Ադրբեջան

Ադրբեջանի Հանրապետությունը պետություն է Հարավային Կովկասում։ Սահմանակցում է Ռուսաստանի Դաշնությանը, Վրաստանի Հանրապետությանը, Իրանի Իսլամական Հանրապետությանը, Թուրքիայի Հանրապետությանը, Հայաստանի Հանրապետությանը, Արցախի Հանրապետությանը։ Տարածքը ըստ ՄԱԿ-ի 86,600 կմ․քառ, բնակչությունը, ըստ 2019 թվականի նախահաշվի 10,000,000 մարդ է։

Ներկայիս Ադրբեջանը բազմազգ և բազմակրոն պետություն է։ Բնակչության մեծամասնությունն ադրբեջանցիներն են (91 %), որոնք դավանում է շիա իսլամ։ Խոշոր ազգային փոքրամասնություններն են լեզգիները, ռուսները, թալիշները, ավարները, թաթարները և վրացիները։ Չնայած նրան, որ Ադրբեջանը համարվում է իսլամադավան պետություն, այնուամենայնիվ, երկրի բնակչության 53%-ն իրեն համարում է աշխարհիկ։ 

Նազելի Բաղդասարյանը հերքել է լուրերը, թե Փաշինյանը այցելելու է Բաքու՝ մասնակցելու COP29 գագաթնաժողովին

Նազելի Բաղդասարյանը հերքել է լուրերը, թե Փաշինյանը այցելելու է Բաքու՝ մասնակցելու COP29 գագաթնաժողովին

Հայաստանի վարչապետի մամուլի քարտուղար Նազելի Բաղդասարյանը հերքել է ադրբեջանցի քաղաքագետ Ահմեդ Շաիրօղլուի գրառումը, թե Հայաստանի վարչապետ Նիկոլ Փաշինյանը նոյեմբերին այցելելու է Բաքու՝ մասնակցելու COP29 գագաթնաժողովին։ Նազելի Բաղդասարյանն ադրբեջանցի քաղաքագետի գրառմանն արձագանքել է՝ պատասխանելով «Արմենպրես»-ի հարցին։ -Ադրբեջանցի քաղաքագետը X֊ի իր միկրոբլոգում հայտարարել է, թե ՀՀ վարչապետ Նիկոլ Փաշինյանը մասնակցելու է Բաքվում կայանալիք COP29 ֆորումին։ Հաստատված է արդյոք վարչապետի օրակարգը։ Նա կմասնակցի՞ Բաքվում ծրագրված միջազգային այդ կոնֆերանսին։ -Փորձագետը արտահայտել է իր սուբյեկտիվ ընկալումը, որը վարչապետ Փաշինյանի աշխատանքային օրակարգի հետ ոչ մի կապ չունի: Վարչապետ Փաշինյանի աշխատանքային օրակարգում նման այց չի պլանավորվում:
15:00 - 06 հունիսի, 2024
ՄԱԿ-ը պետք է չեղարկի Ադրբեջանի՝ որպես COP29 հյուրընկալող երկիր ճանաչելու որոշումը. Լեմկինի ինստիտուտ |news.am|

ՄԱԿ-ը պետք է չեղարկի Ադրբեջանի՝ որպես COP29 հյուրընկալող երկիր ճանաչելու որոշումը. Լեմկինի ինստիտուտ |news.am|

