ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Բայդենը հանդիպել է Ուկրաինայի ԱԳ և Պաշտպանության նախարարների հետ

Բայդենը հանդիպել է Ուկրաինայի ԱԳ և Պաշտպանության նախարարների հետ

ԱՄՆ նախագահ Ջո Բայդենը հանդիպում է ունեցել Ուկրաինայի արտաքին գործերի նախարար Դմիտրի Կուլեբայի և պաշտպանության նախարար Ալեքսեյ Ռեզնիկովի հետ։ Այս մասին հայտնում է Սպիտակ տան մամուլի ծառայությունը։ Հանդիպմանը ներկա են եղել նաեւ ԱՄՆ պետքարտուղար Էնթոնի Բլինկենը և Պենտագոնի ղեկավար Լլոյդ Օսթինը կողմերը զրուցել են Ուկրաինայի ռազմական, դիվանագիտական և հումանիտար իրավիճակի մասին: «ԱՄՆ նախագահը նախարարներին տեղեկացրել է ԱՄՆ ջանքերի մասին՝ աշխարհը համախմբելու Ռուսաստանի ագրեսիայի դեմ: Նրանք քննարկել են հետագա ջանքերը՝ օգնելու Ուկրաինային պաշտպանել իր տարածքը։ Նրանք նաև քննարկել են Ռուսաստանի դաժան ագրեսիայի համար նախագահ Պուտինին պատասխանատվության ենթարկելու Միացյալ Նահանգների շարունակական գործողությունները»,-ասված է հաղորդագրության մեջ։
17:46 - 26 մարտի, 2022
Ժոզեպ Բորելը հայտնել է, որ Իրանի հետ միջուկային համաձայնագիրը շատ մոտ է

 |armenpress.am|

Ժոզեպ Բորելը հայտնել է, որ Իրանի հետ միջուկային համաձայնագիրը շատ մոտ է |armenpress.am|

armenpress.am: ԵՄ-ի արտաքին քաղաքական ծառայության ղեկավար Ժոզեպ Բորելը շաբաթ օրը հայտարարել է, որ Իրանը և համաշխարհային տերությունները շատ մոտ են 2015 թվականի միջուկային համաձայնագրի վերականգնման շուրջ համաձայնությանը, որը կսահմանափակի Թեհրանի միջուկային ծրագիրը՝ կոշտ պատժամիջոցները չեղարկելու դիմաց: Այս մասին հայտնում է Reuters-ը, Բորելը նման մեկնաբանություն է արել՝ ելույթ ունենալով «Դոհա ֆորում» միջազգային համաժողովում: Միջուկային բանակցությունների՝ ԵՄ համակարգող Էնրիկե Մորան ավելի վաղ ասել է, որ մարտի 26-ին մեկնելու է Թեհրան՝ հանդիպելու Իրանի գլխավոր բանակցողի հետ: Իրանի արտաքին գործերի նախարար Հոսեին Աբդոլահիանը այս շաբաթ ասել է, որ միջուկային համաձայնագիրը կարող է ձեռք բերել կարճաժամկետ հեռանկարում, եթե ԱՄՆ-ն պրագմատիկ է: Սակայն ԱՄՆ պաշտոնյաներն ավելի զգույշ են եղել համաձայնագրի վերականգնմանն ուղղված ջանքերի գնահատման հարցում:
16:08 - 26 մարտի, 2022
Ադրբեջանի ԱԳՆ-ն արձագանքել է ԱՄՆ պետքարտուղարության՝ ԼՂ վերաբերյալ հայտարարությանը՝ այն որակելով «անպատասխանատու հայտարարություն»

Ադրբեջանի ԱԳՆ-ն արձագանքել է ԱՄՆ պետքարտուղարության՝ ԼՂ վերաբերյալ հայտարարությանը՝ այն որակելով «անպատասխանատու հայտարարություն»

