Արարատի մարզ

Արարատի մարզը մարզի կարգավիճակ ունեցող վարչատարածքային միավոր է Հայաստանի հարավ-արևմուտքում։

Մարզի ընդհանուր տարածությունը 2090.0 քառ. կմ, ՀՀ տարածքի 7 %-ը:

Բնակչությունը՝ 258.2 հազ.մարդ, ՀՀ բնակչության 8.7%-ը:

Մարզի գյուղական բնակչությունը` 91 համայնքներով, կազմում է 71.85 %:

Մարզի քաղաքային բնակչությունը՝ 4 քաղաքներով`  28.2%:

Բնակչության խտությունը՝ 124 մարդ 1 քառ. կմ-ի վրա:

Մարզում տնտեսությունների / ծխերի / թիվը՝ 76280:

Արարատի մարզում անչափահասների կատարած հանցագործություններն ավելացել են

Արարատի մարզում անչափահասների կատարած հանցագործություններն ավելացել են

Արարատի մարզի դատախազության կատարված ուսումնասիրությունները վկայում են, որ մարզի տարածքում անչափահասների կողմից կատարված հանցագործությունների քանակը դինամիկ աճում է: Այս մասին հայտնեցին ՀՀ գլխավոր դատախազության հանրային կապերի բաժնից: Մասնավորապես, եթե 2018թ. մարզում 19 անչափահասների կողմից կատարվել է հանցագործության 27 դեպք, ապա 2019թ.՝ 27 անչափահասների կողմից կատարվել է 34 հանցագործություն: Այսինքն առերևույթ հանցագործություն կատարած անչափահասների թիվն ավելացել է 42%-ով, իսկ հանցագործության դեպքերը՝ 26%-ով: Հանցանք կատարած 27 անչափահասներից 12-ը սովորում են հանրակրթական դպրոցներում: Ընդ որում՝ վերջիններիցս 5-ի կողմից 6 դրվագ հանցագործությունները կատարվել են դպրոցների տարածքում: Ավելին՝ այդ հանցագործություններից երեքը կատարվել են դասապրոցեսի ընթացքում, մեկը՝ դանակի գործադրմամբ։ Ըստ ծանրության աստիճանի՝ արձանագրված 34 հանցագործության  դեպքերից 22-ը եղել է ոչ մեծ ծանրության, 8-ը միջին ծանրության, 3-ը ծանր և 1-ը առանձնապես ծանր հանցագործություններ։ Ընդ որում՝ 2018թ. առանձնապես ծանր հանցագործություն չէր գրանցվել: Նշված դեպքերով 6 քրեական գործ 9 անձի նկատմամբ՝ 12 դրվագ հանցագործության դեպքով, մեղադրական եզրակացությամբ ուղարկվել է դատարան: 26 դեպքով նախապատրաստված նյութերով քրեական գործ հարուցելը մերժվել է ոչ արդարացման հիմքով: Վիճակագրությունը փաստում է, որ մարզի տարածքում անչափահասների կողմից կատարված հանցագործությունների դեպքերի տարեց տարի արձանագրվող աճին զուգահեռ նվազման միտումով փոխվում է հանցավոր արարքներ կատարող անչափահասների տարիքային շեմը, ինչին հակառակ՝ հանցագործությունների ծանրության աստիճանը փոխվում է առավել ծանրության ուղղությամբ:  Առավել վտանգավորն  այն է, որ ըստ քրեական գործի նյութերի՝ հանցավոր արարքներ կատարման արմատներում քրեական ենթամշակույթին բնորոշ տարրերն ու մտածողությունն է։ Մարզի դատախազութունում կատարված վերլուծությունները թույլ են տալիս եզրակացնելու, որ մազում անչափահասների կողմից կատարված հանցագործությունների քանակն աճում է անչափահասների գործերով և ընտանեկան բռնության կանխարգելման բաժանմունքների աշխատակիցների կողմից հանցագործությունների նախականխման և կանխման  գործառույթների ոչ պատշաճ իրականացման, դպրոցներում դասապրոցեսի ընթացքում շրջայցեր չկատարվելու, նշված բաժանմումնքների և դպրոցների միջև փոխգործակցության ցածր մակարդակի ֆոնին։ Աճին նպաստել է նաև անչափահասների կրթության, դաստիարակության և վարքի նկատմամբ դպրոցների ղեկավար կազմի, մանկավարժական կոլեկտիվների և Արարատի մարզպետարանի համապատասխան ստորաբաժանումների կողմից ոչ բավարար հսկողությունը և դպրոցում աշակերտների ազատ ժամանակի ոչ ճիշտ կազմակերպումն օգտագործումը: Բացի այդ՝  էական նշանակություն ունի նաև արդեն իսկ հանցանք կատարած անչափահասների կյանքի, դաստիարակության պայմանների, ընդհանուր զարգացման, կրթական մակարդակի, դրսևորած ուսման առաջադիմության և վարքի, ուսումնական հաստատությունում և դրանից դուրս անչափահասին շրջապատող սոցիալական միջավայրի և այդ միջավայրում վերջինիս դերի, այսինքն՝ հանցանքի կատարմանը նպաստող պատճառների և պայմանների պարզման ուղղությամբ անբավարար աշխատանքի իրականացումը։ Հաշվի առնելով ստեղծված իրավիճակից բխող հրատապ քայլեր ձեռնարկելու անհրաժեշտությունը՝ ՀՀ Արարատի մարզի դատախազը միջնորդագրեր է ներկայացրել ՀՀ Արարատի մարզպետ Գ․ Սարգսյանին, ՀՀ ոստիկանության անչափահասների գործերով և ընտանեկան բռնության դեմ պայքարի վարչության պետ Ն․ Դուրյանին, ՀՀ ՔԿ Արարատի մարզային քննչական վարչության պետ Ա․ Գրիգորյանին և ՀՀ ոստիկանության Արարատի մարզային վարչության պետի տեղակալ Ա․ Մաթևոսյանին: Առաջարկվել է յուրաքանչյուր գերատեսչության իրավասությունների սահմաններում ձեռնարկել միջոցներ մարզի տարածքում անչափահասների հանցավորության վիճակի հետագա վատթարացումը կանխելու, առավել ռիսկային անչափահասների վարքագծի նկատմամբ իրավասու մարմինների, ուսումնական հաստատությունների վերահսկողությունն ուժեղացնելու, նրանց առօրյայի կազմակերպման, նշված պետական օղակների միջև գործակցության առարկայական մեխանիզմներ գործադրելու, ինչպես նաև այլ գործողություններ իրականացնելու ուղղությամբ և ՀՀ քրեական դատավարության օրենսգրքի 200-րդ հոդվածով սահմանված կարգով դրանց արդյունքների մասին տեղեկացնել մարզի դատախազությանը:
11:57 - 18 փետրվարի, 2020
Արարատի մարզից կառավարության հաստատմանն է ներկայացվել 112 սուբվենցիոն հայտ

