ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Կապիտոլիումի մոտ տեղի ունեցած անկարգությունների գործով կալանավորվել է 280 մարդ |shantnews.am|

shantnews.am: ԱՄՆ իշխանությունները մեղադրանք են առաջադրել ավելի քան 300 մարդու ՝ Կապիտոլիումի ներսում և նրա շուրջ հունվարի 6-ին տեղի ունեցած անկարգությունների գործով։ Դաշնային օրենսդրության խախտելու համար 280 մարդ է բերման ենթարկվել, հայտնում է Hill- ը՝ վկայակոչելով Արդարադատության նախարարությանը։ «Հանցագործների նկատմամբ հետաքննությունն ընթանում է աննախադեպ արագ տեմպերով, և դա միանգամայն արդարացի է: Հանցագործները պետք է պատասխանատվության ենթարկվեն և դատարանի առջև կկանգնեն», – ասել է Գլխավոր դատախազի տեղակալ Ջոն Կարլին: Հիշեցնենք, հունվարի 6-ին Վաշինգտոնում տեղի ունեցած ցույցերից հետո , Դոնալդ Թրամփի կողմնակիցները գրոհեցին Կապիտոլիումի շենք:

13:40 - 28 փետրվարի, 2021

ԱՄՆ-ի շախմատի ֆեդերացիայի նախագահը արձագանքել է Լևոն Արոնյանի հայտարարությանը |armsport.am|

armsport.am: Հայ գրոսմայստեր Լևոն Արոնյանը երեկ հայտարարեց Հայաստանից հեռանալու ու ԱՄՆ տեղափոխվելու մասին։ Արոնյանը այսուհետ հանդես է գալու Միացյալ Նահանգների դրոշի ներքո։ 38-այմա շախմատիստի հայտարությանն արձագանքել է ԱՄՆ-ի շախմատի ֆեդերացիայի նախագահ Մայք Հոֆփեյրը։ Ֆեդերացիայի նախագահի խոսքով՝ քանի դեռ Արոնյանը բնակություն չի հաստատել Միացյալ Նահանգներում՝ երկիրը չունի իրավասություն ՖԻԴԵ-ում նրա կարգավիճակի վերաբերյալ․ «Միացյալ Նահանգների շախմատի ֆեդերացիան ողջունում է սուպերգրոսմայստեր Լևոն Արոնյանի ԱՄՆ տեղափոխվելու մտադրության լուրը։ Քանի դեռ նա չի ապրում Միացյալ Նահանգներում, ԱՄՆ-ի շախմատի ֆեդերացիան չունի իրավասություն ՖԻԴԵ-ում իր կարգավիճակի հետ։ Ինչպես տրանսֆերային այլ հարցերում, ԱՄՆ-ի շախմատի ֆեդերացիան իրեն չի կարող թույլ տալ հրավիրել որևէ խաղացողի, կամ վճարել նրա տրանսֆերի համար։ Մեր դերը խաղացողի վարչական փաստաթղթերի մշակումն է՝ ՖԻԴԵ-ի պահանջներին համապատասխան»,-ասված է հայտարարության մեջ։

15:22 - 27 փետրվարի, 2021

ԱՄՆ Ներկայացուցիչների պալատն ընդունել է 1,9 տրլն դոլար ծավալով կորոնավիրուսային օգնության փաթեթը |tert.am|

tert.am: Միացյալ Նահանգների Ներկայացուցիչների պալատն համավարակի ֆոնին ընդունել է տնտեսության խթանման նպատակով 1,9 տրիլիոն դոլար ծավալով փաթեթը և այն ուղարկել Սենատ, հայտնում է CNBC–ն:Նախագահ Ջո Բայդենի համար դա առաջին խոշոր օրենսդրական նախաձեռնությունն է: Պալատը հաստատել է այն 219 կողմ, 212 դեմ ձայներով։ Երկու դեմոկրատներ միացել են հանրապետականներին և դեմ քվեարկել նախագծին:Հաջորդ շաբաթ սենատորները կսկսեն ուսումնասիրել համավարակային օգնության ծրագիրը: Օրենսդիրները փոփոխություններ են առաջարկելու, և պալատն, ամենայն հավանականությամբ, ընդունելու է օրինագծի մեկ այլ տարբերակ։