Ադրբեջանի արտգործնախարարությունը հաղորդագրություն է տարածել՝  ԱՄՆ Պետքարտուղարության մամուլի ծառայության ղեկավարի տեղակալ Ջալինա Փորթերի արած հայտարարության վերաբերյալ, որտեղ նշվեում էր, որ «զորքերի տեղաշարժն ու լարվածություն առաջացնող մյուս գործողություններն անպատասխանատու են և անհարկի սադրիչ»։  Գերատեսչությունը Պետքարտուղարության ներկայացուցչի ուշադրությունն է հրավիրել այն փաստի վրա, որ, Միացյալ Նահանգները, որպես ԵԱՀԿ Մինսկի խմբի համանախագահող երկիր, վերջին տարիներին որևէ արդյունավետ քայլ չի ձեռնարկել՝ ուղղված «Ադրբեջանի դեմ Հայաստանի գրեթե 30-ամյա ռազմական ագրեսիայի վերջ տալուն»։  Ադրբեջանի ԱԳՆ-ն նշել է՝ «Ադրբեջանը վերականգնել է իր տարածքային ամբողջականությունը միջազգային իրավունքի հիման վրա եւ ապահովել ՄԱԿ-ի ԱԽ բանաձեւերի կատարումը»։  «Ներկայումս «Լեռնային Ղարաբաղ» հասկացությունը գոյություն չունի, սակայն կան Արեւելյան Զանգազուրի եւ Ղարաբաղի տնտեսական շրջանները, որոնք Ադրբեջանի կազմում են։ ԱՄՆ Պետդեպարտամենտի ներկայացուցչի կողմից հայկական կեղծ քարոզչության հիման վրա նման հայտարարություն անելը անպատասխանատու է»,-նշված է հաղորդագրության մեջ։
14:58 - 26 մարտի, 2022
Մակունցը Ֆրենք Փալլոնի և Ադամ Շիֆի հետ հեռավար հանդիպմանը ներկայացրել է Փարուխ գյուղ ներխուժումը և ընդգծել է ԱՄՆ-ի հստակ արձագանքի անհրաժեշտությունը

Մակունցը Ֆրենք Փալլոնի և Ադամ Շիֆի հետ հեռավար հանդիպմանը ներկայացրել է Փարուխ գյուղ ներխուժումը և ընդգծել է ԱՄՆ-ի հստակ արձագանքի անհրաժեշտությունը

Մարտի 25-ին ԱՄՆ-ում ՀՀ դեսպան Լիլիթ Մակունցը հեռավար հանդիպում է ունեցել Կոնգրեսի հայկական հանձնախմբի համանախագահ Ֆրենք Փալլոնի և փոխնախագահ Ադամ Շիֆի հետ. տեղեկացնում են ԱՄՆ-ում ՀՀ դեսպանությունից: «Դեսպան Մակունցը կոնգրեսականներին է ներկայացրել Ադրբեջանի ապակայունացնող գործողությունները, մասնավորապես՝ մարտի 24-ին Արցախի Փարուխ գյուղ ներխուժումը, ինչպես նաև Լեռնային Ղարաբաղում կենսական նշանակություն ունեցող ենթակառուցվածքների բնականոն աշխատանքի խաթարումը, ինչը հանգեցրել է հումանիտար ճգնաժամի։ Դեսպան Մակունցն ընդգծել է միջազգային հանրության, այդ թվում ԱՄՆ-ի հստակ արձագանքի անհրաժեշտությունը և կարևորել ԵԱՀԿ Մինսկի խմբի հանախագահության դերը ԼՂ հիմնախնդրի կարգավորման գործում»,- ասված է հաղորդագրությունում:
11:23 - 26 մարտի, 2022
ԱՄՆ պետդեպն ադրբեջանական զորքերի տեղաշարժն անպատասխանատու և սադրիչ է որակել

 |armenpress.am|

ԱՄՆ պետդեպն ադրբեջանական զորքերի տեղաշարժն անպատասխանատու և սադրիչ է որակել |armenpress.am|

