Գերմանիա

Գերմանիան (պաշտոնապես՝ Գերմանիայի Դաշնային Հանրապետություն) պետություն է Արեւմտյան Եվրոպայում։ Հյուսիսում սահմանակցում է Դանիային, արեւելքում՝ Չեխիային եւ Լեհաստանին, հարավում՝ Ավստրիային եւ Շվեյցարիային, հարավում՝ Ֆրանսիային, իսկ Լյուքսեմբուրգին, Բելգիային եւ Նիդերլանդներին՝ արեւմուտքում։ Մայրաքաղաքն է Բեռլինը։

ԳԴՀ-ն բաժանված է 16 վարչատարածքային միավորների՝ երկրամասերի, եւ ընդգրկում է շուրջ 357 386 քկմ տարածք։ Ունենալով շուրջ 83 միլիոն բնակչություն՝ համարվում է ՌԴ-ից հետո Եվրոպայի խոշորագույն պետությունը, ինչպես նաեւ ԵՄ ամենախիտ բնակեցված պետությունը։ Ամենաբնակեցված, արդյունաբերական խոշոր երկրամասը Ռուրն է, որի գլխավոր քաղաքներն են Դորտմունդն ու Էսսենը։ Գերմանիայի մյուս նշանավոր քաղաքներն են Մայնի Ֆրանկֆուրտը, Համբուրգը, Մյունխենը, Քյոլնը, Շտուտգարտը, Դյուսելդորֆը, Լայպցիգը, Դրեզդենը, Բրեմենը, Հաննովերը, Գելզենկիրխենը եւ Նյուրնբերգը։

Մերօրյա Գերմանիան դաշնային խորհրդարանական հանրապետություն (բունդեսհանրապետություն) է, որը կառավարվում է վարչապետի՝ կանցլերի կողմից։ Այժմ կանցլերն է Անգելա Մերկելը։

ԳԴՀ-ն 1957-ից ի վեր հանդիսանում է Եվրոպական տնտեսական համագործակցության, իսկ 1993-ից՝ Եվրոպական միության համահիմնադիր անդամ, 1999-ից՝ Շենգենյան գոտի։ Անդամակցում է նաեւ ՄԱԿ-ին, Հյուսիսատլանտյան դաշինքին (ՆԱՏՕ), «Մեծ յոթնյակին», Տնտեսական համագործակցության եւ զարգացման կազմակերպությանը եւ այլն։

Մերցը պարզաբանում է հեռահար զենքի կիրառման թույլտվության վերաբերյալ իր հայտարարությունը |azatutyun.am|

azatutyun.am: Այն երկրները, որոնք նախկինում սահմանափակումներ էին սահմանել Ուկրաինային մատակարարվող հեռահար զենքի կիրառման հարցով, չեղարկել են արգելքը մի քանի ամիս առաջ։ Այսօր Տուրկուում Ֆինլանդիայի վարչապետ Պետերի Օրպոյի հետ համատեղ մամուլի ասուլիսի ժամանակ ասել է Գերմանիայի կանցլեր Ֆրիդրիխ Մերցը՝ պարզաբանելով նախօրեին իր արած հայտարարությունը, թե Գերմանիան, հետևելով Մեծ Բրիտանիային և Ֆրանսիային, վերացրել է Ուկրաինային մատակարարվող զենքի կիրառման սահմանափակումները։ «Որքանով ինձ է հայտնի, և ինչպես երեկ նշեցի, երկրները, որոնք սահմանափակումներ էին սահմանել հարվածների հեռահարության հարցում, վաղուց չեղարկել են պահանջները։ Այնպես որ, երեկ Բեռլինում ես նկարագրել եմ այն, ինչ կատարվում է մի քանի ամիս, այսինքն՝ որ Ուկրաինան իրավունք ունի մատակարարվող զենքը կիրառել սեփական սահմաններից դուրս՝ Ռուսաստանի տարածքներում գտնվող ռազմական օբյեկտների դեմ», - ընդգծել է Գերմանիայի կանցլերը։ Երեկ Կրեմլի խոսնակ Դմիտրի Պեսկովը հայտարարել է՝ եթե եվրոպական պետություններն իրոք որոշել են վերացնել Ուկրաինային մատակարարվող սպառազինության հեռահարության սահմանափակումները, ապա դա շատ վտանգավոր որոշում է:

17:17 - 27 մայիսի, 2025

Համբուրգում տեղի ունեցած հարձակման տուժածների թիվը հասել է 18-ի |azatutyun.am|

azatutyun.am: Ուրբաթ երեկոյան Համբուրգի կայարանում տեղի ունեցած հարձակման տուժածների թիվը հասել է 18-ի, հայտնում է գերմանական ոստիկանությունը՝ պնդելով, սակայն, որ զանգվածայաին դանակահարության դրդապատճառները քաղաքական չէին։ «Կայարանի տարածքում անցորդներին անկանոն դանակահարած 39-ամյա կինը հոգեկան առողջության հետ խնդիրներ ունի»,- նշել են գերմանական աղբյուրները։ AFP գործակալության փոխանցմամբ՝ վիրավորներից չորսի վիճակը շարունակում է ծայրահեղ ծանր մնալ, նրանցից երեքը կանայք են։

17:56 - 24 մայիսի, 2025

Համբուրգի կենտրոնական դանակով հարձակման հետևանքով կայարանում 12 մարդ վիրավորվել է

Գերմանիայի Համբուրգ քաղաքի գլխավոր երկաթուղային կայարանում տեղի ունեցած դանակով հարձակման հետևանքով 12 մարդ վնասվածքներ է ստացել, որոնցից 3-ի վիճակը գնահատվում է ծայրահեղ ծանր, ևս երեքինը՝ ծանր: Այս մասին հաղորդում է BBC լրատվական գործակալությունը։ Համբուրգի ոստիկանությունը հայտնել է, որ կասկածյալը 39-ամյա մի կին է, որը ձերբակալվել է։ Դեպքի վայրում ոստիկանության և շտապօգնության մեծաթիվ աշխատակիցներ են գտնվում, և իրականացվում է լայնածավալ օպերացիա։ Հարձակումը տեղի է ունեցել ուրբաթ օրը՝ տեղական ժամանակով ժամը 18:00-ին։ «Նախնական տվյալներով՝ մի մարդ դանակով վնասել է մի քանի հոգու Կենտրոնական կայարանում։ Կասկածյալը ձերբակալվել է», - գրել է Գերմանիայի ոստիկանությունը «X» սոցիալական ցանցում։ Ավելի ուշ ոստիկանությունը հայտնել է, որ կինը, ամենայն հավանականությամբ, գործել է միայնակ։ Համբուրգի Կենտրոնական կայարանը համարվում է Գերմանիայի ամենածանրաբեռնված տրանսպորտային հանգույցներից մեկը՝ օրական ընդունելով շուրջ 550,000 ուղևոր։

22:29 - 23 մայիսի, 2025

Սահմանադրական բարեփոխումների համատեքստում Արդարադատության նախարարության ներկայացուցիչները եղել են Գերմանիայում

