Ինֆոքոմ

Մեր կյանքն այլ կլինի այնքան ժամանակ, մինչև մենք չենք ունենա պատվաստանյութ․ Ջոն Հոփքինսի Հանրային առողջապահության Բլումբերգի դպրոցի ավագ գիտաշխատող

Մեր կյանքն այլ կլինի այնքան ժամանակ, մինչև մենք չենք ունենա պատվաստանյութ․ Ջոն Հոփքինսի Հանրային առողջապահության Բլումբերգի դպրոցի ավագ գիտաշխատող

Մանրէաբան, Ջոն Հոփքինսի Հանրային առողջապահության Բլումբերգի դպրոցի ավագ գիտաշխատող Քեյթլին Ռիվերսն ասել է, որ մարդկանց կյանքը կփոխվի մոտակա 1-1․5 տարվա ընթացքում՝ առնվազն այնքան ժամանակ, մինչև չլինի պատվաստանյութ։ «Չեմ կարծում, որ մենք պետք է մնանք տներում 1-1․5 տարի։ Կարծում եմ՝ կլինի մի ժամանակահատված, երբ մենք աստիճանաբար կսկսենք դուրս գալ տներից՝ հաշվի առնելով իրավիճակն ու միջոցառումները։ Ինչպիսի՞ն կլինի մեր կյանքը մոտակա 1-1․5 տարվա ընթացքում։ Այն կփոխվի։ Մենք աստիճանաբար կսկսենք ավելի շատ դուրս գալ, շփվել, բայց մենք չենք ունենալու պատվաստանյութ։ Ու մեր կյանքն այլ կլինի այնքան ժամանակ, մինչև մենք այն չենք ունենա։  Երկիրը պետք է նաև սկսի պլանավորել, թե ինչպես պետք է կազմակերպել արտադրությունն ու տարածումը։ Մենք չգիտենք, թե կոնկրետ որ ապրանքատեսակը, որ պատվաստանյութը հաղթող կլինի, ինչն ավելի բարդ է դարձնում պլանավորումը։  Սակայն մենք կարող ենք սկսել մատնանշել ու առանձնացնել, թե ինչ հնարավորութուններ ունենք՝ հնարավորինս կրճատելու այն ժամանակը, որ անհրաժեշտ կլինի լայնամասշտաբ գործողությունների համար։ Այսինքն, պետք է անենք այնպես, որ պատվաստանյութը պատրաստ լինելուն պես մենք ունենանք կարողություններ ու պատրաստ լինենք այն օր առաջ հասցնելու մարդկանց», - նշել է գիտնականը։   Աղբյուրը՝ edition.cnn.com: Թարգմանությունը՝ Լիլիթ Հարությունյանի 
11:40 - 07 մայիսի, 2020
Սոցիալ-տնտեսական Ճգնաժամի 3 ալիքները և աղքատության վերականգնման վտանգը․ Մաս 1 [Challenge 5.1 | Կարեն Հ․ Սարգսյան]

Սոցիալ-տնտեսական Ճգնաժամի 3 ալիքները և աղքատության վերականգնման վտանգը․ Մաս 1 [Challenge 5.1 | Կարեն Հ․ Սարգսյան]