armenpress.am: Միացյալ Նահանգները խորապես մտահոգված է Լեռնային Ղարաբաղում Ադրբեջանի զորքերի տեղաշարժի առնչությամբ: Այս մասին լրագրողների հետ ճեպազրույցի ժամանակ հայտարարել է Պետքարտուղարության մամուլի ծառայության ղեկավարի տեղակալ Ջալինա Փորթերը: «Զորքերի տեղաշարժն ու լարվածություն առաջացնող մյուս գործողություններն անպատասխանատու են և անհարկի սադրիչ»,- հայտարարել է Փորթերը՝ նշելով, որ պետքարտուղարությունը սերտորեն հետևում է 2020 թվականի նոյեմբերին հայտարարված հրադադարից հետո շփման գծում տիրող իրադրությանը: Նա նշել է, որ Միացյալ Նահանգների պետքարտուղարի եվրոպական և եվրասիական հարցերով օգնական Քերըն Դոնֆրիդը հեռախոսազրույցներ է ունեցել Հայաստանի և Ադրբեջանի արտգործնախարարների հետ և վերահաստատել այն, ինչ ավելի վաղ պետքարտուղար Էնթոնի Բլինկենն ասել էր Հայաստանի վարչապետ Նիկոլ Փաշինյանին ու Ադրբեջանի նախագահ Իլհամ Ալիևին. այն է՝ կողմերը պետք է զսպվածություն ցուցաբերեն ու ինտենսիվացնեն դիվանագիտական շփումները՝ գտնելու համապարփակ լուծումներ բոլոր կարևոր խնդիրների համար: «Հայաստանն ու Ադրբեջանը պարզապես պետք է օգտագործեն ուղիղ հաղորդակցության ուղիները՝ անհապաղ դեէսկալացիայի ենթարկելու իրադրությունը»,- նշել է Փորթերը: Նա հավելել է նաև, որ Միացյալ Նահանգները, որպես ԵԱՀԿ Մինսկի խմբի համանախագահ, շարունակում է խորապես հանձնառու լինել՝ աշխատելու կողմերի հետ՝ հանուն հակամարտության տևական քաղաքական կարգավորման:
11:07 - 26 մարտի, 2022
G20-ը կարևոր է, բայց ներկա պայմաններում դրանից դուրս մնալը ՌԴ համար ճակատագրական չի լինի․ Պեսկով

G20-ը կարևոր է, բայց ներկա պայմաններում դրանից դուրս մնալը ՌԴ համար ճակատագրական չի լինի․ Պեսկով

«Մեծ քսանյակի» (G20) ձևաչափը կարևոր է, բայց ներկա պայմաններում դրանից դուրս մնալը Ռուսաստանի Դաշնության համար «ճակատագրական չի լինի»։ Այս մասին, ՏԱՍՍ-ի փոխանցմամբ, լրագրողների հետ զրույցում ասել է ՌԴ նախագահի խոսնակ  Դմիտրի Պեսկովը։ «Ինչ վերաբերում է G20-ին, ապա այն կարևոր է, բայց, մյուս կողմից, ներկայիս պայմաններում, երբ այս ձևաչափի մասնակիցների մեծ մասը, փաստորեն, մեզ հետ իրենց նախաձեռնությամբ տնտեսական պատերազմի մեջ է, ճակատագրական ոչինչ չի լինի։ Թեև, ամեն դեպքում, Ռուսաստանը դեռ առաջնորդվում է այս ձևաչափի մյուս մասնակիցների կարծիքներով և հնարավորության դեպքում պատրաստ կլինի մասնակցելու»,- հայտնել է Պեկսովը։ Նա նշել է, որ Միացյալ Նահանգները բավականին ակտիվորեն շարունակում է Ռուսաստանին մեկուսացնելու քաղաքականությունը․ «Մինչ այս պահը այս գիծը միայն մասամբ է արդյունավետ եղել, աշխարհը շատ ավելի բազմազան է, քան միայն ԱՄՆ-ն ու եվրոպական երկրները»։ Հիշեցնենք՝ ԱՄՆ նախագահ Ջո Բայդենը հայտարարել է, որ ինքը բարձրացրել է ՌԴ-ին G20-ից հեռացնելու հարցը։ Ավելի վաղ «Reuters»-ն, իր աղբյուրներին հղումով, գրել էր, որ ԱՄՆ-ն և նրա արևմտյան դաշնակիցները քննարկում են,  թե արդյո՞ք Ռուսաստանը պետք է շարունակի անդամակցել «Մեծ քսանյակ»-ին։
16:07 - 25 մարտի, 2022
Բայդենը հայտարարել է, որ ՌԴ-ն պետք է հեռացվի G20-ից