ՀՀ պատվիրակությունն՝ Արդարադատության նախարարության համակարգմամբ, ճանաչողական այցով Գերմանիայի Դաշնային Հանրապետությունում մասնակցել է «Դիմակայուն սահմանադրական բարեփոխում» խորագրով միջոցառմանը: Մասնակցությունը հնարավորություն է ընձեռել իրականացնել փորձի փոխանակում ՀՀ-ում սահմանադրական բարեփոխումների համատեքստում ժողովրդավարական և իրավական պետության կառուցակարգերի, ինչպես նաև իրավունքի գերակայության ամրապնդման հարցերի շուրջ: Այս մասին տեղեկացնում են ՀՀ արդարադատության նախարարությունից: Այցի շրջանակներում կայացել են մի շարք հանդիպումներ և քննարկումներ Գերմանիայի Դաշնային Հանրապետության իրավասու պետական մարմինների, այդ թվում՝ Սահմանադրական դատարանի, Բունդեսթագի, արտաքին գործերի և արդարադատության նախարարությունների, ոլորտին առնչվող տարբեր կազմակերպությունների և հաստատությունների ներկայացուցիչների, ինչպես նաև ոլորտային փորձագետների և ակադեմիական բնագավառի ներկայացուցիչների հետ։ Հանդիպումների ընթացքում քննարկվել են իշխանությունների բաժանման սկզբունքը, Սահմանադրական դատարանի լիազորությունների շրջանակը, դատավորների ընտրության կարգը, Սահմանադրության և միջազգային պայմանագրերի կիրառության հարցերը, Սահմանադրությամբ նախատեսված փոփոխման ոչ ենթակա դրույթները, մարդու իրավունքների շրջանակը, ինչպես նաև սահմանադրական բարեփոխումներին հարակից մի շարք հարցեր, այդ թվում՝ ՀՀ-ԵՄ համագործակցությունը: Հանդիպումների արդյունքներով ձեռք են բերվել երկկողմ պայմանավորվածություններ և նախանշվել են համագործակցության հնարավոր ուղղությունները: Ճանաչողական այցն իրականացվել է ՀՀ-ում Գերմանիայի Դաշնային Հանրապետության դեսպանության աջակցությամբ: Պատվիրակության կազմում ընդգրկվել են նաև Ազգային ժողովի պատգամավոր, Բարձրագույն դատական խորհրդի, Միջազգային իրավական հարցերով ներկայացուցչի գրասենյակի, Մարդու իրավունքների պաշտպանի աշխատակազմի, ինչպես նաև Սահմանադրական բարեփոխումների խորհրդում ընդգրկված հասարարակական կազմակերպությունների ներկայացուցիչներ:

12:11 - 21 մայիսի, 2025

Գերմանացի նախկին պատգամավորը կոռուպցիոն դատավարության ժամանակ խոստովանել է, որ Բաքվից գումարներ է ստացել |factor.am|

factor.am: Գերմանիայում «Ադրբեջանի գործի» հետ կապված կոռուպցիոն դատավարության ժամանակ Բունդեսթագի Քրիստոնեա-սոցիալական միության նախկին պատգամավոր Էդուարդ Լինտները խոստովանել է, որ ադրբեջանական կանխիկ վճարումները փոխանցել է Քրիստոնեա-սոցիալական միության մահացած պատգամավորին, գրում է գերմանական Zeit-ը։ «Ես կարծում էի, որ սա մի տեսակ լոբբինգ է, որը գործնականում ամենուրեք է մինչ օրս»,- ասել է նա Մյունխենի Բարձրագույն շրջանային դատարանում։ Լինտները հաստատել է, որ Ադրբեջանը գումար է վճարել Բունդեսթագի այժմ մահացած Քրիստոնեա-դեմոկրատական միության անդամին, միաժամանակ, խոստովանել, որ այդ վճարումը կատարվել է իր ընկերության միջոցով։ «Այս հարցի շուրջ համաձայնություն անկասկած եղել է»,- ասել է նա՝ պատասխանելով dpa լրատվական գործակալության հարցին։ Նա, սակայն, չի կարողանում որևէ մանրամասն ներկայացնել՝ նշելով, որ դա արվել է այնպես, ինչպես ցանկացել է ադրբեջանական կողմը։ Մեղադրական եզրակացության համաձայն՝ Ադրբեջանը տարիներ շարունակ հաջողությամբ փորձել է ֆինանսական վճարումների միջոցով ազդել Եվրոպայի խորհրդի Խորհրդարանական վեհաժողովի (ԵԽԽՎ) որոշումների վրա իր օգտին, ինչին որոշ առումներով օգնել է Լինտները։ Վերջինը 33 տարի եղել է Բունդեսթագում, իսկ մինչև 2010 թվականը՝ ԵԽԽՎ անդամ։ Մյունխենի դատախազության տվյալներով՝ 80-ամյա տղամարդը, ենթադրաբար, մինչև 2016 թվականը երկու ընկերությունների միջոցով օտարերկրյա կեղծ ընկերությունների միջոցով ստացել է «մի քանի միլիոն» գումար։ Դա արվել է Ադրբեջանի օգտին որոշումների վրա ազդելու նպատակով, այն բանից հետո, երբ Լինտները դադարել է լինել Եվրոպայի խորհրդի անդամ։ Այսպիսով, նրա դեմ առաջադրված մեղադրանքները հիմնականում վերաբերում են ընտրված պաշտոնյաներին կաշառելուն։ Դատարանը նախատեսում է լսել եզրափակիչ ելույթները և վճիռ կայացնել հուլիսի վերջին։Շարունակությունը՝ սկզբնաղբյուր կայքում։

