Սերգեյ Լավրով

ՌԴ արտաքին գործերի գործող նախագահն է։ Ծնվել է 1950թ. մարտի 21-ին։ 1972-1976 թվականներին եղել է ստաժյոր՝ Շրի Լանկայում ԽՍՀՄ դեսպանի կցորդը: 1976-1981 թվականներին զբաղեցրել է ԽՍՀՄ ԱԳՆ միջազգային տնտեսական կազմարկերպության երրորդ բաժնի, երկրորդ քարտուղարի պաշտոնը։ 1981-1988 թվականներին առաջին քոարտուղար, խորհրդատու, ավագ խորհրդատու ՄԱԿում Ռուսաստանի եւ ԽՍՀՄ մշտական ներկայացուցիչը Նյու Յորքում։ 1988-ից մինչեւ 1992 թվականը եղել է միջազգային կառավարման տնտեսական կազմակերպության նախագահի տեղակալը եւ նույն կազմակերպության ղեկավարը Սովետական Միության արտաքին գործերի նախարարությունում: Մինչեւ 1991 թվականը եղել է Կոմունիստական կուսակցության անդամ։

1991-ից մինչեւ 1992 թվականը եղել է Ռուսաստանի արտաքին գործերի նախարարությունում միջազգային տնտեսական կազմակերպության ղեկավար։ 1992 թվականին նշանակվել է արտաքին գործերի նախարարությունում միջազգային խնդիրների եւ միջազգային կազմակերպությունների դեպարտամենտի տնօրեն։ 1992 թվականի ապրիլի 3-ին նշանակվել է Ռուսաստանի արտաքին գործերի նախարարի տեղակալ (փոխնախարար)։ Ղեկավարել է Ռուսաստանի ԱԳՆի մարդու իրավունքների պաշտպանության եւ միջազգային մշակութային համագործակցության բաժինը, Ռուսաստանի արտաքին գործերի նախարարությունում ԱՊՀ եկրների գործերով դեպարտամենտի ղեկավար, այս պաշտոնում է եղել մինչեւ 1994 թվականի հունվարը։

1993 թվականի մարտից եղել է Ռուսաստանի մասնակցությունը միջազգային կազմակերպությունների համակարգի, ՄԱԿի միջգերատեսչական հանձնաժողովի փոխնախագահ։ 1993-ի նոյեմբերից եղել է Ռուսաստանի կողմից միջգերատեսչական հանձնաժողովում ընտրված համնախագահ եւ ապահովել Ռուսաստանի մասնակցությունը խաղաղապահական գործունեությունում։ 1994ից մինչեւ 2004 թվականը եղել է Միացյալ Ազգերի Կազմակերպությունում Ռուսաստանի մշտական ներկայացուցիչը։ 2004 թվականի մարտի 9-ին Ռուսաստանի նախագահի հրամանով նշանակվել է Ռուսաստանի արտաքին գործերի նախարար:

Սերգեյ Լավրովն ու Ջեյհուն Բայրամովը քննարկել են ԼՂ-ում տնտեսական կապերի և տրանսպորտային հաղորդակցության ապաշրջափակման հարցը |tert.am|

tert.am: Այսօր ԱՊՀ արտաքին գործերի նախարարների հավաքի շրջանակներում Մոսկվայում կայացել է ՌԴ ԱԳ նախարար Սերգեյ Լավրովի և Ադրբեջանի ԱԳ նախարար Ջեյհուն Բայրամովի հանդիպումը: Այս մասին հաղորդում է ՌԴ ԱԳՆ մամուլի ծառայությունը:«Արտաքին քաղաքականության գերատեսչությունների ղեկավարները քննարկել են Ռուսաստանի, Ադրբեջանի և Հայաստանի ղեկավարների միջև 2020 թվականի նոյեմբերի 9-ին և 2021 թվականի հունվարի 11-ին ձեռք բերված պայմանավորվածությունների իրագործման ընթացքը, որոնք, մասնավորապես, առնչվում են Լեռնային Ղարաբաղում հումանիտար խնդիրների կարգավորմանը և տնտեսական կապերի և տրանսպորտային հաղորդակցության ապաշրջափակմանը տարածաշրջանում»,- ասվում է ՌԴ ԱԳՆ հաղորդագրության մեջ:Նշվում է նաև, որ մտքերի փոխանակում է տեղի ունեցել երկկողմ հարաբերությունների արդիական հարցերի, այդ թվում՝ բարձր մակարդակով կայանալիք հանդիպումների վերաբերյալ:

19:46 - 01 ապրիլի, 2021

Մեկնարկել է Արա Այվազյանի և Սերգեյ Լավրովի հանդիպումը

Մեկնարկել է ՀՀ ԱԳ նախարար Արա Այվազյանի և Ռուսաստանի ԱԳ նախարար Սերգեյ Լավրովի հանդիպումը: Այս մասին տեղեկացնում է ՀՀ ԱԳՆ մամուլի խոսնակ Աննա Նաղդալյանը:

19:32 - 01 ապրիլի, 2021

«ԵՄ-ն մեզ հրավիրում էր ասոցացված անդամ դառնալ, մենք երբեք չենք համաձայնել դրան». Լավրովը հայտնել է, թե ինչ է մնացել ՌԴ-ԵՄ հարաբերություններից |tert.am|

tert.am: Եվրամիության հետ հարաբերություններից, որոնք կործանել է Բրյուսելը, մնացել է միայն առևտրի և ներդրումների պայմանների մասին փաստաթուղթը, սակայն այդ համաձայնագրի գործնական իրագործումը տեղի է ունենում միայն ԵՄ առանձին երկրների հետ երկկողմ կապերով: Ինչպես փոխանցում է «ՌԻԱ Նովոստի»-ն, այս մասին հայտարարել է ՌԴ ԱԳ նախարար Սերգեյ Լավրովը:«Այն մասին, որ ԵՄ-ն մեզ հրավիրում էր ասոցացված անդամ դառնալ: Մենք երբեք չենք համաձայնել դրան, որ ասոցացման մասին փաստաթուղթ ստորագրենք: Այժմ դա արվում է Արևելյան գործընկերության՝ Հայաստանի, Ուկրաինայի, Մոլդովայի կողմից: Սակայն ԵՄ-ի հետ հարաբերություններից, որոնք կործանել է Բրյուսելը, մնացել է միայն մի բան՝ առևտրի և ներդրումների պայմանների մասին փաստաթուղթը: Այդ փաստաթուղթը ուժի մեջ է գտնվում: Մենք համագործակցում ենք առանձին երկրների հետ, բայց ոչ ԵՄ-ի, քանի որ պայմաններն ամրագրվել են, սակայն դրանց գործնական իրականացումը տեղի է ունենում երկկողմ կապերով»,- ասել է Լավրովը:Նրա խոսքով՝ միակ բանը, որով աչքի է ընկնում ԵՄ-ն այդ ոլորտում, պատժամիջոցների սահմանումն է, արգելքն իր անդամների իրագործել այդ համաձայնագիրը, քանի որ իրենք ցանկանում են «պատժել Ռուսաստանին»:Վերջերս Եվրամիության և Ռուսաստանի հարաբերությունները շարունակում են սրվել այսպես կոչված՝ «Նավալնու գործի» պատճառով: ԵՄ-ն հավելյալ հակառուսական պատժամիջոցներ է սահմանել:

18:26 - 01 ապրիլի, 2021

Մենք չենք հրաժարվում ՆԱՏՕ-ի հետ բանակցություններից, պարզապես չենք ցանկանում լսել Ուկրաինայի մասին. Սերգեյ Լավրով |1lurer.am|