news.am: Ցեղասպանության կանխարգելման Լեմկինի ինստիտուտը դեմ է հանդես գալիս ՄԱԿ-ի՝ Ադրբեջանը որպես COP29 ամենամյա գագաթնաժողովը հյուրընկալող երկիր համարելու որոշմանը՝ հաշվի առնելով Լեռնային Ղարաբաղում Ադրբեջանի ցեղասպանական ռազմավարությունը, այդ երկրի նախագահ Իլհամ Ալիևի ցեղասպան ու հայատյաց գաղափարախոսությունը, ինչպես նաև երկրում կոռուպցիայի ու մարդու իրավունքների լայնամասշտաբ ոտնահարումները: Այս մասին ասվում է ինստիտուտի հայտարարության մեջ: «Ադրբեջանին շնորհելով այս կարևոր իրադարձությունը, այն է՝ COP29-ը հյուրընկալելու պատիվը, ՄԱԿ-ը հավանություն է տալիս ցեղասպանական խոսքին, ցեղասպանական քաղաքականությանը և բռնապետությանը, ինչը ձեռնտու չէ ո՛չ կլիմային, ո՛չ էլ համայն աշխարհի մարդկությանը: Ադրբեջանի՝ որպես COP հյուրընկալող երկրի ընտրությունը լեգիտիմացնում, ռացիոնալացնում ու նորմալացնում է ցեղասպանությունը համաշխարհային քաղաքականության մեջ: Ավելին, այն սպառնում է Կլիմայի փոփոխության մասին ՄԱԿ-ի շրջանակային կոնվենցիայով հաստատված սկզբունքների արժանահավատությանը: Ցեղասպանության կանխարգելման, մարդու իրավունքների և ՄԱԿ-ի՝ որպես աշխարհի ժողովրդներին ներկայացնող մարմնի, հաջողության շահերից ելնելով, ՄԱԿ-ը պետք է չեղարկի Ադրբեջանի ընտրությունը՝ որպես COP29-ի կազմակերպիչ, այնուհետև կամ գտնի մեկ այլ հյուրընկալող երկիր, կամ էլ կոնֆերանսն անցկացնի Գերմանիայի Բոնն քաղաքում, որտեղ էլ այս պահին անցկացվում է COP-ի նախնական հանդիպումը։ Ադրբեջանն ընտրվել է COP29-ը հյուրընկալող երկիր՝ ՄԱԿ-ի հաստատված մեխանիզմի միջոցով 2023 թվականի դեկտեմբերին․ այսինքն, երեք ամիս չանցած այն իրողությունից, երբ այդ երկիրը էթնիկ զտումների միջոցով կազմակերպեց ցեղասպանություն՝ Լեռնային Ղարաբաղի տարածաշրջանի (Արցախի) հայերի նկատմամբ, իսկ դրանից առաջ էլ տասը ամիս շարունակ ցեղասպանական շրջափակման ենթարկելով տարածքի բնակչությանը։ Արցախից գաղթը, որով վերջ դրվեց աշխարհի հնագույն քրիստոնեական համայնքներից մեկի գրեթե 4000-ամյա անդադար ներկայությանը, վերջին ժամանակների ամենաարդյունավետ ցեղասպանություններից էր: Արցախահայության դեմ Ադրբեջանի «հաղթանակը» տոնելու համար այդ երկրի նախագահ Ալիևը նույնիսկ խարույկ վառեց Արցախի մայրաքաղաք Ստեփանակերտում՝ Նովրուզի առթիվ, ինչն էլ անվանեց «վերջնական մաքրում»: Նախագահ Ալիևը՝ Ադրբեջանի ընտրությունը որպես COP29-ը հյուրընկալելու երկիր, դիտարկել է իբրև հայերի նկատմամբ իր ցեղասպան քաղաքականության հավանություն: Լսելով այդ լուրը՝ նա հայտարարել է. «Մենք դա համարում ենք միջազգային հանրության կողմից հարգանքի նշան Ադրբեջանի և այն ամենի նկատմամբ, ինչ մենք անում ենք...»: Չի կարելի մոռանալ, որ 2020 թվականի Ադրբեջանի և Արցախի միջև պատերազմի ժամանակ ադրբեջանցի զինվորները մեղսավոր են եղել զինաթափված հայ զինվորների, ինչպես նաև հայ խաղաղ բնակիչների, այդ թվում՝ տարեցների և հաշմանդամների նկատմամբ ծայրահեղ ու սարսափելի վայրագությունների համար։ Այս փաստագրված վայրագությունները ներառում են գլխատումներ, անդամահատումներ դեռևս կենդանության ժամանակ, խոշտանգումներ և ծիսական նվաստացումներ՝ բացառապես հայերի ինքնության պատճառով, ինչի մասին վկայում են դրոշների և երգերի օգտագործումը: Երբ 2022 թվականին Ադրբեջանն ագրեսիվ պատերազմ սանձազերծեց Հայաստանի դեմ, այն նմանօրինակ վայրագություններ իրականացրեց, այդ թվում՝ հայ կանանց նկատմամբ սեռական բռնության կիրառումը և զինաթափված հայ զինվորների կոտորածը։ Այս հանցագործությունների համար այդ երկիրը որևէ պատասխանատվության չի ենթարկվել։ Այս դեպքերը հիշեցնում են 1915-1923 թվականների թուրքական և ադրբեջանական զորքերի, ժանդարմների, զինվորների ու քաղաքացիական