“Challenge” նախագիծն ուղղված է հանրային քննարկում խթանելու ներուժ ունեցող անհատների համար գրելու, ստեղծագործելու, փոփոխությունների միտք գեներացնելու ինչպես ֆինանսական, այնպես էլ հոգեբանական մոտիվացիա ստեղծելուն։ Յուրաքանչյուր հեղինակ հոդվածի վերջում «մարտահրավեր» է նետում այլ հրապարակախոսի, ոլորտային մասնագետի, փորձագետի կամ ցանկացած մարդու, որին համարում է թեմայի արժանի շարունակող։ Ներդրված է նվիրատվությունների համակարգ (հոդվածի վերջում), որի միջոցով ընթերցողը հնարավորություն ունի նվիրատվություն կատարել հոդվածագրին։ infocom.am-ը հանդես է գալիս որպես միջնորդ ընթերցողի և հոդվածագրի միջև։ Հատված իմ հարցազրույցից․ «Այստեղ կարծում եմ, որ տնտեսվարողներին ներկայացնող ասոցիացիաները (գործատուների միություններ), աշխատակիցների իրավունքներն ու շահերը ներկայացնող շահագրգիռ կողմերը (այդ թվում՝ նաև արհմիությունները), կառավարությունը՝ հանձինս Աշխատանքի և առողջապահության տեսչության ու ՀՀ աշխատանքի և սոցիալական հարցերի ու էկոնոմիկայի նախարարության, ինչպեսև ԱԺ համապատասխան հանձնաժողովի հետ համատեղ ռեզոնանսային շտաբ պետք է ստեղծեն (գուցեև արդեն ստեղծված է, և ես տեղյակ չեմ) ու մատրիցային մոտեցմամբ բոլոր կողմերի սպառնալիքները և հնարավորությունները հաշվարկվեն, առանձնացվեն ռիսկային ճյուղերը, ոլորտներն ու նոր մշակվեն օրենքի նախագծերը, որոշումները, իրավական ակտերը և այլ փաստաթղթեր, ինչպեսև կարճաժամկետ և երկարաժամկետ ռազմավարություններ մշակել՝ ճկուն փոփոխման մեխանիզմներով։ ․․․գործ ունենք զարգացման ճգնաժամի հետ․․․»։   Զարգացման ճգնաժամի արժեշղթան   Նախաբան   Այս չփորձագիտականը, չքաղաքական չվերլուծականը փորձ է ներկայիս պայմաններում ցույց տալ, որ պետք է խելոքին չփնտրել խելոքարանում, կամ խելացիին՝ խելացիարանում, այլ պետք է դուրս գալ մասնագիտական սենյակի լուծումներից և փորձել ձևակերպել այնպիսի ուղերձներ, հարցեր, ավելի շուտ՝ ճիշտ ձևակերպված հարցադրումներ ու ընտրել ինֆորմացիայի փոխանցման այնպիսի ալիքներ կամ հաճախականություններ, որոնց կհանգեն իսկական խելացիներն ու գիտակները։ Այս հոդվածը, որը չգիտեմ, թե ինչ է վերջում դառնալու, ամենևին չի ապացուցելու կամ հերքելու իմ խելացի կամ գիտակ լինելը կամ ոմն մեկի անխելք կամ ոչ խելացի լինելը, այլ հնարավորություն է տալու մասնագիտական սենյակներից դուրս մտածելակերպով առաջնորդվելու շնորհիվ խելագար մտքեր գեներացնել, որոնք գուցեև կարող են պետքական լինել։ Չինաստանում, ըստ որոշ աղբյուրների, ս․թ․ փետրվարի 10-ին ընկերությունների միայն 10%-ն է վերականգնել իրենց աշխատանքները։ Արդեն իսկ փետրվար ամսին պարզ է դարձել, որ ամենատուժող ճյուղներն են լինելու հանրային սնունդը, կացարանները՝ հյուրանոցների և հյուրատների տեսքով, զվարճանքը իր բոլոր դրսևորումներով և զբոսաշրջությունը։ Միայն գարնանային արձակուրդների շրջանում կորուստները հանրային սննդի ոլորտում գնահատվում է մոտ 500 միլիարդ յուան (71 միլիարդ դոլլարին համարժեք գումար)։ Գործազրկության քանակը հասել է 6,2 %-ի 2020 թվականի առաջին երկու ամիսների կտրվածքով։ Ճգնաժամերի առաջացման գիտական և ոչ գիտական տեսությունների, սցենարների և կանխատեսումների ակնարկ   Դավադրությունների տեսությունը առաջանում է, երբ ստեղծված ճգնաժամային վիճակներում, մի խումբ մարդիկ, որոնք կարող են նաև լինել ոլորտի գիտակներ կամ մասնագետներ, առաջ են քաշում թեզեր, փորձում ապացույցներով, հիմնականում կտրտված շղթայով, ներկայացնել մի բան, որով մարդկանց ուշադրությունը շեղվում է բուն խնդրի իրական պատճառներից։ Թեպետ դեռևս ապացուցված չէ, որ այդ տեսությունները կամ վարկածները իրականությանը չեն համապատասխանում։ Սակայն մեր օրերում տեղեկատվության ազատության կամ անսահմանափակության դարաշրջանում մարդն այնքան ինֆորմացիա է ստանում, որ մեծ մասը չի կարողանում ֆիզիկապես յուրացնել ու փորձել ֆիլտրել, ընտրել այն, որը համապատասխանում է իրականությանը։ Մյուս կողմից էլ, դավադրությունների տեսության ջատագովների փաստարկված մոտեցումը, այն է, թե ով ասաց, որ պաշտոնական տեղեկատվությունը միշտ ճիշտն է ու ամենաճշմարիտը, և բերում են բազում օրինակներ անցյալից (սակայն իսկապես միշտ չէ, որ պաշտոնական տեղեկատվությունը համապատասխանում է իրականությանը)։ Ինչևէ, թողնելով այս ինքնադիսկուրսը, պարզապես մի քանի օրինակ բերեմ դավադրությունների տեսությունից, որ ավելի պարզ դառնա, թե ինչի մասին է խոսքը․ Սա սարքել են ամերիկացիները, որ չինացիները պարտվեն, այն էլ չստացվեց։ Սրանով պիտի բոլորս վարակվենք, որ հետո չիպավորեն մեզ։ Պիտի պոպուլյացիան քանակապես նվազի և սա միայն հերթական վիրուսն է։ Սրա հետևանքով, նաև՝ սովից, սոցիալական ծայրահեղ վատ պայմաններում ապրողները ինքնաբերաբար կմահանան։ Աշխարհի 300 ամենաորոշողների նախագիծն է, ու բազում այլ վարկածներ։ Սա չինացիների ձեռքի գործն է, որ ողջ աշխարհին տիրեն մի քանի տարուց։ Դեմ են գլոբալիզացիային, և նման բաներ են կազմակերպում չինացիներն ու ռուսները։ 5G տիրույթներում մարդկանց իմունիտետը թուլանում է և մարդիկ հիվանդանում են։ Կապիտալիզմի վերջը եկել է․․․ Վստահ եմ, դուք էլ կարող եք ավելացնել։ Իհարկե, մյուս մասն էլ այս ամենից լավ բաներ է տեսնում ու նկատում, ասել է թե՝ ուրախ է, որ նման իրավիճակ ստեղծվեց, ու մարդիկ կարողացան այլ տեսանկյունից, այլ ձևով ամեն ինչը տեսնել ու գնահատել։ Այս մոտեցումը ես պայմանականորեն կանվանեմ պոզիտիվության տեսություն, որը ներառում է «վարդագույն ակնոցով» բոլոր երևույթները և դեպքերը դիտարկելը, ամեն ինչում դրական կողմն առանձնացնելն ու արժևորելը։ Դե իհարկե, խոսքը վերաբերում է դրական ազդեցություններին, որոնք մարդիկ այս ընթացքում տեսել ու շարունակում են տեսնել, և մարդկանց այս խումբն էլ առանձնապես չի հավատում դավադրությունների տեսությանը, այլ հակված է ամեն ինչում տեսնել միայն լավը․ ընտանիքի դերի վերարժևորում, վերագտնում, մտերմացում, հին ու մոռացված սեղանի խաղերի վերաիմաստավորում, երեխաների հետ ժամանակ անցկացնելու գիտակցում, սեփական ունեցվածքը, երկիրը, հողը գնահատելու կարողության վերականգնում, օտար, ամայի ճամփեքին բախտ որոնելու փոխարեն սեփական հողը շենացնելն ու զարգացնելը գերակա համարելու ցանկություն առաջնահերթությունների տեղերի վերափոխում, ժամանակն արդյունավետ օգտագործելու վերաբերյալ մտքերի արժևորում, խցանումների նվազում, գրասենյակների նվազում, տարածքների օպտիմալացում, միջհամայնքային տրանսպորտի և այլ ծախսերի նվազեցում, կրթության որակի համահարթեցում բոլոր մարզերում, կրթություն մատուցողների որակի բարձրացում, օնլայն բիզնեսի ակտիվացում, ․․․ Եվ վստահ եմ, որ կարող ենք այս շարքը անվերջ շարունակել։ Ինչևէ, սրանով կարելի է ավարտել դավադրությունների և պոզիտիվության տեսությունների ակնարկը, հիմա անդրադառնանք գիտական տեսություններին։ Տնտեսական անկումների և վերագործարկումների ժամանակահատվածում մի քանի տարբեր տերմիններ են օգտագործում, վերջերս ավելի տարածված է խոսել ռեցեսիայի կամ արագ անկման մասին, ինչը ենթադրում է տնտեսության բոլոր ոլորտների տոտալ անկում՝ իր հետևանքներով։ Չմանրանալով նրա բաղադրիչների և փուլերի վրա, պարզապես նշենք, որ անկումից հետո տեղի է ունենում շոկային ժամանակահատված, որն էլ մի որոշ ժամանակ անց նոր վերականգնվում է։ Նշենք նաև, որ հնարավոր է նման իրավիճակ չստեղծվի, այսինքն՝ չհասնի այն կետին, որից հետո սկսվում է ռեցեսիան և արագ անցում կատարի մյուս փուլին։ Այս կոնտեքստում հարկավոր է հասկանալ, թե ինչպես պետք է նման իրավիճակից դուրս գալու համար որոշումներ կայացնել, որպեսզի մինիմալ վնասներ կրել։ Սցենարների տեսությունը, որն այս պահին երկու փոփոխականից կազմված խնդիր է 9 հնարավոր ելքերով, ասել է թե՝ առողջապահական համակարգի և տնտեսական միջոցառումների արդյունավետության գործակիցներից, որից կախված որոշում է կայացվելու, թե փոփոխությունների կառավարման որ սցենարն է առավել քիչ ռիսկային․ անցումային՝ եղածի կատարելագործում, զարգացման՝ նոր պրոդուկտ+նոր շուկա, թե տրանսֆորմացիոն (վերափոխման)՝  նոր գործունեության սկիզբ։ Ըստ որոշ աղբյուրների, զբոսաշրջությունն ու հյուրընկալությունը «կզարթնեն» լավագույն դեպքում մեկ տարի հետո, ոչ պարենային ապրանքների արտադրությունը՝ մինչև այս տարվա վերջ, հանրային սննդի կետերը, որոնք ինտեգրված են զվարճանքի ծառայություններով՝ տարվա վերջ կամ մյուս տարվա սկիզբ, առողջապահական ծառայություններից օգտվելը՝ ամռան ամիսներին (նոր որակով և նոր մասշտաբներով, կյանքի ապահովագրության «բում»), գյուղատնտեսական արտադրանքների և չվերամշակված ապրանքներինը՝ ընթացիկ տարում, անմիջապես (ներառելով առողջ սնունդ, տնային պայմաններում պատրաստած, մաքուր և մատչելի սնունդ)։ Ընդհանուր ակնկարկից հետո մանրամասն կնկարագրեմ, թե ինչ «ալիքներ» են մեզ սպասվում և ինչ լուծումներ պետք է ունենանք սոցիալ-տնտեսական ոլորտի համար։
15:04 - 06 մայիսի, 2020
Արհեստական շնչառական սարքրեին միացված է 8 քաղաքացի, ծանր  վիճակում գտնվում է՝ 80, ծայրահեղ ծանր վիճակում՝  30 հոգի