22:28 - 20 մայիսի, 2025

Բունդեսթագի նախկին պատգամավորը խոստովանել է, որ Ալիևի վարչակազմից կաշառք է վերցրել |azatutyun.am|

azatutyun.am: Գերմանիայի Բունդեսթագի նախկին պատգամավորը Մյունխենում տեղի ունեցած դատավարության ընթացքում խոստովանել է, որ Ալիևի վարչակազմից կաշառք է վերցրել։ Էդուարդ Լինտները մասնավորապես պատմել է, որ Ադրբեջանի կառավարությունն իրեն վճարել է, հավելելով, որ իր կարծիքով «նման լոբբինգը գործնականում ամենուրեք է»։ Մեղադրական եզրակացության համաձայն՝ Ադրբեջանը, ենթադրաբար, մի քանի տարի շարունակ մի խումբ քաղաքական գործիչների կանխիկ գումար է վճարել ԵԽԽՎ-ում իր օգտին գործունեություն ծավալելու դիմաց։ Ադրբեջանի կողմից կաշառված պատգամավորների թվում էր նաև Լինտները, ով 33 տարի եղել է Բունդեսթագի անդամ, իսկ մինչև 2010 թվականը՝ ԵԽԽՎ անդամ։ Մյունխենի դատախազությունը պնդում է, որ Լինտները մինչև 2016 թվականը օտարերկրյա կեղծ ընկերությունների միջոցով ստացել է «մի քանի միլիոն եվրո»։ 80-ամյա քաղաքական գործիչը մեղադրվում է օտար պետության կառավարությունից վճարումներ ստանալու և դրանք Քրիստոնեա-դեմոկրատական միության մեկ այլ պատգամավորի փոխանցելու մեջ․ վերջինս մահացել է։ DPA-ի հետ զրույցում ևս Լինտները խոստովանել է, որ ստացել է գումար, բայց պնդել է, որ դա կաշառք չէ։ Այս գործով դատավճիռը կհրապարակվի հուլիսի վերջին։Լինտներից բացի, ամբաստանյալի աթոռին է հայտնվել նաև ՔԴՄ նախկին պատգամավոր Ակսել Ֆիշերը։ Կաշառակերության մեջ մեղադրվող Ֆիշերը նույնպես հերքում է մեղադրանքները։

14:55 - 20 մայիսի, 2025

Սուրեն Պապիկյանը գերմանացի պաշտոնակցի հետ քննարկել է պաշտպանության ոլորտում համագործակցության ընթացքը և զարգացման հեռանկարները

Մայիսի 13-ին Բեռլինում հանդիպել եմ ԳԴՀ պաշտպանության դաշնային նախարար Բորիս Պիստորիուսի հետ: Այս մասին հայտում են ՀՀ ՊՆ-ից։ Հանդիպման ընթացքում քննարկվել պաշտպանության ոլորտում Հայաստան-ԳԴՀ համագործակցության ընթացքը և զարգացման հեռանկարները: Բարձր է գնահատվել գործակցության ներկա մակարդակը և այն ընդլայնելու պատրաստակամություն հայտնել: Անդրադարձ է կատարվել նաև տարածաշրջանային ու միջազգային անվտանգությանն առնչվող հարցերի:

09:08 - 14 մայիսի, 2025

Սուրեն Պապիկյանը Բեռլինում մասնակցել է ՄԱԿ-ի խաղաղապահության նախարարական հանդիպման բացման պաշտոնական արարողությանը