14:28 - 27 փետրվարի, 2021

ԱՄՆ-ն երբեք Ղրիմը ռուսական չի ճանաչի․ Բայդեն |factor.am|

factor.am: ԱՄՆ նախագահ Ջո Բայդենը հայտարարել է, որ Միացյալ Նահանգները երբեք Ղրիմը ռուսական չի ճանաչի, Վաշինգտոնը կշարունակի «Ուկրաինայում ագրեսիայի համար» Ռուսաստանին պատասխանատվության ենթարկելու ուղղությամբ, հաղորդում է ՌԻԱ Նովոստին։ «Այս մռայլ տարելիցին մենք կրկնում ենք մի պարզ ճշմարտություն՝ Ղրիմը Ուկրաինա է։ ԱՄՆ-ն չի ճանաչում և երբեք չի ճանաչի Ռուսաստանի կողմից թերակղզու բռնակցումը, և մենք Ուկրաինայի հետ միասին կդիմակայենք Ռուսաստանի ագրեսիվ գործողություններին։ Մենք կշարունակենք աշխատել Ռուսաստանին պատասխանատվության ենթարկելու ուղղությամբ՝ Ուկրաինայում նրա չարաշահումների և ագրեսիայի համար»,- ասված է Սպիտակ տան կայքում զետեղված հայտարարության մեջ:

20:38 - 26 փետրվարի, 2021

Տեղի է ունեցել ԱՄՆ նախագահի և Սաուդյան Արաբիայի թագավորի հեռախոսազրույցը |1lurer.am|

1lurer.am: ԱՄՆ նախագահ Ջո Բայդենը հեռախոսազրույց է ունեցել Սաուդյան Արաբիայի թագավոր Սալման բին Աբդել Ազիզ Ալ-Սաուդի հետ՝ կարևորելով կայունությունն ու թափանցիկությունը երկկողմ հարաբերություններում՝ ներկայացնում է Reuters-ը: Զրուցակիցները քննարկել են «տարածաշրջանային անվտանգության խնդիրներ, ներառյալ ՄԱԿ-ի և ԱՄՆ-ի կողմից Եմենում պատերազմը դադարեցնելու նոր ջանքերը»: Բայդենը վերահաստատել է Սաուդյան Արաբիային «Իրանի հետ կապված խմբավորումների հարձակումներից» պաշտպանելու իր մտադրությունը: Երկու երկրների ղեկավարների հեռախոսազրույցը մամուլի ուշադրության կենտրոնում է հայտնվել, քանի որ տեղի է ունեցել սաուդցի լրագրող Ջամալ Խաշոգջիի սպանության վերաբերյալ ԱՄՆ հետախուզության զեկույցի հրապարակումից առաջ: Ըստ աղբյուրների՝ սպանությունը կատարվել է Սաուդյան Արաբիայի փաստացի ղեկավար, 35-ամյա թագաժառանգ Մուհամեդ բեն Սալմանի գիտությամբ: Էր Ռիադը հերքում է նման պնդումները:

13:28 - 26 փետրվարի, 2021

ԱՄՆ-ում ՀՀ դեսպանը հեռախոսազրույց է ունեցել սենատոր Բոբ Մենենդեսի հետ

Փետրվարի 25-ին ԱՄՆ-ում ՀՀ դեսպան Վարուժան Ներսեսյանը հեռախոսազրույց է ունեցել սենատոր Բոբ Մենենդեսի հետ: Դեսպանը շնորհավորել է սենատոր Մենենդեսին՝ Սենատի արտաքին հարաբերությունների հանձնաժողովի նախագահի պաշտոնում ընտրվելու կապակցությամբ։ Զրույցի ընթացքում դեսպան Ներսեսյանը ներկայացրել է Ադրբեջանի ագրեսիայի հետևանքով Արցախում ստեղծված հումանիտար ճգնաժամը և կարևորել դրանց հաղթահարմանն նպատակով միջազգային հանրության, այդ թվում՝ ԱՄՆ ներգրավվածությունը: Դեսպան Ներսեսյանը սենատորի ուշադրությանը հրավիրել է հայ ռազմագերիների և պատանդի կարգավիճակում գտնվող քաղաքացիական անձանց խնդիրը և երկուստեք ընդգծել նրանց անհապաղ հայրենադարձման ուղղությամբ անրաժեշտ միջոցներ ձեռնարկելու կարևորությունը։ Սենատորի խնդրանքով Վարուժան Ներսեսյանը ներկայացրել է Հայաստանում ընթացող ներքաղաքական զարգացումների հետ կապված իրավիճակը։