Արհեստական շնչառական սարքրեին միացված է 8 քաղաքացի, ծանր վիճակում գտնվում է՝ 80, ծայրահեղ ծանր վիճակում՝ 30 հոգի

Արհեստական շնչառական սարքրեին միացված է 8 քաղաքացի, ծանր  վիճակում գտնվում է՝ 80, ծայրահեղ ծանր վիճակում՝  30 հոգի։  Այս մասին azatutyun. am-ի հետ զրույցում ասաց Առողջապահության նախարար Արսեն Թորոսյանը։ Վերջինս նշեց, որ թվերի ամենօրյա աճին զուգընթաց ավելանում է նաև թոքաբորբ ունեցող և ծայրահեղ վիճակում գտնվող քաղաքացիների թիվը ։ Անդրադառնալով այն հարցին, թե որոշ երկրներ կատարել են փորձանմուշների ստուգումներ և պարզել, որ վարակն իրենց երկրում հայտնվել է ավելի վաղ՝ դեկտեմբեր, նոյեմբեր ամիսներին, Թորոսյանն ասաց․ « Ես տեսնելով աշխարհում տեղի ունեցող իրադարձությունները , երբ նրանք վերցրել են իրենց մոտ պահվող նմուշները և կրկնակի հետազոտություն են արել։ Դեկտեմբեր- հունվար ամիսներին մեզ մոտ պահվող գրիպի նմուշները պետք է  ուղարկվեն արտերկիր   հաստատման համար,  եթե հայտնաբերվեց,  որ դրանց մեջ կա կորոնավիրուսի դեպք, ապա ես էլ կհայտարարեմ, որ ուրեմն մեզ մոտ  էլ է ավելի վաղ գրանցվել վարակման դեպքերը, բայց դրա հավանականությունը շատ  փոքր է, մենք առնվազն փետրվարի սկզբից բանական վաղ, սկսել ենք հետազոտել բոլոր կասկածելի դեպքերը, բայց մեզ մոտ առաջին դեպքը հաստատվել է մարտի մեկին»։ Նախարարը հավելեց, որ դա  մտայնություն է, երբ ասում են, որ այլ ռեսպիրատոր վարակները նույնպես ունեցել են կորոնավիրուսային վարակի սիմպտոմներ, պետք է նշել, որ բոլոր ռեսպիրատոր վարակները ունեն նույն սիմպտոմները։  Դա չի նշանակում, որ հենց այս վիրուսն է շրջանառվել դեկտեմբեր կամ նոյեմբեր ամիսներին։ «Սահմանափակումների հանելուն ես նայում եմ զգուշավորությամբ, որովհետև հասկանում եմ , որ այդ ամենը կարող է բերել թվերի աճի, բայց նաև հասկանում եմ, որ հնարավոր չէ տոտալ փակված վիճակում ապրել։ Մենք ուղղակի պետք է սովորենք ապրել, իսկ այդ պրոցեսը կախված է բոլորիցս։ Այլընտրանք չկա, պետք է սովորենք ապրել  այս պայմաններում, որպեսզի հետևանքները ցավոտ չլինեն բոլորիս համար։ Սովորելը դիմակ կրելն է փակ վայրերում, իրարից հեռու կանգնելը, ձեռքերը հաճախ ախտահանելը»- սահմանափակումների թուլացման վերաբերյալ ասաց նախարարը ։ Թորոսյանը տեղեկացրեց, որ առողջապահության համակարգի սահմանափակ ռեսուրսները վերաբերում են միայն մահճակալային ֆոնդին։ Այս պահին այդ ֆոնդը՝ 1550-ն է, սակայն մոտ օրերս այն կավելանա ևս 150-ով։ Նախարարի խոսքով անհրաժեշտության դեպքում գալիք օրերին գործընթացին  կներգրավվեն մարզային 3 հիվանդանոցներ, որոնք մահճակալային ֆոնդը կավելացնեն ՝300-400-ով։ « Եթե վարակումը լինի պայթյունաձև, ոչ մի մահճակալային ֆոնդ չի կարող բավարերել։ Թույլ սիմպտոմներ ունեցող քաղաքացիները դեռ տուն չեն ուղարկվում, բայց կախված թվերից գալիք շաբաթներում նման բան նույնպես հնարավոր է»,- եզրափակեց Թորոսյանը։
14:13 - 06 մայիսի, 2020
Շատ երիտասարդ քաղաքացիներ մազով են փրկվել, չնայած,  չեն ունեցել խրանիկ հիվանդություններ․ Արսեն Թորոսյան

Շատ երիտասարդ քաղաքացիներ մազով են փրկվել, չնայած, չեն ունեցել խրանիկ հիվանդություններ․ Արսեն Թորոսյան

