Լեհաստան

Լեհաստան, պաշտոնական անվանումը՝ Rzeczpospolita Polska (Ժեչպոսպոլիտա Պոլսկա), պետություն է Կենտրոնական Եվրոպայում։

Սահմանակցում է արևմուտքից Գերմանիային, հարավից՝ Չեխիային և Սլովակիային, արևելքից՝ Ուկրաինային և Բելառուսին, հյուսիս-արևելքից՝ Լիտվային և հյուսիսի մի փոքր հատվածում Ռուսաստանի Կալինինգրադի մարզի հետ։ Բացի դրանից կիսում է ծովային սահմանը Դանիայի և Շվեդիայի հետ։

Մայրաքաղաքն է Վարշավան, իսկ մյուս մեծ քաղաքներից են Կրակովը, Վրոցլավը, Գդանսկը։

Պուտինը լավ գիտի՝ ով առաջինը միջուկային զենք օգտագործի, անիծված է լինելու. Լեհաստանի նախագահ |tert.am|

tert.am: Ռուսաստանի նախագահ Վլադիմիր Պուտինն ու նրա գեներալները լավ գիտեն, որ ով առաջինը միջուկային զենք օգտագործի, անիծված է լինելու։ Այս մասին TVN-ին տված հարցազրույցում հայտարարել է Լեհաստանի նախագահ Անջեյ Դուդան։ Դուդան մեկնաբանում էր Պուտինի հայտարարությունը, որում նա սպառնացել էր միջուկային զենք կիրառել, եթե Ռուսաստանի վրա որևէ զանգվածային հարձակում լինի։ Լեհաստանի նախագահը կարծում է, որ Ռուսաստանի ղեկավարի հայտարարություններում ոչ մի նոր բան չկա։ «Եթե սրան նայենք հանգիստ և առանց խուճապի, ապա պետք է պարզ լինի. նա կրկնում է այն, ինչ երկար տարիներ ամրագրված է ռուսական ռազմական դոկտրինում, որ Ռուսաստանն իրեն իրավունք է վերապահում օգտագործել ցանկացած միջոց, այդ թվում, իհարկե, միջուկային զենքը Ռուսաստանին սպառնացող վտանգի դեպքում: Մյուս կողմից, Վլադիմիր Պուտինն իր գեներալների պես գիտի, որ ով առաջինը միջուկային զենք օգտագործի, անիծված է... Նրանք երբեք իրենց չեն ազատի այդ պատասխանատվությունից, եթե միջուկային զենք օգտագործեն... Աշխարհը երբեք չի ների նրանց դրա համար»,- ասել է Դուդան։

10:10 - 27 սեպտեմբերի, 2024

Արարատ Միրզոյանն ու Ռադոսլավ Սիկորսկին քննարկել են տարածաշրջանային անվտանգությանն ու կայունությանն առնչվող հարցեր

ՄԱԿ ԳԱ 79-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Լեհաստանի ԱԳ նախարար Ռադոսլավ Սիկորսկիի հետ: Այս մասին հայտնում են ՀՀ ԱԳՆ-ից։ Արարատ Միրզոյանը և Ռադոսլավ Սիկորսկին քննարկել են տարածաշրջանային անվտանգությանն ու կայունությանն առնչվող հարցեր՝ ներառյալ Հարավային Կովկասում և դրա շուրջ վերջին զարգացումները։ Նախարար Միրզոյանը ներկայացրել է ՀՀ տեսլականը ժողովրդավարական ուղու շարունակականության, տնտեսական զարգացման, ավելի լայն աշխարհագրությամբ փոխկապակցվածությամբ ապահովման հարցում։ Այս համատեքստում ՀՀ ԱԳ նախարարն ընդգծել է սեղմ ժամկետում Ադրբեջանի հետ խաղաղության պայմանագրի ստորագրման հարցում ՀՀ հստակ քաղաքական կամքը՝ արտահայտված նաև խաղաղության պայմանագրի նախագծի վերաբերյալ վերջին առաջարկում։ Արարատ Միրզոյանն ընդգծել է տարածաշրջանային կապուղիների ապաշրջափակման հարցում ՀՀ շահագրգռվածությունը՝ հիմնված հանրահայտ սկզբունքների վրա։ Հայաստանի և Լեհաստանի ԱԳ նախարարները քննարկել են նաև ԵՄ հետ ՀՀ գործընկերության խորացման հարցեր, դիտարկվել են փոխգործակցության հեռանկարները՝ համահունչ ՀՀ քաղաքացիների ձգտումներին: Հանդիպման ընթացքում նախարար Միրզոյանն իր լեհ գործընկրոջը ցավակցություն է հայտնել վերջին շրջանում Լեհաստանում ջրհեղեղների հետևանքով գրանցված զոհերի առնչությամբ։