անձանց կողմից հայերի նկատմամբ իրականացված ցեղասպանական վայրագությունները, ինչը պարզորոշ կերպով բացատրում է այն, թե ինչու էր Ադրբեջանի համար այդքան հեշտ արցախցի հայերին ահաբեկելը և արցախահայությանը ստիպել երկրից փախչելը, երբ 2023 թ. սեպտեմբերի 19-ին Ադրբեջանը ներխուժեց Արցախ: Բացի նրանից, որ Ադրեջանը տասը ամիս շարւնակ շրջափակման մեջ պահեց Լեռնային Ղարաբաղի մոտ 120 հազար հայերին, այնուհետև ներխուժեց տարածք և ստիպեց գրեթե ամբողջ բնակչությանը փախուստի դիմել, այդ երկիրը նաև մեթոդաբար ոչնչացնում է Արցախում հայկական մշակութային ժառանգությունը։ Եթե այս ուղղությամբ որևէ միջոց չձեռնարկվի, ապա Արցախը կդառնա երկրորդ Նախիջևանը՝ ադրբեջանական էքսկլավը, որը ժամանակին ունեցել է զգալի թվով հայ բնակչություն, իսկ այժմ այնտեղ չկա գեթ մեկը։ Նախիջևանում Ադրբեջանն արդեն ոչնչացրել է հայկական մշակութային ժառանգության մոտ 98 տոկոսը՝ ներառյալ եկեղեցիները, գերեզմաններն ու վանքերը։ Այս հանցագործություններից բացի՝ Ադրբեջանը շարունակում է ապօրինաբար կալանքի տակ պահել հայ ռազմագերիներին, քաղաքացիական անձանց և ժողովրդավարական ճանապարհով ընտրված Արցախի կառավարության անդամներին, այդ թվում՝ Ռուբեն Վարդանյանին՝ միջազգային մարդասիրական գործչին, որը «Ավրորա» մարդասիրական նախաձեռնության համահիմնադիրն է: Առկա են նաև հայ պատանդների նկատմամբ խոշտանգումների կրկնակի կիրառման հիմնավոր ապացույցներ։   Ադրբեջանը պարբերաբար խախտում է միջազգային իրավունքը՝ անտեսելով պայմանագրերն ու միջազգային դատարանների որոշումները: 2022 թվականի պատերազմը Հայաստանի դեմ, Արցախի տասնամսյա շրջափակումը և սեպտեմբերի 19-ին Արցախ ներխուժումը․ ահա այս բոլորը 2020 թվականի նոյեմբերին Հայաստանի, Ադրբեջանի և Ռուսաստանի կողմից համաձայնեցված հրադադարի Եռակողմ հայտարարության դրույթների խախտումներն էին․ հրադադար, որի հաստատմամբ ավարտվեց 2020 թվականի պատերազմը։ Ավելին, Ադրբեջանը անտեսել ու ոտնահարել է Արդարադատության միջազգային դատարանի կողմից 2021 թվականի դեկտեմբերի 7-ին, 2023 թվականի փետրվարի 22-ին, 2023 թվականի հուլիսի 6-ին և 2023 թվականի նոյեմբերի 17-ին սահմանված ժամանակավոր միջոցները։ Հարկ է նաև նշել, որ Ադրբեջանում մարդու իրավունքներն անմխիթար վիճակում են, ինչը գնալով վատթարանում է: 2023-2024 թվականներին Ադրբեջանի ազատության ցուցանիշը նվազել է 2 կետով՝ 9-ից հասնելով 7-ի (100-միավորից), ինչն այդ երկիրը դարձնում է աշխարհի ամենաավտորիտար պետություններից մեկը։ Ավելին, Ադրբեջանի և Ալիևի վարչակարգի գործողությունները հողօգտագործման և բնական կլիմայի պահպանման հարցերում ուղղակիորեն հակասում են COP29 համաժողովի հիմքում ընկած հիմնարար սկզբունքներին: Ադրբեջանը ոչ միայն նավթային պետություն է, որը հենվում է հանածո վառելիքի արտահանման վրա, այլև այդ երկրի պետական էներգետիկ և բնական պաշարների արդյունաբերությունը թաղված է կոռուպցիայի մեջ, ինչը երկիրն ուղղակիորեն հակադրում է COP29-ի հայտարարված նպատակներից մեկին, այն է՝ Փարիզի համաձայնագրի Ընդլայնված թափանցիկության շրջանակի ամբողջականացում։ Ոմանք COP29-ը ազդարարվում են իբրև «խաղաղության գագաթնաժողով»: Լեմկինի ինստիտուտը նման պնդումները համարում է անհեթեթ, ամոթալի և խորապես ցինիկ՝ հաշվի առնելով այն ամենը, ինչ բոլորս գիտենք Ալիևի ռեժիմի մասին: Այն ժամանակ, երբ աշխարհի բնակչությունը կորցրել է հավատը միջազգային կառույցների նկատմամբ, ՄԱԿ-ը պետք է գլուխը դուրս հանի ավազից և դադարեցնի դիվանագիտական հովանավորությունը Ադրբեջանի ցեղասպան պետությանը՝ սկսած COP29-ից»:
11:02 - 06 հունիսի, 2024
Վստահ եմ` ադրբեջանական զnրքը սահմանազատումից հետո դուրս կգա Գեղարքունիքից․ մարզպետ
 |news.am|

