Էրիկ Գրիգորյան

ՀՀ Բնապահպանության նախկին նախարարը։

Ծնվել է 1979թ․-ի հոկտեմբերի 17-ին։ 1995-2000 թվականներին սովորել է Երևանի պետական տնտեսագիտական ինստիտուտի ընդհանուր տնտեսագիտական ֆակուլտետի՝ բնօգտագործման տնտեսագիտություն մասնագիտության բաժնում։ 2004-2005 թվականներին սովորել է Էգեյան համալսարանի, բնապահպանական գիտությունների ֆակուլտետում, ուսումնասիրել է շրջակա միջավայրի կառավարման և քաղաքականության միջազգային ասպիրանտական ծրագիրը։ 2007 թվականին սովորել է Դրեզդենի տեխնոլոգիական համալսարանում, ուսումնասիրել է շրջակա միջավայրի կառավարման միջազգային հետբուհական դիպլոմավորված ծրագիրը։ 2008-2009 թվականներին սովորել է Սալոնիկի Արիստոտելի համալսարանում, ստացել է դոկտորական ուսում, ուսումնասիրել է շրջակա միջավայրի տնտեսագիտությունը։

2002-2009թթ. աշխատել է ՀՀ բնապահպանության նախարարության բնապահպանության և բնօգտագործման էկոնոմիկայի բաժնի առաջատար մասնագետ:

2009թ. աշխատել է ՀՀ բնապահպանության նախարարության էկոնոմիկայի վարչության շրջակա միջավայրի կառավարման տնտեսական մեխանիզմների և գործիքների բաժնի գլխավոր մասնագետ։

2009-2011թթ. եղել է ՀՀ բնապահպանության նախարարության էկոնոմիկայի վարչության միջազգային ծրագրերի կառավարման բաժնի պետ, իսկ 2011թ.՝ ԵԱՀԿ կողմից ֆինանսավորվող «Շրջակա միջավայրի կառավարման տնտեսական մեխանիզմների հզորությունների ուժեղացում, տեղեկատվության բարձրացում և մասնակցային գործընթացի ապահովում» ծրագրի ղեկավար։ 2011թ. եղել է «Հյուսիս-հարավ» ճանապարհային միջանցքի ներդրումային ծրագրի իրականացման կազմակերպություն» ՊՈԱԿ՝ որպես վերաբնակեցման մասնագետ։

2017-2018թթ. զբաղեցրել է ՀՀ բնապահպանության նախարարի առաջին տեղակալի պաշտոնը։ 2018թ. մայիսի 12-ին նշանակվել է ՀՀ բնապահպանության նախարար։ 2020 թվականի մայիսին հրաժարական է ներկայացրել։

Բոլոր մետաղական և ոչ մետաղական հանքարդյունաբերողները առաջին անգամ սկսելու են թափոնների տեղադրման համար հարկ վճարել․ Էրիկ Գրիգորյան

