Իրաք

Իրաքը (պաշտոնական անվանումը՝ Իրաքի Հանրապետություն) պետություն է Արեւմտյան Ասիայում։ Ըստ պետական կառավարման համակարգի՝ դաշնային խորհրդարանական հանրապետություն է, որը կազմված է 19 նահանգներից եւ մեկ ինքնավար շրջանից (Իրաքի Քուրդիստան)։

Տարածքի մեծությամբ աշխարհում 58-րդն է՝ 438,317 կմ²։ Հյուսիսից սահմանակից է Թուրքիային, արեւելքից՝ Իրանին, հարավարեւելքից՝ Քուվեյթին, հարավից՝ Սաուդյան Արաբիային, հարավարեւմուտքից՝ Հորդանանին եւ արեւմուտքից՝ Սիրիային։

Մայրաքաղաքը եւ ամենախոշոր քաղաքը Բաղդադն է։ Իրաքում բնակվում են ամենատարբեր էթնիկ ծագում ունեցող ժողովուրդներ՝ արաբներ, քրդեր, ասորիներ, թուրքմեններ, շաբաքներ, եզդիներ, հայեր, մանդեյիներ, ադիգեներ, գնչուներ։ Պետության 37 միլիոն բնակչության 95%-ը մուսուլման է, սակայն կան նաեւ քրիստոնյաներ, յարսաններ, եզդիներ, մանդեականներ։ Իրաքի պետական լեզուներն են արաբերենն ու քրդերենը։

Աշխարհում վարակվածների թիվն անցել է 1.5 միլիոնը․ COVID-19 |armenpress.am|

Աշխարհում վարակվածների թիվն անցել է 1.5 միլիոնը․ COVID-19 |armenpress.am|

armenpress.am: v dir="auto"> Աշխարհում նոր տիպի կորոնավիրուսային վարակով՝ COVID-19-ով վարակվածների թիվը հասել է 1 միլիոն 519 հազար 195-ի: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 88 հազարը: Ապաքինվել է ավելի քան 330 հազար մարդ: Վիրուսից վարակվածների թվով առաջին տեղում հայտնված ԱՄՆ-ում 435 հազար 160 հաստատված դեպք կա: Այստեղ մահացածների թիվըժ 14 հազար 797 է: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը կազմում է 148 հազար 220: Իսպանիայում մահացության ցուցանիշը կազմում է 14 հազար 792: Մահացության ցուցանիշով երկու երկրները գրեթե հավասար են: Իտալիան վարակվածների թվով երրորդն է: Այստեղ հաստատված դեպքերի ընդհանուր թիվը 139 հազար 422 է: Վարակից մահացել է 17 հազար 669 մարդ: Կորոնավիրուսից վարակվածության ցուցանիշով հաջորդը Գերմանիան է. եվրոպական այդ երկրում գրանցվել է 113 հազար 296 հաստատված դեպք, մահացությունը՝ 2 հազար 300-ից ավելին է:  Վարակվածության ցուցանիշով Գերմանիային հաջոդում է Ֆրանսիան, որտեղ 112 հազար 950 հաստատված դեպք կա, մահացել է 10 հազար 869 մարդ:   Վարակի ծագման երկիր Չինաստանն առանձնանում է 81 հազար 865 ընդհանուր, 63 նոր դեպքով։ Չինաստանում մահացել է 3 հազար 335 մարդ։ Իրանում հաստատված դեպքերի ընդհանուր թիվը 64 հազար 586 է: Մահացածների ընդհանուր թիվը կազմում է 3 հազար 993: Մեծ Բրիտանիայում հաստատված դեպքերի թիվը 60 հազար 733 է, Թուրքիայում՝ 38 հազար 226 է, Բելգիայում՝ 23 հազար 403 է, Շվեյցարիայում՝ 23 հազար 280 է: Վրաստանում կորոնավիրուսով վարակվածության հաստատված 211 դեպք կա, Ռուսաստանում` 8 հազար 672: ՌԴ-ում մահացել է 63 մարդ: Արաբական երկրներից Միացյալ Էմիրություններում վարակվածների թիվը կազմում է 2 հազար 659, այստեղ գրանցվել է մահացության 12 դեպք: Կատարում կորոնավիրուսով վարակվել է 2 հազար 210 մարդ: Վարակից մահվան 6 դեպք է արձանագրվել: Արաբական վերը նշված երկրների համեմատ մահացության ցուցանիշը բարձր է Եգիպտոսում, այստեղ 103 մարդ է մահացել, սակայն ցածր է վարակվածության թիվը: Հաստատված ընդհանուր դեպքերի թիվը կազմում է 1560: Իրաքում վարակվածների թիվը 1202 է, մահացության ցուցանիշը 69 է: Քուվեյթում գրանցվել է մահացության 1 դեպք, վարակվածության՝ 855: Սիրիայում հաստատվել է 19 դեպք, մահացել է 2 մարդ: Լիբիայում գրանցվել է վարակվածության 21, մահվան 1 դեպք: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 204-ը:
11:05 - 09 ապրիլի, 2020
Իրաքում կրկին հրթիռակոծվել է կոալիցիոն ուժերի ռազմակայանը |azatutyun.am|