1lurer.am: Պաշտոնական Մոսկվան հերքել է պնդումները, թե Ռուսաստանը հրաժարվում է ՆԱՏՕ-ի հետ բանակցություններից: Հակառակը՝ ցանկանում է մասնակցել գագաթնաժողովին, միայն եթե օրակարգն Ուկրաինայի մասին չլինի՝ փոխանցում է Russia Today-ը: «Մեր գործընկեր Ստոլտենբերգը հայտարարել էր, որ Ռուսաստանը հրաժարվում է աշխատել Ռուսաստան-ՆԱՏՕ խորհրդի շրջանակում: Մենք աշխատանքից չենք հրաժարվում, մենք պարզապես չենք ցանկանում նստել ու լսել Ուկրաինայի մասին»,- հայտարարել է ՌԴ արտգործնախարար Սերգեյ Լավրովը: Ռուսաստանի արտաքին քաղաքական գերատեսչության ղեկավարը հավելել է, որ Ուկրաինան որևէ առնչություն չունի Հյուսիսատլանտյան դաշինքի հետ:

18:00 - 01 ապրիլի, 2021

Լավրովն այսօր ՀՀ և Ադրբեջանի ԱԳ նախարարների հետ կքննարկի իրավիճակը Լեռնային Ղարաբաղում. Զախարովա |tert.am|

tert.am: Ռուսաստանի Դաշնության արտաքին գործերի նախարար Սերգեյ Լավրովն այսօր Ադրբեջանի և Հայաստանի արտգործնախարարներ Ջեյհուն Բայրամովի և Արա Այվազյանի հետ առանձին հանդիպումների ժամանակ կքննարկի Լեռնային Ղարաբաղի վերաբերյալ երեք երկրների ղեկավարների պայմանավորվածությունների կատարման ընթացքը:Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը:«Ապրիլի 1-ին Ռուսաստանի արտգործնախարար Սերգեյ Լավրովն առանձին հանդիպումներ կունենա Ադրբեջանի և Հայաստանի արտաքին գործերի նախարարների հետ»,- ասել է նա:

17:19 - 01 ապրիլի, 2021

Մոսկվայում տեղի կունենան Այվազյան-Լավրով և Այվազյան-Բայրամով երկկողմ հանդիպումները |1lurer.am|

1lurer.am: ՌԴ արտգործնախարար Սերգեյ Լավրովը Անկախ պետությունների համագործակցության անդամ երկրների արտաքին գործերի նախարարների խորհրդի նիստի շրջանակում երկկողմ հանդիպումներ կունենա Հայաստանի և Ադրբեջանի արտգործնախարարների հետ: Այվազյան-Լավրով և Լավրով-Բայրամով երկկողմ ձևաչափով փակ հանդիպումները նախատեսվում են ապրիլի 1-ին՝ այս մասին այսօր արտասահմանյան լրատվամիջոցների հետ հանդիպմանը տեղեկացրել է ՌԴ ԱԳՆ պաշտոնական ներկայացուցիչ Մարիա Զախարովան: Ըստ նրա` Լավրով-Այվազյան-Բայրամով եռակողմ հանդիպում նախատեսված չէ: ԱՊՀ ԱԳՆ Խորհրդի նիստը տեղի կունենա հաջորդ օրը: Նախարարները կհանդիպեն նախ նեղ ձևաչափով, ապա՝ ընդլայնված կազմով: Օրակարգում ներառվել են ԱՊՀ-ում փոխգործակցության հիմնական ուղղություններն ընդգրկող հարցեր: Նիստի մասնակիցները կարծիքներ կփոխանակեն տարածաշրջանային, միջազգային արդիական թեմաների վերաբերյալ։ Հանդիպման ընթացքում կքննարկվեն կազմակերպության ձևաչափով բազմակողմանի համագործակցության խորացման հեռանկարները, այդ թվում՝ իրավապահ և հումանիտար ոլորտներում:

13:53 - 31 մարտի, 2021

Լավրովը ապրիլի 2-ին կհանդիպի Հայաստանի և Ադրբեջանի արտգործնախարարների հետ |azatutyun.am|

azatutyun.am: Ռուսաստանի արտգործնախարար Սերգեյ Լավրովը ապրիլի 2-ին ԱՊՀ անդամ պետությունների դիվանագիտական գերատեսչությունների ղեկավարների հավաքի շրջանակներում կհանդիպի իր հայ և ադրբեջանցի պաշտոնակիցների հետ։ Այս մասին այսօր հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։ Անդրադառնալով ԱՊՀ արտգործնախարարների հավաքի օրակարգին՝ Զախարովան նշել է, որ դիվանագետները քննարկելու են բոլոր հրատապ տարածաշրջանային և միջազգային խնդիրները։

12:46 - 26 մարտի, 2021

«Եվրամիության հետ հարաբերություններ գոյություն չունեն». Լավրովը մեղադրել է Բրյուսելին |tert.am|

tert.am: Մոսկվան Եվրամիության հետ՝ որպես կազմակերպություն, չունի ոչ մի հարաբերություն. դրանք ոչնչացվել են Բրյուսելի կողմից: Այս մասին հայտարարել է ՌԴ արտգործնախարար Սերգեյ Լավրովը իր չինացի գործընկեր Վան Իի հետ բանակցություններից հետո, գրում է «ՌԻԱ Նովոստի» գործակալությունը: «Եթե Եվրոպան խզել է այդ հարաբերությունները` պարզապես ոչնչացնելով երկար տարիներ ստեղծված բոլոր մեխանիզմները, և մենք որպես գործընկերներ ունենք միայն եվրոպական առանձին երկրներ, որոնք ցանկանում են առաջնորդվել իրենց ազգային շահերով, հավանաբար օբյեկտիվորեն դա հանգեցնում է նրան, որ մեր հարաբերությունները Չինաստանի հետ զարգանում են ավելի արագ, քան այն, ինչ մնացել է եվրոպական երկրների հետ հարաբերություններից: Ես մեկ անգամ ևս ընդգծում եմ, որ Եվրամիության, որպես կազմակերպության հետ, հարաբերություններ գոյություն չունեն: Այս հարաբերությունների ամբողջ ենթակառուցվածքը ոչնչացվել է Բրյուսելի միակողմանի որոշումներով»,- նշել է Լավրովը: Նախարարը ընդգծել է, որ «եթե ինչ-որ ժամանակ Եվրամիությունն իր կողմից նպատակահարմար համարի վերացնել այդ անոմալիան Ռուսաստանի հետ շփումներում», Մոսկվան պատրաստ կլինի հարաբերությունները հարթել հավասարության հիման վրա ՝ ձգտելով շահերի հավասարակշռության որոնման: «Բայց մենք դեռևս փոփոխություններ չունենք արևմտյան ճակատում, Արևելքում մենք ունենք շատ ինտենսիվ օրակարգ, որը տարեցտարի հարստանում է»,-եզրափակել է Լավրովը:

09:48 - 23 մարտի, 2021

Ռուսաստանը պատրաստ է ԱՄՆ-ի հետ հարաբերություններում իրավիճակի բարդ զարգացմանը. Լավրով |tert.am|

