Սիրիա

Սովի աննախադեպ ցուցանիշ աշխարհով մեկ. ՄԱԿ-ը ահազանգում է |amerikayidzayn.com|

amerikayidzayn.com: ՄԱԿ-ի Համաշխարհային սննդի ծրագրի ներկայացրած վերջին զեկույցի համաձայն Սիրիայի բնակիչները կանգնած են աննախադեպ սովի ճգնաժամի առջև: Միլիոնավոր մարդիկ ավելի են ընկղմվում չքավորության մեջ, այն աստիճանի, որին չեն հասել նույնիսկ վերջին ինը տարիներին շարունակվող ռազմական կոնֆլիկտի ժամանակահատվածում: ՄԱԿ-ի հաշվարկով ավելի քան 9.3 մլն մարդ Սիրիայում այժմ սննդի խնդիր ունի, որոնցից 1.4 մլն ավելացել են վերջին վեց ամիսների ընթացքում: Ռազմական կոնֆլիկտի, համաշխարհային տնտեսության անկայունության, Լիբանանի տնտեսության անկման, որը անմիջականորեն ազդում է Սիրիայի վրա և COVID-19-ի հետ առնչվող սահմանափակումների հետևանքով` Սիրիայում մի քանի ամիսների ընթացքում սննդի գինը բարձրացել է 200%-ով: Մինչև տարվա վերջ Սիրիային սննդի օգնություն տրամադրելու համար ՄԱԿ-ի Համաշխարհային սննդի ծրագրին անհապաղ 200 մլն դոլարի ֆինանասական օգնություն է անհրաժեշտ, հակառակ դեպքում այն ստիպված կլինի զգալիորեն կրճատել տրամադրվող օգնությունը և այն ստացող մարդկանց թիվը: Սիրիան սակայն միակը չէ, որ գտնվում է անելանելի վիճակում: Որբաթ օրը հրապարակված UNICEF-ի զեկույցի համաձայն կորոնավիրուսային համաճարակի հետևանքով ծրագրերի կրճատման արդյունքում Եմենում քաղցի մատնված երեխաների թիվը կմեծանա: Զեկույցի համաձայն թերսնված երեխաների թիվը Եմենում մինչև տարեվերջ կարող է հասնել 2.4 միլիոնի, որը 20%-ով ավել է ներկայիս թվից: "Մոտ 500 հազար երեխա ծայրահեղ աստիճանի թերսնված են, իսկ մինչև 5 տարեկան մոտ 2 մլն երեխա’ թերսնված",- ասում է Եմենում UNICEF-ի ներկայացուցիչ Սառա Բեիսոլո Նյանտին: Եմենի առողջապահական տկար համակարգը պատրաստ չէ կորոնավիրուսին դիմակայելու, հատկապես Սաուդյան Արաբիայի կողմից կառավարվող ռազմական կոալիցիայի և Իրանից աջակցություն ստացող Հոութի զինյալների միջև հինգ տարի ձգվող պատերազմի պայմաններում: Փակուղի մտած պատերազմի արդյունքում է ստեղծվել աշխարհի ամենախորը մարդասիրական ճգնաժամը: Ճգնաժամ, որն ավելի կխորանա օգնություն տրամադրող երկրների կողմից վերջին շրջանում ֆինանսավորման կրճատման արդյունքում:

10:35 - 27 հունիսի, 2020

Կայացավ Սիրիայում հումանիտար առաքելություն իրականցանող խմբի հերթափոխը

Հունիսի 16-ին կայացավ Սիրիայի Արաբական Հանրապետությունում հումանիտար առաքելություն իրականցանող խմբի հերթափոխը: Այս մասին հաղորդում է Հումանիտար Ականազերծման և Փորձագիտական Կենտրոն ՊՈԱԿ-ը: Ականազերծողներից և բժիշկներից բաղկացած հերթական խումբը, ռուսաստանցի գործընկերների աջակցությամբ մեկնեց Հալեպ և մինչև հոկտեմբեր այնտեղ կիրականացնի իր առաքելությունը: Համաձայն հակաականային գործողությունների միջազգային չափորոշիչների 5-րդ խմբի սակրավորները, անցնելով ուսումնական նախավարժանք, կսկսեն դաշտային աշխատանքները: Իսկ Հումանիտար առաքելություն իրականացնող 4-րդ խմբի ականազերծողներն ու բժիշկները, չնայած Սիրայում անցել են COVID-19 թեստավորում, ստացել են բացասական պատասխան և վերադարձել Հայաստան, համաձայն Պարետի որոշման՝ 14 օր կինքնամեկուսանան:

16:42 - 17 հունիսի, 2020

COVID-19. Աշխարհում վարակվածների թիվն անցնում է 7 միլիոնից |armenpress.am|

10:21 - 08 հունիսի, 2020

COVID-19. Մահերի թվով Բրազիլիան հայտնվել է 3-րդ տեղում՝ շրջանցելով Իտալիային |armenpress.am|

10:07 - 05 հունիսի, 2020

COVID-19. Մահերի թվով Թուրքիան մոտենում է վարակի ծագման երկիր Չինաստանին |armenpress.am|

armenpress.am: Աշխարհում նոր տիպի կորոնավիրուսային վարակի՝ COVID-19-ի հաստատված դեպքերի թիվն անցել է 6 միլիոն 573 հազարից: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 388 հազարից: Ապաքինվել է ավելի քան 3 միլիոն 171 հազար մարդ: Վիրուսով վարակվածների թվով առաջին տեղում գտնվող ԱՄՆ-ում 1 միլիոն 901 հազար 783 հաստատված դեպք կա: Այստեղ մահացածների թիվը 109 հազար 142 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում հայտնված Բրազիլիայում հաստատված դեպքերի թիվը հասել է 584 հազար 562-ի, մահերինը՝ 32 հազար 568-ի: Հաջորդ տեղում Ռուսաստանն է, որտեղ ընդհանուր առմամբ կորոնավիրուսով վարակվել է 432 հազար 277 մարդ: Երկրում վարակի հետևանքով մահացել է՝ 5 հազար 215-ը: Իսպանիայում հաստատված դեպքերի թիվը 287 հազար 406 է: Մահացության ցուցանիշը կազմում է 27 հազար 128: Վարակվածների թվով հաջորդ տեղում Մեծ Բրիտանիան է՝ 279 հազար 856 ընդհանուր դեպքով: Մահացածների թիվը կազմում է 39 հազար 728: Մահացության ցուցանիշով Մեծ Բրիտանիան Եվրոպայում առաջինն է, աշխարհում՝ երկրորդը՝ ԱՄՆ-ից հետո: Մեծ Բրիտանիային հաջորդում է Իտալիան, որտեղ կորոնավիրուսով վարակվածների ընդհանուր թիվը կազմում է 233 հազար 836, մահերինը՝ 33 հազար 601: Իտալիային հաջորդում է Հնդկաստանը: Այստեղ առկա է 216 հազար 919 հաստատված դեպք: Վարակի հետևանքով մահացել է 6 հազար 088 մարդ: Հնդկաստանին հաջորդում է Գերմանիան 184 հազար 425 ընդհանուր, 8 հազար 699 մահվան դեպքով: Հաջորդ տեղում Պերուն է, որտեղ վարակվածների ընդհանուր թիվը 178 հազար 914 է, մահերինը՝ 4 հազար 894: Տասնյակը եզրափակում է Թուրքիան, որտեղ վարակակիրների թիվը հասել է 166 հազար 422-ի, մահացածներինը՝ 4 հազար 609-ի: Իրանում հաստատված դեպքերի ընդհանուր թիվը 160 հազար 696 է: Վարակի հետևանքով այստեղ մահացել է 8 հազար 012 մարդ: Վարակի ծագման երկիր Չինաստանը հայտվել է 18-րդ տեղում: Այստեղ վարակի 1 նոր դեպք է ավելացել: Հաստատված ընդհանուր դեպքերի թիվը 83 հազար 022 է, որից ապաքինվել է 78 հազար 319-ը: Մահերի թիվը կազմում է 4 հազար 634: Վերջին օրերին այստեղ վարակի հետևանքով մահվան նոր դեպք չի գրանցվում: Վրաստանում հաստատված դեպքերի թիվը հասել է 800-ի, վարակի բռնկումից ի վեր այստեղ մահացել է 13 մարդ: Արաբական երկրներից վարակվածների թվով աաջատար է Սաուդյան Արաբիան, որտեղ 91 հազար 182 հաստատված դեպք կա: Կատարում հաստատված դեպքերի թիվը կազմում է 62 հազար 160, մահերինը՝ 45: ԱՄԷ-ում վարակվածների ընդհանուր թիվը 36 հազար 359 է, մահացածներինը՝ 270: Քուվեյթում վարակվածների թիվը հասել է 29 հազար 359 -ի, մահացածներինը՝ 230 -ի: Եգիպտոսում 28 հազար 615 հաստատված դեպք կա, մահացել է 1088 մարդ: Իրաքում գրանցվել է 8 հազար 168 վարակվածության, 256՝ մահվան դեպք: Լիբանանում կա 1256 վարակի հաստատված դեպք: Մահացության ցուցանիշը կազմում է 27: Սիրիայում վարակվածների թիվը հասել է 123-ի: Մահացել է 6 մարդ: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 212-ը:

10:17 - 04 հունիսի, 2020

Քաղավիացիայի կոմիտեն ներկայացնում է առաջիկա օրերին տարբեր քաղաքներից դեպի Երեւան կայանալիք չվերթների ժամանակացույցը

Ս․ թ. մայիսի 23-ին կիրականացվի Երևան-Վորոնեժ-Երևան չվերթը Aircompany Armenia ընկերության կողմից (Երևանից մեկնում ժամը 12:00, ժամանում դեպի Երևան ժամը 17:20): Այս մասին հայտնում է ՀՀ Քաղավիացիայի կոմիտեն։ Ս. թ. մայիսի 23-ին կիրականացվի Կրասնոդար-Երևան չվերթը Azimuth ավիաընկերության կողմից (ժամանում 17:40): Ս. թ. մայիսի 25-ին կիրականացվի Մոսկվա-Երևան չվերթը Red Wings ավիաընկերության կողմից (ժամանում 21:10): Ս. թ. մայիսի 27-ին կիրականացվի Դամասկոս-Երևան չվերթը Cham Wings ավիաընկերության կողմից (ժամանում 00:05): Ս. թ. մայիսի 27-ին կիրականացվի Սանկտ-Պետերբուրգ-Երևան չվերթը Ural ավիաընկերության կողմից (ժամանում 19:30): Ս. թ. մայիսի 29-ին կիրականացվի Մոսկվա-Երևան չվերթը Red Wings ավիաընկերության կողմից (ժամանում 21:10): Պարետի ցուցումով ՀՀ Զբոսաշրջության կոմիտեն կուղեկցի ժամանած ուղևորներին դեպի ինքնամեկուսացման վայրեր, այսինքն՝ ուղևորների կողմից նախապես տրված հասցեներ։ Կոմիտեն խնդրում է ժամանող ուղևորների հարազատներին անհարմարություններից զերծ մնալու նպատակով չգնալ օդանավակայան։ Հարգանքով,

17:39 - 22 մայիսի, 2020

COVID-19. Բրազիլիան վարակվածների թվով հայտնվել է 3-րդ տեղում՝ շրջանցելով Իսպանիային |armenpress.am|

09:55 - 21 մայիսի, 2020

Առաջիկա օրերին նախատեսվում է իրականացնել Դամասկոս-Երևան չվերթ

Սիրիայում ՀՀ դեսպանությունից հայտնում են, որ առաջիկա 7-10 օրվա ընթացքում նախատեսվում է Դամասկոս-Երևան չվերթը։ Հայաստան գալ ցանկացող ՀՀ քաղաքացիները պետք է նախապես գրանցվեն Սիրիայում ՀՀ դեսպանությունում։ «Գրանցված քաղաքացիները լրացուցիչ կտեղեկացվեն թռիչքի օրվա և ժամի մասին։ Գրանցվելու և հավելյալ տեղեկատվություն ստանալու համար խնդրում ենք զանգահարել` +963 954 666 699»,- նշում են դեսպանությունից:

19:14 - 20 մայիսի, 2020

Պուտինը եւ Էրդողանը քննարկել են կորոնավիրուսը, Սիրիան եւ Լիբիան |news.am|

news.am: Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Էրդողանը հեռախոսազրույցի ընթացքում քննարկել են կորոնավիրուսի համավարակի դեմ պայքարը: Կրեմլի մամուլի ծառայության հաղորդմամբ՝ ընդգծվել է երկու երկրների համապատասխան կառույցների միջեւ հետագա համագործակցության կարեւորությունը, այդ թվում՝ հիվանդների բուժման եւ պատվաստանյութերի մշակման հարցերի մասով: Պուտինը շնորհակալություն է հայտնել թուրք գործընկերներին՝ Թուրքիայում գտնվող հայրենակիցներին հայրենիք վերադարձնելու, ինչպես նաեւ Ռուսաստանի մի շարք մարզերին մարդասիրական օգնություն ցուցաբերելու հարցում աջակցության համար: Կողմերը շարունակել են կարծիքներ փոխանակել Սիրիայի Արաբական Հանրապետությունում տիրող իրավիճակի վերաբերյալ: Զրուցակիցներն ընդհանուր պատրաստակամություն են հայտնել ակտիվացնել համատեղ ջանքերը Իդլիբի էսկալացիոն գոտու վերաբերյալ ռուս-թուրքական համաձայնագրերը կյանքի կոչելու ուղղությամբ, այդ թվում՝ այս տարվա մարտի 5-ին Մոսկվայում ընդունված 2018 թվականի սեպտեմբերի 17-ի Սոչիի հուշագիրը լրացնող արձանագրությունը: Ռուսաստանի եւ Թուրքիայի նախագահները մտահոգություն են հայտնել Լիբիայում սաստկացած բախումների կապակցությամբ: Նշվել է անժամկետ զինադադարի եւ միջլիբիական երկխոսության շուտափույթ վերսկսման անհրաժեշտությունը՝ 2020 թվականի հունվարի 19-ին Բեռլինի միջազգային կոնֆերանսի որոշումների հիման վրա, որոնք հաստատվել են ՄԱԿ-ի Անվտանգության խորհրդի 2510 բանաձեւով: Անդրադարձ է եղել նաեւ երկկողմ առեւտրատնտեսական համագործակցության զարգացման ակտուալ կողմերին: Պայմանավորվածություն է ձեռք բերվել շարունակել կանոնավոր երկխոսությունը տարբեր մակարդակներում:

19:39 - 18 մայիսի, 2020

COVID-19.ԱՄՆ-ում վարակվածների թիվն անցել է 1,5 միլիոնը |armenpress.am|

10:27 - 18 մայիսի, 2020

COVID-19. Վարակի հետևանքով աշխարհում 304 հազարից ավելի մարդ մահացել է |armenpress.am|