Բայդենը հայտարարել է, որ ՌԴ-ն պետք է հեռացվի G20-ից

ՆԱՏՕ, ԵՄ և «Մեծ յոթնյակի» (G7) առաջնորդները Բրյուսելում երեկ արտակարգ հանդիպումներ են անցկացրել՝ քննարկելու Ուկրաինայում իրավիճակը։ ՆԱՏՕ գլխավոր գրասենյակում ասուլիսի ընթացքում Միացյալ Նահանգների նախագահ Ջո Բայդենը հայտարարել է, որ ինքը բարձրացրել է Ռուսաստանին G20-ից հեռացնելու հարցը։ Լրագրողներից մեկն ԱՄՆ նախագահին հիշեցրել է վերջինս հայտարարությունն այն մասին, որ Ռուսաստանի կողմից Ուկրաինայի դեմ քիմիական զենքի պոտենցիալ օգտագործումն իրական սպառնալիք է։ Լրագրողը հարցրել է, թե արդյո՞ք հետախուզական տվյալներ կան այն մասին, որ Պուտինը նման զենքեր է տեղակայում կամ մտադիր է օգտագործել, և արդյո՞ք ԱՄՆ-ը կամ ՆԱՏՕ-ն կպատասխանեն ռազմական գործողություններով, եթե նա քիմիական զենք օգտագործի։ Բայդենը հրաժարվել է տրամադրել հետախուզական տվյալներ, իսկ քիմիական զենքի մասով նշել է, որ Դաշինքը նման դեպքում կպատասխանի։ «Մեր պատասխանի բնույթը կախված կլինի նրանից, թե նա ինչպես կօգտագործվի (քիմիական զենքը- խմբ․)»,- ասել է նա։ Անդրադառնալով իր և Չինաստանի առաջնորդ Սի Ծինփինի զրույցին՝ Բայդենը նշել է, որ չի սպառնացել Ծինփինին, այլ պարզաբանել է ՌԴ-ին օգնելու հետևանքները։ «Կարծում եմ՝ Չինաստանը հասկանում է, որ իր տնտեսական ապագան ավելի սերտորեն կապված է Արևմուտքի, քան Ռուսաստանի հետ»,- հայտարարել է Բայդենը։ Անդրադառնալով հարցին, թե արդյո՞ք ՌԴ-ն պետք է հեռացվի «Մեծ քսանյակից» (G20), Բայդենը նշել է․ «Այո՛: Դա կախված է G20-ից: Ես այսօր բարձրացրել եմ հարցը, թե արդյո՞ք դա  հնարավոր է։ Եթե դա հնարավոր չէ անել, եթե Ինդոնեզիան և մյուսները համաձայն չեն, ապա մենք, իմ կարծիքով, պետք է խնդրենք, որ Ուկրաինան ևս կարողանա մասնակցել G20 հանդիպումներին որպես դիտորդ»։ ԱՄՆ նախագահը ևս մի անգամ շեշտել է, որ իրենք ուղիղ մասնակցություն չեն ունենա այս պատերազմին։ Գլխավոր լուսանկարը՝ CNN-ից
15:11 - 25 մարտի, 2022
ԱՄՆ-ն Ուկրաինային ավելի քան 1 մլրդ դոլար հումանիտար օգնություն կտրամադրի

ԱՄՆ-ն Ուկրաինային ավելի քան 1 մլրդ դոլար հումանիտար օգնություն կտրամադրի

ԱՄՆ նախագահ Ջո Բայդենն ու Եվրահանձնաժողովի նախագահ Ուրսուլա ֆոն դեր Լայենը համատեղ հայտարարությամբ են հանդես եկել՝ Ռուսաստանին կոչ անելով դադարեցնել «հարևան երկրի դեմ դաժան հարձակումը, և աջակցություն հայտնելով Ուկրաինայի ինքնիշխանությանն ու տարածքային ամբողջականությանը։ Հայտարարությունում թվարկվում են այն ջանքերը, որոնք «ուղղված են ուկրաինացի ժողովրդին աջակցելուն» և Ռուսաստանին պատասխանատվության ենթարկելուն՝ «նրա չարդարացված գործողությունների» համար։ Մասնավորապես, Միացյալ Նահանգներն ու Եվրամիությունը համաձայնեցրել են իրենց պատժամիջոցային ռեժիմները և պայմանավորվել ջանքեր գործադրել՝ համակարգելու արձագանքը դրանք շրջանցելու փորձերին։ Համաձայնեցվում են նաև Ուկրաինային հումանիտար օգնության տրամադրման քայլերը։ «[Այդ օգնությունը] ներառում է ավելի քան 1 մլրդ դոլար հումանիտար նոր օգնություն, որը Միացյալ նահանգները պատրաստ է տրամադրել՝ ի հավելումն արդեն տրամադրված շուրջ 300 միլիոն դոլարին և ԵՄ տրամադրած 550 մլն եվրոյին»։ Էներգետիկ համագործակցության շրջանակում քայլեր են ձեռնարկվում մատակարարման անվտանգության ապահովման և ռուսական էներգակիրներից կախվածությaնը նվազեցման ուղղությամբ։ Պուտինի Ուկրաինա ներխուժման հետևանքով պարենի գների աճի և մատակարարման խաթարումների պատճառով հնարավոր պարենային ճգնաժամը կանխելու համար ԱՄՆ-ն և Եվրամիությունը «մտադիր են կրկնապատկել ջանքերը պարենային գլոբալ անվտանգության ամրապնդման համար և պարենային օգնություն տրամադրել» այն երկրներին, որոնք բախվել են այդ խնդրին։   Նորա Վանյան  
14:41 - 25 մարտի, 2022
Կոչ ենք անում բոլոր երկրներին ռազմական կամ այլ աջակցություն չցուցաբերելու Ռուսաստանին․ G7 երկրների առաջնորդներ

