Ուկրաինա

Ուկրաինան գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Դոնբասում տիրող հակամարտությունը չի խանգարում Ուկրաինայի՝ դաշինք մտնելուն. ՆԱՏՕ |tert.am|

tert.am: Ուկրաինայի արևելքում տիրող հակամարտությունը չի խոչընդոտում երկրի՝ ՆԱՏՕ-ին միանալուն, քանի որ Հյուսիսատլանտյան դաշինքի պայմանագրում չկա կետ, որը դա թույլ չի տալիս:Ինչպես փոխանցում է «Կոմերսանտ»-ը, նման հայտարարությամբ հանդես է եկել Ուկրաինայում ՆԱՏՕ-ի ներկայացուցչության ղեկավար Ալեքսանդր Վիննիկովը: Վերջինս հայտնել է, որ Ուկրաինան մտադիր է շարունակել ՆԱՏՕ-ի «համերաշխության և աջակցության քայլերը»՝ որպես օրինակ բերելով Սև ծովում անցկացվող զորավարժությունները:«ՆԱՏՕ-ի վաշինգտոնյան պայմանագրում նման կետ չկա: Ի դեպ, վերջիվերջո, դաշնակիցները պետք է վստահ լինեն, որ նոր անդամի ներգրավումը կուժեղացնի դաշինքի անվտանգությունը: Այդ իսկ պատճառով էլ այդ որոշումը հավաքական կերպով է ընդունվում»,- ասել է Վիննիկովը:

12:48 - 31 օգոստոսի, 2021

Թուրքիան երբեք չի ճանաչել և չի ճանաչի Ղրիմի բռնակցումը. Չավուշօղլու |tert.am|

tert.am: Թուրքիան աջակցում է Ուկրաինայի սահմանների ամբողջականությանը, երբեք չի ճանաչել և չի ճանաչի Ղրիմի «բռնակցումը»: Ինչպես փոխանցում է «Անադոլու» գործակալությունը, այս մասին Կիևում անցկացվելիք «Ղրիմի հարթակ» համաժողովից առաջ լրագրողներին ասել է Թուրքիայի նախագահ Մևլյութ Չավուշօղլուն:Թուրքիայի ԱԳ նախարարն ընդգծել է, որ Թուրքիան մասնակցում է գագաթնաժողովին, որպեսզի ցույց տա աջակցությունն Ուկրաինայի տարածքային ամբողջականությանը և կարևորությունը, որն իրենք տալիս են ղրիմյան թաթարների իրավունքներին:«Մենք մշտապես կրկնում ենք, որ երբեք չենք ճանաչել և չենք ճանաչի Ղրիմի բռնակցումը»,- ընդգծել է Չավուշօղլուն:

17:21 - 23 օգոստոսի, 2021

Մերկելը Ռուսաստան եւ Ուկրաինա կայցելի երկու օրվա տարբերությամբ |armenpress.am|

armenpress.am: Գերմանիայի կանցլեր Անգելա Մերկելը կայցելի Ռուսաստան եւ Ուկրաինա: Այդ մասին ճեպազրույցի ընթացքում հայտնել Է գերմանական կառավարության պաշտոնական ներկայացուցիչ Շտեֆեն Զայբերտը: Մերկելը Մոսկվա կժամանի օգոստոսի 20-ին, ճշտել Է նա: Ծրագրի մանրամասների մասին կհաղորդվեն հաջորդ շաբաթ, բայց ակներեւ Է, որ նա հանդիպում կունենա նախագահ Պուտինի հետ»,-հավելել Է Զայբերտը: Կրեմլում հայտարարել են, որ Ռուսաստանի ղեկավարը մտադիր Է Մերկելի հետ քննարկել երկկողմ հարաբերությունների զարգացումը, ինչպես նաեւ միջազգային ու տարածաշրջանային հարցեր: Այցը Կիեւ պլանավորված Է օգոստոսի 22-ին: Ինչպես հաղորդել Է Ուկրաինայի նախագահի մամուլի քարտուղար Սերգեյ Նիկիֆորովը, Վլադիմիր Զելենսկու հետ հանդիպմանը կքննարկվեն Գերմանիայի երաշխիքները «Հյուսիսային հոսք-2»-ի գործարկման դեպքում, ինչպես նաեւ իրադրությունը Դոնդասում: Մերկելը վերջին արտասահմանյան այցերն Է կատարում կանցլերի պաշտոնում: Սեպտեմբերին Գերմանիայում կանցկացվեն ընտրություններ, կառավարության նոր ղեկավար կդառնա այն կուսակցությունից թեկնածուն, որը կհավաքի ամենամեծ թվով ձայները եւ ամենախոշոր խմբակցությունը կձեւավորի Բունդեսթագում, հաղորդել Է ՌԻԱ Նովոստին:

16:05 - 13 օգոստոսի, 2021

Սև ծովում զորավարժություններ են սկսվել ՆԱՏՕ-ի, Վրաստանի, Ուկրաինայի և Ադրբեջանի մասնակցությամբ |tert.am|

tert.am: Սև ծովում սկսվել են «Դայվ-2021» բազմազգ զորավարժությունները՝ Ադրբեջանի, Ուկրաինայի, Վրաստանի, Բուլղարիայի, ԱՄՆ-ի և Ռումինիայի մասնակցությամբ: Այս մասին հայտնում է корреспондент-ը՝ վկայակոչելով Ուկրաինայի պաշտպանության նախարարության մամուլի ծառայությանը:Ինչպես նշվում է, մարտավարական ստորաբաժանումների կազմում հնարքների մշակում է տեղի ունենում անդամ երկրների՝ սուզվելու համար նախատեսցված նորագույն սարքավորումների, ուկրաինական ռազմածովային ուժերի որոնողափրկարարական նավի հատուկ սարքավորումների և ռումինական նավի հիդրոգրաֆիկ համալիրի կիրառմամբ:Զինվորականները զույգերով սուզվում են ավելի քան 30 մետր խորությամբ: Հավելյալ ուշադրություն է դարձվում բուժօգնություն հատկացնելու գործողությունների մշակմանը:

19:56 - 05 օգոստոսի, 2021

Ուկրաինայի կառավարական շենքը պայթեցնել սպառնացող տղամարդուն ձերբակալել են |tert.am|

tert.am: Տղամարդը, որը սպառնում էր նռնակով պայթեցնել Ուկրաինայի կառավարության շենքը, ձերբակալվել է: Ինչպես փոխանցում է корреспондент-ը, նրան համոզել են հանձնվել:Վերջինս ներողություն է խնդրել ոստիկաններից: Ուկրաինական ԶԼՄ-ների փոխանցմամբ` նրա բերած նռնակը մարտական է եղել:Միջադեպի պատճառով ոստիկաններն արգելափակել էին կառավարության շենք տանող փողոցները:

13:51 - 04 օգոստոսի, 2021

Հուլիսի 19-ին Բաթումիում հանդիպելու են Եվրամիության, Ուկրաինայի, Մոլդովայի ու Վրաստանի նախագահները |azatutyun.am|

azatutyun.am: Հուլիսի 19-ին Բաթումիում հանդիպելու են Եվրամիության, Ուկրաինայի, Մոլդովայի ու Վրաստանի նախագահները: Այդ կապակցությամբ Վրաստանի նախագահ Սալոմե Զուրաբիշվիլին Թվիթերի իր էջում գրել է․ «Ուրախ եմ Բաթումիի միջազգային համաժողովում ողջունելու Եվրոպական խորհրդի, Ուկրաինայի և Մոլդովայի նախագահներին»։ Ակնկալվում է, որ Շառլ Միշելի, Վլադիմիր Զելենսկու, Մայա Սանդուի ու Սալոմե Զուրաբիշվիլիի հանդիպմանը քննարկվելու է ասոցացման համաձայնագիրը ստորագրած Ուկրաինայի, Վրաստանի, Մոլդովայի հետ Եվրամիության համագործակցության մակարդակը բարձրացնելու հարցերը։

17:47 - 17 հուլիսի, 2021

Ուկրաինայում Մի-2 ուղղաթիռ է կործանվել. կան զոհեր |tert.am|

tert.am: Ուկրաինայում Մի-2 ուղղաթիռ է կործանվել, ինչի հետևանքով երկու մարդ է զոհվել, հայտնում է Արտակարգ իրավիճակների պետական ծառայության կայքը:Ինչպես նշում է iz.ru-ն, վարչության տվյալներով՝ ուղղաթիռն ընկել է Նիկոլաևի շրջանում. գետնին հարվածելուց այն հրդեհվել է: Զոհվել են օդաչուն և նրա օգնականը:

12:56 - 17 հուլիսի, 2021

ԵԱՀԿ-ն հայտարարել է Դոնբասում իրավիճակի վատթարացման մասին |factor.am|

factor.am: Ուկրաինայում և Եռակողմ շփման խմբում ԵԱՀԿ գործող նախագահի հատուկ ներկայացուցիչ, դեսպան Հեյդի Գրաուն պատվիրակությունների ղեկավարների մակարդակով հերթական հանդիպումից հետո հայտարարել է Դոնբասում անվտանգային իրավիճակի վատթարացման մասին:Այս մասին ասված է ԵԱՀԿ կայքում հրապարակված հայտարարության մեջ: «Վերջին երկու շաբաթվա ընթացքում աճում են հրադադարի ռեժիմի խախտումները: Աճում է խախտումների ընդհանուր քանակը և վատթարանում է անվտանգային իրավիճակն անջատման գոտիներում և դրանց հարակից տարածքներում»,- հայտարարել է Գրաուն: Նա նաև փաստել է, որ «կողմերը դեռևս պատրաստակամություն չեն ցուցաբերել հրադադարի ռեժիմի խախտումները վերացնելու համար»։

14:06 - 08 հուլիսի, 2021

Վրաստան, Թուրքիա, Ադրբեջան...Զելենսկին նշել է` որ երկրների հետ է Կիևը զարգացնելու հարաբերությունը |tert.am|

tert.am: Ուկրաինայի նախագահ Վլադիմիր Զելենսկին ելույթ է ունեցել «Ուկրաինա 30. Միջազգային քաղաքականություն» համաժողովում`նշելով այն երկրները, որոնց հետ Ուկրաինայի համար ձեռնտու է լինել ընկերներ, գրում է lenta.ru-ն:Ուկրաինայի ղեկավարն այդ երկրների շարքն է դասել՝ ԱՄՆ-ն, Գերմանիան, Ֆրանսիան, Մեծ Բրիտանիան, Կանադան, Թուրքիան, Չինաստանը, Լատվիան, Լիտվան, Էստոնիան, Ադրբեջանը, Վրաստանը և Ռումինիան: Զելենսկին կոչ է արել նաև պահպանել հարաբերությունները Բրազիլիայի, Հնդկաստանի և Ճապոնիայի հետ:

17:11 - 05 հուլիսի, 2021

Ուկրաինան շարունակում է հզորացնել երկրի ռազմածովային ուժերը․ Զելենսկի |azatutyun.am|

azatutyun.am: «Ուկրաինան շարունակում է ամրապնդել երկրի ռազմածովային ուժերի կարողությունները՝ այդ թվում սեփական արտադրության սպառազինությունը զորքերին մատակարարելով», - հայտարարել է Վլադիմիր Զելենսկին։ Ուկրաինայի նախագահն այդ մասին հայտարարել է Sea Breeze-2021 զորավարժություններին մասնակցելու նպատակով Օդեսայի նավահանգիստ ժամանած ամերիկյան Ross ռազմանավի անձնակազմի հետ նախօրեին կայացած հանդիպման ընթացքում։ «Մենք շարունակում ենք հզորացնել ուկրաինական նավատորմի մարտական հզորությունները հայրենական արտադրության սպառազինության և տեխնոլոգիաների կիրառման միջոցով։ Օրերս հաջողությամբ ավարտին են հասցվել ուկրաինական արտադրության «Նեպտուն» տեսակի հրթիռային համակարգերի պետական փորձարկումները։ Դա հնարավորության կտա մեզ Սև և Ազովի ծովերում հաջողությամբ դիմակայել ռուսական ագրեսիային», - ասել է Զելենսկին։