Իրաքում կրկին հրթիռակոծվել է կոալիցիոն ուժերի ռազմակայանը |azatutyun.am|

azatutyun.am: Իրաքում այսօր կրկին հրթիռակոծվել է Բաղդադին մոտ գտնվող «Քամփ Թաջի» ռազմակայանը, որտեղ տեղակայված են կոալիցիոն ուժերը: Ըստ Իրաքի անվտանգության ուժերի պաշտոնյաների՝ ռազմակայանի վրա մեկ տասնյակից ավելի հրթիռներ են արձակվել: Հրթիռների մի մասն ընկել են կոալիցիոն ուժերի տեղակայման հատվածում, մյուս մասը՝ իրաքյան օդուժի կողմից օգտագործվող թռիչքուղու վրա: Այս պահի դրությամբ հարձակման հետևանքով տուժածների մասին լուրեր չկան: Ավելի վաղ՝ մարտի 11-ին, նույն ռազմակայանի հրթիռակոծության հետևանքով 3 զինծառայող է զոհվել՝ 2 ամերիկացի և մեկ բրիտանացի: Մարտի 13-ին ամերիկյան և բրիտանական օդուժը պատասխան հարված էր հասցրել՝ հիմնականում թիրախավորելով «Քաթաիբ Հըզբոլա» խմբավորման զինապահեստները: Իրաքի նախագահ Բարհամ Սալեհը դատապարտել էր ամերիկյան ավիահարվածները՝ ասելով, թե Իրաքը կարող է քաոսի մեջ ընկնել ու «չկայացած պետություն» դառնալ:
15:23 - 14 մարտի, 2020
Իրաքն ու Քուվեյթն իջեցրել են նավթի գները Սաուդյան Արաբիայից անմիջապես հետո. Bloomberg |armenpress.am|

Իրաքն ու Քուվեյթն իջեցրել են նավթի գները Սաուդյան Արաբիայից անմիջապես հետո. Bloomberg |armenpress.am|

