Ինֆոթեգեր Մեր մասին
hy en ru
Նվիրաբերել

Ղրիմ

Ղրիմի թերակղզի կամ Ղրիմ  արեւմտահայ աղբյուրներում՝ Խրիմ, թերակղզի Ուկրաինայի հարավում։ Թերակղզում է գտնվում Ղրիմի Ինքնավար Հանրապետությունը եւ Սեւաստոպոլ քաղաքը։ Տարածությունը 25,5 հազար կմ² է։ Արեւմուտքում եւ հարավում ողողվում է Սեւ, արեւելքում՝ Ազովի ծովերով։ Արեւելաեվրոպական հարթավայրին է միանում Պերեկոպի նեղ (մինչեւ 8 կմ) պարանոցով։ Ղրիմի արեւելքում գտնվում են Կերչ, արեւմուտքում՝ Թարխանկուտ թերակղզիները, հյուսիսարեւելյան ամբողջ ծովեզերքի երկայնքով ձգվում է Սիվաշը։

Ռուսաստանը զորքերը մոտեցնում է Ուկրաինայի հետ սահմանին. Ուկրաինայի ԶՈւ ԳՇ պետ |tert.am|

Ռուսաստանը զորքերը մոտեցնում է Ուկրաինայի հետ սահմանին. Ուկրաինայի ԶՈւ ԳՇ պետ |tert.am|

tert.am: «Արևմուտք 2021» զորավարժություններին նախապատրաստվելու պատրվակով Ռուսաստանը վերջերս զորքերը մոտեցնում է Ուկրաինայի հետ սահմանին` տեղակայելով ՌԴ-ի Բրյանսկի և Վորոնեժի մարզերում և Ղրիմում: Ինչպես փոխանցում է Украинская правда-ն, այս մասին հայտարարել է Ուկրաինայի Զինված ուժերի ԳՇ պետ Ռուսլան Խոմչակը` ելույթ ունենալով Գերագույն ռադայում:Նրա խոսքով` մարտի 30-ի դրությամբ` ռուս-ուկարիանական սահմանի երկյանքով և Դոնբասի ու Ղրիմի տարածքներում հակառակորդի 28 գումարտակային մարտավարական խմբեր են տեղակայվել:Ուկրաինայի հրամանատարությունը կանխատեսում է, որ շուտով Ռուսաստանը «հավելյալ 25 գումարտակային մարտավարական խումբ կտեղակայի երկրի հետ սահմանի մոտ և Ղրիմում, որն արդեն իսկ տեղակայված ուժերի հետ միասին ռազմական սպառնալիք է ներկայացնում երկրի անվտանգությանը»:
15:19 - 31 մարտի, 2021
Ղրիմը Ուկրաինայի դեմ մի քանի հայց է ներկայացրել շրջափակման պատճառով |1lurer.am|

Ղրիմը Ուկրաինայի դեմ մի քանի հայց է ներկայացրել շրջափակման պատճառով |1lurer.am|

1lurer.am: Ղրիմն Ուկրաինայի դեմ մի քանի հայց է ներկայացրել՝ թերակղզու ենթակառուցվածքային և տրանսպորտային շրջափակման պատճառով՝ փոխանցում է РИА Новости-ն: Այս մասին հայտարարել է շրջանի խորհրդարանի ղեկավար Վլադիմիր Կոնստանտինովը: Ավելի վաղ նա նշել էր, որ իշխանությունները ծրագրում են հայց ներկայացնել Ղրիմի ջրային շրջափակման պատճառով: Նախնական վնասի չափը կազմում է 1.47 տրիլիոն ռուբլի:
10:49 - 27 մարտի, 2021
«Ղրիմն Ուկրաինա է». G7-ի երկրները կրկին դատապարտել են Ղրիմի միացումը Ռուսաստանին |tert.am|

«Ղրիմն Ուկրաինա է». G7-ի երկրները կրկին դատապարտել են Ղրիմի միացումը Ռուսաստանին |tert.am|