ԱԺ–ում տեղի է ունենում Մետաղական հանքարդյունաբերության ոլորտում ներդումային ծրագրերի շրջանակում գործադիր իշխանության մարմիններին ներկայացված և նրանց կողմից ընդունված ֆինանսական և այլ հաշվետվությունների օրինականությունը, հիմնավորվածությունը և արժանահավատությունը ուսումնասիրող քննիչ հանձնաժողովի նիստը: Շրջակա միջավայրի նախարար Էրիկ Գրիգորյանը անդրադարձել է կատարված փոփոխություններին։ Սահմանվեց այն բոլոր ջրագրերը, որոնք կարող են օգտագործվել օդի ախտոտման համար։ Ներմուծվել է սանիտարական գոտի՝ հաշվարկման համար, որը նախկինում չկար, նոր կանոնակարգումներով վնասակար նյութերի ցրման հաշվարկը պետք է գնահատական տա և ախտոտվածության կազմակերպության տարածքի, սանիտարապաշպանական գոտու սահմանային եզրին և ամենամոտ բնակելի տարածքում, սա նույնպես բավական մեծ փոփոխություն է։ Հաջորդը՝ պոչամբարներում կուտակվող ընդերքաօգտագործման թափոնները, եթե նախկինում վտանգավոր չէին և համարվում էին հինգերորդ դասի։ Նախարարության հրաանով փոխվել են վտանգավորության չորրորդ կարգի և համարվում են վտանգավոր։ 2021 թվականի հունվարի մեկից սկսվում է արդեն ընդերքօգտագործման թափոնների համար հարկման ժամանակաշրջանը, այսինքն բոլոր մետաղական և ոչ մետաղական հանքարդյունաբերողները առաջին անգամ սկսելու են թափոնների տեղադրման համար հարկ վճարել։ 1998 թովականից կա բոլոր թափոննեի համար սահմանված վճարներ, ըստ վտանագավորության՝ կսած 48․000 դրամից։ Հաջորդ նախաձեռնությունը վերաբերում է խտանյութերի ընթացակարգի վերաբերյալ ՝Հայաստանի Հանրապետությունը երբեք խտանյութի արտահանման գործընթացի վերհսկողական գործառույթ չի իրականացրել։ Անցյալ տարի մենք նախաձեռնել էինք քննարկում գործընկերների հետ , արդեն ներկայացրել ենք առարկայական առաջարկներ խտանյութերի ստուգման համար։ Մենք առաջարկում ենք, որպեսզի Բագրատաշենի մաքսակետում լինի հսկիչ կետ, որտեղից պետք է խտանյութը վերցվի և կենթարկվի լաբարատոր հետազոտության։ Մեր գործընկերները առաջարկում են նաև այլ տարբերակներ՝ օրինակ, միջազգային լատարատորինարում անցնեն հետազոտության։ Հաջորդը ՝ տարբեր գերատեսչությունների՝ ՏԿԵ-ի, Բնապահպանական և ընդերքի տեսչական մարմնի , Շրջակա միջավայրի և ՊԵԿ-ի միջև համագործակցության բարձր մակարդակն է կարևոր՝տեղեկատվությունը իրար հետ կիսելու առումով:Մեն քտարբեր արձանագրությունների, խախտումների մասով դիմում ենք և տեսչական մարմնին և Տարածքային կառաավրման և ենթակառուցվածքների նախարարությանը։ Մի քանի հանքերի մասով ՏԿԵՆ արգելել է, դադարեցրել է իրենց պայմանագրերը, մասնավորապես՝ Մարջան, Թուխմանուկ և այն։ Ընդհանուր առմամբ, այս պահին մենք Բնապահպանական և ընդերգի օգտագործման տեսչական մարմնից 72 հանքարդյունավերողի վերաբերյալ տվյալներ ենք ստացել, որոնք գործունեություն չեն իրականացրել՝ զրոյական հաշվետվություններ են ներկայացնում, հիմա նաև դիմել ենք ՊԵԿ-ին, եթե ՊԵԿ-ը տեղեկատվություն տա, որ ֆինանսական գործառույթներ նույնպես չեն իրականացրել, ապա օրենքի ուժով ՇՄԱԳ-ի մասով թույլտվությունները կարող են դադարեցվել։ Հաջորդ կետը՝ օգտագործման իրավունքից հրաժարման դեպքում Շրջակա միջավայրի նախարարության հետ համաձայնեցնելու։ Օրիանկ՝ Կապանի հանքում տեսնում ենք կավարտի այդ վիճակը, դա հետևանք է նրա, որ հրաժարման դեպքում չի համաձայնեցվել Շրջակա միջավայրի նախարարության հետ և այդ ռեկուլտիվացիայի աշխատանքները չեն ներառվել և դա մնացել է պետության լուծման դաշտում։ Երկու ենթաօրենսդրական ակտեր են մշակվուն են՝ հողերի կենսաբանական վերականգնման ուղեցույցն է, նախկինում ռեկուլտիվացիայի տակ հասկացվում էր՝ հողի բարակ շերտով փակում են և թողնում են, սա կբերի ավելի մանրամասն վերականգնման։ Երկրորդը ՝ ռեկուլտիվացիոն աշխատանքների նախահաշվային արժեքների հաշվարկման գործող մեթոդաբանության վերանայումն է ,որովհետև այսօր այդ գումարները բավական ցածր են։ Մակերևութային ջրերի ուսումնասիրման դիտակետերի ցանկը վերանայվել է։ Խոսքը գնում է այն մասին, որ կա հանքարդյունաբերական կազմակերպություններ, որտեղ դիտակետը դրված էր այնտեղ, որտեղ ջուրն արդեն վատն է, խոսքը վերաբերում է Ողջի գետին։