Այս իրավիճակը երկար է տևելու, առնվազն մինչև մյուս գարուն, եթե որևէ գիտական մեծ հայտնագործություն տեղի չունենա՝ ինչը շատ փոքր հավանականություն ունի, որովհետև նույնիսկ հայտնագործությունները ունեն իրենց տրամաբանությունը, դրանք հետազոտություններն են , փորձարկումներն են կենդանինների հետո մարդկանց վրա, հետո նոր կիրառումը մեծ զանգվածների վրա։ Այս մասին 1in․am-ի հետ զրույցում ասաց Առողջապահության նախարար Արսեն Թորոսյանը։ Հարցին, թե ինչ դրական արդյունքների բերեց կարանտինային ռեժիմը, նախարարը նշեց, որ կարանտինը  պետք էր  ժամանակ շահելու համար։ Եթե նույնիսկ այսօր ունենք 2500-ից ավել դեպք, եթե կարանտին չլիներ այդ թիվը կլիներ 25,000։  «Կարնտինը պետք էր նաև որոշակի  վարքագիծ սովորեցնելու մեզ բոլորիս, քանի որ մենք սովոր ենք ջերմ շփման, հաճախ մեր բարեկամների հետ հանդիպելուն, այս ամենը դեռ միառժամանակ պետք է դադարեցնենք։ Շատ հաճախ է հնչում տեսակետ, որ ամեն ինչ ձախողվել է, իրականում ամեն ինչ  չի ձախողվել, նպատակների մեծ մասը իրականացել են, թե առողջապահական համակարգի պատրաստակամության բարձրացման առումով, թե զսպելու առումով։ Իհարկե, հասկանալի է, որ այդ զսպումները չեն կարող լինել հավերժ՝ կարծես թե, մենք անցնում ենք ապակենտրոն պայքարի մոդելի»,- ասաց Թորոսյանը։ Անրդադառնալով այն թերացումներին, որոնք շատ հաճախ մատնամշվում են հասարակության կողմից, Թորոսյանն ասաց, որ կառավարությունը չի ուշացրել սհամանները փակելու գործընթացը, իսկ այդ մեխանիզմը շատ լավ է գործել։ Հարևան Իրանից վարակի բերովի դեպք գրանցվել է միայն մեկ անգամ, որը շատ արագ լոկալիզացվել է և կանխվել է տարածումը։ «Մենք ունեցել ենք դեպքեր Իտալիայից, որը ցավոք տարածվել է, բայց մեր քաղաքացիների կողմից, մենք չէինք կարող 5000 քաղաքացու մեկուսացնել։ Բոլորը պետք է մնային ինքնամեկուսացման մեջ, բայց եղան այն խախտողներ և հիմա նույնպես ասում եմ ,որ հնարավոր չէ այդքան մարդկանց վերհսկել»,- հավելեց նախարարը։ Այն հարցին, թե արդյոք մահացած քաղաքացիներից բոլորի  մոտ եղել են խրոնիկ հիվանդություններ՝ Թորոսյանը տեղեկացրեց՝ «Մահվան դեպքերից միայն մեկ քաղաքացի՝ 69 տարեկան, չի ունեցել հայտնի  խրոնիկ հիվանդություն, մյուսները ունեցել են  մեկ, հաճախ երկու-երեք խրոնիկ հիվանդություններ։ Հիմնականներից են՝ զարկերակայն գերճնշումը , շաքարային դիաբետը և սրտի իշեմիկ հիվանդությունները։ Շատ երիտասարդ քաղաքացիներ մազով են փրկվել, որոնք չեն ունեցել խրանիկ հիվանդություններ, բայց կատաստրոֆիկ դժվար են տարել վարակը»։ Այն հարցին, թե ինչու են քիչ թվով քաղաքացիներ միացված արհեստական շնչառական սարքերին, Թորոսյանն ասաց, որ սարքերին միացումը կատարվում է բացառապս բժիշկների ցուցումով։ 
11:01 - 06 մայիսի, 2020
Այսօր մենք կարող ենք ասել, որ իրավիճակը վերահսկելի է , բայց պարզ է, որ թվերի ավելացման հետ կարող է դառնալ անկառավարելի․ Արսեն Թորոսյան

Այսօր մենք կարող ենք ասել, որ իրավիճակը վերահսկելի է , բայց պարզ է, որ թվերի ավելացման հետ կարող է դառնալ անկառավարելի․ Արսեն Թորոսյան

Այսօր մենք կարող ենք ասել, որ իրավիճակը վերահսկելի է , բայց պարզ է, որ թվերի ավելացման հետ կարող է դառնալ անկառավարելի։ Մենք բոլորս հասկանում ենք, որ ռեսուրսները՝ թե՛ մարդկային, թե՛ մահճակալային, թե՛ սարքավորումների իմաստով վերջանալու են ինչ- որ մի օր, մեր խնդիրն է ամեն դեպքում, ունենալ ավելի քիչ դեպքեր։ 1in.am-ի հետ զրույցոմ այս մասին ասաց Առողջապահության նախարար Արսեն Թորոսյանը։ Վերջինս նշեց, որ միջազգային տերմինալոգիայով՝ Հայաստանը գտնվում է  համայնքային տարածման փուլում, երբ համայնքներում՝ մարդկանց խմբերը, քաղաքները, տարածման դեպքերը բազմազան են։ Դրանք մեծամասամբ Երևան քաղաքում են, բայց կան համայնքային տարածման դեպքեր այլ քաղաքաներում։  Տեղեր են եղել, որտեղ բռնկումները հեշտությամբ մարվել են։  «Տեղորոշման իրավունքից օգտվում ենք հիմնականում ինքնամեկուսացման պահանջը խախտումների դեպքում , սակայն մենք մինչ այսօր շեշտը դրել ենք մեկուսացման վրա։ Իհարկե եղել են զուգահեռ ինքնամեկուսացվածներ, որոնք եղել են երկրորդ կոնտակտը վարակակրի հետ և ոչ թե սերտ շփված։ Սերտ շփված մարդիկ մինչ օրս ամբողջովին մեկուսացվել են բոլորիս հայտնի հյուրանոցներում, ռեսուրսների առումով մինչ այսօր մեզ կարողացել ենք թույլ տալ»,- տեղեկացրեց նախարարը։ Թորոսյանը ընդգծեց, որ ինչ-որ մի օր գալու է, որ այլևս  հնարավոր չի լինելու  գնալ ամեն վարակի աղբյուրի հետևից։ Հիմա  ռեսուրսները դեռ բավականացնում են՝ շատ մեծ լարումով։  «Եթե ենթադրենք երեկվա դեպքը՝ 112 հաստատտաված դեպքեր, եթե նրանց բոլորը լինեն իրարից անկախ անձինք (հիմնականում դա այդպես չէ) մենք պետք է պարզենք յուրաքանչյուրի շփման շրջանակը։ Թվերի աճին զուգընթաց, գալու է մի օր, որ մենք ֆիզիկապես  չկարողանանք պարզել նախորդ օրը վարակված անձանց շփման շրջանակները, որովհետև հաջորդ օրը լինելու են նոր 100, կամ օրինակ ավել դեպքեր։ Պիկը մենք տեսնելու ենք, երբ որ մի օրից սկսած մենք ունենանք ավելի քիչ դեպքեր և դա շարունակաբար գնա մինչև ամբողջական մարում, մենք կարող ենք տեսնել այն օրը, երբ գրանվել են ամենաշատ դեպքերը և այդ օրը համարել պիկ։ Մինչ այդ պահը, մենք չենք կարող ասել, թե պիկ երբ կլինի կամ եղել է արդյոք, թե ոչ»,- եզրափակեց նախարարը։
10:44 - 06 մայիսի, 2020
Արգիշտի Քյարամյանի՝ ՔԿ նախագահի տեղակալ նշանակումը՝ իրավական սանդուղք դեպի ԱԱԾ տնօրենի տեղակալի պաշտոն

Արգիշտի Քյարամյանի՝ ՔԿ նախագահի տեղակալ նշանակումը՝ իրավական սանդուղք դեպի ԱԱԾ տնօրենի տեղակալի պաշտոն