armenpress.am: Աշխարհում նոր տիպի կորոնավիրուսային վարակով՝ COVID-19-ով վարակվածների թիվն անցել է 4 միլիոն 555 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 304 հազարը: Ապաքինվել է 1 միլիոն 722 հազար 232 մարդ: Վիրուսով վարակվածների թվով առաջին տեղում գտնվող ԱՄՆ-ում 1 միլիոն 458 հազար 243 հաստատված դեպք կա: Այստեղ մահացածների թիվը 86 հազար 942 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 274 հազար 367 է: Մահացության ցուցանիշը կազմում է 27 հազար 459: Վարակվածների թվով հաջորդում է Ռուսաստանը՝ 262 հազար 843 ընդհանուր թվով: Մեկ օրում 10 հազարից ավելի վարակի նոր դեպք է գրանցվել: Վարակի հետևանքով մահացել է 2 հազար 418 մարդ: Մեծ Բրիտանիայում հաստատված դեպքերի թիվը 233 հազար 151 է, մահացածներինը՝ 33 հազար 614: Մահացության ցուցանիշով Մեծ Բրիտանիան Եվրոպայում առաջինն է, աշխարհում՝ երկրորդը, ԱՄՆ-ից հետո: Վարակվածների թվով հաջորդ տեղում Իտալիան, որտեղ հաստատված դեպքերի ընդհանուր թիվը 223 հազար 096 է: Վարակից մահացել է 31 հազար 368 մարդ։ Իտալիային հաջորդում է Ֆրանսիային ևս շրջանցած Բրազիլիան, որտեղ վարակվածների թիվը կազմում է 204 հազար 795, մահացածներինը՝ 14 հազար 058: Բրազիլիային հաջորդում է Ֆրանսիան, որտեղ գրանցվել է 178 հազար 870 հաստատված դեպք, մահացել է 27 հազար 425 մարդ: Վարակվածների թվով հաջորդ տեղում Գերմանիան է 174 հազար 975 հաստատված դեպքով: Այստեղ վարակի հետևանքով մահացել է 7 հազար 928 մարդ: Թուրքիայում վարակակիրների թիվը հասել է 144 հազար 749-ի, մահացածներինը՝ 4 հազար 007-ի: Իրանում վարակվածների թիվը հասել է 116 հազար 635-ի: Վերջին մեկ օրում վարակի 2 հազարից ավելի նոր դեպք է գրանցվել: Երկրում վարակի բռնկումից ի վեր կորոնավիրուսի հետևանքով մահացել է 6 հազար 902 մարդ: Վարակվածության ընդհանուր ցուցանիշով վարակի ծագման երկիր Չինաստանն առանձնանում է 82 հազար 933 ընդհանուր, 4 նոր դեպքով։ Չինաստանում մահացել է 4 հազար 633 մարդ։ Վերջին օրերին այստեղ վարակի հետևանքով մահ չի գրանցվել: Վրաստանում հաստատված դեպքերի թիվը հասել է 671-ի, վարակի բռնկումից ի վեր այստեղ մահացել է 12 մարդ: Արաբական երկրներից վարակվածների թվով ԱՄԷ-ին շրջանցած Կատարում հաստատված դեպքերի թիվը կազմում է 28 հազար 272, մահերինը՝ 14: ԱՄԷ-ում վարակվածների ընդհանուր թիվը 21 հազար 084 է, մահացածներինը՝ 208: Քուվեյթում վարակվածների թիվը հասել է 12 հազար 860 -ի, մահացածներինը՝ 96-ի: Եգիպտոսում 10 հազար 829 հաստատված դեպք կա, մահացել է 571 մարդ: Իրաքում գրանցվել է 3 հազար 143 վարակվածության, 115 մահվան դեպքով: Լիբանանում կա 891 վարակի հաստատված դեպք: Մահացության ցուցանիշը կազմում է 26: Սիրիայում վարակվածների թիվը հասել է 48-ի: Մահացել է 3 մարդ: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 212-ը:

17:24 - 15 մայիսի, 2020

COVID-19. Չինաստանում գրանցվել վարակի 4 նոր դեպք |armenpress.am|

10:09 - 15 մայիսի, 2020

COVID-19. Բրազիլիան վարակվածների թվով շրջանցել է Գերմանիային՝ դառնալով յոթերորդը |armenpress.am|

11:39 - 13 մայիսի, 2020

Սիրիացիները թույլ չեն տվել ռազմատեխնիկա տեղափոխող ամերիկյան մեքենաներին առաջ ընթանալ Էլ-Հասակայում |tert.am|

tert.am: Սիրիայի Էլ-Հասակա նահանգում արգելափակել են ռազմատեխնիկա տեղափոխող ԱՄՆ բանակի շարասյան երթևեկությունը: Այս մասին հայտնում է РИА Новости-ն՝ հղում անելով սիրիական պետական «ՍԱՆԱ» գործակալությանը Նշվում է, որ Դաշդաշիա և Կահիրա քաղաքի բնակիչներն են ստիպել ամերիկացի զինվորականներին շրջվել և ետ գնալ: Սիրիայի հյուսիսային շրջանում նման միջադեպերի մասին հաղորդումներ հաճախակի են ստացվում: Բացի այդ, ԶԼՄ-ները հայտնում էին Էլ-Հասակայում և հարևան Դեր Զորում ամերիկյան զինված ուժերի ջոկատների դեմ անհայտ զորամիավորումների հարձակումների մասին:

23:18 - 12 մայիսի, 2020

COVID-19. ԱՄՆ-ում վարակվածների թիվը 1 մլն 386 հազարից ավելի է |armenpress.am|

17:52 - 12 մայիսի, 2020

COVID-19. Չինաստանում գրանցվել է վարակվածության ընդամենը 1 դեպք |armenpress.am|

10:11 - 12 մայիսի, 2020