Կոչ ենք անում բոլոր երկրներին ռազմական կամ այլ աջակցություն չցուցաբերելու Ռուսաստանին․ G7 երկրների առաջնորդներ

«Մեծ յոթնյակի» (G7) երկրների երեկվա հանդիպումից հետո համատեղ հայտարարություն են տարածել։ Հանդիպման հիմնական թեման եղել է իրավիճակն Ուկրաինայում։ Հայտարարության հիմնական կետերը ներկայացնում ենք ստորև։ «Մենք ողջունում ենք միջազգային մեխանիզմների, այդ թվում՝ Միջազգային քրեական դատարանի դատախազի կողմից իրականացվող հետաքննությունները։ Մենք միասին կաշխատենք՝ աջակցելու ռազմական հանցագործությունների (նկատի ունեն՝ Ռուսաստանի- խմբ․) մասին ապացույցների հավաքագրմանը։ Մարիուպոլի և ուկրաինական այլ քաղաքների պաշարումը, ինչպես նաև ռուսական զինուժի կողմից հումանիտար օգնության մերժումն անընդունելի են։ Ռուսական ուժերը պետք է անհապաղ ապահովեն անվտանգ ուղիներ դեպի Ուկրաինայի այլ շրջաններ, ինչպես նաև մարդասիրական օգնություն, որը կհասցվի Մարիուպոլ և պաշարված այլ քաղաքներ։ Մենք կոչ ենք անում Բելառուսի իշխանություններին խուսափելու հետագա էսկալացիայից և զերծ մնալու Ուկրաինայի դեմ իրենց ռազմական ուժերն օգտագործելուց։ Ավելին՝ մենք կոչ ենք անում բոլոր երկրներին ռազմական կամ այլ աջակցություն չցուցաբերելու Ռուսաստանին՝ օգնելով շարունակել ագրեսիան Ուկրաինայում։ Մենք զգոն ենք լինելու ցանկացած նման աջակցության հարցում։ Ռուսաստանը պետք է կատարի իր միջազգային պարտավորությունները և ձեռնպահ մնա ցանկացած գործունեությունից, որը վտանգի տակ է դնում միջուկային օբյեկտները, և թույլ տալ ուկրաինական իշխանությունների անխոչընդոտ հսկողությունը, ինչպես նաև Ատոմային էներգիայի միջազգային գործակալության լիարժեք մուտքն ու համագործակցությունը: Մենք զգուշացնում ենք քիմիական, կենսաբանական և միջուկային զենքերի կամ հարակից նյութերի կիրառման ցանկացած սպառնալիքի մասին: Մենք հիշեցնում ենք Ռուսաստանի պարտավորությունները միջազգային պայմանագրերով, որոնք նա ստորագրել է, և որոնք պաշտպանում են մեզ բոլորիս։ Մենք քայլեր ենք ձեռնարկում ռուսական էներգիայից մեր կախվածությունը նվազեցնելու համար։ Միևնույն ժամանակ, մենք կապահովենք անվտանգ այլընտրանքային և կայուն մատակարարումներ։ Մենք պարտավորվում ենք ակտիվորեն աջակցելու այն երկրներին, որոնք ցանկանում են աստիճանաբար վերացնել իրենց կախվածությունը ռուսական գազի, նավթի և ածխի ներկրումից: Մենք կոչ ենք անում նավթ և գազ արդյունահանող երկրներին գործելու պատասխանատու և ավելացնելու մատակարարումները միջազգային շուկաներ՝ նշելով, որ Նավթ արտահանող երկրների կազմակերպությունը (ՕՊԵԿ) առանցքային դեր ունի։ Հիշեցնենք՝ CNN-ին տված հարցազրույցում, պատասխանելով հարցին, թե ինչ պայմաններում Վլադիմիր Պուտինը կօգտագործի Ռուսաստանի միջուկային հնարավորությունները, Դմիտրի Պեսկովը պատասխանել էր. «Եթե էկզիստենցիալ սպառնալիք լինի մեր երկրի համար, ապա դա կարող է տեղի ունենալ»։ ԱՄՆ պաշտպանության նախարարությունից «վտանգավոր» էին անվանել ՌԴ նախագահի խոսնակի հայտարարությունը։ Ինչ վերաբերում է ՌԴ-ից էներգետիկ կախվածության հարցին, ապա «Reuters» գործակալությունն իր անանուն աղբյուրին հղումով գրել էր, որ ԵՄ որոշ արտգործնախարարներ ասել են, թե անհրաժեշտ է ռուսական նավթի էմբարգո սահմանել։ Դմիտրի Պեսկովը հայտարարել էր, որ ռուսական նավթի մատակարարման էմբարգոն լրջորեն կվատթարացնի Եվրոպայում էներգետիկ բալանսը, իսկ «ամերիկացիները կմնան իրենք իրենք հույսին»։ «Reuters»-ն էլ, վկայակոչելով ՕՊԵԿ-ում իր աղբյուրները, նշել էր, թե այդ կազմակերպության ներկայացուցիչները կարծում են, որ ԵՄ կողմից ռուսական նավթի ներկրման հնարավոր արգելքը կվնասի սպառողներին։ Իսկ ՌԴ-ին աջակցության մասով խոսակցություններ կան Չինաստանի շուրջ։ Մի քանի օր առաջ՝ Չինաստանի առաջնորդ Սի Ծինփնինի հետ հեռախոսազրույցի ընթացքում, ԱՄՆ նախագահ Բայդենը նրան ներկայացրել էր այն հետևանքները, որոնք կհաջորդեն Չինաստանի՝ ՌԴ-ին նյութական օգնություն ցուցաբերելուն։  Աննա Սահակյան
12:32 - 25 մարտի, 2022
Արարատ Միրզոյանն ու ԱՄՆ պետքարտուղարի եվրոպական հարցերով տեղակալը քննարկել են Արցախում ստեղծված իրավիճակը