Վստահ եմ` ադրբեջանական զnրքը սահմանազատումից հետո դուրս կգա Գեղարքունիքից․ մարզպետ |news.am|

news.am: Վստահ եմ` ադրբեջանական զորքը սահմանազատումից հետո դուրս կգա Գեղարքունիքի մարզից։ Այս մասին այսօր՝ հունիսի 5-ին, ԱԺ-ում լրագրողներին ասաց Գեղարքունիքի մարզպետ Կարեն Սարգսյանը։ «Եթե սահմանազատում պետք է իրականացվի Գեղարքունիքի մարզում, ուրեմն պետք է իրականացվի։ 2022 թվականի սեպտեմբերյան դեպքերի ժամանակ ադրբեջանական զինված ուժերը ներխուժել են Հայաստանի Հանրապետության տարածք, հարձակում է եղել մեր մարզի 12 սահմանին հարող բնակավայրերի վրա, դրա արդյունքում մի շարք հատվածներում իրենք գտնվում են ՀՀ սուվերեն տարածքում։ Սահմանազատման արդյունքում իրենք հետ կգնան իրենց ելման դիրքեր, և ՀՀ այն բնակավայրերը, որոնք ուղիղ թիրախավորված են այդ ուժերի կողմից, արդեն իսկ կլինեն ապահովված։ Այն քարտեզները, որոնցով որ լինելու է սահմանազատումը, տալիս է ինձ այդ վստահությունը»,- նշեց նա։ Հարցին՝ ինչի՞ հիման վրա է ինքը վստահ, որ ադբեջանական զինված ուժերը հետ կգնան իրենց ելման դիրքեր, Սարգսյանն ասաց․ «Դուք տեսաք, որ Տավուշում սահմանազատման արդյունքում որոշ հատվածներ հետ վերադարձվեցին Հայաստանին»,- հայտարարեց նա։ Հարցին, թե ո՞ր հատվածների մասին է խոսքը, մարզպետն ասաց․ «Որոնց մասին որ դուք խոսում եք, որտեղ որ սահմանազատում է իրականացվել, այդ նույն քարտեզներում կա տարածք, որը նախկինում, նաև բնակիչներն ասացին՝ մտածել են, որ դա հարևան երկրինն է, բայց պարզվեց, որ դա ՀՀ տարածք է, և կանգնեցվել են հենասյուներ և ընկել է հենասյունից դեպի ՀՀ տարածք»։ Հարցին՝ եթե հետ չգնա՞ն, ի՞նչ է անելու հայկական կողմը, Սարգսյանն ասաց․ «Կօգտագործվի այլ գործիքակազմ, որով կստիպենք իրենց հետ գնալ»։ Հարցին՝ ուժի՞ գործոնը կօգտագործվի, մարզպետն ասաց՝ ոչ․ «Ոչ, ինչու միայն ուժի գործոնը, տարբեր գործոններ կան»։      
20:58 - 05 հունիսի, 2024
Բայրամովը ՀՀ-ի և Ադրբեջանի սահմանադրությունների վերաբերյալ Արարատ Միրզոյանի հայտարարությունն «անընդունելի» է անվանել |factor.am|