12:53 - 05 հուլիսի, 2021

Ռուսաստանը որպես կոնֆլիկտի կողմ ներկայացնելու Ուկրաինայի փորձերն անընդունելի են․ Դմիտրի Պեսկով |azatutyun.am|

azatutyun.am: Ռուսաստանի նախագահ Վլադիմիր Պուտինի խոսնակ Դմիտրի Պեսկովն այսօր հայտարարել է, թե Ուկրաինան փորձում է խարխլել Մինսկի համաձայնությունները և Ռուսաստանը ներկայացնել իբրև հակամարտության կողմ: Դա, ըստ Պեսկովի, անընդունելի գործելակերպ է: Պատասխանելով «Մոսկվա. Կրեմլ. Պուտին» հեռուստահաղորդաշարը վարող լրագրող Վլադիմիր Սոլովյովի հարցերին, Պեսկովն ասել է, թե Ուկրաինան չի ցանկանում կատարել Մինսկի համաձայնությունները: Ուկրաինան փորձում է դրանք ներկայացնել որպես մեռյալ և այլևս չգործող համաձայնություններ, որոնք անհրաժեշտ է փոխարինել և Ռուսաստանը ներկայացնում է որպես Դոնբասում ընթացող հակամարտության կողմ, ինչը բացարձակ չի համապատասխանում իրականությանը և անընդունելի է թե՛ Ռուսաստանի և թե՛ նորմանդյան քառյակի համար»,- ասել է Պեսկովը: Նրա խոսքով, Կիևի կողմից մինսկյան համաձայնությունների չկատարումն է հիմնական հանգամանքը, որը խոչընդոտում է Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու հանդիպման կազմակերպումը:

19:05 - 04 հուլիսի, 2021

481,5 մլն դոլար. ԱՄՆ-ն ավելացրել է Ուկրաինային տրվող ռազմական օգնությունը |tert.am|

tert.am: ԱՄՆ Ներկայացուցիչների պալատի հատկացումների հանձնաժողովը հավանություն է տվել օրինագծին, համաձայն որի 2022 ֆինանսական տարում Ուկրաինային տրվող ռազմական աջակցությունը կկազմի 481,5 մլն դոլար, ինչը 28,5 միլիոնով ավելի է ընթացիկ տարվա օգնությունից: Այս մասին հայտնել է ԱՄՆ-ում Ուկրաինայի դեսպանատունը: Նշվում է, որ այդ գումարից 125 միլիոնը (10 միլիոնով ավելի, քան 2021 թվականին) կհատկացվի Ուկրաինայի անվտանգությանն աջակցության նպատակով՝ Միջազգային ռազմական ֆինանսավորում հոդվածի համաձայն:

13:35 - 03 հուլիսի, 2021

Բելառուսի նախագահը սահմանապահ զորքերին հանձնարարել է փակել Ուկրաինայի հետ սահմանը |armenpress.am|

armenpress.am: Բելառուսի նախագահ Ալեքսանդր Լուկաշենկոն սահմանապահ զորքերին հանձնարարել է փակել Ուկրաինայի հետ սահմանը: Ինչպես տեղեկացնում է «ՌԻԱ Նովոստի»-ն, Բելառուսի նախագահը այս մասին հայտարարել է Անկախության օրվա առթիվ կազմակերպված հանդիսավոր ժողովի ժամանակ, որը Բելառուսում նշում են հուլիսի 3-ին ։ Լուկաշենկոն պարզաբանել է, որ Ուկրաինայից հսկայական քանակությամբ զենք է ներթափանցում ։ Բացի այդ, ըստ նախագահի, հարևան հանրապետությունը, ինչպես նաեւ Գերմանիան, ԱՄՆ-ն, Լեհաստանը եւ Լիտվան կապված են Բելառուսում «ծպտյալ» ահաբեկչական խմբավորումների հետ: «Այդ բջիջների նպատակը իքս օրը բռնի իշխանափոխությունն է»,- հավելել է նա։

20:38 - 02 հուլիսի, 2021

Կիևն արձագանքել է Զելենսկու հետ հանդիպման մասին Պուտինի հայտարարությանը |1lurer.am|