Արարատ Միրզոյանն ու ԱՄՆ պետքարտուղարի եվրոպական հարցերով տեղակալը քննարկել են Արցախում ստեղծված իրավիճակը

Մարտի 24-ին ՀՀ ԱԳ նախարար Արարատ Միրզոյանը հեռախոսազրույց է ունեցել ԱՄՆ պետքարտուղարի եվրոպական և եվրասիական հարցերով տեղակալ Քերըն Դոնֆրիդի հետ: ԱԳՆ լրատվության և հանրային դիվանագիտության վարչությունից հայտնում են, որ կողմերն անդրադարձ են կատարել տարածաշրջանային անվտանգության հարցերին: ՀՀ ԱԳ նախարարը ներկայացրել է Ադրբեջանի կողմից Լեռնային Ղարաբաղի շփման գծի խախտման և Արցախի Փառուխ գյուղ ներխուժման արդյունքում ստեղծված իրավիճակը։ Նախարարն ընդգծել է, որ Ադրբեջանը կոպտորեն խախտում է եռակողմ հայատարարություններով ամրագրված պարտավորությունները՝ վտանգելով տարածաշրջանային կայունությունը և խաղաղությունը: Արարատ Միրզոյանը անդրադարձել է նաև Լեռնային Ղարաբաղում հումանիտար ճգնաժամ ստեղծելու նպատակով քաղաքացիական բնակչությանը թիրախավորելու և հոգեբանական ճնշումներ գործադրելու, կենսական նշանակության ենթակառուվածքների բնականոն աշխատանքը միտումնավոր խոչընդոտելու ադրբեջանական գործողություններին։ Նախարար Միրզոյանն ընդգծել է, որ վերոնշյալ գործողություններն Ադրբեջանի էթնիկ զտման ու հակահայկական քաղաքականության ցայտուն դրսևորումներից են: Այս առումով, նախարարը շեշտել է միջազգային հանրության, այդ թվում ԱՄՆ-ի հասցեական ու հստակ արձագանքի անհրաժեշտությունը:
09:44 - 25 մարտի, 2022
Հայաստանն ու Ադրբեջանը պետք է օգտագործեն ուղիղ կապի միջոցներ՝ անհապաղ ապաէսկալացիայի համար․ ԱՄՆ պետքարտուղարության Եվրոպայի և Եվրասիայի հարցերով բյուրո