Երեկ վարչապետ Նիկոլ Փաշինյանի որոշմամբ ՊՎԾ ղեկավարի տեղակալ, ղեկավարի ժամանակավոր պաշտոնակատար Արգիշտի Քյարամյանն ազատվեց պաշտոնից եւ նշանակվեց Քննչական կոմիտեի նախագահի տեղակալի պաշտոնում։ Արդեն այսօր Նիկոլ Փաշինյանի որոշմամբ նա ազատվեց ՔԿ նախագահի տեղակալի պաշտոնից եւ ՀՀ նախագահ Արմեն Սարգսյանի հրամանագրով նշանակվեց ԱԱԾ տնօրենի տեղակալ։ Ըստ «Ազգային անվտանգության մարմիններում ծառայության մասին» օրենքի 19-րդ հոդվածի 2-րդ մասի` ԱԱԾ պետի տեղակալ կարող է նշանակվել ազգային անվտանգության մարմինների այն ծառայողը, ով մինչև նշանակումն զբաղեցրել է ազգային անվտանգության մարմինների ծառայողների բարձրագույն խմբի պաշտոն կամ մինչև նշանակումը առնվազն 3 տարի զբաղեցրել է ազգային անվտանգության մարմինների ծառայողների գլխավոր խմբի պաշտոն և ունի գնդապետից ոչ ցածր կոչում: Հիշյալ օրենքի 19-րդ հոդվածի 6․1-ին մասի համաձայն՝ մարմնում թափուր պաշտոն առաջանալու դեպքում ծառայության կարող են նշանակվել նաև զինված ուժերի, ոստիկանության, փրկարար ծառայության, քրեակատարողական ծառայության մարմինների ծառայողներ, դատախազներ, քննչական կոմիտեում, հատուկ քննչական ծառայությունում ինքնավար պաշտոն զբաղեցնող անձինք (այդ թվում՝ նշված մարմիններում և պաշտոններում նախկինում ծառայած կամ աշխատած անձինք), որոնք բավարարում են տվյալ պաշտոնին նշանակվելու համար ազգային անվտանգության մարմինների ծառայողներին ներկայացվող պահանջները: Քանի որ ՊՎԾ-ն ազգային անվտանգության մարմին չէ և վերոնշյալ ցանկում ևս առկա չէ, Արգիշտի Քյարամյանը չէր կարող անմիջապես նշանակվել ԱԱԾ տնօրենի տեղակալ։ Հաշվի առնելով այն, որ Քննչական կոմիտեն ներառված է վերոնշյալ օրենքի 19-րդ հոդվածի 6․1 կետում թվարկված կառույցների ցանկում, ինչպես նաև այն, որ ըստ «Քննչական կոմիտեի մասին» օրենքի 16-րդ հոդվածի 4-րդ մասի՝ քննչական կոմիտեի տեղակալի պաշտոնը համարվում է բարձրագույն խմբի պաշտոն, ինչն էլ հենց ԱԱԾ պետի տեղակալ նշանակվելու պահանջներից մեկն է, Արգիշտի Քյարամյանի՝ այդ պաշտոնում նշանակումը հնարավորություն է ստեղծել նրա՝ ԱԱԾ պետի տեղակալ նշանակումն իրականացնել «օրենքի տառին» համապատասխան։ Քանի որ «Ազգային անվտանգության մարմիններում ծառայության մասին» օրենքի 19-րդ հոդվածի 2-րդ մասով սահմանված չէ նվազագույն պաշտոնավարման ժամկետ, հնարավոր է դարձել Արգիշտի Քյարամյանի մեկօրյա նշանակումն ու տեղափոխումը։ Միաժամանակ նշենք, որ ԱԱԾ նախկին տնօրեն, այս տարվա հունվարին մահացու հրազենային վիրավորում ստացած Գեորգի Կուտոյանը նախկինում ևս նմանատիպ ընթացակարգով էր նշանակվել ԱԱԾ տնօրենի պաշտոնին։ Գեորգի Կուտոյանի 2016 թվականի փետրվարի 3-ին նշանակվել էր գլխավոր դատախազի տեղակալ, իսկ 9 օր անց՝ փետրվարի 12-ին, նշանակվել էր ԱԱԾ պետ։  Արփի Ավետիսյան
20:05 - 05 մայիսի, 2020
Նախարարությունից ընտանիքներին կոչ են անում սպասել բազաների թարմացմանը․  Մանե Թանդիլյան

Նախարարությունից ընտանիքներին կոչ են անում սպասել բազաների թարմացմանը․ Մանե Թանդիլյան

Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանը այսօր անդրադարձավ կառավարության կողմից իրականացվող աջակցության ծրագրերի թերացումներին։ Թանդիլյանը նշեց, որ կորոնավիրուսի տնտեսական հետևանքների չեզոքացման աջակցության ծրագրերի վերաբերյալ ահազանգեր է ստացել հարյուրավոր քաղաքացիների կողմից։  «Կառավարության կողմից սահմանվել է, որ հունվարի 1-ից մինչև մարտի 1-ն ընկած ժամանակահատվածում գրանցված աշխատող լինելու հանգամանքը նախապայման է։ Այնինչ ունենք դեպքեր, երբ մարդիկ գրանցվել են օրինակ հունվարի 10-ին կամ ԱՁ են գրանցել հունվարի 11-ին, շատ պարզ պատճառով, որովհետև հունվարի մեկը ոչ աշխատանքային օր է։ Ինչու ենք մենք սահմանել ժամկետներ և դուրս թողել տնտեսվարողների, ովքեր ուղղակի շահառու են հանդիսանում իրենց բնույթով և ակնկալիք են ունեցել, որ մինչև կորոնավիրուսի հայտվելը կարող են տնտեսական գործունեություն ծավալել։ Հետևաբար, այս թվերը պետք է վերանայել»․- ասաց Թանդիլյանը։ Վերջին իր խոսքում անդրադարձավ նաև հանրային սննդի ոլորտի տեղական տուրքերին, նշելով, որ դրանք շարունակում են վճարվել, չնայած այն հանգամանքին, որ տնտեսվարողները գործունեություն չեն ծավալել։ Տուրքերը ֆիքսված գումարներ են,և այս խնդիրը նույնպես պետք է վերանայել։  «8-րդ ծրագրի շահառուների  շրջանակը թև ավելացել է, սակայն շատ ոլորտներ շարունակում են դուրս մնալ այս ծրագրից, սա նույնպես վերանայման կարիք ունի։ 9-րդ ծրագրով մինչև այսօր առկա են քաղաքացիների դիմումների մերժման հետևյալ հիմքերը․ դիմումը  մերժվում է, քանի որ բնակչության պետական ռեգիստրում տվյալներ չի գտնվել, այնինչ ակնհայտ է , որ մարդը հաշվառված է։ Մուտքագրումն արված է ստույգ, ինչպես նախարարության աշխատակիցներն են նշում՝ «բոլոր պրաբելները պահպանելով», սակայն քաղաքացու տվյալները չեն գտնվում։ Դիմումը  մերժվում է, քանի որ նշվում է, որ քաղաքացին գրանցված աշխատող է, այնինչ նա պնդում է, որ գրանցված աշխատող չի եղել։ Դիմումը մերժվում է, քանի որ ընտանիքը  հաշվառված է սոցիալական անապահովության համակարգում, այս համակարգը ունի լրջագույն խնդիրներ, ընտանիքը երբեք նպաստ չի ստացել»,- ստացած ահազանգերի վերաբերյալ ասաց պատգամավորը։ Թանդիլյանը հավելեց, որ ընտանիքները սպասում են և չգիտեն ինչ անել։ Նախարարությունից հորդորում են սպասել բազաների թարմացմանը, բայց չգիդեն, թե դա երբ կլինի։ «Մի կողմից քաղաքացիները ստանում են հաղորդագրություններ գնում են բանկ և պարզվում է, որ գումարները չկան։ Մյուս կողմից հաղորդագրություն չեն ստանում, բայց պատահաբար բանկ են այցելում և տեսնում, որ  իրենց գումարներն այնտեղ են, այնինչ որոշ ժամանակ այդ գումարներին տիրություն չանելու դեպքում գումարը հետ է գնում պետական բյուջե»,-եզրափակեց Թանդիլյանը։  
17:38 - 05 մայիսի, 2020
Նվազագույն աշխատավարձի հազարապատիկը գերազանցող նվիրատվության պարագայում  Երևանի քաղաքապետը պարտավոր է այդ մասին տեղեկացնել․ Աժ-ն քննարկում է պատգամավորների նախագիծը