21:20 - 24 սեպտեմբերի, 2024

Վարչապետ Փաշինյանը Լեհաստանի նախագահի հետ հանդիպմանն անդրադարձել է Հայաստանի և Ադրբեջանի միջև խաղաղության պայմանագրի շուրջ քննարկումներին

Վարչապետ Նիկոլ Փաշինյանը հանդիպում է ունեցել Լեհաստանի նախագահ Անջեյ Դուդայի հետ: Այս մասին հայտնում են ՀՀ վարչապետի աշխատակազմից։ Քննարկվել են Հայաստան-Լեհաստան համագործակցությանն ու դրա հետագա զարգացմանը վերաբերող հարցեր: Մտքեր են փոխանակվել Հայաստան-Եվրոպական միություն փոխգործակցության ընդլայնման, մեր երկրում ԵՄ աջակցությամբ իրականացվող ժողովրդավարական բարեփոխումներին վերաբերող հարցերի շուրջ: Վարչապետ Փաշինյանն անդրադարձել է Հայաստանի և Ադրբեջանի միջև խաղաղության պայմանագրի շուրջ քննարկումներին, երկու երկրների միջև սահմանազատման գործընթացին: Վարչապետը նշել է, որ Հայաստանի ու Ադրբեջանի սահմանազատման հանձնաժողովները ստորագրել են համատեղ գործունեության մասին կանոնակարգը, որում արձանագրված է, որ կողմերը սահմանազատման գործընթացում առաջնորդվելու են Ալմա-Աթայի հռչակագրով։ Միաժամանակ, վարչապետը գործընկերոջն է փոխանցել, որ Հայաստանում և Ադրբեջանում այս պահին ընթանում են կանոնակարգի ներքին համաձայնեցման ներպետական ընթացակարգերը: Լեհաստանի նախագահը կարևորել է Հայաստանի և Ադրբեջանի միջև խաղաղության գործընթացն ու տարածաշրջանում կայունության ապահովումը` հույս հայտնելով, որ տեղի ունեցող քննարկումները կտան դրական արդյունք: Զրուցակիցները մտքեր են փոխանակել նաև երկուստեք հետաքրքրություն ներկայացնող այլ հարցերի շուրջ:

21:14 - 24 սեպտեմբերի, 2024

Ապօրինի միգրացիայի կազմակերպման համար մեղադրվող անձը հանձնվել է Լեհաստանի իրավասու մարմիններին

Հայաստանի Հանրապետության գլխավոր դատախազը բավարարել է Լեհաստանի Հանրապետության իրավասու մարմնի միջնորդությունը. հետախուզվող անձ Մ.Կ․-ն հանձնվել է Լեհաստանի իրավասու մարմիններին: Այս մասին տեղեկացնում են ՀՀ գլխավոր դատախազությունից: Մ.Կ-ն մեղադրվում է ապօրինի միգրացիայի կազմակերպման համար:

15:48 - 24 սեպտեմբերի, 2024

Ջրհեղեղ Կենտրոնական և Արևելյան Եվրոպայում, կան զոհեր ու անհետ կորածներ |azatutyun.am|

azatutyun.am: Կենտրոնական և Արևելյան Եվրոպայում իշխանությունները և կամավորները շարունակում են ջանքերը՝ հաղթահարելու հորդառատ անձրևների և դրա հետևանքով ջրհեղեղների հետևանքները: Ռումինիայում առնվազն հինգ մարդ է զոհվել, ևս երկուսը համարվում են անհետ կորած։ Չեխիայում չորս անհետ կորած կա, Լեհաստանում մեկ մարդ է խեղդվել։ Արտակարգ իրավիճակների ծառայություններն ուժեղացրել են միջոցառումները Ավստրիայի, Չեխիայի, Լեհաստանի և Ռումինիայի ցածրադիր վայրերում: Լեհաստանում ջրամբարի վարարման հետ կապված կրիտիկական իրավիճակի պատճառով տարհանվել են երկրի հարավ-արևմուտքում գտնվող Մեժիգորզե գյուղի բնակիչները։ Հաղորդվում է տարբեր վայրերում կամուրջների փլուզման մասին, վնասվել են հազարավոր տներ։Լուսանկարում՝ Չեխիայի Լիպովա-Լազնե գյուղում Ստարիկ գետի վարարման տեսարանն է՝ տեղացած հորդառատ անձրևից հետո/EPA-EFE

17:38 - 15 սեպտեմբերի, 2024

ՀՀ ԱԳ փոխնախարարը իր լեհ գործընկերոջն է ներկայացրել ՀՀ-Ադրբեջան հարաբերությունների կարգավորման գործընթացի զարգացումները

Բլեդի ռազմավարական համաժողովի շրջանակներում ՀՀ ԱԳ նախարարի տեղակալ Վահան Կոստանյանը հանդիպում է ունեցել Լեհաստանի արտաքին գործերի նախարարի տեղակալ Յակուբ Վիշնևսկիի հետ։ Այս մասին տեղեկացնում են ՀՀ ԱԳՆ-ից: Վահան Կոստանյանը և Յակուբ Վիշնևսկին մտքեր են փոխանակել երկուստեք հետաքրքրություն ներկայացնող ոլորտներում և տարբեր ձևաչափերով համագործակցության ընդլայնման հնարավորությունների շուրջ։ Կարևորվել է միջազգային կազմակերպությունների շրջանակներում համագործակցության ամրապնդումը, այդ համատեքստում մտքեր են փոխանակվել փոխադարձ աջակցության հնարավորությունների վերաբերյալ։ Զրուցակիցներն անդրադարձ են կատարել նաև տարածաշրջանային անվտանգության հարցերի։ ՀՀ ԱԳ նախարարի տեղակալը իր լեհ գործընկերոջն է ներկայացրել Հայաստան-Ադրբեջան հարաբերությունների կարգավորման գործընթացի վերջին զարգացումները՝ ընդգծելով հայկական կողմի մոտեցումներն առանցքային հարցերի շուրջ։

20:00 - 03 սեպտեմբերի, 2024

Լեհաստանի նախագահը չհայտարարված այցով ժամանել է Ուկրաինա |hetq.am|

hetq.am: Լեհաստանի նախագահ Անջեյ Դուդան ժամանել է Կիև՝ մասնակցելու Ուկրաինայի անկախության օրվա տոնակատարություններին: Այդ մասին հայտնել է Լեհաստանի նախագահի գրասենյակը։ «Սկսվել է Նախագահ Անջեյ Դուդայի այցն Ուկրաինա։ Ուկրաինայի անկախության 33-րդ տարեդարձին Լեհաստանի Հանրապետության նախագահը կմասնակցի տոնական միջոցառումներին»,- նշվում է հաղորդագրության մեջ։ Լեհաստանի առաջնորդի գրասենյակի տվյալներով՝ Դուդան արդեն երկու անգամ մասնակցել է Ուկրաինայի անկախության օրվա միջոցառումներին՝ 2016 և 2021 թվականներին: Ուկրաինան անկախության օրը նշում է օգոստոսի 24-ին: 1991 թվականի այս օրը Ուկրաինական ԽՍՀ-ի այն ժամանակվա Գերագույն խորհրդի պատգամավորներն ընդունեցին «Ուկրաինայի անկախության հռչակման ակտը»։