Հայաստանն ու Ադրբեջանը պետք է օգտագործեն ուղիղ կապի միջոցներ՝ անհապաղ ապաէսկալացիայի համար․ ԱՄՆ պետքարտուղարության Եվրոպայի և Եվրասիայի հարցերով բյուրո

Ամերիկայի Միացյալ Նահանգները խորապես մտահոգված է գազի խափանումներով և ադրբեջանական զորքերի տեղաշարժով։ Այս մասին նշվում է ԱՄՆ պետքարտուղարության Եվրոպայի և Եվրասիայի հարցերով բյուրոյի թվիթերյան էջում։ «Հայաստանն ու Ադրբեջանը պետք է օգտագործեն ուղիղ կապի միջոցներ՝ անհապաղ ապաէսկալացիայի համար»,- նշված է գերատեսչության հայտարարության մեջ։ Նշենք, որ մարտի 21-ին Արցախի տեղեկատվական շտաբը հայտարարեց, որ ադրբեջանական կողմի ուղիղ միջամտության հետևանքով Արցախի Հանրապետությունում կրկին դադարեցվել է գազամատակարարումը․ «Մենք ունենք բավարար հիմքեր պնդելու, որ մարտի 8-ին պայթեցված գազատարի վերանորոգման աշխատանքների ընթացքում ադրբեջանական կողմը տեղադրել է փական, որի միջոցով էլ ժամեր առաջ դադարեցրել է գազամատակարարումը»։ Արդեն երեկ՝ մարտի 24-ին, Ադրբեջանի զինված ուժերն Ասկերանի շրջանի Փառուխ գյուղի ուղղությամբ խախտել են շփման գիծը. «Պաշտպանության բանակի և Արցախի Հանրապետությունում տեղակայված ռուսական խաղաղապահ զորակազմի ներկայացուցիչները փորձում են բանակցությունների միջոցով կասեցնել հակառակորդի հետագա առաջխաղացումը և նրանց վերադարձնել ելման դիրքեր»:
09:24 - 25 մարտի, 2022
ԱՄՆ նոր պատժամիջոցներն՝ ընդդեմ Ռուսաստանի

ԱՄՆ նոր պատժամիջոցներն՝ ընդդեմ Ռուսաստանի

ԱՄՆ-ն հայտարարել է Ռուսաստանի դեմ նոր պատժամիջոցներ սահմանելու մասին՝ Ուկրաինա ներխուժման պատճառով։ Պատժամիջոցային ցանկում ներառվել են պաշտպանական-արդյունաբերական ոլորտի 48 ընկերություն, Ռուսաստանի Պետդուման, Պետդումայի 328 պատգամավոր և Ռուսաստանի խոշորագույն ֆինանսական հաստատության՝ «Սբերբանկի» ղեկավար Գերման Գրեֆը: Այս մասին հայտնում է ԱՄՆ ֆինանսների նախարարությունը։ Գերատեսչության հայտարարությունում նշվում է նաև, որ պատժամիջոցները կտարածվեն Ռուսաստանի Կենտրոնական բանկի հետ ոսկով ցանկացած գործարքի վրա։ «ԱՄՆ-ն իր գործընկերների և դաշնակիցների հետ միասին հարված են հասցնում Ուկրաինայի դեմ ռազմական գործողությունները և վայրագությունները ֆինանսավորելու և իրականացնելու Ռուսաստանի կարողությանը», - ասել է ԱՄՆ ֆինանսների նախարար Ջանեթ Ելենը։ Գլխավոր լուսանկարում՝ ԱՄՆ ֆինանսների նախարարությունը   Նորա Վանյան
19:51 - 24 մարտի, 2022
Բայդենի որդու ներդրումային հիմնադրամը կապված է Ուկրաինայում ԱՄՆ լաբորատորիաների հետ․ Ռուսաստանի ՊՆ

Բայդենի որդու ներդրումային հիմնադրամը կապված է Ուկրաինայում ԱՄՆ լաբորատորիաների հետ․ Ռուսաստանի ՊՆ