10:08 - 26 փետրվարի, 2021

Կոչ ենք անում իրավիճակը կարգավորել խաղաղ եղանակով․ ԱՄՆ պետդեպի անդրադարձը Հայաստանում տիրող իրավիճակին |armenpress.am|

armenpress.am: Ամերիկայի Միացյալ Նահանգների պետքարտուղարության մամուլի խոսնակ Նեդ Փրայսն անդրադարձել է Հայաստանի ներքաղաքական զարգացումներին՝ բոլոր կողմերին կոչ անելով ցուցաբերել զսպվածություն և զերծ մնալ բռնության հանգեցնող քայլերից։ Լրագրողների հետ ճեպազրույցի ընթացքում Նեդ Փրայսն ասել է, որ տեղյակ են Հայաստանի վերջին զարգացումներից և հետևում են իրավիճակին շատ մոտիկից։ «Կոչ ենք անում բոլոր կողմերին զերծ մնալ որևէ բռնի գործողությունից։ Մենք բոլոր կողմերին հիշեցնում ենք ժողովրդավարական սկզբունքների մասին, որ զինված ուժերը չպետք է ներգրավված լինեն ներքաղաքական գործընթացների մեջ։ Շարունակում ենք սատարել Հայաստանի ժողովրդավարությանը և ինքնիշխանությանը։ Մենք կոչ ենք անում բոլոր կողմերին իրավիճակը կարգավորել խաղաղ եղանակով՝ հարգելով օրենքի գերակայությունը։ Մենք կշարունակենք հետևել իրավիճակին շատ մոտիկից»,- ասել է նա։

01:01 - 26 փետրվարի, 2021

Բոլոր կողմերին խրախուսում ենք հանդես բերել հանգստություն․ ԱՄՆ դեսպանատուն

ԱՄՆ դեսպանատան հայտարարությունը Միացյալ Նահանգների դեսպանությունը ուշադրությամբ հետևում է հայաստանյան ընթացիկ զարգացումներին, այդ թվում՝ համապատասխան շահագրգիռ կողմերի հայտարարություններին։ Այս մասին ֆեյսբուքի իր էջում գրել է Հայաստանում ԱՄՆ դեսպանատան մամուլի հարցերով պատասխանատու Թագուհի Ջահուկյանը։ «Մենք բոլոր կողմերին խրախուսում ենք հանդես բերել հանգստություն, զսպվածություն և խաղաղ ու առանց բռնության թուլացնել լարվածությունը։ Միացյալ Նահանգները, մեր ընդհանուր արժեքներին համահունչ սատարելով Հայաստանի ժողովրդավարական բարեփոխումներին, շեշտում է ժողովրդավարական հաստատությունների և գործընթացների կարևորությունը քաղաքական տարաձայնությունները երկխոսությամբ կարգավորելու ճանապարհին»,- գրել է նա։

18:14 - 25 փետրվարի, 2021

ՄԶԳ և ՀԱՀ հիմնադրամի միջոցով առողջապահության նախարարությանը տրամադրվել է թթվածնի 50 խտացուցիչ և 4 շարժական ռենտգեն սարք