19:43 - 24 օգոստոսի, 2024

Լեհաստանը և Հնդկաստանը պայմանավորվել են զարգացնել ռազմարդյունաբերական համագործակցությունը |azatutyun.am|

azatutyun.am: Վարշավայում Լեհաստանի վարչապետ Դոնալդ Տուսկի և Հնդկաստանի վարչապետ Նարենդրա Մոդիի համատեղ ասուլիսում Լեհաստանի վարչապետն ասել է, թե ցանկանում են զարգացնել համագործակցությունը ռազմարդյունաբերության ոլորտում։ Հնդկաստանի վարչապետն իր հերթին ասել է, թե «ռազմարդյունաբերության ոլորտում սերտ համագործակցությունն արտացոլում է մեր փոխադարձ վստահությունը։ Մենք կշարունակենք ամրապնդել այդ համագործակցությունը»։ Անդրադառնալով ռուս-ուկրաինական պատերազմին, նա կրկնել է իր դիրքորոշումը, ասելով թե պատերազմը չի կարող որևէ հակամարտության լուծում լինել։ «Մենք աջակցում ենք երկխոսությանն ու դիվանագիտությանը։ Հնդկաստանը պատրաստ է իր օգնությունն առաջարկել Ուկրաինայում և Ասիայի արևմուտքում հակամարտությունները դադարեցնելու համար՝ խորհրդակցելով բարեկամ երկրների հետ»,- ասել է Մոդին։ Հնդկաստանի վարչապետը Վարշավայից մեկնելու է Կիև։ Անցած ամիս նա Մոսկվայում բանակցել էր Վլադիմիր Պուտինի հետ, ինչի կապակցությամբ Ուկրաինայի նախագահ Վլադիմիր Զելենսկին հիասթափություն էր հայտնել։

16:52 - 22 օգոստոսի, 2024

Քննարկվել են Հայաստանի և Լեհաստանի միջև պաշտպանական բնագավառում համագործակցության հեռանկարներին առնչվող հարցեր

Հուլիսի 30-ին ՀՀ պաշտպանության նախարարի տեղակալ Արման Սարգսյանն ընդունել է ՀՀ-ում Լեհաստանի գործերի ժամանակավոր հավատարմատար Մարցին Ռուժեցկիին, Հայաստանում պաշտոնավարումն ավարտող ռազմական կցորդ, գնդապետ Վոյչեխ Վիշնևսկիին և նորանշանակ ռազմական կցորդ, գնդապետ Յարսլավ Օլեշկևիչին: Այս մասին տեղեկացնում են ՀՀ ՊՆ-ից: Արման Սարգսյանը շնորհավորել է Յարսլավ Օլեշկևիչին՝ պաշտոնն ստանձնելու կապակցությամբ և մաղթել արդյունավետ աշխատանք, իսկ գնդապետ Վիշնևսկիին շնորհակալություն հայտնել համատեղ աշխատանքի ու համագործակցության համար: Հանդիպման ընթացքում քննարկվել են Հայաստանի և Լեհաստանի միջև պաշտպանական բնագավառում համագործակցության հեռանկարներին առնչվող մի շարք հարցեր:

20:27 - 30 հուլիսի, 2024

Լեհական գիտական համակարգը․ զրույց Հետազոտական ինստիտուտների գլխավոր խորհրդի գրասենյակի ղեկավարի հետ

Գիտահետազոտական ինստիտուտների գլխավոր խորհուրդը կառույց է, որը միավորում է Լեհաստանի գիտական ինստիտուտները և ներկայացնում դրանց շահերը կառավարությանը։ Գլխավոր խորհրդի գրասենյակի ղեկավար, պրոֆեսոր Լեժեկ Ռաֆալսկին ներկայացնում է Խորհրդի պատմությունը, խոսում այն մասին, թե ինչպես է Խորհուրդը համագործակցում կառավարության հետ։ The Main Council of the Research Institutes combines Polish scientific institutes and represents their interests to the government. The director of the Office of the Main Council, Professor Leszek Rafalski, presents the history of the Council and tells how the Council cooperates with the government.