Նվազագույն աշխատավարձի հազարապատիկը գերազանցող նվիրատվության պարագայում Երևանի քաղաքապետը պարտավոր է այդ մասին տեղեկացնել․ Աժ-ն քննարկում է պատգամավորների նախագիծը

Ազգային ժողովը երկրորդ ընթերցմամբ քննարկում է ԱԺ  պատգամավորներ՝ Սերգեյ Բագրատյանի, Վարդան Վարդանյանի, Տիգրան Ստեփանյանի, Հրանտ Մադաթյանի, Դավիթ Մանուկյանի, Ջանիբեկ Հայրապյանի և Սոնա Ղազարյանի կողմից ներկայացված՝ «Տեղական ինքնակառավարման  մասին օրենքում լրացում կատարելու» մասին օրենքի նախագիծը։ Նախագծի հիմնական զեկուցողը ԱԺ պատգամավոր Սոնա Ղազարյանն էր։ «Ուզում եմ տեղեկացնել, որ առաջինից երկրորդ տնթերցման ընթացքում օրենքի նախագծում կատարվել են երկու հիմնական փոփոխություններ։ Առաջինը՝ համայնքների համար օրենքով սահմանված՝ նվիրատվությունների  նվազագույն աշխատավարձի հարյուրապատիկը պահպանվել է բոլոր համայնքների համար, բացառությամբ Երևանը։ Երևանի պարագայում մենք առանձնացրել ենք դրույքաչափը և սահմանել, որ օրենքով սահմանված նվազագույն աշխատավարձի հազարապատիկը գերազանցող նվիրատվության պարագայում, համայնքի ղեկավարը, այսինքն Երևանի քաղաքապետը, պարտավոր է այդ մասին տեղեկացնել erevan.am համացանցային կայքում»,- այս մասին նախագծի ներկայացման ընթացքում ասաց Ղազարյանը։  Նախագծի քննարկման ժամանակ վեր էր հանվել նվիրատուի անձնական տվյալների պահպանության հարցը։  Ներկայացված  օրենքի նախագծում ավելացվել է ևս մեկ պարբերություն, որտեղ սահմանվել է ,որ նվիրատուի մասին տեղեկատվությունը ենթակա է հրապարակման այն պարագայում, երբ նվիրատուի կողմից կա գրավոր համաձայնություն։  «Հանձնաժողովի նիստի ընթացքում վեր հանվեց նաև այն հարցը, թե արդյոք ճիշտ է տարբերակել Երևանը և մնացած համայքները։ Միջազգային փորձի ուսումնասիրության ընթացքում պարզվել է, որ այս մոտեցումը ընդունելի է եվրոպական երկրներում, ինչպես նաև ԱՄՆ-ում»,- նշեց պատգամավորը։  Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովը նույնպես տվել է իր դրական եզրակացությունը։ ՏԿԵ նախարարի տեղակալ Վաչե Տերտերյանը ներկայացնելով կառավարության կարծիքը նշեց, որ այն դրական է և նախագծի հաստատման պարագայում ՏԻՄ համակարգում բարելավումներ կկատարվեն։   
15:06 - 05 մայիսի, 2020
ԱԺ-ն երկրորդ ընթերցմամբ քննարկում է «Բնակչության բժշկական օգնության և սպասարկման մասին ՀՀ օրենքում փոփոխություն կատարելու վերաբերյալ»  օրենքի նախագիծը

ԱԺ-ն երկրորդ ընթերցմամբ քննարկում է «Բնակչության բժշկական օգնության և սպասարկման մասին ՀՀ օրենքում փոփոխություն կատարելու վերաբերյալ» օրենքի նախագիծը

Ազգային ժողովը երկրորդ ընթերցմամբ քննարկում է կառավարության կողմից ներկայացված «Բնակչության բժշկական օգնության և սպասարկման մասին ՀՀ օրենքում փոփոխություն կատարելու մասին» օրենքի նախագիծը  և կից ներկայացված օրենքի նախագծերի փաթեթը։ Նախագծի հիմնական զեկուցողը Առողջապահության նախարարի տեղակալ Անահիտ Ավանեսյանն է։ Ավանեսյանը իր խոսքում նշեց, որ  արվել են մեծ փոփոխություններ և օրենքը շարադրվել է նոր խմբագրությամբ։  «Նախագծով նախատեսվում է սահմանել անձնական տվյալների՝ մասնավորապես բժշկական գաղտնիքի մշակման, փոխանցման համար իրավական կարգավորումներ։ Ներառյալ պատասխանատվություն նախատեսող դրույթներ, ապահովելով քաղաքացիների անձնական կյանքը, մասնավոր կյանքի անձեռնամխելիության և անձնական տվյալների պահպանման սահմանադրական իրավունքները»,- ասաց նախարարի տեղակալը։   Վերջինս շեշտեց, որ նախագծով առաջարկվում է  ամրագրել պացիենտների իրավունքների և պարտականությունների ավելի հստակ շրջանակ՝ ապահովելով նաև նրանց իրավունքների իրացմումը։ Սահմանել իրավական հիմքեր և կարգավորումներ էլեկտրոնային առողջապահության համակարգի ներդրման և կիրառման համար։ Օենսդրորեն կարգավորել արտակարգ իրավիճակների, ռազմական կամ ահաբեկչական գործողությունների դեպքում տուժած անձանց բժշկական օգնության և սպասարկման կազմակերպման առանձնահատկությունները։  «Ճշգրտել բժշկական օգնությունների ցանկը, լրացնել օրենսդրական բացերը, սահմանել պարտադիր դատաբժշկական փորձաքննությունների դեպքերը և ձևերը։ Օրենսդրորեն կարգավորել բժշկական արտադրատեսակների շրջանառության հետ կապված հարաբերությունները, ստեղծել բժշկական սարքավորումների, արտադրատեսակների ստեղծման, ներմուծման և շրջանառության լիարժեք օրենսդրական հիմքեր։ Բավարարել բուժաշխատող- պացիենտ, բուժաշխատող- բուժաշխատող հարաբերությունները, ապահովելով էթիկայի հանձնաժողովի ստեղծումը և սահմանելով այդ հանձնաժողովի գործառույթները։ Սահմանել բժշկական օգնության տեսակները,  լիազորող նորմեր տալ դրանց իրականացման համար։ Սահմանել լաբորատոր գործունեության վերաբերյալ դրույթ»,- հավելեց Ավանեսյանը։  Ավանեսյանի խոսքով, ըստ նախածի ՝ բժշկական օգնության և սպասարկում իրականացնողների համար, որպես պարտականություն ամրագրել՝ ՀՀ ոստիկանություն՝ բժշկական հաստատություն տեղափոխված պացիենտի վերաբերյալ հաղորդում ներկայացնելը , այն դեպքերում, որոնք հիմք են տալիս ենթադրելու, որ դա բռնության կամ այլ հակաօրինական գործողության արդյունք է։  «Բժշկական օգնության և սպասարկման առանձին  տեսակների համար սահմանել լիցենզիայում նշված վայրից դուրս վերջիններիս իրացման հնարավորությունները»- եզրափակեց Առողջապահության նախարարի տեղակալը ։   
14:23 - 05 մայիսի, 2020
Աժ-ն երկրորդ ընթերցմամբ քննարկում է նախադպրոցական կրթության մասին ՀՀ օրենքում փոփոխություններ կատարելու նախագիծը