14:05 - 09 մարտի, 2020

Էրիկ Գրիգորյանը ցանկանում է Հայաստանը տեսնել որպես էլեկտրամոբիլ արտադրող երկիր |armenpress.am|

armenpress.am: ՀՀ շրջակա միջավայրի նախարար Էրիկ Գրիգորյանը ցանկանում է ապագայում Հայաստանը տեսնել որպես էլեկտրամոբիլներ արտադրող երկիր: Նա նշում է, որ ՀՀ կառավարությունը վճռական է լիցքավորման կայանների ավելացման հարցում: Իսկ թե երբ Հայաստանի կառավարության ներկայացուցիչներին սպասարկող ավտոմեքենաները կփոխարինվեն էլեկտրամոբիլներով։ Նա անդրադարձել է նաև պոլիէթիլենային տոպրակների արգելման և պլաստիկի արտադրության, սիգի ապօրինի որսի կանխման, բնակավայրերն արևային նոր կայաններով ապահովման և այլ թեմաների: - Պարոն Գրիգորյան, 2019 թվականին Շրջակա միջավայրի նախարարությունը մի շարք ծրագրեր է սկսել: Կա՞ն արդյոք այնպիսինները, որոնք դեռևս ավարտին չեն հասցվել և պետք է շարունակվեն, որո՞նք են դրանք: -Արարատյան դաշտի ստորերկրյա ջրերի խնայողության աշխատանքներ ենք սկսել 2019 թվականին: Գործընթացը շարունակական է: Ցանկանում եմ մի քանի կարևոր թիվ նշել. նախորդ տարի Արարատյան դաշտի ինքնաշատրվանող լքված հորերի կոնսերվացման և լուծարման շնորհիվ, ինչպես նաև որոշ գործող հորերի չափաքանակների նվազեցման շնորհիվ, հնարավոր է եղել մոտ 100 մլն խ/մ ծավալով ջրախնայողություն իրականացնել: Այդ խնայողությունն ավելին է, քան Երևանում 1 տարում օգտագործվող ջուրը: Այս տարի, արդեն մեկնարկել են ջրախնայողության աշխատանքները, ունենք որոշակի արդյունքներ: Նպատակ ունենք հնարավորինս նվազեցնել ջրի ոչ արդյունավետ օգտագործումը: Անցյալ տարի կարևոր աշխատանք է տարվել լքված պոչամբարների և թափոնակույտերի գույքագրման առումով, և դրանք ավարտին են հասցվել: Իմ հրամանով ստեղծվել է առաջնային ռեկուլտիվացման ենթակա 10 տարածքի ցանկ: Այս պահին դիմել ենք Կառավարությանը և, համապատասխան ֆինանսավորման դեպքում, կսկսենք իրականացնել ֆիզիկական ռեկուլտիվացման աշխատանքները: Անտառային ոլորտում նույնպես մի շարք իրականացված աշխատանքներ կան, բայց դրանց մեծ մասը կրում է շարունակական բնույթ: - Նախարարությունը մշտապես աշխատում է տարբեր միջազգային կառույցների հետ: Այս տարի ինչպիսի՞ համագործակցություն է ծավալվելու: - Միջազգային համագործակցության օրինակները բազմաթիվ են: Այս տարի, մի քանի օր առաջ, ՀՀ կառավարության և Եվրոպական Միության միջև համագործակցության արդյունքում բացվեց «Շրջակա միջավայրի մոնիթորինգի և տեղեկատվության կենտրոն» ՊՈԱԿ-ի (ՇՄՄՏԿ) լաբորատորիա, որը հագեցած է նոր սարքավորումներով և ունի վերապատրաստված անձնակազմ: Նախատեսում ենք դրամաշնորհների միջոցով ձեռք բերել նաև շարժական 2 լաբորատորիա, ինչը շատ կարևոր է փորձանմուշներն արագ վերցնելու և հետազոտելու համար: Այդ լաբորատորիաները հագեցած կլինեն օդի և ջրի փորձանմուշներ վերցնելու հնարավորությամբ: Մի լաբորատորիան կլինի ՇՄՄՏԿ-ի, իսկ մյուսը՝ բնապահպանության և ընդերքի տեսչական մարմնի զարգացման համար: 2020 թվականին ԵՄ-ն 5 մլն եվրո ֆինանսավորում է տրամադրել, և դրա շրջանակներում նախատեսում ենք Սևանի վերականգնման համար իրականացնել որոշակի միջոցառումներ: Այս պահին մշակվել է ճանապարհային քարտեզ: Կլիմայական ծրագրերի ներքո իրականացվում են բազմաթիվ գործողություններ, և կա երկու խոշոր ձեռնարկ: Դրանցից մեկն արդեն ընթացքի մեջ է. Ադապտացիոն հիմնադրամից մոտ 1.5 մլն դոլար դրամաշնորհի շրջանակներում Արթիկի լքված քարհանքերի ռեկուլտիվացման ծրագիրն է, ինչի