Բայրամովը ՀՀ-ի և Ադրբեջանի սահմանադրությունների վերաբերյալ Արարատ Միրզոյանի հայտարարությունն «անընդունելի» է անվանել |factor.am|

factor.am: Ադրբեջանի արտգործնախարար Ջեյհուն Բայրամովն «անընդունելի» է անվանել ՀՀ ԱԳ նախարար Արարատ Միրզոյանի՝ Հայաստանի և Ադրբեջանի սահմանադրությունների վերաբերյալ նախօրեին արած հայտարարությունը։ Բայրամովն ասել է, թե, իբր, «Հայաստանի Սահմանադրությունը, օրենսդրական ակտերը և ՀՀ խորհրդարանի կողմից ընդունված այլ փաստաթղթերը տարածքային պահանջներ են պարունակում հարևան պետությունների, այդ թվում՝ Ադրբեջանի նկատմամբ»։ «Ադրբեջանի և Հայաստանի սահմանադրությունների միջև զուգահեռներ անցկացնելն անընդունելի է: Մենք հասկանում ենք, որ դա կարող է տարակուսանք առաջացնել մեր արտաքին գործընկերների մոտ: Մենք դա համարում ենք բացարձակապես անընդունելի և այդ մասին տեղեկացնում ենք մեր մյուս գործընկերներին»,- ասել է Բայրամովը Հունգարիայի ԱԳ նախարարի հետ համատեղ ասուլիսում։ Նա նշել է, թե, իբր, «Ադրբեջանի սահմանադրությունում որևէ պետության, այդ թվում՝ Հայաստանի  նկատմամբ տարածքային պահանջներ չկան»։ Նախօրեին Արարատ Միրզոյանն Ազգային ժողովի հանձնաժողովներում 2023 թվականի բյուջեի կատարողականը ներկայացնելիս ասել էր, որ Հայաստանն ու Ադրբեջանն իրար առջև բարձրաձայնել են դիրքորոշում, համաձայն որի՝ յուրաքանչյուրը մյուսի Սահմանադրության  մեջ էական խնդիրներ ու խոչընդոտներ է տեսնում երկարատև խաղաղության հաստատման համար։ «Սա ամենևին չի նշանակում, որ Հայաստանում սահմանադրական փոփոխությունների հարցը Հայաստանի ու Ադրբեջանի միջև բանակցությունների առարկա է, այդպիսի բան չկա»։ 
16:09 - 05 հունիսի, 2024
Հայաստանը եւ Վրաստանը կներկայացնեն ֆուտբոլի երիտասարդական ԱԱ-ի անցկացման համատեղ հայտ
 |sport.news.am|

Հայաստանը եւ Վրաստանը կներկայացնեն ֆուտբոլի երիտասարդական ԱԱ-ի անցկացման համատեղ հայտ |sport.news.am|

sport.news.am: Հայաստանը եւ Վրաստանը  2029 թվականի աշխարհի երիտասարդական առաջնությունը համատեղ անցկացնելու հայտ կներկայացնեն: Այս մասին այսօր Վազգեն Սարգսյանի անվան «Հանրապետական» ստադիոնում հայտարարեցին ՀՖՖ նախագահ Արմեն Մելիքբեկյանը եւ ՎՖՖ նախագահ Լեւան Կոբիաշվիլին: «Հաշվի առնելով Հայաստանի եւ Վրաստանի ֆեդերացիաների բարիդրացիական հարաբերությունները եւ, չեմ վախենա այդ բառից՝ տարբեր ոլորտներում փայլուն փոխգործակցությունը, երկու երկրների ֆեդերացիաները որոշել են դիմել ՖԻՖԱ՝ 2029 թվականին աշխարհի երիտասարդական առաջնությունը համատեղ ուժերով անցկացնելու համար: Համատեղ հայտի շուրջ աշխատանքները սկսում ենք արդեն այսօր: Լեւան Կոբիաշվիլիի հետ նախնական պայմանավորվածության ենք եկել անցյալ տարի: Երկու ֆեդերացիաների ղեկավար կազմերը մի քանի հանդիպում են ունեցել Թբիլիսիում, որոշում է կայացվել հայտարարություն անել Երեւանում: Սա ՖԻՖԱ-ի կողմից անցկացվելիք խոշոր մրցաշարերից է: Եթե կարողանանք այս հայտում հաղթել, մեզ համար մեծ պատիվ կլինի անցկացնել համատեղ մրցաշարը»,- ասաց Արմեն Մելիքբեկյանը: Հայտարարությանը ներկա էր նաեւ Վրաստանի ֆուտբոլի ֆեդերացիայի նախագահ Լեւան Կոբիաշվիլին: Երկու երկրների ֆեդերացիաների նախագահները փոխանակվեցին  2029 թվականի աշխարհի առաջնության գրառումով մարզաշապիկներով: «Մենք նախնական խորհրդակցություններ ենք ունեցել ֆուտբոլը կառավարող մարմինների հետ եւ համաշխարհային մասնագետների հետ: ՈՒԵՖԱ-ն արդեն հաստատել է, որ աջակցելու է Հայաստանի եւ Վրաստանի համատեղ հայտին Եվրոպայից: Մեզ համար արդեն շատ մեծ կարեւոր քայլ է»,- նշեց Արմեն Մելիքբեկյանը:
15:52 - 05 հունիսի, 2024
Եթե Հայաստանին 10 միլիոն դոլար տրամադրվի Խաղաղության եվրոպական հիմնադրամից, ապա այն պետք է տրվի նաև Ադրբեջանին․ Հունգարիայի ԱԳ նախարար