ԱՄՆ նախագահի որդի Հանթեր Բայդենի ներդրումային հիմնադրամը մասնակցել է «Ուկրաինայում Պենտագոնի ռազմակենսաբանական  ծրագրի ֆինանսավորմանը», ՌԻԱ Նովոստիի փոխանցմամբ՝ հայտնել է Ռուսաստանի Զինված ուժերի ճառագայթային, քիմիական և կենսաբանական պաշտպանության զորքերի պետ Իգոր Կիրիլովը։ «Ստացված նյութերը թույլ են տալիս հաստատել ԱՄՆ պետական մարմինների համագործակցությունն ուկրաինական կենսաբանական օբյեկտների հետ։ Հատկանշական է ԱՄՆ ներկայիս ղեկավարությանը մոտ կառույցների մասնակցությունը նշված գործունեության ֆինանսավորմանը, մասնավորապես՝ Rosemont Seneca ներդրումային հիմնադրամի մասնակցությունը, որը գլխավորում է Հանթեր Բայդենը», - ասել է Կիրիլովը ճեպազրույցի ընթացքում։ Հիմնադրամը զգալի ֆինանսական ռեսուրսներ ունի՝ ոչ պակաս, քան 2,4 մլրդ դոլար, հավելել է նա։ «Ընդ որում, հիմնադրամը սերտորեն կապված է ամերիկյան ռազմական գերատեսչության հիմնական կապալառուների, այդ թվում՝ Metabiota ընկերության հետ, որը Black and Veach-ի հետ միասին Պենտագոնի՝ ողջ աշխարհում առկա կենսաբանական լաբորատորիաների համար սարքավորումների հիմնական մատակարարն է», - ասել է Կիրիլովը։ ՏԱՍՍ-ի փոխանցմամբ՝ Կիրիլովը հայտնել է նաև, որ ծրագրի իրականացմանն, ԱՄՆ ռազմական գերատեսչությունից զատ, մասնակցում են նաև ԱՄՆ Միջազգային զարգացման գործակալությունը, Ջորջ Սորոսի հիմնադրամը, Հիվանդությունների վերահսկման և կանխարգելման կենտրոնը։ «Գիտական համակարգումն իրականացնում են առաջատար հետազոտական կազմակերպություններն, այդ թվում՝ Լոս Ալամոսում գտնվող Ազգային լաբորատորիան, որը միջուկային զենք է մշակում Մանհեթենի նախագծի շրջանակում։ Այս ողջ գործունեությունն իրականացվում է Պենտագոնի լիակատար վերասկողության ներքո», - ընդգծել է Կիրիովը։ Գլխավոր լուսանկարում՝ ԱՄՆ նախագահի որդի Հանթեր Բայդենը   Նորա Վանյան
17:47 - 24 մարտի, 2022
Թուրքիան հերքել է Ուկրաինային S-400-ներ փոխանցելու վերաբերյալ լուրերը |armenpress.am|

Թուրքիան հերքել է Ուկրաինային S-400-ներ փոխանցելու վերաբերյալ լուրերը |armenpress.am|

armenpress.am: Թուրքիայի նախագահի աշխատակազմի հաղորդակցության գրասենյակի ղեկավար Ֆահրեթթին Ալթունը հայտարարել է, որ  Ռուսաստանի Դաշնությունից ձեռք բերված S-400 ՀՕՊ համակարգերը Ուկրաինային փոխանցելու գաղափարն իրատեսական չէ: Այս մասին հայտնում է թուրքական «Անադոլու» լրատվական գործակալությունը: Այս մասին Ալթունը գրել է՝ ի պատասխան մարտի 18-ին ամերիկյան Wall Street Journal թերթում այս թեմայով հրապարակված հոդվածի։ Մեկնաբանելով հոդվածը՝ Ալթունը նշել է, որ այս գաղափարը, թեև այսօր բավականին անիրատեսական է, սակայն հնարավորություն է տալիս քննարկելու այն խնդիրները, որոնց հետ Թուրքիան վերջին շրջանում առնչվում է Արևմուտքի հետ հարաբերություններում։ Նա հիշեցրել է, որ Անկարայի կողմից Ռուսաստանի Դաշնությունից С-400-ի ձեռքբերումը հարկադրված քայլ էր՝ ԱՄՆ-ի կողմից Patriot-ը վաճառելուց հրաժարվելու պատճառով։ «Վաշինգտոնն անտեսում է այն փաստը, որ նախքան ռուսական S-400 հակաօդային պաշտպանության համակարգերի գնման որոշում կայացնելը, Թուրքիան բանակցել է ԱՄՆ-ի հետ, սակայն ամերիկյան կողմը հրաժարվել է վաճառել Patriot-ը»,-հավելել է նա:
15:17 - 24 մարտի, 2022