արդյունքում կստեղծվի զբոսայգի և քաղաքում էականորեն կնվազեցվեն փոշու արտանետումները: Երկրորդ ծրագրի համար տրամադրվել է 2.5 մլն դոլար, որի շրջանակներում Խոսրովի անտառ արգելոցի և Դիլիջանի ազգային պարկի հարակից համայնքներում իրականացվելու են մի շարք սոցիալ-տնտեսական ծրագրեր: Հայաստանի հարավում 2020 թվականին մեծ ծրագրեր ունենք՝ Մեղրիում համաֆինանսավորմամբ գյուղատնտեսական շուկա կկառուցվի, Կապանի 7 բնակավայրի համար դրամաշնորհային միջոցներով կգնվի աղբատար մեքենա, կոնտեյներներ կտեղադրվեն և այլն: Այս ծրագրերի համար դրամաշնորհները տրամադրվելու են Գերմանական զարգացման բանկի կողմից: Մեղրու տարածաշրջանի բարձրլեռնային 2 գյուղում նախատեսվում է արևային ֆոտովոլտային (ՖՎ) կայան տեղադրել, որպեսզի դրանք ապահովվեն հոսանքով և լուծվի ջրի տաքացման խնդիրը: Այժմ մենք փորձում ենք նաև բրիկետների և պելետների արտադրություն կազմակերպել, ինչը նույնպես կարող է գյուղերում լուծել ջեռուցման հարցը: Այս ծրագրի համար կծախսվի մոտ 150-200 հազար եվրո: 2019 թվականին Զանգեզուր կենսոլորտային համալիրի տարածքում՝ Շիկահող արգելոցի հարակից 1 համայնքում, ամբողջովին անվճար տեղադրվել են արևային ջրատաքացուցիչներ: Ընթացիկ տարում նախատեսում ենք ևս 3 գյուղում՝ մոտ 150 տնային տնտեսությունում, կրկին անվճար տեղադրել ջրային տաքացուցիչներ, ինչի արդյունքում կնվազեցվի շրջակա անտառային տարածքների վրա ճնշումը: Նախորդ տարի դրամաշնորհային միջոցներով Ագարակի դպրոցում տեղադրվել է արևային ՖՎ կայան, ինչը թույլ է տվել խնայել տարեկան մոտ 3 մլն դրամ հոսանք: Առաջիկայում պատրաստվում ենք իրականացնել Կապանի հոգեբուժարանի արևային ֆոտովոլտային կայանով վերազինում, ինչը հետագայում զգալիորեն կնվազեցնի իրենց օպերացիոն ծախսերը: - Ի՞նչ փուլում է Կառավարության՝ էլեկտրամոբիլների օգտագործմանն անցում կատարելու գործընթացը: - Մենք նախատեսում էինք Global electric mobility ծրագիրն իրականացնել և ավարտին հասցնել 2019 թվականին: Սա գլոբալ գործընթաց է ու միայն Հայաստանը չէ ներգրավված, և այլ երկրների ընթացակարգային որոշակի ձգձգումների պատճառով ծրագիրը հետաձգվեց: ՀՀ կառավարությունը էլեկտրական շարժիչով ավտոմեքենաների օգտագործմանն անցում կկատարի մոտ ապագայում: Ծրագիրն իրականացվելու է բնապահպանական դրամաշնորհային գումարների շնորհիվ, որը տրամադրելու է Գլոբալ էկոլոգիական հիմնադրամը: Էլեկտրական շարժիչով ավտոմեքենաներն ունեն նաև վարքագիծ փոխելու որոշակի գործառույթ: Էլեկտրամոբիլներին առնչվող օրենսդրությունն ուժի մեջ է մտել 2019 թվականի երկրորդ կիսամյակում: Համեմատելով 2018 թվականի նույն ժամանակահատվածում էլեկտրամոբիլների ներմուծման ցուցանիշները, կարող ենք հսկայական տարբերություն տեսնել: 2018-ին Հայաստան է բերվել 1, իսկ 2019-ին՝ մոտ 150 էլեկտրական շարժիչով ավտոմեքենա: Այսօր արդեն կան ավտոդիլերներ, որոնք պաշտոնապես միայն էլեկտրամոբիլներ են ներմուծում: Այս ավտոմեքենաների արտադրությունն իր մեջ ավելի շատ նորարարություն և տեխնոլոգիա է պարունակում, քան մեքենաշինությունը: Մենք հույս ունենք, որ Հայաստանը նույնպես կկարողանա հանդիսանալ էլեկտրամոբիլների հավաքման և որոշ փուլում նաև արտադրության երկիր: Նախատեսում ենք նաև ունենալ ավելի շատ լիցքավորման կայաններ և ոչ միայն Երևանում, այլև այլ քաղաքներում, որպեսզի էլեկտրամոբիլների վարորդները հնարավորինս տեղաշարժման խնդիր չունենան: Շարունակությունը՝ armenpress.am-ում։

09:45 - 13 փետրվարի, 2020