Եթե Հայաստանին 10 միլիոն դոլար տրամադրվի Խաղաղության եվրոպական հիմնադրամից, ապա այն պետք է տրվի նաև Ադրբեջանին․ Հունգարիայի ԱԳ նախարար

Մենք կարծում ենք, որ եթե Հայաստանին 10 միլիոն դոլար կտրամադրվի Խաղաղության եվրոպական հիմնադրամից, ապա այն պետք է տրվի նաև Ադրբեջանին։ Այս մասին հայտարարել է Հունգարիայի ԱԳ նախարար Պետեր Սիյարտոն՝ Բաքվում Բայրամովի հետ ասուլիսում։ «Հունգարիան Եվրամիության նախագահն է լինելու հուլիսի 1-ից։ Մենք կփորձենք ապահովել խաղաղություն և համագործակցություն պետությունների միջև», - ադրբեջանական «Azertag»-ի փոխանցմամբ ասել է Սիյարտոն։ Հիշեցնենք, որ «Ազատության» դիվանագիտական աղբյուրները հայտնել էին, որ Հունգարիան արգելափակում է ԵՄ Խաղաղության հիմնադրամից Հայաստանին աջակցություն տրամադրելու նախագիծը, որի շուրջ դաշինքում նախնական համաձայնություն էր ձեռք բերվել։ Նշվել էր, որ Հունգարիան պահանջում է, որ Ադրբեջանը ևս ներառվի ծրագրում, ինչը, ըստ նույն աղբյուրի, դրված է քննարկման սեղանին՝ փակուղուց դուրս գալու համար։
15:36 - 05 հունիսի, 2024
Բայրամովը հաստատել է՝ Բաքուն ստացել է խաղաղության պայմանագրի վերաբերյալ ՀՀ-ի առաջարկների փաթեթը
 |factor.am|

Բայրամովը հաստատել է՝ Բաքուն ստացել է խաղաղության պայմանագրի վերաբերյալ ՀՀ-ի առաջարկների փաթեթը |factor.am|

factor.am: Ադրբեջանի ԱԳ նախարար Ջեյհուն Բայրամովը Բաքվում Հունգարիայի ԱԳ նախարար Պետեր Սիյատրոյի հետ մամուլի ասուլիսում հաստատել է, որ Հայաստանից ստացվել է խաղաղության պայմանագրի վերաբերյալ հերթական առաջարկների փաթեթը։ «Ես տեղեկացրել եմ բանակցային գործընթացի առաջընթացի, խաղաղության գործընթացի շուրջ բանակցությունների, Ալմաթիի հանդիպման մասին: Մինչ այդ, Ադրբեջանը Հայաստանին էր ներկայացրել համաձայնագրի հաջորդ նախագիծը, որի շուրջ բանակցություններ են եղել Ալմաթիում: Մի քանի օր առաջ Հայաստանի կողմից ստացանք խաղաղության հերթական նախագիծը»,- ասել է Բայրամովը։ Նա հավելել է, որ առկա բաց հարցերի թվի նվազում է նկատվում։ «Մի շարք կետերում դրական զարգացում է նկատվում։ Այսինքն՝ մենք այստեղ դրական դինամիկա ենք նկատում»,- ասել է Ադրբեջանի ԱԳ նախարարը։ Հիշեցնենք, որ  ՀՀ ԱԳՆ մամուլի խոսնակ Անի Բադալյանը հայտնել էր, որ Հայաստանը պատասխանել է խաղաղության պայմանագրի նախագծի վերաբերյալ Ադրբեջանի վերջին առաջարկներին՝ ուղարկելով լրամշակված` 9-րդ խմբագրությունը:  
14:44 - 05 հունիսի, 2024
ԵՄ առաքելության տեղակայումից հետո որևէ մեծ հարձակում, ներխուժում ՀՀ ինքնիշխան տարածք, կարծես թե, չի եղել. ԱԳ նախարար
 |news.am|