tert.am: Ռուսաստանը պատրաստ է ԱՄՆ-ի հետ հարաբերություններում իրավիճակի բարդ զարգացմանը, հայտարարել է ՌԴ ԱԳ նախարար Սերգեյ Լավրովը, փոխանցում է ria.ru-ն։ «Այնպես որ, իրավիճակը (ԱՄՆ-ի հետ հարաբերություններում) իրականում հեշտ չէ, բայց մենք պատրաստ ենք իրադարձությունների նման զարգացմանը»,- Գորչակովի հիմնադրամի հոգաբարձուների խորհրդի նիստում ասել է Լավրովը։ Նա հիշեցրել է ավելի վաղ հնչեցված դիրքորոշումն այն մասին, որ ՌԴ-ն պատրաստ կլինի համագործակցել ԱՄՆ-ի հետ «միայն այն ոլորտներում, որոնք հետաքրքրում են ՌԴ-ին, և միայն երկրին ձեռնտու պայմաններով»։ Հիշեցնենք, որ օրերս ԱՄՆ նախագահ Ջո Բայդենի՝ ABC News-ին տված հարցազրույցը, որտեղ ԱՄՆ նախագահը հայտարարել էր, որ Ռուսաստանի նախագահ Վլադիմիր Պուտինը «կվճարի 2020 թվականին ԱՄՆ-ի նախագահական ընտրություններին միջամտելու համար», երկու երկրների հարաբերություններում դիվանագիտական ճգնաժամ է առաջացրել։ Հարցին, թե արդյոք կարծում է, որ ՌԴ նախագահը մարդասպան է, վերջինս պատասխանել էր․ «Այո»։ Վլադիմիր Պուտինը «Ռոսիա 24» հեռուստաալիքի եթերում ԱՄՆ նախագահ Ջո Բայդենի՝ իրեն «մարդասպան» որակելուն ի պատասխան վերջինիս առողջություն էր մաղթել։

13:46 - 19 մարտի, 2021

Արաբական երկրները մտադիր են վերականգնել Սիրիայի լիարժեք մասնակցությունը ԱՊԼ աշխատանքներին. Լավրով |armenpress.am|

armenpress.am: Ռուսաստանի արտաքին գործերի նախարար Սերգեյ Լավրովը հեռախոսազրույցի միջոցով Սիրիայի ԱԳ նախարար Ֆեյսալ Միկդադին տեղեկատվություն է ներկայացրել ԱՄԷ, Սաուդյան Արաբիա և Քաթար կատարած այցերի վերաբերյալ: Այդ մասին հաղորդում է ՌԴ ԱԳՆ մամուլի ծառայությունը: «Լավրովը տեղեկացրել է Միկդադին վերջերս կատարած ԱՄԷ, Սաուդյան Արաբիա և Քաթար կատարած այցերի արդյունքների վերաբերյալ՝ ընդգծելով արաբական աշխարհում ամրապնդվող սկզբունքային տրամադրվածությունը՝ Սիրիայի Արաբական Հանրապետության՝ Արաբական պետությունների լիգայի աշխատանքներին լիարժեք մասնակցությունը վերականգնելու հարցում»,- ասված է հաղորդագրության մեջ:

21:13 - 16 մարտի, 2021

Հանդիպել են Լավրովն ու Չավուշօղլուն |tert.am|

tert.am: Չորեքշաբթի երեկոյան Դոհայի օդանավակայանում հանդիպել են Ռուսաստանի Դաշնության և Թուրքիայի արտաքին գործերի նախարարներ Սերգեյ Լավրովը և Մևլութ Չավուշօղլուն: Ռուս նախարարը առաջինն է ժամանել Էր-Ռիադից, իսկ թուրքը՝ Բիշքեկից: Այս մասին գրում է «Կոմերսանտ» պարբերականը: Սկսելով բանակցությունները՝ Սերգեյ Լավրովը նշել է, որ հենց այսօր երկու երկրների նախագահները տեսակոնֆերանսի ռեժիմով մասնակցել են թուրքական «Ակքույու» ԱԷԿ-ի երրորդ բլոկի հիմքի համար բետոնի լցման արարողությանը: Մևլութ Չավուշօղլուն ցավով նշել է, որ թռիչքի պատճառով իրեն հաջողվել է դիտել հեռարձակման միայն մի փոքրիկ հատվածը: Հինգշաբթի օրը երկու նախարարներն էլ կհանդիպեն Կատարի իրենց գործընկերոջ ՝ Մոհամմադ բին Աբդուրահման Ալ Թանիի հետ, և եռակողմ բանակցություններ կանցկացնեն: Հանդիպման հիմնական թեման կլինի Սիրիան: Դոհան վաղուց Մոսկվային առաջարկել է այս ձևաչափը, որը կարող է լրացնել Սիրիայի հարցով այլ հարթակներին:

22:26 - 10 մարտի, 2021

Դոհայում նախատեսվում է Լավրով-Չավուշօղլու հանդիպում |hetq.am|

hetq.am: Ռուսաստանի արտաքին գործերի նախարար Սերգեյ Լավրովը և Թուրքիայի արտաքին գործերի նախարար Մևլյութ Չավուշօղլուն կհանդիպեն չորեքշաբթի օրը՝ մարտի 10-ին, Դոհայում։ Այդ մասին գրում է TACC գործակալությունը։ Հանդիպումը կկայանա Մերձավոր Արևելքի երկրներում Լավրովի այցի շրջանակներում։ Դեռևս հայտնի չէ, թե ինչ հարցեր են ներառված հանդիպման օրակարգում։ Քաթարում Լավրովին կընդունի էմիր Թամիմ բեն Համադ Ալ Թանին։ Բացի այդ, Լավրովը բանակցություններ կվարի նաև Քաթարի արտաքին գործերի նախարար Մուհամեդ բեն Աբդել Ռահման Ալ Թանիի հետ։

20:07 - 09 մարտի, 2021

Իրանի հետ միջուկային համաձայնագիրը փրկելու հնարավորության պատուհանը դեռևս փակ չէ, սակայն շատ բան ԱՄՆ-ից է կախված. Լավրով |tert.am|

tert.am: Իրանի միջուկային համաձայնագրի շուրջ ստեղծված իրավիճակը կարող է փակուղուց դուրս գալ, եթե Վաշինգտոնը Թերանին՝ համաձայնագրին վերադառնալու ԱՄՆ-ի մտադրությունների լրջությունը ցույց տվող ազդանշան ուղարկի։Այս մասին հայտնում է «ՌԻԱ Նովոստի» լրատվական գործակալությունը՝ վկայակոչելով ՌԴ ԱԳ նախարար Սերգեյ Լավրովին։«Միջուկային համաձայնագիրը փրկելու հնարավորության պատուհանը դեռևս փակ չէ: Նախապայմանը 2015 թվականիի համաձայնագրի լիարժեք և հետևողական իրականացումն է՝ դրանք մշակած և կնքած բոլոր երկրների կողմից: Մենք սերտորեն համագործակցում ենք համաձայնագրի անդամ բոլոր պետությունների հետ՝ այդ նպատակին հասնելու համար», - ասել է Լավրովը «Ռուսկայա Միսլ» ամսագրին տված հարցազրույցի ընթացքում: Ըստ Լավրովի, Ռուսաստանը մշտական կապի մեջ է եվրոպացի գործընկերների հետ՝ հնարավոր լուծումներ գտնելու նպատակով, սակայն շատ բան Միացյալ Նահանգներից է կախված:«Հիմնական կետը Բայդենի վարչակազմի դիրքորոշումն է», – նշել է Լավրովը և հավելել, - «Մեր կողմից մենք պատրաստ ենք ամեն կերպ աջակցել այս խնդրի շուրջ համաձայնություն ձեռք բերելու հարցում»։Պաշտոնական Մոսկվան հույս ունի, որ Իրանի միջուկային համաձայնագրի շուրջ առկա իրավիճակը շուտով դեպի լավը կգնա։ Լավրովն ընդգծել է իրավիճակի կարգավորման հարցում Իրաի Իսլամական Հանրապետության պատրաստակամությունը։