Արարատի մարզից կառավարության հաստատմանն է ներկայացվել 112 սուբվենցիոն հայտ

2020 թվականին Արարատի մարզի թվով 70 համայնքներից Տարածքային կառավարման և ենթակառուցվածքների նախարարության հաստատմանն է ներկայացվել շուրջ 112 սուբվենցիոն հայտ՝ 4. 399. 577,0 ՀՀ դրամ արժեքով: Այս մասին տեղեկացնում է ՏԿԵ նախարարությունը: Անցած տարի մարզի 56 համայնքներից ներկայացվել էր 84 սուբվենցիոն ծրագրի հայտ, որոնցից իրականացվել է 58-ը՝ 1,5 միլիարդ ընդհանուր արժեքով: Այս տարվա սուբվենցիոն ծրագրերն ընդգրկում են հետևյալ ոլորտները՝  -    Ներհամայնքային փողոցների ասֆալտապատում, -    Փողոցների էներգաարդյունավետ լուսավորության, կառուցապատում/վերակառուցում, -    Փողոցների գազաֆիկացում, -    Արևային վերականգնվող համակարգերի տեղադրում, -    Ոռոգման ցանցի կառուցում, -    Խմելու ջրագծերի կառուցում, -    Մանկապարտեզների հիմնանորոգում, -    Շենքերի տանիքների կապիտալ վերանորոգում, -    Հասարակական վայրերի  (մշակույթի տուն, արվեստի դպրոց, հանդիսությունների սրահ, մարզադպրոց, մարզահրապարակ, հուշարձանների հարակից տարածք) կառուցում/բարեկարգում:
13:25 - 10 փետրվարի, 2020
Շենքային պայմանների պատճառով աշակերտները Հայանիստի դպրոցից տեղափոխվում են |hetq.am|

