարակների կառավարման և կանխարգելման կենտրոնի տվյալները՝ մարտի 19-ի դրությամբ ԱՄՆ տարածքում կորոնավիրուսի պաշտոնապես հաստատված ու գրանցված դեպքերի մասին։ Կենտրոնը գտնվում է ԱՄՆ Առողջապահության ու հանրային ծառայությունների կենտրոնի ենթակայության ներքո։ Գրանցված դեպքեր՝ 10 442,Մահացության դեպքեր՝ 150։   08։51- Եվրոպական Միության տարածքում մարտի 19-ի դրությամբ պաշտոնապես վարակված ու մահացած մարդկանց քանակը․ (յուրաքանչյուր երկրի դիմաց ներկայացված են համապատասխանաբար վարակվածության և մահվան դեպքերի քանակները)։     Իտալիա  35713  2978Իսպանիա  13716  598Ֆրանսիա  9134  244Գերմանիա  8198  13Միացյալ Թագավորություն  2630  103Նիդեռլանդներ  2051  58Ավստրիա  1646  4Բելգիա  1486  14Նորվեգիա  1423  3Շվեդիա  1301  10Դանիա  1115  4Պորտուգալիա  642  2Չեխիայի հանրապետություն  522  0Հունաստան  418  5Ֆինլանդիա  369  0Իռլանդիա  366  2Լեհաստան  287  5Սլովենիա  286  1Ռումինիա  260  0Էստոնիա  258  0Իսլանդիա  250  0Լյուքսեմբուրգ  210  2Սլովակիա  107  0Բուլղարիա  92  2Խորվաթիա  81  0Հունգարիա  73  1Լատվիա  71  0Կիպրոս  58  0Մալթա  48  0Լիտվա  33  0Լիխտենշտեյն  25  0Ընդամենը  82869  4049 08։50- Մարտի 19-ի դրությամբ գրանցված դեպքերի վիճակագրությունն՝ ըստ Վարակների կանխարգելման ու կառավարման Եվրոպական կենտրոնի տվյալների․Գրացված վարակների դեպքեր՝ 213 254Մահացության դեպքեր՝ 8 843   08։49- 2020թ. մայիսի 12-23 կայանալիք ամենամյա Կանի կինոփառատոնը հետաձգվել է կորոնավիրուսի վարակի բռնկման պատճառով։ Այս մասին ասվում երեկ հրապարակված հայտարարության մեջ.«Մի քանի տաբերակ է քննարկվում, որպեսզի այն կայանա, ու ամենադյուրինը հետաձգելն է մինչև 2020թ․ հունիսի վերջ – հուլիսի սկիզբ։Երբ Ֆրանսիայում ու ամբողջ աշխարհում առողջապահական իրավիճակը մեզ թույլ կտա տալ ընդհանուր պատկերի իրատեսական գնահատական, մենք կտեղեկացնենք մեր որոշոման մասին»։
22:17 - 20 մարտի, 2020
Կորոնավիրուսից ապաքինվել է ավելի քան 88 հազար մարդ |armenpress.am|

Կորոնավիրուսից ապաքինվել է ավելի քան 88 հազար մարդ |armenpress.am|

armenpress.am: Աշխարհում նոր տիպի կորոնավիրուսով՝COVID-2019-ով վարակվածների թիվն անցել է 246 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցնում է 10 հազարը: Մարտի 20-ին նկատելիորեն աճ է նկատվում ապաքինվածների թվում՝ անցնելով 88 հազարը. մարտի 19-ի առավոտյան այդ թիվը 85 հազար էր: Վիճակագրություն Վիրուսից վարակվածների թվով շարունակում է առաջին տեղում մնալ Չինաստանը, որտեղից էլ սկսել է բռնկումը։ Այստեղ վարակվածների թիվը 80 հազար 967 է, թեպետ, նոր դեպքերի նվազում է նկատվում: Վարակվածների մեծ թվով երկրորդ տեղում Իտալիան է, այնտեղ կորոնավիրուսով վարակվել է 41 հազար 35 մարդ։ Իտալիան եվրոպական այն երկիրն է, որտեղ բարձր է վիրուսից մահացության ցուցանիշը՝ կազմելով 3 հազար 405: Վարակվածների մեծ թվով երրորդ տեղում է