tert.am: Մեծ Բրիտանիայի, ԱՄՆ-ի, Գերմանիայի, Իտալիայի, Կանադայի, Ֆրանսիայի և Ճապոնիայի արտաքին գործերի նախարարները հանդես են եկել համատեղ հայտարարությամբ` կապված Ղրիմի` Ռուսաստանին միանալու 7-րդ տարեդարձի հետ: Այս մասին գրում է «Կոմերսանտ» պարբերականը:«Մեծ յոթնյակի» երկրների ներկայացուցիչները հաստատել են իրենց կողմից Ռուսաստանի գործողությունների դատապարտումը և պատրաստակամություն հայտնել շարունակել պատժամիջոցներ կիրառել Ռուսաստանի դեմ:«G7-ը հավատարիմ է պատժամիջոցներ կիրառելու գործընթացին և կշարունակի աջակցել Ուկրաինայի անկախությանը, ինքնիշխանությանը և տարածքային ամբողջականությանը՝ նրա միջազգայնորեն ճանաչված սահմաններում: Ղրիմն Ուկրաինա է», - ասված է «Մեծ յոթնյակ»-ում նախագահող Մեծ Բրիտանիայի կառավարության կայքում հրապարակված համատեղ հայտարարության մեջ: Ըստ նախարարների  հայտարարության՝ Ռուսաստանի՝ Ղրիմի և Սևաստոպոլի «բռնակցումը» օրինականացնելու փորձերը «չեն ճանաչվում և չեն ճանաչվի»:G7-ը դատապարտել է նաև իրավիճակի ապակայունացումը Դոնեցկի և Լուգանսկի մարզերում: G7-ը ելնում է այն դրույթից, որ «Ռուսաստանը հակամարտության կողմ է, ոչ թե միջնորդ», - ասվում է հայտարարության մեջ: Շարունակությունը՝ tert.am-ում։
14:35 - 18 մարտի, 2021
Մենք չենք ընդունում Թուրքիայի դիրքորոշումը Ղրիմի հարցում. Դմիտրի Պեսկով |1lurer.am|

Մենք չենք ընդունում Թուրքիայի դիրքորոշումը Ղրիմի հարցում. Դմիտրի Պեսկով |1lurer.am|

1lurer.am:  ՌԴ նախագահի մամուլի քարտուղար Դմիտրի Պեսկովը հայտարարել է, որ Կրեմլը վստահ է, որ Թուրքիան ժամանակի ընթացքում կհասկանա Ղրիմի հարցում Ռուսաստանի դիրքորոշման ճիշտ լինելը: Այդ մասին տեղեկացնում Է ՏԱՍՍ գործակալությունը:   Ղրիմի հարցը Կրեմլի ներկայացուցիչն անվանել է «թեմա, որը դասվում է ՌԴ-ի և Թուրքիայի տարաձայնությունների շարքին»:   «Մենք չենք ընդունում Ղրիմի հարցում Թուրքիայի դիրքորոշումը, դրա հետ մեկտեղ մենք համբերատար շարունակում ենք պարզաբանել մեր դիրքորոշումը»,- ընդգծել է Պեսկովը:   Կրեմլի ներկայացուցիչը վստահություն է հայտնել, որ թուրք գործընկերները վաղ թե ուշ  կհասկանան Ռուսաստանի Դաշնության դիրքորոշման հիմնավորվածությունը:   Ավելի վաղ թուրքական իշխանությունները հայտարարել էին, որ Անկարան չի ճանաչում Ղրիմի միավորումը Ռուսաստանին:
20:30 - 10 մարտի, 2021
ՄԱԿ-ն ընդունված բանաձևով Ռուսաստանին կոչ է անում հեռանալ Ղրիմից |armenpress.am|

ՄԱԿ-ն ընդունված բանաձևով Ռուսաստանին կոչ է անում հեռանալ Ղրիմից |armenpress.am|

armenpress.am: Միավորված ազգերի կազմակերպության գլխավոր ասամբլեան դեկտեմբերի 8-ի առավոտյան ընդունել է բանաձևեր, որոնցից մեկը վերաբերում է Ռուսաստանի և Ղրիմի իրավիճակին: ՄԱԿ-ի պաշտոնական կայքը հայտնում է, որ Գլխավոր ասամբլեան 63 կողմ , 17 դեմ և 62 ձեռնպահ քվեարկությամբ ընդունել է «Ղրիմի Ինքնավար Հանրապետության և Ուկրաինայի Սևաստոպոլ քաղաքի, ինչպես նաև Սև ծովի և Ազովի ծովի մի մասի ռազմականացման խնդիրը» բանաձևը:  «Ռուսաստանի Դաշնությունը՝ որպես  օկուպացնող ուժ, անհապաղ, ամբողջովին և անվերապահորեն պետք է հեռացնի իր զինված ուժերը Ղրիմից և առանց հապաղելու դադարեցնի Ուկրաինայի տարածքի ժամանակավոր օկուպացան»,- նշված է բանաձևում։ Ուկրաինայի ներկայացուցիչը, որը ներկայացրել է բանաձևը, ասել է, որ Ռուսաստանը, օկուպացնելով Ղրիմը և այն դարձնելով հզոր ռազմական ֆորպոստ, խախտում է միջազգային իրավունքը և Միավորված ազգերի կազմակերպության կանոնադրությունը: Իր հերթին Ռուսաստանի ներկայացուցիչը մինչև բանաձևի ընդունումը նշել է դրա քաղաքականացված բնույթը: Ըստ նրա՝ երրորդ տարին է՝ Ուկրաինան իր բանաձևերով շեղում է ՄԱԿ-ին, չնայած՝ Ղրիմի ժողովուրդը ապագայի մասին իր որոշումը արդեն կայացրել է հանրաքվեի միջոցով: 
11:15 - 08 դեկտեմբերի, 2020
ՌԴ-ի և Թուրքիայի հարաբերություններում Ղրիմը լուրջ տարաձայնություն է. Պեսկով |tert.am|