Մայիսի 13-ին ՀՀ պաշտպանության նախարար Սուրեն Պապիկյանը Բեռլինում մասնակցել է ՄԱԿ-ի խաղաղապահության նախարարական հանդիպման բացման պաշտոնական արարողությանը: Այս մասին հայտնում են ՀՀ ՊՆ-ից։ Հանդիպման ընթացքում մասնակից երկրների ներկայացուցիչները քննարկելու են ՄԱԿ-ի խաղաղապահության առկա մարտահրավերները և դրանց հաղթահարման նպատակով նախատեսվող խաղաղապահության գործընթացի բարեփոխման առաջնահերթությունները: Նախարարական հանդիպման մասնակիցները կներկայացնեն ՄԱԿ-ի շրջանակում միջազգային կայունության և անվտանգության ապահովմանն ուղղված իրենց հանձնառությունները:

15:04 - 13 մայիսի, 2025

Նիկոլ Փաշինյանը շնորհավորական ուղերձ է հղել Ֆրիդրիխ Մերցին

Վարչապետ Նիկոլ Փաշինյանը շնորհավորական ուղերձ է հղել Գերմանիայի Դաշնային Հանրապետության դաշնային կանցլեր Ֆրիդրիխ Մերցին՝ պաշտոնը ստանձնելու առիթով: Ուղերձում նշված է. «Ջերմորեն շնորհավորում եմ Ձեզ Գերմանիայի Դաշնային Հանրապետության դաշնային կանցլերի պաշտոնն ստանձնելու կապակցությամբ։ Գերմանիան Հայաստանի վստահելի գործընկերն է, որի հետ բազմոլորտ համագործակցության շարունակական զարգացմանը Հայաստանի Հանրապետության կառավարությունը մեծ կարևորություն է տալիս: Լիահույս եմ, որ Ձեր պաշտոնավարման տարիներին ևս մեր երկրների միջև ձևավորված բարեկամական հարաբերությունները կշարունակեն ընդլայնվել՝ հիմնված ընդհանուր արժեքների և փոխադարձ վստահության վրա: Բարձր ենք գնահատում Գերմանիայի աջակցությունը Հայաստանի ինքնիշխանությանն ու տարածքային ամբողջականությանը, Հայաստանում իրականացվող ժողովրդավարական բարեփոխումների գործընթացին, ինչպես նաև ՀՀ-ԵՄ գործընկերության հետագա խորացմանը: Վստահ եմ, որ արդյունավետ համագործակցության շնորհիվ մեզ կհաջողվի նաև էականորեն ակտիվացնել Հայաստանի և Գերմանիայի միջև տնտեսական կապերը։ Մաղթում եմ Ձեզ հաջողություններ Ձեր պատասխանատու առաքելությունում, իսկ Գերմանիայի բարեկամ ժողովրդին՝ խաղաղություն և բարեկեցություն»:

13:38 - 08 մայիսի, 2025

Ռուսաստանը շարունակում է մնալ եվրոպական անվտանգության ամենամեծ uպառնալիքը. Մերց |tert.am|

tert.am: Գերմանիայի նորընտիր կանցլեր Ֆրիդրիխ Մերցը հայտարարել է, որ Ռուսաստանը շարունակում է մնալ եվրոպական անվտանգության ամենամեծ սպառնալիքը: Այս մասին փոխանցում է ՌԻԱ «Նովոստին»։ «Ռուսաստանը մնում է և տեսանելի ապագայում կմնա մեր անվտանգության ամենամեծ սպառնալիքը։ Այն մնում է սպառնալիք եվրատլանտյան հարաբերությունների համար»,-ասել է Մերցը Լեհաստանի վարչապետ Դոնալդ Տուսկի հետ մամուլի ասուլիսի ժամանակ։

09:28 - 08 մայիսի, 2025

Նիկոլ Փաշինյանը շնորհավորել է Ֆրիդրիխ Մերցին՝ Գերմանիայի կանցլերի պաշտոնը ստանձնելու կապակցությամբ

ՀՀ վարչապետ Նիկոլ Փաշինյանը X սոցիալական հարթակում գրառում է կատարել՝ շնորհավորելով Գերմանիայի նորընտիր կանցլեր Ֆրիդրիխ Մերցին՝ պաշտոնը ստանձնելու կապակցությամբ։ «Ջերմորեն շնորհավորում եմ Ֆրիդրիխ Մերցին և ակնկալում եմ նրա հետ համագործակցություն՝ քաղաքական և տնտեսական երկկողմ հարաբերություններն ու գործընկերությունը զարգացնելու համար»,- գրել է նա։