Իրանը. կորոնավիրուսի հաստատված 18 հազար 407 դեպք կա, մահացածները 1284-ն են: Կորոնավիրուսի վարակվածության մեծ թիվ է գրանցվել նաև Իսպանիայում՝18 հազար 077, Գերմանիայում՝ 15 հազար 320, ԱՄՆ- ում՝ 14 հազար 366, Ֆրանսիայում՝ 10 հազար 995, Հարավային Կորեայում՝ 8 հազար 652, Շվեյցարիայում՝ 4 հազար 222, Մեծ Բրիտանիայում՝ 3 հազար 269: Վարակի տարածման երկրների ու տարաքների թիվն ավելանում է: Առողջապահության համաշխարհային կազմակերպությունն այսօր խոսում է 180-ից ավելի երկների ու տարածքների մասին: Կորոնավիրուսի վարկման դեպքեր հաստատվել են Նիգերիայում, Սոմալիում, Չադում, Գամբիայում և այլն: Հայաստանում մարտի 20-ի դրությամբ արձանագրվել է կորոնավիրուսով վարակվելու  14 նոր  դեպք: ՀՀ առողջապահության նախարարության հիվանդությունների վերահսկման և կանխարգելման ազգային կենտրոնը տեղեկացնում է, որ Հայաստանում մարտի 20-ի՝ ժամը 10:00-ի դրությամբ կորոնավիրուսի հաստատված դեպքերի ընդհանուր քանակը 136 է, ապաքինվածների թիվը՝ 1: Ղազախստանում ևս վարակվածության նոր դեպքեր են գրանցվել Ղազախստանում արձանագրվել է կորոնավիրուսով վարակման ևս 5 նոր դեպք: Այս մասին տեղեկացնում է երկրի Առողջապահության նախարարության պաշտոնական կայքը: Ղազախստանում կորոնավիրուսի հաստատված դեպքերի թիվը 49 է, որից 22-ն արձանագրվել է Ալմաթի, 25-ը՝ Նուր-Սուլթան, իսկ 2-ը՝ Կարագանդա քաղաքներում: Հնդկաստանում կորոնավիրուսով վարակված անձանցից 20-ն արդեն բուժվել է Հնդկաստանում կորոնավիրուս է հայտնաբերվել ևս 22 հոգու մոտ, այսպիսով վարակվածների ընդհանուր թիվը հասել է 219-ի: Այդ երկրի Առողջապահության նախարարության պաշտոնական կայքը տեղեկացնում է, որ կորոնավիրուսով վարակված Հնդկաստանի քաղաքացիների թիվն այս պահին 163 է, երկրում գտնվող վարակված օտարերկրացիներինը՝ 32, վարակից բուժվածները 20 հոգի են, իսկ վիրուսի հետևանքով մահացել է 4 անձ: Միացյալ Թագավորություն Միացյալ Թագավորությունում կորոնավիրուսի հաստատված դեպքերի թիվը հասել է 3 269-ի:  Իրականացվել է կորոնավիրուսի 64 621 թեստավորում, 61352-ն ունեցել է բացասական պատասխան: Կորոնավիրուսից մահացածների թիվը 144 է: Կանադա Կանադայում մարտի 19-ի ժամը 18:30-ի (տեղական ժամանակով) դրությամբ կորոնավիրուսի հաստատված դեպքերի թիվը 846 է: Ամենաշատ դեպքերն արձանագրվել են Բրիտանական Կոլումբիա նահանգում` 271, այնուհետև Օնտարիոյում` 258, Ալբերտայում` 146 և այլն: G7-ի առաջնորդների հանդիպումը ԱՄՆ-ում չի կայանա. պատճառը կորոնավիրուսն է ԱՄՆ նախագահ Դոնալդ Թրամփը կչեղարկի հունիսին նախատեսված Մեծ յոթնյակի՝ G7-ի առաջնորդների հանդիպումը ԱՄՆ-ում: Պատճառը կորոնավիրուսի տարածմամբ պայմանավորված առկա իրավիճակն է: Այս մասին տեղեկացնում է Սպիտակ տան ներկայացուցիչ Ջադ Դիրը: «Նման որոշման նպատակն այն է, որ յուրաքանչյուր երկիր կենտրոնանա իր ունեցած ողջ ռեսուրսի վրա՝ պատասխան տալու կորոնավիրուսի տարածմամբ պայմանավորած առողջապահության ոլորտում առկա մարտահրավերներին»,-պարզաբանել է նա: Նշվում է, որ շփումը կլինի տեսակապի միջոցով, ընդ որում, ոչ միայն հունիսին, այլև ապրիլին և մայիսին:
12:56 - 20 մարտի, 2020
Սփյուռքից կազմակերպել ենք կանխարգելիչ ու ախտահանիչ շուրջ մեկ տոննա ապրանքատեսակների ներմուծումը Հայաստան․ Զարեհ Սինանյան

Սփյուռքից կազմակերպել ենք կանխարգելիչ ու ախտահանիչ շուրջ մեկ տոննա ապրանքատեսակների ներմուծումը Հայաստան․ Զարեհ Սինանյան

Սփյուռքի գործերի գլխավոր հանձնակատար Զարեհ Սինանյանի կարծիքով՝ կասկածից վեր է, որ այս կորոնավիրուսն ունենալու է ավելի ընդգրկուն բնույթ, եւ բոլոր այն երկրները, որտեղ բնակվում են մեր հայրենակիցները, զերծ չեն մնա այս համաճարակի հետեւանքներից։ Այս մասին նա ասաց կառավարությունում հրավիրված ասուլիսի ժամանակ՝ հայտնելով, որ իրենց գրասենյակն ամենօրյա կապի մեջ է համայնքների հետ, առանձին անձնաց, կազմակերպությունների, դիվանագիտական աշխատակազմի հետ, որպեսզի համապարփակ տեղեկություն ունենանք իրավիճակի մասին։ Խոսելով տարբեր երկրներում հայ համայնքների մասին՝ Սինանյանը նկատեց՝ կորոնավիրուսի էպիկենտրոն Իտալիայում եւ Չինաստում մեր համայնքը շատ մեծ չէ, Իրանում մեր հայրենակիցները, ինչպես Իրանի ողջ բնակչությունը, ապրում են արտակարգ իրավիճակում։ Այնտեղ մինչ այս պահը գրանցվել է տարեց տիկնոջ մահ, որն ուներ առողջական խնդիրներ, եւ, ցավոք, ընկրկեց հիվանդությանը։ Հոլանդիայում իրավիճակը բավարար է, Իտալիայում վարակվածների մասին մանրամասն տեղեկություն չունեն, բացի հայտնի փաստը, որ կիրակի օրը Իտլիայից չարթերային թռիչքով ՀՀ քաղաքացիներն ու այստեղ կեցության իրավունք ունեցող անձինք տեղափոխվեցին Հայաստան։ Եվրոպայի մյուս երկրներում էլ հայ վարակվածների մասին տեղեկություն չունեն, սակայն մշտական կապը պահում են։ Ի դեպ՝ հանձնակատարը հայտնեց, որ վերջին երկու շաբաթների ընթացքում առողջապահության նախարարի խնդրանքով Սփյուռքից կազմակերպել են մեկ տոննա ապրանքատեսակների՝ կանխարգելիչ, պահպանիչ ու ախտահանիչ բժշկական պարագաների ներմուծումը Հայաստան, որոնք շաբաթվա սկզբին արդեն ստացել են։ Նա նշեց, որ այս գործընթացը շարունակական է լինելու։ Սփյուռքի գործերի գրասենյակը չի տվել մի քանի ծրագրերի մեկնարկ։ Մասնավորապես, «Քայլ՝ դեպի տուն» ծրագիրը, որը պետք է մեկնարկեր հունիսի 1-ից, շատ զգայուն հարցի հետ է կապված՝ 800 երեխաների Հայաստանում գտնվելու հետ, դրա համար այս պահին չեն սկսել ծրագիրը, քանի որ ուզում են ավելի հստակ հասկանալ՝ ինչ է կատարվելու աշխարհում․ «Հայտերը դեռ ընդունում ենք, բայց շարժվելու ենք ըստ իրավիճակի։ «Երիտասարդ առաջնորդների դպրոց» ծրագիրը եւս չենք մեկնարկել, հայտարարություն էլ չենք արել, որովհետեւ դարձյալ անկանխատեսելի իրավիճակը դժվարացնում է որոշում կայացնելը։ Այս պահին կասեցրել ենք նաեւ սեպտեմբերին նախատեսվելիք Համահայկական համաշխարհային վեհաժողովը»։
16:47 - 19 մարտի, 2020