ՌԴ-ի և Թուրքիայի հարաբերություններում Ղրիմը լուրջ տարաձայնություն է. Պեսկով |tert.am|

tert.am: Ղրիմի հարցում Թուրքիայի դիրքորոշումը Մոսկվայի և Անկարայի լուրջ տարաձայնություններից մեկն է, ՌԴ-ն համբերատար փոխանցում է իր կարծիքը թուրք գործընկերներին: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է «ՌԻԱ Նովոստի» գործակալությունը:Պեսկովի խոսքերով`Ռուսաստանի և Թուրքիայի միջև հարաբերությունները կարևոր են Մոսկվայի, և Անկարայի, ինչպես նաև տարածաշրջանային անվտանգության ու կայունության համար:«Այս հարաբերությունները փոխշահավետ են և հիմնված են միմյանց ներքին գործերին չխառնվելու և միմյանց շահերը հարգելու սկզբունքների վրա: Միևնույն ժամանակ, իհարկե, մեր հարաբերություններում կան տարաձայնություններ: Ղրիմը լուրջ տարաձայնություն է, այստեղ մենք տրամագծորեն հակառակ տեսակետ ունենք: Մենք կշարունակենք տեղեկացնել մեր թուրք գործընկերներին Ղրիմի վերաբերյալ մեր հետևողական դիրքորոշման մասին»,-նշել է Պեսկովը:
15:15 - 04 դեկտեմբերի, 2020
Զելենսկին ասել է, թե Ղրիմը առանց դիմադրության Ռուսաստանին հանձնողները պետք է պատասխանատվություն կրեն |azatutyun.am|

Զելենսկին ասել է, թե Ղրիմը առանց դիմադրության Ռուսաստանին հանձնողները պետք է պատասխանատվություն կրեն |azatutyun.am|

azatutyun.am: Ուկրաինայի նախագահ Վլադիմիր Զելենսկին այսօր Գերագույն ռադայում իր ամենամյա ուղերձում ասել է, թե պետք է պատասխանատվության ենթարկվեն նրանք, ովքեր 2014 թվականին առանց պայքարի թույլատրեցին Ղրիմի անօրինական բռնակցումը Ռուսաստանին։ Նրա խոսքերով՝ իր կառավարությունը հնարավորինս անում է Ղրիմը Ուկրաինայի ենթակայությանը վերադարձնելու համար։
18:39 - 20 հոկտեմբերի, 2020
Թրամփը մեկ տարով երկարացրել Է Ղրիմի պատճառով սահմանված հակառուսական պատժամիջոցները |armenpress.am|

Թրամփը մեկ տարով երկարացրել Է Ղրիմի պատճառով սահմանված հակառուսական պատժամիջոցները |armenpress.am|

armenpress.am: ԱՄՆ-ի նախագահ Դոնալդ Թրամփը մեկ տարով երկարաձգել Է Ռուսաստանի դեմ պատժամիջոցները, որոնք սահմանվել են 2014 թվականի մարտին Ղրիմում ստեղծված իրադրության պատճառով: Այդ մասին ասված Է ծանուցման մեջ, որը նախագահն ուղարկել Է Կոնգրես:Թրամփի կարծիքով՝ «այն անձանց գործողություններն ու քաղաքականությունը, որոնք Ուկրաինայում խաթարում են ժողովրդավարական գործընթացներն ու ինստիտուտները, սպառնում նրա խաղաղությանը, անվտանգությանը, կայունությանը, ինքնիշխանությանն ու տարածքային ամբողջականությանը, նպաստում նրա ակտիվների ապօրինի յուրացմանը, ինչպես նաեւ ՌԴ-ի կառավարության գործողություններն ու քաղաքականությունը, ներառյալ Ղրիմի անեքսիան եւ ուժի գործադրումն Ոկրաինայում, շարունակում են իրենցից արտակարգ սպառնալիք ներկայացնել ԱՄՆ-ի ազգային անվտանգության եւ արտաքին քաղաքականության համար»:Ուկրաինայի իրադրության կապակցությամբ Ռուսաստանի դեմ պատժամիջոցները Բարաք Օբամայի վարչակազմը սահամանել Է 2014 թվականին, դրանք ամեն տարի 12 ամսով երկարաձգվում են, հաղորդել Է ՌԻԱ Նովոստին:
10:41 - 26 փետրվարի, 2020