Շենքային պայմանների պատճառով աշակերտները Հայանիստի դպրոցից տեղափոխվում են |hetq.am|

hetq.am։ Արարատի մարզի Հայանիստ գյուղի միջնակարգ դպրոցը կառուցվել է 1971թ. և դրանից հետո ընդհանրապես կապիտալ վերանորոգման չի ենթարկվել: Տանիքը, պատուհաններն ու դռները փոխված են, սակայն ներսում վիճակն անբարեկարգ է: Դպրոցի տնօրեն Արմինե Ավետիսյանի ասելով՝ «կոսմետիկ» փոքր վերանորոգումներ եղել են, օրինակ՝ մուտք, միջանցքի հատված և այլն, սակայն դրանից ընդհանուր վիճակը չի փոխվում: «Դասարաններում առաստաղն արդեն ճաքել է, պատերից՝ հեռվացել: Հատակը փայտից է, անգամ քայլելիս և՛ ուսուցիչները, և՛ աշակերտները պետք է անցքերի միջով զգույշ անցնեն: Պատերը նույնպես ճաքել են: Իմ տնօրինության 1.5 տարիների ընթացքում փորձել ենք դպրոցի միջոցներով ինչ-որ բաներ անել, որ երեխաներին հաճելի լինի, բայց պայմանները շատ անբավարար, անմխիթար են»,- ասում է Արմինե Ավետիսյանը: Հայանիստի միջնակարգ դպրոցի տնօրենը գրություններով դիմել է Արարատի մարզպետ Գարիկ Սարգսյանին, արտակարգ իրավիճակների նախարարին: Ըստ նրա՝ եկել, տեսել են, տվել են եզրակացություն՝ վթարայնության 3 աստիճան: Դպրոցը ներառված է 46 դպրոցների ցանկում, որոնք պետք է վերակառուցվեն կամ դրանց փոխարեն կառուցվեն նորերը: Նախնական խոսակցությունների համաձայն՝ վերանորոգման կամ կառուցման աշխատանքները կսկսվեն 2020թ-ից: Փորձաքննություն անցկացնելուց հետո միայն պարզ կլինի, թե ինչ աշխատանքներ են կատարվելու: Դպրոցում շրջելով նկատեցինք, որ պատերի ճաքերից դուրսը երևում է:«Իմ կարծիքով քանդել նորը կառուցելն է ճիշտը, քանի որ պատերից աղեր են դուրս գալիս: Շատ խոնավ դպրոց է, բոլոր վերանորոգված հատվածներում ծեփը ուռում, թափվում է: Դուք էլ եք զգում խոնավության հոտը, որը ոչ մեկին հաճելի չէ: Թող իրենք որոշեն, որն էլ անեն շատ ուրախ կլինենք, քանի որ մեծ հույսով սպասում ենք, որ մի օր մենք էլ նորմալ դպրոց կունենանք»,- ասում է Արմինե Ավետիսյանը:Այն դասասենյակներում, որտեղ դաս է անցկացվում դռներն ու պատուհանները փոխվել են: Բայց տնօրենն ասում է՝ դուռ ու պատուհան փոխելով՝ չեն կարող նորմալ պայմաններ և կրթական պատշաճ որակ ապահովել:«Ինչքան էլ ուզում ես երեխային գիտելիք տալ, միևնույն է չունես բավարար պայման: Օրինակ, դրսում ամպամած է, դասասենյակներում լույս չկա, կիսամթի մեջ դաս է անցկացվում: Կան միայն մի քանի վարդակներ, որոնք նախատեսված են ջեռուցման կամ նմանատիպ այլ բաների համար: Բացի այդ, դպրոցը ջեռուցվում է էլեկտրական սալիկների օգնությամբ, լոկալ ջեռուցում չունենք: Միջանցքներում այնքան ցուրտ է լինում, ոնց որ դրսում լինենք»,- նշում է Արմինե Ավետիսյանը: Տնօրենի խոսքերով՝ այժմ չեն էլ ցանկանում դպրոցի վրա ծախսեր կատարել, քանի որ դրանք այլևս նպատակահարմար չեն, անիմաստ գումար են կորցնելու: Միայն կապիտալ վերանորոգման կամ նոր դպրոց կառուցելու դեպքում ծախսերը կլինեն արդարացված:Խնդիրներ են առաջանում նաև սանհանգույցներում: Պարզվում է՝ զուգարանները «էկո» են, որտեղ ընդհանրապես ջուր չի օգտագործվում: Արմինե Ավետիսյանի փոխանցմամբ՝ հատկապես ամռան ամիսներին ամբողջ բույրը տարածվում է դպրոցում: «350 հոգանոց դպրոցում «Էկո» զուգարան է գործում՝ մեկը աղջիկների, մեկը տղաների համար, քիչ է, սարսափելի վիճակ է: Ուսուցիչներն ու աշակերտները նույն զուգարանից են օգտվում: Դպրոցի զուգարանը եղել է դրսում: Ամերիկացի բարեգործների շնորհիվ կառուցվել է զուգարան, իրենք էլ որոշել են, որ պետք է «էկո» լինի»,- հավելում է տնօրենը:Ավելին՝ hetq.am։ 
07:07 - 20 մայիսի, 2019
Հայանիստի համայնքապետը քաղաքացիների սեփականության իրավունքի դադարեցման գործընթաց է սկսել |hetq.am|