Գրիպի դեմ ճապոնական  դեղամիջոցը որոշակիորեն  արդյունավետ  է նաև կորոնավիրուսի նախնական փուլի ժամանակ․ Չինաստանի առողջապահության ոլորտի պաշտոնյաներ

Գրիպի դեմ ճապոնական դեղամիջոցը որոշակիորեն արդյունավետ է նաև կորոնավիրուսի նախնական փուլի ժամանակ․ Չինաստանի առողջապահության ոլորտի պաշտոնյաներ

Չորեքշաբթի օրը ճապոնական լրատվամիջոցներում հոդված էր հրապարակվել, ըստ որի` Չինաստանի առողջապահության ոլորտի պաշտոնյաները հայտարարել են, որ  Ճապոնիայում գրիպի նոր շտամի բուժման համար օգտագործվող նոր դեղամիջոցը արդյունավետ է նաև կորոնավիրուսով հիվանդ պացիենտների բուժման համար։ Չինաստանի Գիտության ու տեխնոլոգիայի նախարարության ներկայացուցիչ Ժանգ Քսիմիմը հայտնել է, որ ֆավիպիրավիր դեղամիջոցի օգտագործումը, որը ստեղծվել է Ֆուջիֆիլմի դուստր կազմակերպության կողմից, արձանագրել է տվել ոգևորիչ արդյունք Ուհանում ու Շենժենում անցկացված փորձերի ժամանակ։ Փորձերի իրականացմանը մասնակցել է 340 հիվանդ։   «Այն շատ անվտանգ է ու արդյունավետ բուժման ընթացքում», - երեքշաբթի օրը լրագրողների հետ զրույցում ասել է Ժանգը։  Շենժենում բուժում անցնող հիվանդների մոտ միջինը 4 օր հետո թեստերը բացասական էին, եթե համեմատենք այն անձանց հետ, որոնք չեն անցել բուժումն այդ դեղամիջոցավ, ապա վերջիններիս մոտ պատասխանը բացասական էր միջինը 11 օր հետո, նշում է NHK ճապոնական հեռարձակողը։  Ի հավելումն, ֆավիպիրավիրով բուժումն անացած հիվանդների 91%-ի մոտ ռենտգենային ուսումնասիրությունները ցույց են տալիս թոքերի պատկերի բարելավում, մինչդեռ բուժումը չանցած հիվանդների մոտ այդ ցուցանիշը կազմում է 62%: "Fujifilm Toyama Chemical" կազմակերպությունը, որը 2014թ․ մշակել էր նաև «Ավիգան» անունով դեղամիջոցը, հրաժարվել է մեկնաբանություններից։ Ճապոնացի բժիշկները փորձնական կարգով օգտագործում են դեղորայքը կորոնավիրուսի թեթև ու միջին ախտանիշներ ունեցող հիվանդների բուժման համար, թեև Առողջապահության նախարարության պաշտոնյաները նշում են, որ ավիգանն արդյունավետ չէ ծանր վիճակում գտնվող հիվանդների համար։  Նույն տրամաբանությունն էր կիրառվում նաև, երբ կորոնավիրուսով ախտահարված հիվանդներին փորձում էին բուժել ՁԻԱՀ-ի ժամանակ կիրառվող լոպինավիր և ռիտոնավիր հակավիրուսային դեղամիջոցները, ավելացնում է աղբյուրը։  2016թ․՝ Գվինեա էբոլայի վարակի բռնկման ժամանակ, Ճապոնիայի կառավարությունը մատակարարել է ֆավիրապիր դեղամիջոցը։ Որպեսզի սկսի կորոնավիրուսով ախտահարված հիվանդների զանգվածային բուժումը ֆավիպիրավիրով, անհրաժեշտ է ստանալ կառավարություն թույլտվությունը, քանի որ այն ի սկզբանե նախատեսված է եղել գրիպի բուժման համար։  Առողջապահության ոլորտի ներկայացուցիչներն ասում են, որ թույլտվությունը հնարավոր է ստանալ մայիսին, սակայն եթե կլինիկական փորձերի արդյունքները գան ավելի ուշ, թույլտվությունը ևս այս դեպքում կհետաձգվի։ Աղբյուրը՝ theguardian.com Լիլիթ Հարությունյան
13:58 - 19 մարտի, 2020