1lurer.am: Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակն արձագանքել է ՌԴ նախագահ Վլադիմիր Պուտինի՝ Ուկրաինայի իր գործընկեր Վլադիմիր Զելենսկու հետ հանդիպման մասին հայտարարությանը: Ըստ Պոդոլյակի՝ Պուտինի հայտարարությունից հետո նրանց անմիջական շփումն էլ ավելի կարևոր է դարձել՝ հայտնում է ТАСС-ը: Ավելի վաղ Ռուսաստանի նախագահը հայտարարել էր, որ Զելենսկու հետ հանդիպումն անիմաստ է համարում, քանի որ Ուկրիանայի նախագահը հարց չի լուծում, նա երկիրը հանձնել է Արևմուտքի լիակատար վերահսկողությանը: Միաժամանակ, Պուտինը նշել է, որ դեմ չէ հանդիպմանը, բայց նախապես պետք է պարզել, թե ինչի մասին են խոսելու: Ըստ Պոդոլյակի՝ ՌԴ նախագահի այս հայտարարությունն ավելի է կարևորում երկու նախագահների ուղղակի բանակցությունները՝ կողմերի դիրքորոշումները հստակեցնելու և առանց տեղեկատվության խեղաթյուրման փորձելու գտնել Դոնբասում պատերազմը դադարեցնելու միջոցը:

20:55 - 30 հունիսի, 2021

Ուկրաինային վերաբերող հարցերը լուծվում են ոչ թե Կիևում, այլ Վաշինգտոնում, Բեռլինում և Փարիզում. եվ ուրեմն ինչի՞ մասին զրուցեմ Զելենսկիի հետ. Պուտին |tert.am|

tert.am: Ռուսաստանի Դաշնության նախագահ Վլադիմիր Պուտինը, ուղիղ կապի ժամանակ պատասխանելով իրեն ուղղված հարցերին, նշել է, որ պատրաստվում է Ռուսաստանի և Ուկրաինայի պատմության վերաբերյալ վերլուծական հոդված գրել, գրում է «ՌԻԱ Նովոստի» լրատվական գործակալությունը: «Ես արդեն մտածել եմ այդ մասին․ կգրեմ վերլուծական հոդված և հուսով եմ, որ, ինչպես Ռուսաստանում, այնպես էլ Ուկրաինայում այն կընթերցվի։ Ես կներկայացնեմ այս հարցին իմ վերաբերմունքը», - ասել է Պուտինը և հավելել, որ նա ռուս և ուկրաինացի ժողովուրդներին մեկ ամբողջություն է համարում։ ՌԴ նախագահը նշել է, որ Ուկրաինայի նախագահ Վլադիմիր Զելենսկիի հետ հանդիպելու դեպքում նախ պետք է հասկանալ, թե ինչի մասին պետք է խոսել, քանի որ երկիրը (Ուկրաինան) հանձնված է արտաքին վերահսկողությանն ու խնդիրները լուծվում են Վաշինգտոնում, Բեռլինում և Փարիզում։

14:54 - 30 հունիսի, 2021

Սև ծովում այսօր մեկնարկում են Sea Breeze-2021 զորավարժությունները |azatutyun.am|

azatutyun.am: Ամերիկայից, Եվրոպայից, Ասիայից, Աֆրիկայից ավելի քան երեք տասնյակ երկրների մասնակցությամբ զորավարժությունների սցենարով ծովում, օդում և ցամաքում ուժերի համատեղումն է, իրականացվելու են փոխգործակցության տարբեր վարժություններ, այդ թվում՝ պայմանական հակառակորդի նավերի, հակաօդային պաշտպանության համակարգերի չեզոքացում, ռազմամթերքի պահեստների ոչնչացում։ Մշակվում են ճգնաժամային իրավիճակներում հումանիտար օգնություն ցուցաբերելու, բնական աղետների կամ տեխնածին պատահարների, վթարների հետևանքները վերացնելու համատեղ գործողություններ։ Զորավարժություններում ներգրավված է ԱՄՆ-ի ռազմածովային ուժերի Ross հածանավը, որը շաբաթ օրը խարիսխ է ձգել Օդեսայի նավահանգստում; Ամերիկյան ռազմանավի վրա Tomahawk թևավոր հրթիռներ արձակող 90 կայան կա, անձնակազմի քանակը գերազանցում է 300-ը։ Մինչ զորավարժությունների մեկնարկը Ուկրաինայում ԱՄՆ-ի դեսպանությունը հայտնել էր, որ դրանց 5 հազար զինծառայողներ են մասնակցելու, 32 նավ և չորս տասնյակ ինքնաթիռներ։ Ամերիկյան հածանավի Օդեսա հասնելու նույն օրը Ռուսաստանի պաշտպանության նախարարությունը հայտարարել էր, թե ռուսական ուժերը հետևում են դրա գործողություններին:

10:25 - 28 հունիսի, 2021