ՀՀ առողջապահության նախարարի առաջին տեղակալ Լենա Նանուշյանը և Հայաստանում ԱՄՆ արտակարգ և լիազոր դեսպան Լին Թրեյսին այցելել են «Դեղերի և բժշկական պարագաների ապահովման ազգային կենտրոն»` ընդունելու ԱՄՆ միջազգային զարգացման գործակալության (ՄԶԳ) և Հայաստանի ամերիկյան համալսարանի (ՀԱՀ) հիմնադրամի միջոցով Առողջապահության նախարարությանը տրամադրված աջակցությունը` թթվածնի 50 խտացուցիչ և չորս շարժական ռենտգեն սարք: Նախարարությունը նշում է, որ COVID-19-ի տարածումը կանխելու և հիվանդության դեմ առավել արդյունավետ պայքարելու նպատակով հիշյալ սարքերը տրամադրվելու են առողջապահական հաստատություններին: Առողջապահության նախարարությունը հայտնում է, որ համավարակի դեմ պայքարում ԱՄՆ ՄԶԳ-ն Հայաստանին տրամադրել է մեծաքանակ հումանիտար օգնություն` բժշկական սարքեր, ախտորոշման թեստեր, թթվածնի խտացուցիչներ, քթային խողովակներ և ռեագենտներ: Հերթական այս աջակցությունը վառ ապացույցն է Հայաստանի և ԱՄՆ ՄԶԳ-ի երկարատև և սերտ համագործակցության:

21:45 - 24 փետրվարի, 2021

Իրանը փոխհատուցում է պահանջում ԱՄՆ-ից՝ միջուկային համաձայնագիրը միակողմանիորեն լքելու համար |azatutyun.am|

azatutyun.am: Պաշտոնական Թեհրանը մեկ անգամ ևս պնդում է, որ 2015 թվականին կնքված միջուկային համաձայնագիրը կարող է վերագործարկվել միայն Վաշինգտոնի կողմից սահմանված պատժամիջոցների վերացումից հետո։ «Մեղավոր կողմը պետք է վերադառնա բանակցությունների սեղանի շուրջ, վերսկսի գործընթացը և փոխհատուցի հասցված վնասը», - ՄԱԿ-ի հովանու ներքո Վիեննայում ընթացող Զինաթափման համաժողովի ընթացքում այսօր հայտարարել է Իրանի դեսպան Իսմայիլ Բաղեի Համանեն։ Իրանցի դիվանագետի խոսքով` Վաշինգտոնը նաև պետք է պարտավորվի, որ հետագայում այլևս միակողմանիորեն չի լքի Իրանի հետ կնքված միջազգային համաձայնագրերը։

20:33 - 24 փետրվարի, 2021

ԱՄՆ ցանկանում է վերսկսել աշխատանքը ՄԱԿ-ի Մարդու իրավունքների խորհրդի կազմում |azatutyun.am|

azatutyun.am: Միացյալ Նահանգները ցանկանում է վերսկսել աշխատանքը ՄԱԿ-ի Մարդու իրավունքների խորհրդի կազմում։ Այս մասին հայտարարել է ԱՄՆ պետքարտուղար Էնթոնի Բլինքենը՝ կառույցի անդամներին ուղղված տեսաուղերձում։ Բլինքենի խոսքով՝ ԱՄՆ իր թեկնածությունը կառաջադրի ՄԱԿ-ի մարդու իրավունքների խորհրդի նոր անդամների՝ աշնանը կայանալիք ընտրությունների ժամանակ։ ԱՄՆ նախկին նախագահ Դոնալդ Թրամփի վարչակազմը ՄԱԿ-ի կազմում գործող այս կառույցի հետ կապերը խզել էր 2018-ի հունիսին։ Բայդենի վարչակազմի առաջին որոշումներից մեկը Մարդու իրավունքների խորհրդում ԱՄՆ որպես դիտորդի կարգավիճակի վերականգնում էր։ Ընտրության դեպքում, ըստ պետքարտուղար Բլինքենի, Վաշինգտոնը կփորձի որոշ փոփոխություններ մտցնել կառույցի գործունեությունում։ «Ամեն դեպքում կառույցները կատարյալ չեն։ Քանի որ Միացյալ Նահանգները վերսկսում է իր աշխատանքը ՄԱԿ-ի մարդու իրավունքների խորհրդում, մենք կոչ ենք անում այս կառույցին վերանայել իր գործունեության որոշ կողմեր՝ մասնավորաբար այն անհամարժեք ուշադրությունը, որին արժանանում է Իսրայելը», - հայտարարել է ԱՄՆ Պետքարտուղարը։