ԵՄ առաքելության տեղակայումից հետո որևէ մեծ հարձակում, ներխուժում ՀՀ ինքնիշխան տարածք, կարծես թե, չի եղել. ԱԳ նախարար |news.am|

news.am: ԵՄ առաքելության տեղակայումից հետո որևէ մեծ հարձակում, ներխուժում Հայաստանի ինքնիշխան տարածք, կարծես թե, չի եղել: Այս մասին, այսօր՝ հունիսի 4-ին, ԱԺ-ում 2023-ի բյուջեի կատարողականի քննարկման ժամանակ հայտարարեց ԱԳ նախարար Արարատ Միրզոյանը։ «Այն վիճակը, այն ծուղակը, որում հայտնվել է Հայաստանը, մի ծուղակ է, որը դուք կամ ձեր օգնությամբ ուրիշներն այդ թակարդը լարել եք տասնամյակներ շարունակ»,- դիմելով ընդդիմությանը՝ ասաց Միրզոյանը։ Նրա խոսքով՝ այն դիրքորոշումները, որ հայտնվել են տարիներով, միջոց են եղել՝ կանխելու Հայաստանի իրական ինքնիշխանությունը, սուվերենությունն ու անկախությունը։ «Այո, դա եղել է շատ քաղցր, բայց, այնուամենայնիվ, շղթա՝ ապահովելու Հայաստանի իրական անազատությունը»,- նշեց Միրզոյանը։
12:03 - 04 հունիսի, 2024
Հայաստան-Ադրբեջան բանակցություններում Սահմանադրության փոփոխությունները օրակարգի մաս չեն, բայց էական խոչընդոտներ երկու կողմն էլ տեսնում է. Միրզոյան |aysor.am|

Հայաստան-Ադրբեջան բանակցություններում Սահմանադրության փոփոխությունները օրակարգի մաս չեն, բայց էական խոչընդոտներ երկու կողմն էլ տեսնում է. Միրզոյան |aysor.am|

aysor.am: Հայաստանն ու Ադրբեջանն իրար առջև բարձրաձայնել են դիրքորոշում, համաձայն որի՝ յուրաքանչյուրը մյուսի Սահմանադրության  մեջ էական խնդիրներ ու խոչընդոտներ է տեսնում երկարատև խաղաղության հաստատման համար, այս մասին ԱԺ-ում հյատարարեց ՀՀ արտաքին գործերի նախարար Արարատ Միրզոյանը։ «Սա ամենևին չի նշանակում, որ Հայաստանում սահմանադրական փոփոխությունների հարցը Հայաստանի ու Ադրբեջանի միջև բանակցությունների առարկա է, այդպիսի բան չկա»,- նշեց նա։ Միրզոյանի խոսքով՝ Հայաստանը համոզմունք ունի, որ թե՛ իր, թե՛ Ադրբեջանի Սահմանադրությունը, մեծ հաշվով, չի կարող խնդիր լինել իրավական առումով երկարատև խաղաղության հաստատման համար։ «Ինչ վերաբերում է մեր սահմանադրական փոփոխություններին, ապա արժի թարմացնել հիշողությունը՝ մենք այս մասին խոսել ենք դեռևս 2018 թվականից, սա մեր գործն է, սա ներքին որոշելիք է»,- ասաց նա։ ԱԳ նախարարն ընդգծեց՝ Հայաստան-Ադրբեջան բանակցություններում Սահմանադրության փոփոխությունները օրակարգի մաս չեն կազմում։
10:57 - 04 հունիսի, 2024
Ադրբեջանի նավաշինական գործարանում գազի թունավորումից 5 աշխատակից է մահացել |arm.sputniknews.ru|

