ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Դոնալդ եւ Մելանյա Թրամփները լքեցին Վաշինգտոնը |armtimes.com|

armtimes.com: Ինչպես հայտնի է, այսօր ԱՄՆ-ում կարեւոր իրադարձություն է: Երկրի 46-րդ նախագահ Ջոզեֆ Բայդենը ժամեր անց պաշտոնապես կերդվի եւ կստանձնի երկրի նախագահի պաշտոնը: Միացյալ Նահանգներում վերջին մեկ շաբաթում արտասովոր եռուզեռ է: Իր նախագահության վերջին րոպեները վայելող Դոնալդ Թրամփը կնոջ՝ Մելանյայի հետ քիչ առաջ լքեց Վաշինգտոնը: Նրանք վերջին անգամ, որպես երկրի ղեկավար, օգտվում են ամերիկյան թիվ 1 բորտից՝ նախագահական օդանավից: Ուղղաթիռը, Մերիլենդի զինվորական օդանավակայանից օդ բարձրանալով, ուղեւորվում է Ֆլորիդա՝ Մար-ա-Լագոյում տեղակայված նստավայր: Հունվարի 19-ին դատարկվել էր ամբողջ Սպիտակ տունը՝ բոլոր 6 հարկերով: Այնտեղ կտեղակայվեն նոր նախագահի աշխատակազմի անդամները:

19:33 - 20 հունվարի, 2021

Եվրոպան ի դեմս Բայդենի Սպիտակ տանն ընկեր ունի․ Ուրսուլա Ֆոն դեր Լայեն

Եվրոպական հանձնաժողովի նախագահ Ուրսուլա Ֆոն դեր Լայենն այսօր՝ ԱՄՆ նորընտիր նախագահ Ջո Բայդենի երդմնակալության օրը, նշել է, որ ԵՄ-ն չորս տարի անց ունի «ընկեր Սպիտակ տանը»։ Այս մասին հայտնում է The Guardian-ը։ «Ջո Բայդենի երդմանկալությունը ապաքինման ուղերձ կլինի պառակտված ազգի համար։ Այս նոր լուսաբացն Ամերիկայում այն պահն է, որին սպասել ենք շատ երկար։ Եվրոպան պատրաստ է նոր մեկնարկի մեր ամենահին ու ամենահուսալի ընկերների հետ», - նշել է ԵՄ պաշտոնյան։

18:32 - 20 հունվարի, 2021

Բայդենը պաշտոնակալությունից հետո կդադարեցնի արգելապատի կառուցումը Մեքսիկայի հետ սահմանին |armenpress.am|

armenpress.am: Հունվարի 20-ին ԱՄՆ-ի նախագահի պաշտոնն ստանձնող Ջոզեֆ Բայդենը պաշտոնակալությունից անմիջապես հետո կկարգադրի դադարեցնել արգելապատի կառուցումը Մեքսիկայի հետ Միացյալ Նահանգների սահմանին: Այդ մասին հաղորդվում Է դեմոկրատի անցումային անձնախմբի կայքում: «Այսօր իր հայտարարության մեջ ընտրված նախագահ Բայդենը կնշի արտակարգ դրության ռեժիմի գործողության անհապաղ դադարեցման մասին, որն օգտագործվել Է որպես առիթ այլ հիմնադրամներից միջոցներն արգելապատի կառուցման համար վերաուղղորդումն արդարացնելու նպատակով,- ասված Է հաղորդագրության մեջ: Հայտարարությունը կբովանդակի արգելապատի կառուցման նախագծերն անհապաղ դադարցենելու կարգադրություն, որպեսզի կատարվի դրանց ֆինանսավորման եւ կապալառուների ընտրման ժամանակ մեթոդենի օգտագործման օրինականության հանգամանալից վերլուծություն, ինչպես նաեւ հիմնադրամների վերաուղղորդման լավագույն միջոցների որոշման համար, որոնք նախորդ վարչակազմի կողմից հատկացվել են արգելապատի կառուցմանը»: Բայդենը մտադիր Է նաեւ հունվարի 20-ին ստորագրել մի շարք այլ փաստաթղթեր, որոնք մեղմացնում են ԱՄՆ-ի միգրացիոն քաղաքականությունը: Խոսքը վերաբերում Է այն երիտասարդների համար արտաքսման տարկետման վերադարձին, որոնց ԱՄՆ են բերել տակավին երեխա ժամակ: Այն սահմանվել Էր Բարաք Օբամայի օրոք, բայց չեղյալ Է հայտարարվել Թրամփի օրոք: Բայդեը նաեւ կստորագրի հրամանագիր, որը վերացնում Է մի շարք արաբական եւ աֆրիկյան երկրների ներկայացուցիչների ԱՄՆ մուտքի՝ Թրամփի մտցրած սահմանափակումները, հաղորդել Է ՏԱՍՍ-ը:

16:42 - 20 հունվարի, 2021

ԱՄՆ-ը տրամադրված չԷ Ռուսաստանի հետ հարաբերությունների զարգացմամբ. Պեսկով |armenpress.am|

armenpress.am: Ռուսաստանի նախագահ Վլադիմիր Պուտինը եղել Է, կա եւ կլինի ԱՄՆ-ի հետ հարաբերությունների զարգացման կողմնակիցը, բայց արդեն մի քանի տարի նրա տրամադրվածությունը փոխադարձություն չի գտնում օվկիանոսից այն կողմ: Այդ մասին հայտարարել Է ՌԴ նախագահի մամուլի քարտուղար Դմիտրի Պեսկովը:«Դուք գիտեք, որ Պուտինը եղել Է, կա եւ մնալու Է ռուս-ամերիկյան հարաբերությունների զարգացման կողմնակիցը, որովհետեւ առանց երկու տերությունների նորմալ հարաբերությունների հնարավոր չԷ խոսել կայուն խաղաղության մասին: Ցավոք, Պուտինի այդ տրամադրվածությունը վերջին բավականին երկար տարիների ընթացքում փոխադարձություն չի գտնում օվկիանոսից այն կողմ»,-լրագրողներին ասել Է Պեսկովը, հաղորդել Է ՌԻԱ Նովոստին:

15:27 - 20 հունվարի, 2021

ԵՄ-ում հայտարարել են, որ ԵՄ-ի եւ ԱՄՆ-ի միջեւ տարաձայնությունները Բայդենի գալով չեն անհետանա |armenpress.am|

armenpress.am: Եվրամիության եւ ԱՄՆ-ի միջեւ տարաձայնությունները Ջոզեֆ Բայդնեի՝ պետության ղեկավարի պաշտոնի անցնելուց հետո չեն անհետանա, սակայն նոր հարաբերությունների կառուցման շանս կա: Այդ մասին հայտարարել Է Եվրամիության ղեկավար Շառլ Միշելը՝ հունվարի 20-ին ելույթ ունենալով Եվրախորհրդարանում: «Մենք տարաձայնություններ ունենք, եւ դրանք չեն անհետանա կախարդական փայտիկի շարժումով,- ասել Է նա:- Մանդատի առաջին օրը ես դիմում եմ (ԱՄՆ-ի) նոր նախագահին. եկեք կառուցենք նոր հարաբերություններ հանուն ավելի ուժեղ Ամերիկայի, ավելի ուժեղ Եվրամիության եւ լավագույն աշխարհի»: Միշելը նշել Է այն գերակա ոլորտները, որոնցում ԵՄ-ն եւ ԱՄՆ-ը պետք Է համատեղ աշխատեն Բայդենի գալուց հետո: «Դա պայքարն Է կլիմայական փոփոխությունների դեմ, պայքարը կորոնավիրուսի տարածման դեմ, թվային փոխակերպությունը, անվտանգությունը»,- նշել Է նա: Ըստ որում Եվրամիության ղեկավարն ընդգծել Է, որ «Ամերիկան փոխվել Է»: «Ամերիկան, ինչպես երեւում Է, փոխվել Է, եւ աշխարհն Է փոխվել: Եվ Եվրամիությանը, հնարավոր Է, անհրաժեշտ Է փոխվել: ԵՄ-ն չպետք Է ոչ մեկից թույլտվություն խնդրի ընդունելու սեփական որոշումները»,- ասել Է նա, հաղորդել Է ՏԱՍՍ-ը:

14:26 - 20 հունվարի, 2021

Ռոհանին նշել Է Իրանի կողմից միջուկային գործարքի պարտավորությունների կատարման պայմանը |armenpress.am|

armenpress.am: Իրանը միջուկային գործարքի կատարմանը կվերադառնա, եթե ԱՄՆ-ի ընտրված նախագահ Ջո Բայդենը նույն բանն անի: Այդ մասին հունվարի 20-ին հայտարարել Է Իրանի նախագահ Հասան Ռոհանին: Ավելի վաղ ԱՄՆ-ի պետքարտուղարի պաշտոնի թեկնածու Էնթոնի Բլինքենը հայտարարել Էր, որ եթե Թեհրանն առաջինը վերադառնա իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) կատարմանը, ապա Վաշինգտոնը նույնպես պատրաստ Է վերադառնալ գործարքին, որպեսզի հետագայում հասնի ավելի երկարաժամկետ համաձայնագրի կնքման, որը կընդգրկեր նաեւ Թեհրանի հրթիռային ծրագիրը: «Մենք այն անձանցից, ովքեր այսօր իշխանություն կստանան Սպիտակ տանը, սպասում ենք օրենքի, պարտավորությունների կատարմանը եւ ջանքերին, եթե նրանք կարողանան ազատվել նախկին չորս տարվա բոլոր սեւ բծերից, թեեւ որոշներն ընդմիշտ կմնան պատմության մեջ: Նրանք պետք Է վերադառնան միջազգային նորմերին եւ բանաձեւերին, 2231 բանաձեւին (հավանություն Է տվել ԳՀՀԾ-ն): Իհարկե, եթե նրանք վերադառնան, մեր պատասխանը կլինի դրական»,-ասել Է Ռոհանին՝ հանդես գալով կառավարության նիստում: Նրա խոսքով՝ եթե ԱՄՆ-ը «գործնականում» դա ցույց տա, Իրանը կգործի իր բոլոր պարտավորություններին համապատասխան», հաղորդել Է ՌԻԱ Նովոստին:

14:16 - 20 հունվարի, 2021

Հեռանում եմ ուրախ սրտով ու լավատեսությամբ. Թրամփը հանդես է եկել հրաժեշտի խոսքով |1lurer.am|

1lurer.am: ԱՄՆ գործող նախագահ Դոնալդ Թրամփը Միացյալ Նահանգների ղեկավարի կարգավիճակում ունեցած վերջին ելույթում ընդունել է Բայդենի հաղթանակն ու հաջողություն մաղթելով Սպիտակ տան նոր առաջնորդին՝ հայտարարել. «Մենք հասցրել ենք անել այն, ինչի համար եկել էինք, նույնիսկ շատ ավելին»:Թրամփն իր ելույթի ընթաքում դատապարտել է Կապիտոլիումի վրա հարձակումը՝ որակելով այն սարսափելի իրադարձություն: Քաղաքական բռնությունը երբեք չպետք է հանդուրժել՝ վստահ է Դոնալդ Թրամփը: ԱՄՆ 45-րդ նախագահն իր խոսքում շեշտել է՝ դեռ շատ անելիք ունի, ամեն բան դեռ նոր է սկսվում: Պաշտոնաթող նախագահը խոստացել է աղոթել Բայդենի վարչակազմի հաջողությունների համար:«Այսօր մենք կանցկացնենք նոր վարչակազմի երդմնակալությունը, և ես աղոթում եմ նրանց հաջողությունների համար՝ հօգուտ անվտանգ ու զարգացող ԱՄՆ-ի: Այժմ, երբ ես պատրաստվում են իշխանությունը փոխանցել նոր վարչակազմին, ցանկանում եմ, որ իմանաք՝ մեր սկսած շարժումը դեռ նոր է մեկնարկում:Ամերիկան ծաղկելու է, մեր ժողովուրդը բարեկեցիկ է ապրելու, մեր ավանդույթները պահպանվելու են, հավատն ավելի է ուժեղանալու: Մեր ապագան առավել քան պայծառ է լինելու: Ես հեռանում եմ այս վեհաշուք կառույցից ուրախ սրտով ու լավատեսությամբ՝ մեր երկրի և մեր երեխաների համար լավագույնը դեռ առջևում է: Աստված օրհնի Ամերիկայի Միացյալ Նահանգները»,- ասել է Թրամփը:

10:01 - 20 հունվարի, 2021

Բայդենի երդմնակալության արարողության ժամանակ տագնապի ազդանշան է հնչել |azatutyun.am|

azatutyun.am: Միացյալ Նահանգների ընտրված նախագահ Ջո Բայդենի երդմնակալության արարողության փորձը երեկ ընդհատել է տագնապի ազդանշանը: Պարզվել է, որ պատճառը Կապիտոլիումի հարակից թաղամասում փոքր հրդեհն է եղել: Այդուհանդերձ, միջոցառման բոլոր մասնակիցները տարհանվել են: Բայդենն ինքը չի մասնակցել փորձին: Մասնակիցների թիվը արարողությանը, որը պետք է տեղի ունենա Կապիտոլիումի աստիճաններին վաղը, արդեն կրճատվել է՝ կորոնավիրուսի համաճարակի հետ կապված սահմանափակումների պատճառով: ԱՄՆ մայրաքաղաքում իրավիճակը լարված է: Ազգային գվարդիայի հազարավոր զինվորներ Վաշինգտոն են բերվել:

10:08 - 19 հունվարի, 2021

«Հայտարարություններն առ այն, թե Իրանը միջուկային զենք է ստեղծում, անհեթեթություն են»․ Զարիֆը՝ Ֆրանսիայի ԱԳ նախարարին |tert.am|

tert.am: Իրանի արտաքին գործերի նախարար Մոհամադ Ջավադ Զարիֆը նախօրեին հակադարձել է Ֆրանսիայի ԱԳ նախարար Ժան Իվ Լը Դրիանի հայտարարությանն այն մասին, որ Թեհրանը գտնվում է միջուկային զենքի ստեղծման փուլում՝ այդ հայտարարությունը որակելով «անհեթեթություն», գրում է Reuters գործակալությունը։Ժան Իվ Լը Դրիանը Journal du Dimanche պարբերականին տված հարցազրույցում, որը հրապարակվել է շաբաթ օրը, հայտարարել էր, որ Իրանը մեծացնում է իր միջուկային ներուժը, և որ Թեհրանն ու Վաշինգտոնը պետք է շտապ վերադառնան 2015 թվականի միջուկային համաձայնագրին:«Հարգելի գործընկեր, դուք նախարարների կաբինետում ձեր կարիերան սկսել եք սաուդցի ռազմական հանցագործներին զենք վաճառելով։ Խուսափեք Իրանի մասին անհեթեթություններ հնչեցնելուց»,- ի պատասխան Twitter-ում գրել է Զարիֆը՝ հավելելով․ «Փաստերի ստուգում. դուք ապակայունացնում եք մեր տարածաշրջանը։ Դադարե՛ք պաշտպանել հանցագործներին, որոնք շղթայաձև մաքրում են իրենց քննադատներին, և օգտագործում ձեր զենքը՝ Եմենում երեխաներին սպանելու համար»։2015 թվականի հուլիսի 14-ին «վեցյակը» (Մեծ Բրիտանիա, Գերմանիա, Չինաստան, Ռուսաստան, ԱՄՆ, Ֆրանսիա) և Իրանը հայտարարել են Գործողությունների համատեղ համապարփակ ծրագրի հաստատման մասին:

12:10 - 18 հունվարի, 2021

Իրանն ԱՄՆ-ին սպառնացել է ՄԱԿ-ի Միջազգային դատարան դիմել իրանցի դիվանագետներին հետապնդելու համար |tert.am|

tert.am: Իրանի արտաքին գործերի նախարարության մամուլի քարտուղար Սայիդ Ղաթիբզադեն հայտարարել է, որ Թեհրանը պաշտոնապես նախազգուշացնում է ԱՄՆ-ին, որ հայց կներկայացնի ՄԱԿ-ի Միջազգային դատարան, եթե Վաշինգտոնը շարունակի անօրինական գործողություններն ընդդեմ իրանցի դիվանագետների: Այս մասին գրում է իրանական Tasnim-ը:Ըստ Ղաթիբզադեի՝ Իրանն այս առնչությամբ հրապարակել է պաշտոնական հուշագիր և ներկայացրել այն Թեհրանում Շվեյցարիայի դեսպանատան միջոցով, որն Իրանում ներկայացնում է ԱՄՆ-ի շահերը:«Այդ հուշագրում ամերիկյան կողմին նախազգուշացրել ենք, որ Իրանն ԱՄՆ-ի դեմ հայց կներկայացնի Միջազգային դատարան, եթե Վաշինգտոնը չդադարի իր անօրինական գործողություններն ընդդեմ իրանցի դիվանագետների միջազգային կազմակերպություններում, ինչպես ՄԱԿ-ում, Համաշխարհային բանկում և Արժույթի միջազգային հիմնադրամում, որոնց գլխավոր գրասենյակները տեղակայված են ԱՄՆ տարածքում»,- պարզաբանել է մամուլի քարտուղարը:

11:17 - 18 հունվարի, 2021

ԱՄՆ պետդեպարտամենտը կոչ է արել ազատ արձակել ռուս ընդդիմադիր գործիչ Ալեքսեյ Նավալնիին |tert.am|

tert.am: ԱՄՆ պետդեպարտամենտը կոչ է արել ազատ արձակել ՌԴ-ում ձերբակալված ռուս ընդդիմադիր գործիչ Ալեքսեյ Նավալնիին: Այս մասին ասվում է ԱՄՆ պետքարտուղար Մայք Պոմպեոյի հայտարարության մեջ, փոխանցում է ria.ru-ն։ «Միացյալ Նահանգները վճռականորեն դատապարտում է Ալեքսեյ Նավալնիին ձերբակալելու Ռուսաստանի որոշումը։ Մեծ մտահոգությամբ նշում ենք, որ Նավալնիի ձերբակալությունը նրան և մյուս ընդդիմադիրներին լռեցնելու փորձերի շարքում վերջին իրադարձություններից է։ Մենք պահանջում ենք նրա անհապաղ և անվերապահ ազատ արձակումը»,- ասված է հայտարարության մեջ։ Հայտարարությունում ՌԴ կառավարությանը նաև կոչ է արվում ընտրական գործընթացում հավասար հնարավորություններ ապահովել բոլոր քաղաքական կուսակցությունների և թեկնածուների համար։ Նավալնիին անհապաղ ազատ արձակելու կոչով է հանդես եկել նաև Ջեյք Սալիվանին, որին ԱՄՆ նորընտիր նախագահ Ջո Բայդենը մտադիր է անվտանգության հարցերով խորհրդական նշանակել, ինչպես նաև Եվրախորհրդի ղեկավար Շառլ Միշելը, եվրոպական մի քանի երկրների ԱԳ նախարարներ: Լեհաստանի վարչապետ Մատեուշ Մորավեցկին ԵՄ-ից պահանջել է արձագանքել Նավալնիի ձերբակալությանը։ Եվրախորհրդարանի ղեկավար Դավիթ Սասոլին հայտարարել է Նավալնիին ԵԽ հրավիրելու պատրաստակամության մասին, իսկ Չեխիայի ԱԳ նախարարը հայտարարել է, որ մտադիր է ԵՄ ԱԳ նախարարների խորհրդում բարձրացնել ռուս ընդդիամադիր գործչի ձերբակալությունից հետո պատժամիջոցների հարցը: Հիշեցնենք, որ ռուս ընդդիմադիր գործիչ Ալեքսեյ Նավալնին երեկ՝ Գերմանիայից Մոսկվա վերադառնալիս, ձերբակալվել է։

09:43 - 18 հունվարի, 2021

Սան Ֆրանցիսկոյի կենտրոնում տեղի ունեցած հրաձգության հետևանքով 5 մարդ է տուժել |tert.am|

tert.am: ԱՄՆ Սան Ֆրանցիսկո քաղաքի կենտրոնում տեղի ունեցած հրաձգության հետևանքով 5 մարդ է տուժել, քաղաքի ոստիկանությանը հղումով գրում է Daily Mail-ը։ Հաղորդվում է, որ հրաձգությունը տեղի է ունեցել նախօրեին՝ տեղական ժամանակով ժամը 21:45-ին՝ Էդդի և Թեյլոր փողացների խաչմերուկում: Դեպքի վայր էին ժամանել փրկարարներ և բժիշկներ: «Ընթանում է հետաքննություն, հրաձգության հետևանքով տուժել է հինգ մարդ»,- Twitter-ում հայտնել է տեղի ոստիկանությունը՝ նշելով, որ նախնական տվյալներով ոչ ոք լուրջ վնասվածքներ չի ստացել:

14:29 - 17 հունվարի, 2021

Ջո Բայդենն առաջադրել է պետքարտուղարի տեղակալների թեկնածուներին |tert.am|

tert.am: ԱՄՆ նորընտիր նախագահ Ջո Բայդենը Պետքարտուղարության վետերաններ Ուենդի Շերմանին և Վիկտորյա Նուլանդին առաջադրել է պետքարտուղարի տեղակալների պաշտոնում: Ինչպես փոխանցում է РИА Новости-ն՝ հղում ավելով Բայդենի շտաբին, սպառազինության վերահսկողության հարցերով արտաքին քաղաքականության գերատեսչությունում կզբաղվի զենքի չտարածման հարցով փորձագետ Բոնի Ջենքինսը: Ուենդի Շերմանի թեկնածությունն առաջադրվել է պետքարտուղարի առաջին տեղակալի պաշտոնում: Օբամայի վարչակազմում վերջինս ղեկավարել է Իրանի հետ միջուկային հարցի քննարկումներում բանագնացների թիմը: Պետքարտուղարի ևս մեջ տեղակալի պաշտոնում առաջադրվել է Բրայան Մաքքիոնը, որն արտաքին քաղաքականության հարցում Բայդենի վաղեմի օգնականներից է: Վիկտորիա Նուլանդի թեկնածությունն առաջադրվել է պետքարտուղարի՝ քաղաքական հարցերով տեղակալի պաշտոնում:

19:46 - 16 հունվարի, 2021

Փոխվարչապետ Մհեր Գրիգորյանը հանդիպել է ՀՀ-ում ԱՄՆ դեսպանի հետ

Փոխվարչապետ Մհեր Գրիգորյանը հանդիպել է Հայաստանում ԱՄՆ դեսպան Լին Թրեյսիի հետ՝ քննարկելու Լեռնային Ղարաբաղի հակամարտությունից տուժածներին ԱՄՆ կառավարության կողմից ցուցաբերվող աջակցությունը և գերեվարվածների անվտանգ վերադարձին ուղղված ջանքերը, հայտնում է ՀՀ-ում ԱՄՆ դեսպանությունը: «Միացյալ Նահանգները շարունակում է հետամուտ լինել երկկողմ կապերի ամրապնդմանը՝ հիմնվելով մեր ընդհանուր արժեքների և շահերի վրա», - նշված է հաղորդագրությունում։

15:16 - 16 հունվարի, 2021

Հայկ Հաջինազարյանը կղեկավարի Սպիտակ տան տարածաշրջանային հաղորդակցության վարչությունը |factor.am|

factor.am: Հայազգի Հայկ Հաջինազարյանը Բայդենի վարչակազմում պաշտոն է ստանձնել, նա կղեկավարի Սպիտակ տան տարածաշրջանային հաղորդակցության վարչությունը: Այս մասին ասվում է Միացյալ Նահանգների ընտրված նախագահի և փոխնախագահի համատեղ հաղորդագրության մեջ: Նշվում է, որ Բայդենի շտաբը հետաձգել էր նորընտիր նախագահի երդմնակալության փորձը ու մեկնաբանել նոր նշանակումները: Սպիտակ տունը նշել է, որ նորանշանակ պաշտոնյաները որակյալ ու փորձառու մասնագետներ են, պատրաստ առաջին իսկ օրը «արդյունք ցույց տալ»: Հայկ Հաջինազարյանը Բայդենի նախընտրական քարոզչության մամուլի քարտուղարն էր Արեւմտյան Փենսիլվանիայում: Դրանից առաջ նա տեղեկատվական աջակցություն էր ցուցաբերում Նյու Հեմփշիրում, Նեվադայում, Տեխասում, Օհայոյում և այլ նահանգներում ընտրությունների ժամանակ: Շարունակությունը՝ factor.am-ում։

14:15 - 16 հունվարի, 2021

ՌԴ ԱԳՆ-ն ԱՄՆ-ի և Ֆրանսիայի դեսպաններին տեղեկացրել է Պուտին-Փաշինյան-Ալիև հանդիպման մասին |armenpress.am|

armenpress.am: ՌԴ արտաքին գործերի նախարարի տեղակալ Անդրեյ Ռուդենկոն ընդունել է Մոսկվայում ԱՄՆ ու Ֆրանսիայի արտակարգ և լիազոր դեսպաններ՝ Ջոն Սալիվանին և Պյեր Լևիին, և նրանց տեղեկատվություն տրամադրել հունվարի 11-ին Լեռնային Ղարաբաղի հարցով կայացած բանակցությունների արդյունքների մասին: Այդ մասին հաղորդում է ՌԴ ԱԳՆ-ն: «Դեսպանները տեղեկացվել են Ռուսաստանի Դաշնության նախագահ Վլադիմիր Պուտինի՝ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ հունվարի 11-ին ունեցած բանակցությունների արդյունքներին: Տեղի է ունեցել մտքերի համապարփակ փոխանակություն ԵԱՀԿ Մինսկի խմբի համանախագահ պետությունների հետագա համատեղ ջանքերի շուրջ»,- ասված է հաղորդագրության մեջ: ՌԴ-ն, ԱՄՆ-ը և Ֆրանսիան հանդիսանում են ԼՂ հակամարտության կարգավորմամբ զբաղվող միջազգային մանդատ ունեցող ԵԱՀԿ Մինսկի խմբի համանախագահ պետությունները:

20:40 - 14 հունվարի, 2021