16:54 - 04 մարտի, 2021

Եվրոպայի խորհրդի ապագան կախված է նրա՝ առանց երկակի ստանդարտների աշխատելու ունակությունից և անկախությունը պահպանելուց․ Լավրով |tert.am|

tert.am: Եվրոպայի խորհրդի (ԵԽ) ապագան կախված է նրա՝ առանց երկակի ստանդարտների աշխատելու ունակությունից և անկախությունը պահպանելուց: Այս մասին փետրվարի 28-ին հայտարարել է Ռուսաստանի արտգործնախարար Սերգեյ Լավրովը, գրում է «Իզվեստիան»:Լավրովը գնահատել է Եվրախորհրդի ապագան ուղերձով, որն ուղարկվել է կազմակերպության գլխավոր քարտուղար Մարիա Պեյչինովիչ-Բուրիչին՝ Ռուսաստանի Դաշնության Եվրոպայի Խորհրդին անդամակցելու 25-ամյակի կապակցությամբ:«Վերջին տարիների փորձը հուշում է, թե որքան կարևոր է կանխել Խորհրդարանական վեհաժողովը հաշիվներ մաքրելու ասպարեզի վերածվելը: Ձեռնպահ մնալ ոչ համաձայնեցված փաստաթղթեր պարտադրելուց: Ձգտել, որպեսզի Մարդու իրավունքների եվրոպական դատարանի գործունեությունը զերծ լինի քաղաքական և գաղափարական կողմնակալությունից»,- ասվում է հաղորդագրության մեջ:

14:10 - 28 փետրվարի, 2021

ՌԴ ԱԳ նախարարը մեկնաբանել է Հայաստանում տեղի ունեցող իրադարձությունները

Փետրվարի 25-ին տեղի է ունեցել հեռախոսազրույց Ռուսաստանի Դաշնության արտաքին գործերի նախարար Սերգեյ Լավրովի և ՀՀ արտաքին գործերի նախարար Արա Այվազյանի միջև: Այս մասին նշված է ՌԴ ԱԳՆ հաղորդագրության մեջ։ ՌԴ ԱԳՆ-ից նաև նշում են, որ Այվազյանը տեղեկացրել է հանրապետությունում տեղի ունեցած իրադարձությունների վերջին զարգացման մասին: Ռուսական կողմից շեշտվել է, որ իրենք իրավիճակը գնահատում են որպես Հայաստանի ներքին գործ, հույս ունեն, որ այն կկարգավորվի խաղաղ ճանապարհով: Նշենք, որ ԶՈՒ Գլխավոր շտաբը հայտարարություն է տարածել, որով պահանջում է Նիկոլ Փաշինյանի հրաժարականը։ Վերջինս այս հայտարարությունը որակել է որպես ռազմական հեղաշրջման փորձ։

15:49 - 25 փետրվարի, 2021

Պուտինի՝ Հայաստանի և Ադրբեջանի միջև միջնորդության հաջող առաքելությունից հետո Արևմուտքը հանկարծ տագնապեց. Լավրով |tert.am|

tert.am: Արևմուտքին անհրաժեշտ է ուկրաինական ռեժիմը՝ Ռուսաստանին անընդհատ նյարդայնացնելու և ռուսատյաց քաղաքականության նոր պատճառներ որոնելու համար: Նման հայտարարությամբ է հանդես եկել Ռուսաստանի արտգործնախարար Սերգեյ Լավրովը, գրում է «ՌԻԱ Նովոստի»-ն:«Նրանց (Արևմուտքին - խմբ.) ուկրաինական ռեժիմը պետք է միայն մեկ բանի համար` անընդհատ Ռուսաստանին նյարդայնացնելու և ռուսատյաց քաղաքականության նոր պատճառներ փնտրելու համար: Նրանք ցանկանում են ամեն կերպ թուլացնել այն ամենը, ինչ կա մեր շուրջը՝ Բելառուսը, Կենտրոնական Ասիան և այժմ Անդրկովկասը, երբ Ռուսաստանի Դաշնության նախագահ Վլադիմիր Պուտինի՝ Հայաստանի և Ադրբեջանի միջև միջնորդության հաջող առաքելությունից հետո հանկարծ նրանք բոլորը տագնապեցին՝ այդ ինչպես էր հնարավոր առանց իրենց: Այժմ նրանք փորձում են թափանցել այս տարածաշրջան և մեծացնել իրենց ակտիվությունն այդտեղ»,- ասել է Լավրովը:

12:14 - 20 փետրվարի, 2021