22:59 - 07 մայիսի, 2025

Ֆրիդրիխ Մերցը ընտրվեց Գերմանիայի կանցլեր |armenpress.am|

armenpress.am: Քրիստոնեա-դեմոկրատական միության (ՔԴՄ) առաջնորդ Ֆրիդրիխ Մերցը երկրորդ փորձից ընտրվել է Գերմանիայի կանցլեր։ Նրա թեկնածության օգտին քվեարկել է Բունդեսթագի 325 պատգամավոր՝ նվազագույնը պահանջվող 316-ից։ Այդ մասին տեղեկացնում է «Deutsche Welle»-ն։ Բունդեսթագում մայիսի 6-ին կայացած առաջին քվեարկության արդյունքներով՝ ՔԴՄ-ի և Բավարիայի Քրիստոնեա-սոցիալական միության (ՔՍՄ) պահպանողական դաշինքի թեկնածուն չի կարողացել բացարձակ մեծամասնություն հավաքել՝ նա ստացել է պատգամավորների նվազագույն պահանջվող 316 ձայնից միայն 310-ը։ Սա Գերմանիայի պատմության մեջ առաջին նման դեպքն է։ Բունդեսթագի նիստն ընդհատվել է կուսակցական խորհրդակցությունների համար։ Քրիստոնեա-դեմոկրատական միության և Քրիստոնեա-սոցիալական միության պահպանողական դաշինքը առաջին քվեարկությունից հետո մեղադրել է նոր իշխող կոալիցիայի իրենց գործընկերներին՝ Գերմանիայի Սոցիալ-դեմոկրատական կուսակցությանը սաբոտաժի մեջ։ ՔԴՄ-ի գլխավոր քարտուղար Կարստեն Լինեմանը ասել է. «Եվրոպային ուժեղ Գերմանիա է պետք, այդ իսկ պատճառով մենք չենք կարող մի քանի օր սպասել»: Սոցիալ-դեմոկրատները, սակայն, վստահեցրել են, որ պատասխանատվությունն իրենց վրա չէ։ «Մենք ենթադրում ենք, որ մեր կողմից լիակատար հավանություն է եղել: Բացի այդ, ոչ ոք չի բացակայել»,-ասել է Սոցիալ-դեմոկրատների խմբակցության ղեկավար Լարս Քլինգբեյլին: Շարունակությունը՝ սկզբնաղբյուր կայքում։

19:16 - 06 մայիսի, 2025

Մերցին չընտրեցին Գերմանիայի կանցլեր |factor.am|

factor.am: Գերմանիայի Բունդեսթագը մայիսի 6-ին առաջին փուլում չընտրեց Ֆրիդրիխ Մերցին կանցլերի պաշտոնում։ Մերցը ստացել է 310 ձայն, մինչդեռ հարկավոր էր 316 ձայն՝ մեծամասնության համար։ Արդյունքում Բունդեսթագին տրվել է 14 օր ժամանակ՝ նոր փորձ կատարելու կամ այլ թեկնածու ընտրելու համար, որտեղ արդեն բավարար կլինի պարզ մեծամասնությունը։ Մերցի պահպանողական դաշինքը փետրվարյան ընտրություններում հաղթեց՝ հավաքելով 28.5% ձայն, սակայն նրան անհրաժեշտ էր կոալիցիայի գործընկեր։ Մերցը համաձայնվել էր համագործակցել սոցիալ-դեմոկրատների հետ, որոնք ստացել էին 16.4% ձայն։ BBC-ն հիշեցնում է, որ սա Գերմանիայի պատմության մեջ առաջին դեպքն է 1972-ից ի վեր, երբ կանցլերը չի ընտրվում առաջին փուլում։ Մերցը որոշել է չմասնակցել երկրորդ փուլին:

14:46 - 06 մայիսի, 2025

Բենդլերբլոկում Օլաֆ Շոլցի՝ որպես կանցլեր հրաժեշտի հանդիսավոր արարողություն է եղել

Բեռլինում՝ Բենդլերբլոկ ռազմական համալիրի բակում երեկ տեղի է ունեցել Գերմանիայի կանցլերի պաշտոնը լքող Օլաֆ Շոլցի հրաժեշտի հանդիսավոր արարողությունը, փոխանցում է «Դոյչե Վելլեն»։ Ավանդական շքերթի ժամանակ ունեցած իր ելույթում Շոլցը միասնության և ժողովրդավարական արժեքների պահպանման կոչ է արել։ Նրա խոսքով՝ այսօր՝ մայիսի 6-ին նախատեսվող կառավարության փոփոխությունը «ժողովրդավարական նորմի դրսևորում է»։ Շոլցը կանցլեր լինելու ընթացքի մասին ասել է․ «Իմ ողջ կյանքի մեծագույն պատիվն էր»։ Ֆրիդրիխ Մերցին, որը պետք է զբաղեցնի կանցլերի պաշտոնը, Շոլցը մաղթել է «շատ հաջողություն, բախտ ու թեթև ձեռք»։

11:46 - 06 մայիսի, 2025

Գերմանիայի Շտուտգարտ քաղաքում մեքենան մխրճվել է մարդկանց բազմության մեջ |azatutyun.am|

azatutyun.am: Գերմանիայի Շտուտգարտ քաղաքում մեքենան մխրճվել է մարդկանց բազմության մեջ, կա մեկ զոհ: Հաղորդվում է ութ վիրավորի մասին, որոնցից մի քանիսի վիճակը ծանր է: Ոստիկանությունից հայտնել են, որ մեքենայի վարորդը ձերբակալվել է: «Այս պահին հարձակման կամ կանխամտածված արարքի նշաններ չկան», - հայտնել են ոստիկանությունից: Միջադեպը տեղի է ունեցել Օլգաեկի շրջանում, դեպքի վայրում մեծ թվով ոստիկաններ են եղել։ Մետրոյի կայարանում երթևեկությունը դադարեցվել է:

11:20 - 03 մայիսի, 2025

«Այլընտրանք Գերմանիայի համար» կուսակցությունը ճանաչվել է ծայրահեղական |armenpress.am|

armenpress.am: Գերմանիայի Սահմանադրության պաշտպանության դաշնային գերատեսչությունը մայիսի 2-ին հայտարարել է, որ «Այլընտրանք Գերմանիայի համար» (AfD) կուսակցությունը դաշնային մակարդակում ճանաչվել է աջ ծայրահեղական քաղաքական ուժ։ Այս որոշումը հրապարակվել է գերատեսչության պաշտոնական կայքում։ Գերատեսչությունը իր դիրքորոշումն հիմնավորել է այն հանգամանքով, որ կուսակցությունը «ձեւավորում է ծայրահեղական բնույթ, որն անտեսում է մարդկային արժանապատվությունը»։ Նշվում է, որ գնահատականը տրվել է կուսակցության «ինտենսիվ եւ բազմակողմանի փորձագիտական վերլուծության արդյունքում»։ AfD-ն հիմնադրվել է 2013 թվականին՝ որպես եվրոսկեպտիկ դիրքորոշում ունեցող կուսակցություն։ Ժամանակի ընթացքում կուսակցությունն աստիճանաբար շարժվել է դեպի աջ և, հատկապես ուժեղացել է դրա ծայրահեղ աջ թևը, որն հետագայում լուծարվել է։ Սակայն կուսակցության ընդհանուր գաղափարախոսության մեջ շարունակում են պահպանվել այն ուղենիշերը, որոնք մտահոգություն են հարուցում իրավապաշտպան կառույցներում։ Վերջին տարիներին կուսակցության հանրային աջակցությունն աճել է. AfD-ն ներկայումս ներկայացված է Գերմանիայի Բունդեսթագում և բազմաթիվ դաշնային երկրամասերի խորհրդարաններում։ Լուսանկարը՝ Միխայել Ռայխել/dpa/picture alliance։

18:34 - 02 մայիսի, 2025