Ադրբեջանի նավաշինական գործարանում գազի թունավորումից 5 աշխատակից է մահացել |arm.sputniknews.ru|

arm.sputniknews.ru: «Կասպյան նավագնացություն» ընկերության (ASCO) «Զիխ» գործարանի լողացող նավաշինարանում շմոլ գազից թունավորվելու հետևանքով հինգ աշխատակից է մահացել։ Տեղեկությունը հայտնում է «Ինտերֆաքսը»՝ հղում անելով ընկերության հայտարարությանը։ Նշվում է, որ դեպքը տեղի է ունեցել տեղական ժամանակով 17։00-ին։ Ընկերության հաղորդագրության համաձայն՝ նավաշինարանի հերթապահ Նամիգ Յոլչուևը, նկատելով չորս աշխատողների բացակայությունը, որոնել է նրանց և մտել բալաստի պոմպային խցիկ և նույնպես թունավորվել։   «Արտակարգ իրավիճակների նախարարության հատուկ ջոկատը դեպքի վայրում հայտնաբերել է Թուրալ Սաֆարալիևի, Օրխան Շախբազովի, Նամիգա Յոլչուևի, Թեյուբ Աղաևի և Սամիդ Մամեդովի դիերը»,- նշված է հաղորդագրության մեջ։   Առողջապահության նախարարության փոխանցմամբ՝ «շմոլ գազից թունավորում» ախտորոշմամբ հոսպիտալացվել է ևս երկու մարդ։
22:40 - 03 հունիսի, 2024
Լուիս Բոնոն Բաքվում Բայրամովի հետ քննարկել է ՀՀ-Ադրբեջան խաղաղության գործընթացը
 |factor.am|

Լուիս Բոնոն Բաքվում Բայրամովի հետ քննարկել է ՀՀ-Ադրբեջան խաղաղության գործընթացը |factor.am|

factor.am: ԱՄՆ Պետքարտուղարության Կովկասյան բանակցությունների գծով ավագ խորհրդական Լուիս Բոնոն Բաքվում հանդիպել է Ադրբեջանի ԱԳ նախարար Ջեյհուն Բայրամովին։ Վերջինը Բոնոյին տեղեկացրել է Հայաստանի հետ խաղաղության բանակցությունների ընթացքի մասին։ Ադրբեջանի ԱԳՆ-ի հաղորդմամբ՝ հանդիպմանը քննարկվել են ադրբեջանա-ամերիկյան երկկողմ և բազմակողմ համագործակցության օրակարգի, ինչպես նաև հետհակամարտային շրջանում տարածաշրջանային խաղաղության գործընթացի տարբեր ասպեկտներ։ Բայրամովն ասել է, որ երկու երկրների պաշտոնյաների միջև շփումների ակտիվացումը դրական է ազդել հարաբերությունների զարգացման դինամիկայի վրա, նաև խոսել այդ ուղղությամբ փոխայցելությունների կարևորության մասին։ Նա նաև մանրամասն տեղեկացրել է տարածաշրջանում տիրող իրավիճակի, կարգավորման և խաղաղության գործընթացի ուղղությամբ Ադրբեջանի և Հայաստանի միջև բանակցությունների, ինչպես նաև խաղաղության օրակարգի վերջին զարգացումների մասին։ Ադրբեջանցի պաշտոնյան նշել է, թե սահմանազատման հանձնաժողովների միջև վերջերս ձեռք բերված պայմանավորվածությունը ևս մեկ անգամ հաստատել է երկկողմ բանակցային գործընթացի օգտակարությունը տարածաշրջանային խաղաղության և վստահության ամրապնդման գործում իրական ներդրում ունենալու առումով։  Նա ընդգծել է, որ 2024 թվականի մայիսի 10-11-ը Ղազախստանի Ալմաթի քաղաքում կառուցողական ոգով անցկացված բանակցությունները վկայում են երկկողմ խաղաղության գործընթացի արդյունավետության մասին։ Բոնոն, իր հերթին, ասել է, որ տարածաշրջանում տեղի ունեցող վերջին գործընթացները հույս են ներշնչում խաղաղարար գործունեության ապագայի համար, և այս ուղղությամբ ամերիկյան կողմը միշտ պատրաստ է աջակցել և նպաստել բանակցային գործընթացին։  
16:37 - 03 հունիսի, 2024