Աժ-ն երկրորդ ընթերցմամբ քննարկում է նախադպրոցական կրթության մասին ՀՀ օրենքում փոփոխություններ կատարելու նախագիծը

Ազգային ժողովը քննարկում է կառավարության կողմից ներկայացված «Նախադպրոցական կրթության մասին ՀՀ օրենքում փոփոխություններ կատարելու մասին» օրենքի նախագիծը երկրորդ ընթերցմամբ և ամբողջովին ընդունելու մասին հարցը։  Նախագծի հիմնական զեկուցողը ԿԳՄՍ նախարար Արայիկ Հարությունյանն է։ Նախարարը նշեց, որ ԱԺ ԿԳՄՍԵ մշտական հարցերի հանձնաժողովի հետ արդյունավետ աշխատանք է իրականացվել  և տեղի են ունեցել խմբագրումներ։ Նախարարի խոսքով արված փոփոխությունները հեղափոխական են ոլորտի համար։ Այս օրենքը բավականին  լուրջ փոփոխություններ է նախատեսում նախադպրոցական կրթության ոլորտում։  « Սահմանվել են նախադպրոցական կրթության բնագավառում պետական քաղաքականությունը և պետական քաղաքականության սկզբունքները։ Տարանջատվել են նախադպրոցական կրթության խնդիրները, նպատակները։ Մասնավորապես, որպես խնդիր ավելացվել են նախադպրոցական կրթության հանրային նշանակության բարձրացումն ու որակի  բարելավումը։ Որակյալ նախադպրոցական կրթություն տրամադրելու հավասար հնարավորությունների՝ ներառականության և մատչելիության ապահովումը խելամիտ հարմարությունների միջոցով»,- առաջինից երկրորդ ընթերցման ընթացքում արված փոփխությունների մասին նշեց նախարարը։ Հարությունյանի խոսքով ամրագրվել են նախադպրոցական հաստատություն ընդունվելու առաջնահերթության իրավունքից օգտվող խմբերը՝ առաջին կամ երկրորդ կարգի հաշմանդամություն, երեք և ավելի երեխա ունեցող, զինծառայող ծնողի կամ ծնողների երեխաները  և այլն ։ Նկարագրվել է նախադպրոցական կրթական ծրագրերի բաղադրիչները։  «Նախադպրոցական երեխաների բժշկական սպասարկման մասով ավելացվել է դրույթ, համաձայն որի նախադպրոցական ուսումնական հաստատությունը ապահովում է սաների առաջնային բուժսպասարկումը և հսկողությունը։ Վերանայվել է նախադպրոցական ուսումնական հաստատություններում երեխաների սննդի կազմակերպման վերաբերյալ հոդվածը, ավելացվել են երեխաների իրավունքների դրույթներ։ Սահմանվել են ուսումնական հաստատության մանկավարժական բուժզննությունը, տարեկան առնվազն մեկ անգամ, պարտադիր վերապատրաստումը տարեկան մանկավարժական աշխատատեղերի մեկ- հինգերորդը»,- տեղեկացրեց նախարարը։  Վերջինս  նշեց, որ ամրագրվել է նաև նախադպրոցական ուսումնական հաստատության ղեկավարման իրավունքի  հավաստագրման դրույթը, որով ուսումնական հաստատության տնօրենի  թափուր տեղի համար  կարող է դիմել, իսկ ընտրվելու դեպքում մասնակցել հայտարարված մրցույթին կրթության պետական կառավարման լիազորված մարմնի սահմանված կարգով վերապատրաստված և ղեկավարման իրավունք, հավաստագիր ստացած անձը։ «Նախագծում նկարագրվել են նաև տնօրենի գործառույթները,  հաստատության  զարգացման ծրագիր ունենալու պահանջը, նկարագրվել են նախադպրոցական ուսունական հաստատության տեսակները, լրամշկվել են նախադպրոցական կրթության բնագավառի մարմինների և նրանց իրավասությունների դրույթները։Ավելացվել են նախադպրոցական ուսումանկան հաստատության գործունեության գնահատման դրույթները, մասնավորապես կիրականացվի ներքին և արտաքին գնահատում»,- եզրափակեց Արայիկ Հարությունյանը։   
13:45 - 05 մայիսի, 2020
ԱԺ-ն քննարկում է նախագիծ, որով առաջարկվում է ընկերությունների կողմից կատարված բնապահպանական հարկերից մասհանումներ հատկացնել համայնքներին

ԱԺ-ն քննարկում է նախագիծ, որով առաջարկվում է ընկերությունների կողմից կատարված բնապահպանական հարկերից մասհանումներ հատկացնել համայնքներին

Կառավարությունը Ազգային ժողովին է ներկայացրել «Ընկերությունների կողմից վճարվող բնապահպանական հարկի նպատակային օգտագործման մասին» ՀՀ օրենքում փոփոխություններ եւ լրացում կատարելու մասին օրենքի նածագիծը», որի հիմնական զեկուցողնէր՝ ՀՀ  տարածքային կառավարման և ենթակառուցվածքների փոխնախարար Լիլիա Շուշանյանը։ Նախագծով առաջարկվում է, որ մետաղական հանքարդյունահանող ընկերությունների կողմից կատարված բնապահպանական հարկերից մասհանումներ հատկացվեն համայնքներում նպատակային ծրագրերի իրականացման համար:  «Մեզ համար անընդունելի է, որպեսզի օրենքի մակարդակով ընկերությունների անուններ նշվեն, որոնցից պետք է մասհանումներ կատարվեն: Եթե կան մի քանի մեռաղական հանքարդյունահանողներ, ապա մենք հանում ենք այդ անունները օրենքի տեքստից  և սահմանում ենք կարգավիճակ՝  մետաղական հանքաքար արդյունահանող ընկերությունների բոլոր բնապահպանական հարկերից մասհանումները պետք է հատկացվեն։  Բացի դա, մենք առաջարկում ենք, որ կառավարությունը սահմանի այն չափորոշիչները, որոնց հիման վրա արդեն համապատասխան լիազոր մարմինը կսահմանի ընկերությունների ցանկը»,- իր խոսքում նշեց Շուշանյանը:  Վերջինս ընդգծեց, որ առաջարկների ընդունման արդյունքում կունենանք ավելի ընդլայնված ընկերությունների ցանկ և ավելի ընդլայնված համայնքներ՝ որպես այդ գումարների շահառուներ: Հաջորդ փոփոխությունը, որ առաջարկվում է կառավարության կողմից վերբերում է մասհանումների փոխանցման խնդրին։ Առաջարկ է արվում այդ վճարներն իրականացնել ոչ թե փաստացի կատարված վճարներից, այլև հաշվարկված գումարներից, ընդհանուր հանրագումարից։ Նախարարի տեղակալի խոսքով վերջին երկու տարում համայնքների կողմից չստացված գումարները նույնպես համայնքները կարող են ստանալ։ «Գումարները չեն տրամադրվելու ինքնանպատակ, դրանք տրամադրվում են սուբվենցիոն նպատակային ծրագրերի համար: Առաջարկվում է, որ համայնքները նախապես ծրագրերը հրապարակեն  համայնքային  կամ մարզպետարանների կայքերում: Ինչպես նաև, հետագայում համայնքները հաշվետվություն ներկայացնեն սահմանված ձևոչափով»,- հավելեց Լիլիա Շուշանյանը։ Մյուս փոփոխությամբ առաջարկվում է,  որ ըստ համայնքների կամ բնակավայրերի բաշխվածության, կարգ սահմանելու իրավասությունը վերապահվումէ  կառավարությանը: Կսահմանվի այն կարգը, որով, ենթադրենք, մի քանի ազդակիր համայնք ունենալու դեպքում համապատասխան բաշխման կանոններն էլ կգործեն և ամեն ինչ կլինի ավելի հստակ։   
12:45 - 05 մայիսի, 2020
Ազգային ժողովի քառօրյա նիստի օրակարգում չներգրավվեցին  «Լուսավոր Հայաստան» և «Բարգավաճ Հայաստան» խմբակցությունների առաջարկները