Հայանիստի համայնքապետը քաղաքացիների սեփականության իրավունքի դադարեցման գործընթաց է սկսել |hetq.am|

hetq.am: Հողամասի նկատմամբ սեփականության իրավունքի դադարեցման պահանջով Արարատի մարզի Հայանիստ համայնքի ղեկավար Բալաբեկ Սարգիսյանն այս տարի արդեն 17 հայցադիմում է ներկայացրել ընդհանուր իրավասության դատարաններ: Համայնքի ղեկավարի տեղակալ Արթուր Բաբաջանյանյանն ասաց, որ առաջիկայում այդ հայցադիմումների թիվը կարող է ավելանալ, քանի որ լուրջ գործընթաց են սկսել: Ըստ նրա՝ հայցադիմումներ ներկայացվել են այն քաղաքացիների դեմ, ովքեր 1990-ականներից սկսած հողի հարկերը չեն վճարել:«Չենք ճանաչում, թե ովքեր են այդ սեփականատերերը: Մեր գյուղացիները չեն, կոորդինատներ չունենք, կապ չունենք, որ ասենք՝ բերեք փողերը տվեք: Մեր գյուղացիներին կարողանում ենք զանգել, խնդրել, որ բերեն հարկերը վճարել: Իսկ այդ մարդկանցից ոչ մի տվյալ չունենք»,-ասում է Արթուր Բաբաջանյանը:Համայնքի ղեկավարի տեղակալի ասելով՝ սեփականաշնորհման տարիներին համայնքի տարածքում գործել են հիմնարկ-ձեռնարկություններ և վերջիններիս աշխատակիցները ևս մասնակցել են սեփականաշնորհման գործընթացին: Այժմ այդ հիմնարկները չկան և իրենք տեղեկություններ չունեն համայնքի տարածքում սեփականաշնորհված հողամաս ունեցող նախկին աշխատակիցների մասին: Հայանիստ համայնքում չգիտեն էլ այդ քաղաքացիները Հայաստանում են, թե ոչ: Կամ՝ գուցե ոմանք արդեն կենդանի էլ չեն, իսկ ժառանգները չգիտեն, որ Հայանիստում հողամաս ունեն: Այդ հողամասերն այսօր անմշակ են և չօգտագործելու պատճառով որակազրկվում են: Արթուր Բաբաջանյանն ասում է, եթե իրենց հայցադիմումների հիման վրա դատարանը դադարեցնի տարիներ շարունակ հարկ չվճարող քաղաքացիների հողամասի նկատմամբ սեփականության իրավունքը, դրանից հետո այդ հողերը դրվելու են աճուրդ վաճառքի: Հայանիստի համայնքի ղեկավարի տեղակալից խնդրեցինք հայտնել, թե որքան է կազմում չվճարված հողի հարկի ապառքը և դատական վեճի առարկա հանդիսացող հողատարածքների չափը: Պարզվեց, համայնքապպետարանի հաշվապահն աշխատանքից ազատվել է, իսկ համայնքապետն արձակուրդում է, և համայնքում որևէ մեկը տեղյակ չէր գումարի չափի և հողամասերի չափերի մասին:
11:08 - 18 մայիսի, 2019