18:59 - 05 հունիսի, 2024

Կառավարության հետազոտական պատվերներ․ Միջազգային հարաբերությունների լեհական ինստիտուտի օրինակը

Միջազգային հարաբերությունների լեհական ինստիտուտը վերլուծական կենտրոն է, որը սերտ համագործակցում է Լեհաստանի կառավարության հետ, ստանում հետազոտական պատվերներ։ Ինստիտուտի՝ հետազոտությունների գծով փոխտնօրեն Լուկաշ Քուլեսան «Ինֆոքոմին» պատմել է, թե ինչպես է կառույցը գործում և համագործակցում կառավարության հետ։ Իսկ հետազոտող Վոյչեկ Վոյտաշևիչը խոսել է Հայաստանի բարձրագույն կրթության և գիտության ոլորտում սպասվող փոփոխություններից։ The Polish Institute of International Affairs (PISM) is an analytical center that closely cooperates with the Polish government and receives research tasks. Łukasz Kulesa, the deputy head of research of PISM, told Infocom about PISM and how the Institute cooperates with the government. Wojciech Wojtasiewicz, research fellow at PISM, spoke about the reforms of higher education and science in Armenia.

16:35 - 22 մայիսի, 2024

Լեհաստանի տարածքում ամերիկյան ռազմաբազա է բացվել |1lurer.am|

1lurer.am: «Կրակով Բալիցե» միջազգային օդանավակայանի մոտ բացվել է ԱՄՆ հատուկ գործողությունների ուժերի Miron Camp բազան՝ հայտնել է Կրակովում ԱՄՆ գլխավոր հյուպատոս Էրին Նիքերսոնը, որը ներկա է եղել բազայի բացման արարողությանը: Նրա խոսքով՝ դա ռոտացիոն բազա է ամերիկյան հատուկ գործողությունների ուժերի համար։ «Դա նշանակում է մշտական փոխգործակցություն լեհական և ամերիկյան հատուկ նշանակության ուժերի միջև»,- ասել է Նիքերսոնը, հավելել՝ բազայում մշտապես կգտնվի 100-150 ամերիկացի զինվորական՝ ռոտացիայի կարգով։ Miron Camp-ը դարձել է ԱՄՆ-ի հատուկջոկատայինների ամենաարևելյան բազան Եվրոպայում:

13:28 - 18 մայիսի, 2024

ԱԽ քարտուղարը Լեհաստանի Սենատի հանձնաժողովի նախագահի հետ քննարկել է տարածաշրջանային զարգացումները

Մայիսի 16-ին ՀՀ ԱԽ քարտուղար Արմեն Գրիգորյանն ընդունել է Լեհաստանի Հանրապետության Սենատի արտաքին հարաբերությունների հանձնաժողովի նախագահ Բոգդան Կլիխին: Այս մասին տեղեկացնում են ԱԽ գրասենյակից: Զրուցակիցները քննարկել են տարածաշրջանային և արտատարածաշրջանային զարգացումները: Կողմերը քննարկել են Հայաստան-Լեհաստան երկկողմ օրակարգը, որի շրջանակներում Արտաքին հարաբերությունների հանձնաժողովի նախագահը հայտնել է Լեհաստանի աջակցությունը Հայաստանին նաև ՀՀ-ԵՄ գործընկերության շրջանակներում: Հանդիպմանը մտքեր են փոխանակվել տարբեր ոլորտներում համագործակցության ընդլայնման հնարավորությունների շուրջ, մասնավորապես քննարկվել են առևտրատնտեսական հարաբերությունների խթանմանն ուղղված գործնական քայլերը։