Ազգային ժողովի քառօրյա նիստի օրակարգում չներգրավվեցին «Լուսավոր Հայաստան» և «Բարգավաճ Հայաստան» խմբակցությունների առաջարկները

Այսօր՝ մայիսի 5-ին Ազգային ժողովի կողմից քննարկվեց պատգամավորների կողմից արված օրենսդրական նախաձեռնությունների օրակարգ անցկացման հարցը։ ԱԺ-ն քննարկեց «Լուսավոր Հայաստան» խմբակցության կողմից ներկայացված «ՀՀ քրեական օրենսգրքում» փոփոխություններ և լրացումներ կատարելու մասին օրենքի նախագիծը։ Պատգամավոր Անի Սամսոնյանը նշեց, որ ըստ  նախագծի աաջարկվում էր քրեականացնել փաստաբաններին վիրավորելը և զրպարտելը։ Նախագծով առաջարկվում էր , որպեսզի օրենքը պարունակի բավարար երաշխիքներ փաստաբանների գործունեության պաշտպանության համար։ Քվեարկության արդյունքում նախագիծը չներառվեց քառօրյայի օրակարգում։ «Փաստաբանության մասին ՀՀ օրենքում փոփոխություններ կատարելու մասին» օրենքի նախագիծ էին ներկայացրել «Բարգավաճ Հայաստան » խմբակցության պատգամավորներ Շաքե Իսայանը և Նաիրա Զոհրաբյանը։ «Նախագիծը միտված է  Հանրային պաշտպանի դերի և հեղինակության բարձրացմանը, ինչպես նաև առաջարկվում է Հանրային պաշտպանի գրասենյակի գործունեության ծախսերը փոխհատուցել պետական բյուջեից»,- ասաց Շաքե Իսայանը։  Հանձնաժողովը բացասական եզրակացության էր արժանացրել պատգամավորների առաջարկը, Ազգային ժողովի քվեարկության արդյունքում նույնպես նախագիծը դուրս մնաց նիստի օրակարգից։  «Բարգավաճ Հայաստան » խմբակցության պատգամավոր, ԱԺ փոխնախագահ Վահե Էնֆիաջյանի կողմից  առաջարկվում էր փոփոխություններ կատարել «Հայրենական մեծ պատերազմի վետերանններրի մասին» ՀՀ օրենքում։ Ըստ Էնֆիաջյանի առաջարկի պետք է կրկնապատկել վետերանների պատվո վճարը՝  այն սահմանելով 200 000 դրամ։ Առողջապահության և սոցիալական հարցերի մշտական հանձնաժողվի անդամ, «Իմ քայլի» պատգամավոր, Արփինե Դավոյանն ընդգծեց, որ հանձնաժողոովը բացասական եզրակացության է տվել նախագծին, քանի որ պատվովճարների սահմանման իրավասությունը ՀՀ կառավարությանն է վերապահված։ ԲՀԿ պատգամավորի կողմից ներկայացված նախագիծը դրվեց քվերակության և ստացավ բացասական եզրակացություն՝  չընդգրկվեց քառօրյայի օրակարգում։ Քննարկվեց նաև ԱԺ փոխխոսնակ Վահե Էնֆիաջյանի հեղինակած՝  «ԱԺ կանոնակարգ սահմանադրական օրենքում» փոփոխություններ կատարելու մասին  նախագիծը։ Այն  չէր  ստացել գլխադասային հանձնաժողովի  դրական եզրակացությունը։ Ըստ ներկայացված նախագծի, խմբակցությունների` լսումներ հրավիրելու լիազորությունները պետք է  ընդլայնվեն: Գործող կարգավորմամբ` յուրաքանչյուր նստաշրջանի ընթացքում խմբակցությունը կարող է հրավիրել մեկ լսում: Փոփոխություններով առաջարկվում է, որպեսզի  խմբակցությունը յուրաքանչյուր նստաշրջանի ընթացքում կարողանա հրավիրել երեք լսում: Պետական-իրավական հարցերի հանձնաժողովի նախագահ Վլադիմիր Վարդանյանն իր խոսքում նշեց, որ  եթե փոփոխությունները կյանքի կոչվեն, ապա յուրաքանչյուր նստաշրջանում առնվազն կարող է 15 լսում հրավիրվել, քանի որ լսում հրավիրելու իրավասությամբ են օժտված ԱԺ նախագահը, խմբակցությունները ու 11 մշտական հանձնաժողովները: Նախագիծը դրվեց քվերկության և չներառվեց քառօրյայի օրակարգում։  «ՀՀ քրեական օրենսգրքում փոփոխություններ կատարելու մասին» օրենքի նախագիծ ներկայացրեց ԲՀ խմբակցության պատգամավոր Գևորգ Պետրոսյանը։ Նախագծով առաջարկվում էր սահմանադրական կարգը տապալելու դեպքում վաղեմության ժամկետ չսահմանել։ Այս նախագիծը նույնպես մերժվեց Ազգային ժողովի կողմից՝ լիագումար նիստի օրակարգում ընդգրկվելուց։ 
12:07 - 05 մայիսի, 2020
 «Աերոֆլոտ» ընկերությունը նախատեսում է վերսկսել միջազգային ավիափոխադրումները ամռան կեսերին

 «Աերոֆլոտ» ընկերությունը նախատեսում է վերսկսել միջազգային ավիափոխադրումները ամռան կեսերին

Россия 24 հեռուստաալիքի եթերում «Աերոֆլոտ» ընկերության մամուլի քարտուղար Յուլիա Սպիվակովան հայտնել է, որ ընկերությունը  նախատեսում է վերսկսել միջազգային ավիափոխադրումները ամռան կեսերին, այս պահին դժվար է հստակ նշել ժամկետները, սակայն լավագույն կանխատեսումներով դա հնարավոր կլինի իրկանացնել հուլիսից։ Սպիվակովան նաև նշել է, որ համավարակից հետո հնարավոր է՝ մտցվեն անվտանգության հատուկ կանոններ և՛ ուղևորների, և՛ փոխադրողների համար։ «Չի բացառվում, որ կլինեն հատուկ առաջարկություններ, հնարավոր է՝ նաև պահանջներ պահպանելու հեռավորություն ուղևորների միջև։ Մենք նաև կշարունակենք ինքնաթիռների մանրակրկիտ աշխտահանումը այնքան ժամանակ, քանի դեռ դրա անհրաժեշտությունը կլինի», - նշել է Սպիվակովան։   Աղբյուրը՝ rg.ru: Թարգմանությունը՝ Լիլիթ Հարությունյանի  
11:13 - 04 մայիսի, 2020