armenpress.am: Իրաքը եւ Քուվեյթը, որոնք Նավթ արտահանող երկրների կազմակերպության (ՕՊԷՔ) առաջատար արտադրողներից են, Սաուդյան Արաբիայից անմիջապես հետո իջեցրել են նավթի ապրիլյան գները: Այդ մասին հայտնել Է Bloomberg գործակալությունը: Այսպես, Իրաքը Basrah Light տեսակի նավթի ապրիլի մատակարարման մեկ բարելի արժեքը նվազեցրել Է 5 դոլարով: Ըստ որում, գործակալության աղբյուրների տվյալներով՝ երկրի State Oil Marketing Organization (SOMO) պետական ընկերությունը պլանավորում Է հաջորդ ամսին ավելացնել արտահանման ծավալը: Քուվեյթն իր հերթին Ասիայից գնորդների համար գներն իջեցրել Է բարելի դիմաց 6 դոլարով. ավելի վաղ հենց այդ գումարով Է իջեցրել Արեւելյան եւ Հարավարեւելյան Ասիայի երկրներին հումքի մատակարարումների արժեքը Saudi Aramco-ն (ընկերություն, որը նավթի արդյունահանմամբ Է զբաղվում Սաուդյան Արաբիայում): Մարտի 10-ին Reuters գործակալությունը, վկայակոչելով Saudi Aramco-ի ղեկավար Ամին Նասերին, տեղեկացրել Է, որ ընկերությունն ապրիլին նավթի մատակարարումները կավելացնի օրական մինչեւ 12,3 միլիոն բարել, թեեւ մինչ այդ թագավորությունը հանույթը պահում Էր օրական 9,7 միլիոն բարելի սահմաններում՝ ՕՊԷՔ+-ի համաձայնության շրջանակում: Դրանից անմիջապես հետո մարտի 11-ին Արաբական Միացյալ Էմիրությունների ADNOC նավթընկերությունը հայտարարել Է, որ հաջորդ ամսվանից հանույթը կավելացնի օրական ավելի քան 1 միլիոն բարելով, հաղորդել Է ՏԱՍՍ-ը:
12:15 - 12 մարտի, 2020
Աշխատանքներ են տարվում Իրաքում ՀՀ դիվանագիտական ներկայացուցչության ընդլայնման ուղղությամբ․ Զոհրաբ Մնացականյան

Աշխատանքներ են տարվում Իրաքում ՀՀ դիվանագիտական ներկայացուցչության ընդլայնման ուղղությամբ․ Զոհրաբ Մնացականյան

Փետրվարի 15-ին Մյունխենի անվտանգության համաժողովի շրջանակներում ԱԳ նախարար Զոհրաբ Մնացականյանը հանդիպում ունեցավ իր իրաքցի գործընկերոջ՝ Մուհամմադ Ալի Ալ-Հաքիմի հետ: Այս մասին հայտնում են ՀՀ ԱԳՆ մամուլի ծառայությունից: Զոհրաբ Մնացականյանը և Մուհամմադ Ալի Ալ-Հաքիմը գոհունակությամբ ընդգծեցին, որ պատմական բարեկամության ամուր կապերի վրա հիմնված հայ-իրաքյան հարաբերություններն աչքի են ընկնում ծավալվող դինամիկայով: Այդ համատեքստում ԱԳ նախարար Մնացականյանը նշեց, որ աշխատանքներ են տարվում Իրաքում ՀՀ դիվանագիտական ներկայացուցչության ընդլայնման ուղղությամբ, որն իր նպաստը կբերի երկկողմ օրակարգի առավել հարստացմանը: Զրուցակիցները կարևորեցին բազմաոլորտ համագործակցության առավել խթանումը՝ այդ թվում առևտրատնտեսական և գործարար կապերի ամրապնդման միջոցով: Այս առնչությամբ փոխադարձաբար արժևորվեց հայ համայնքի ունեցած առանձնահատուկ դերակատարությունն Իրաքի հասարակական-քաղաքական կյանքում և երկու երկրների միջև բարեկամության ամրապնդման գործում: Հայաստանի և Իրաքի ԱԳՆ ղեկավարները մտքեր փոխանակեցին միջազգային և տարածաշրջանային հրատապ հարցերի շուրջ։ Զոհրաբ Մնացականյանն ընդգծեց, որ Հայաստանը մշտապես իր ուշադրության կենտրոնում է պահում Մերձավոր Արևելքում տեղի ունեցող զարգացումները և կարևորում է լարված իրադրությունների լիցքաթափումը։
16:32 - 15 փետրվարի, 2020