14:20 - 24 փետրվարի, 2021

ԱՄՆ-ն և Կանադան Արկտիկայի վերաբերյալ ընդլայնված երկխոսություն կսկսեն |tert.am|

tert.am: Միացյալ Նահանգները և Կանադան պայմանավորվել են Հյուսիսային Ամերիկայի օդատիեզերական պաշտպանության միացյալ հրամանատարության արդիականացման, ինչպես նաև Արկտիկայի շուրջ ընդլայնված երկխոսության մեկնարկի մասին: Այս մասին հայտարարել է ԱՄՆ նախագահ Ջո Բայդենը՝ ամփոփելով Կանադայի վարչապետ Ջասթին Թրյուդոյի հետ վիրտուալ ձևաչափով հանդիպման արդյունքները, փոխանցում է ՏԱՍՍ-ը։«Մենք Արկտիկայի վերաբերյալ ընդլայնված երկխոսություն կսկսենք, որը կներառի մայրցամաքային անվտանգության, տնտեսական և սոցիալական զարգացման հետ կապված հարցեր»,- ասել է ԱՄՆ նախագահը:Սպիտակ տան ղեկավարը նաև հայտնել է, որ համաձայնություն է ձեռք բերվել «հանցավորության դեմ պայքարի անդրսահմանային ֆորումի վերականգնման», հասարակական անվտանգության մոտեցման արդիականացման, ռասիզմի և խտրականության դեմ պայքարի համատեղ աշխատանքի վերաբերյալ:

10:49 - 24 փետրվարի, 2021

ԱՄՆ կոնգրեսական Ջեքի Սփիերն ընդգծել է Մինսկի խմբի աշխատանքներին Բայդենի վարչակազմի վերաներգրավվելու կարևորությունը |tert.am|

tert.am: ԱՄՆ կոնգրեսական Ջեքի Սփիերն ընդգծել է ԵԱՀԿ Մինսկի խմբի աշխատանքներին Բայդենի վարչակազմի վերաներգրավվելու կարևորությունը՝ ապահովելու համար «կայուն խաղաղություն, ինչը կօգնի Արցախի բնակչությանն իր համայնքները վերակառուցելու գործում, կպաշտպանի ինքնորոշման իրավունքը և կկանխի հետագա բռնությունը»: Կոնգրեսականի հայտարարությունը ներկայացնում է Ամերիկայի «Հայ դատի» հանձնախումբը:«Հպարտ եմ միանալու հայկական հարցերով հանձնաժողովի համանախագահներին և ավելի քան 100 գործընկերներիս, որոնք Բայդենի վարչակազմին կոչ են արել առաջնահերթությունների շարքում դիտարկել Հայաստանին հատկացվելիք տնտեսական աջակցության և հայ ռազմագերիների ազատ արձակման հարցերը: Ինձ ոգեշնչել են նախագահ Բայդենի և պետքարտուղար Բլինքենի նախկին հայտարարությունները՝ հաջակցություն Արցախում կայուն խաղաղության հաստատման:ԱՄՆ-ն պետք է արագ գործի և կրկին ներգրավվի ԵԱՀԿ Մինսկի խմբի համանախագահների աշխատանքում, որն ուղղված է երկարատև խաղաղության հաստատմանը, ինչն, իր հերթին, կօգնի Արցախի բնակչությանը վերակառուցել իրենց համայնքները, կպաշտպանի նրանց ինքնորոշման իրավունքը և կկանխի հետագա բռնությունը»,- ասել է Սփիերը:

10:19 - 24 փետրվարի, 2021

Հունաստանն ու ԱՄՆ-ն Կրետեի հյուսիսում զորավարժություններ են անցկացնում |tert.am|

tert.am: Հունաստանն ու Միացյալ Նահանգները Կրետեի հյուսիսում համատեղ զորավարժություններ են անցկացնում, հայտնում է Greek City Times-ը։«Այս համատեղ զորավարժությունը գործնականում ցույց է տալիս պաշտպանության և անվտանգության ապահովման գործում Արևելյան միջերկրածովյան տարածաշրջանում երկու երկրների զինված ուժերի կարևոր դերը, միևնույն ժամանակ կարևորում է երկու երկրների միջև ամրապնդվող կապերը»,- ասվում է Ազգային պաշտպանության նախարարության տարածած հայտարարության մեջ:Ամերիկյան զինուժի հրամանատար Թոմաս Ռալսթոնն ասել է․ «Այս հնարավորության հիմքում ընկած է ՆԱՏՕ-ի մեր դաշնակից Հունաստանի հետ տասնամյակների համագործակցությունը, որպեսզի մենք կարողանանք վստահելի ուժ լինել, որը կարող է զսպել և պաշտպանել մեր շահերն անվտանգության ավելի բարդ միջավայրում»:

15:28 - 23 փետրվարի, 2021

Վրաստանը ժողովրդավարությունից հետ քայլ արեց՝ ձերբակալելով Սահակաշվիլիի կուսակցության առաջնորդին. ԱՄՆ |armenpress.am|

armenpress.am: Վրաստանը հետ քայլ արեց այն պետությունների ժողովրդավարական ուղուց, որոնք մտնում են եվրատլանտյան ընտանիքի մեջ՝ ձերբակալելով պատգամավոր Նիկա Մելիային՝ «Միասնական ազգային շարժում» ընդդիմադիր կուսակցության առաջնորդին, կուսակցություն, որի հիմնադիրը նախկին նախագահ Միխեիլ Սահակաշվիլին Է: Այդ մասին ասված Է Թբիլիսիում ԱՄՆ-ի դեսպանության՝ փետրվարի 23-ին տարածված հայտարարության մեջ: «ԱՄՆ-ի դեսպանությունը չափազանց անհանգստացած Է առավոտյան գլխավոր ընդդիմադիր կուսակցության առաջնորդին գրասենյակում ձերբակալելու՝ կառավարության որոշումից: Մենք ցավում ենք, որ զսպվածության եւ երկխոսության՝ ԱՄՆ-ի եւ մյուս միջազգային գործըկերների կոչերն անտեսվեցին: Մենք անհանգստացած ենք այն հռետորաբանությունից, որն օգտագործում են իշխանությունները, որոնք երկպառակություն են առաջացնում: (…) Վրաստանը հետ քայլ արեց այն պետությունների ուժեղ ժողովրդավարական ուղուց, որոնք մտնում են եվրատլանտյան ընտանիքի մեջ»,- ասված Է հայտարարության մեջ, հաղորդել Է ՏԱՍՍ-ը:

13:16 - 23 փետրվարի, 2021

ԱՄՆ-ն չի կարող մասնակցել իրանական միջուկային ծրագրի հարցով բանակցություններին, քանի դեռ չի վերացրել պատժամիջոցները. Իրանի ԱԳՆ |tert.am|

tert.am: ԱՄՆ-ն իրավունք չունի ներկա լինել իրանական միջուկային ծրագրի մասնակիցների բանակցություններին, քանի դեռ չի չեղարկել Իրանի դեմ սահմանված պատժամիջոցները: ТАСС գործակալության փոխանցմամբ՝ այս մասին երկուշաբթի կայացած ասուլիսում հայտարարել է Իրանի ԱԳՆ պաշտոնական ներկայացուցիչ Սաիդ Ղաթիբզադեն:«Ներկա պահին ԱՄՆ-ն միջուկային գործարքի մասնակից չի հանդիսանում, որպեսզի մասնակցի Գործողությունների համատեղ համապարփակ ծրագրի հարցով նիստերին»,- ասել է դիվանագետը՝ հավելելով, որ քանի դեռ ԱՄՆ-ն չի վերացրել պատժամիջոցները, չի կարող ներկա գտնվել միջուկային գործարքի հարցով բանակցություններին:

14:49 - 22 փետրվարի, 2021