11:11 - 16 մայիսի, 2024

Խոշոր հրդեհ Վարշավայի առևտրի կենտրոնում. այն դեռ մարում են |azatutyun.am|

azatutyun.am: Շաբաթ երեկոյան Վարշավայի առևտրի կենտրոնում բռնկված խոշոր հրդեհը գրեթե ամբողջությամբ ավերել է շենքը, հայտնում են իշխանությունները: Հրդեհի ժամանակ ոչ ոք չի տուժել։ Marywilska 44-ը, որն ունի գրեթե 1400 առևտրի սրահներ, ներառյալ բազմաթիվ կրպակներ, Վարշավայի ամենամեծ առևտրի կենտրոններից մեկն էր: Այն շահագործում և պատկանում է Mirbud MRB.WA-ին: «Դրա գրեթե 100 տոկոսն այրվել է։ Հրդեհը մարվում է, և դա ժամանակ կպահանջի, հնարավոր է մի քանի ժամ»,- կիրակի օրը կայացած մամուլի ասուլիսում ասել է Պետական հրշեջ ծառայության գլխավոր հրամանատար Մարիուշ Վիլտինովսկին։ Նա հավելել է, որ հրդեհի մարմանը մասնակցում է գրեթե 200 հրշեջ։

13:19 - 12 մայիսի, 2024

Լեհաստանը զգուշացրել է զորավարժությունների պատճառով ՌԴ-ի հետ սահմաններին ռազմական տեխնիկա տեղակայելու մասին |factor.am|

factor.am: Լեհական բանակը զինտեխնիկա է տեղափոխում երկրի հյուսիս, այդ թվում՝ ՌԴ Կալինինգրադի շրջանի հետ սահմաններ՝ կապված ՆԱՏՕ-ի Steadfast Defender կոչվող զորավարժությունների հետ։ Այս մասին հայտնում է Լեհաստանի զինված ուժերի հրամանատարությունը։ Նախազգուշացվում է, որ ճանապարհներին մոտ ժամանակում բազմաթիվ ռազմական շարասյուներ կնկատվեն։ «Գագաթնակետը կլինի մայիսի 4-6-ն ընկած ժամանակահատվածում Արևմտյան Պոմերանյան, Պոմերանյան եւ Վարմիա-Մասուրյան վոյեվոդություններում»,- ասվում է հրամանատարության X-ի սոցցանցում։ Steadfast Defender զորավարժությունները տեղի են ունենում փետրվարից մայիս ամիսներին Եվրոպայում, որոնց մասնակցում է դաշինքի երկրների 90 հազար զինվորական։

16:01 - 01 մայիսի, 2024

Գիտության ֆինանսավորումը Լեհաստանում․ հարցազրույց Գիտության ազգային կենտրոնի տնօրենի հետ

Գիտության ազգային կենտրոնը լեհական պետական գործակալություն է, որը ֆինանսավորում է հիմնարար գիտությունը։ Կենտրոնի տնօրեն պրոֆեսոր Քշիշտով Յուժվիակը խոսում է՝ - Գիտության ազգային կենտրոնի դրամաշնորհային ծրագրերից, - Լեհաստանում գիտությունը ֆինանսավորող պետական տարբեր գործակալություններից ու դրանց համատեղ ծրագրերից, - համալսարաններում հետազոտական ծրագրերի ֆինանսավորումից, - համալսարաններում դասախոսների կրթական և հետազոտական գործառույթները բալասնավորելու կարևորությունից։ The National Science Centre is a Polish state agency that funds basic science. The director of the Centre, Prof. Krzysztof Jóźwiak talks about the grants of the National Science Centre, Poland’s state R&D funding agencies and their joint programs, the funding of research programs in universities, the importance of finding a balance between the teaching and research activities of professors in universities․

16:28 - 27 ապրիլի, 2024