Սահման

Սյունիքից ոչ մի միլիմետր տարածք չի զիջվել. Փաշինյան
 |1lurer.am|

Սյունիքից ոչ մի միլիմետր տարածք չի զիջվել. Փաշինյան |1lurer.am|

1lurer.am: ԱԺ-ում կառավարության հետ հարցուպատասխանի ժամանակ «Բարգավաճ Հայաստան» խմբակցության պատգամավոր Արտյոմ Ծառուկյանը, դիմելով վարչապետին, նշեց, որ նոյեմբերի 9-ի փաստաթղթի ստորագրումից հետո իջեցվել է հրահանգ, որ տղաները հետ քաշվեն Սյունիքում իրենց զբաղեցրած դիրքերից, կանոնավոր բանակը ներգրավվել է միայն հունվարի 5-ից հետո: Պատգամավորը հետաքրքրվեց՝ ինչու է կանոնավոր բանակն այդ ժամանակահատվածում սյունեցիներին մենակ թողել:  Վարչապետն ընդգծեց, որ հնչող մեղադրանքներն իրենց հասցեին հաճախ իրար մերժող և չեզոքացնող են: «Մի դեպքում մեզ մեղադրում են նրա համար, որ մենք տարածքներ ենք տվել, մյուս դեպքում՝ մեզ մեղադրում են, որ մենք տարածքները չենք տվել՝ ինչ-որ իրադարձություններից խուսափելու համար: Այն որոշումները, որոնք կայացվել են, կայացվել են ռազմական նոր էսկալացիան, այդ թվում՝ Սյունիքում կանխելու և Սյունիքի անվտանգությունն ապահովելու համար: Հեռուստատեսային ուղերձում դրա մասին շատ հստակ անդրադարձել եմ և ասել եմ, որ այդտեղ կար իրավիճակ, երբ կարող էր լինել ռազմական էսկալացիա, որն անցում կկատարեր դեպի բուն Սյունիքի տարածք: Շատ դեպքերում մեծ աղմուկ է բարձրացվում, որ Սյունիքից տարածքներ են զիջվել: Սյունիքից ոչ մի տարածք, ոչ մի միլիմետր տարածք չի զիջվել, որովհետև Սյունիքի այն տարածքը, որն այսօր գոյություն ունի, արձանագրված է: Այդ տարածքը 2010 թվականին ընդունված «Հայաստանի Հանրապետության վարչատարածքային բաժանման մասին» օրենքով, որին կողմ է քվեարկել նաև «Բարգավաճ Հայաստան» խմբակցությունը, այդ թվում դահլիճում նստած պատգամավորները, արձանագրվել է, որ, օրինակ, Սյունիքի մարզի Շուռնուխ համայնքի վարչական գծից այն կողմ գտնվում է Ադրբեջանի Հանրապետությունը»,- ասաց վարչապետը՝ նշելով, որ այդ օրենքին կողմ քվեարկած  բոլոր խմբակցությունները՝ առանց բացառության, այսօր ընդդիմություն են և իրենք են գծել, արձանագրել Սյունիքի այն տեսքը, որն այսօր կա»,- ասաց Փաշինյանը:
19:22 - 20 հունվարի, 2021
Մեր ժողովուրդը խուճապի մատնվող չէ, ուղղակի վատ են զգում՝ պատուհանից նայում են, թուրք են տեսնում, մեր գյուղացին զինված է, ինքն իր անվտանգությունը պահելու է. Շուռնուխի վարչական ղեկավար |tert.am|

Մեր ժողովուրդը խուճապի մատնվող չէ, ուղղակի վատ են զգում՝ պատուհանից նայում են, թուրք են տեսնում, մեր գյուղացին զինված է, ինքն իր անվտանգությունը պահելու է. Շուռնուխի վարչական ղեկավար |tert.am|

tert.am: Շուռնուխում տեղահանված տների գյուղացիները վերևի թաղամասում են ապրում, իրենք իրենց առօրյա գործին են՝ ամբողջ ուշադրությունը կենտրոնացրած անասունի վրա, այս պահին եղանակը լավ է, պետք է անասունը դրսում արածեր, բայց բանտարկած են պահում, որ դուրս չգա, չիջնի գետը, ջուր խմի, չանցնի թշնամու վերահսկողության տակ գտնվող մեր տարածքներ: Այս մասին ասաց Շուռնուխի վարչական ղեկավար Հակոբ Արշակյանը: Նրա փոխանցմամբ՝ թշնամուն գյուղից անցած տարածքներում որևէ շարժ չկա, նոր բնակիչներ չկան, այնտեղ ընդամենը իրենց սահմանապահ զորքն է՝ վրաններով: «Տեղահանվածների մի մասը, որոնց տները անցել են թշնամուն, գյուղում են ապրում՝ վերևի թաղամասերում, մի մասն էլ ժամանակավոր տեղափոխվել է Գորիս և Կապան», - ասաց Շուռնուխի վարչական ղեկավարը: Հարցին, թե խոսվում էր՝ տեղահանված գյուղացիների համար պետք է տներ կառուցեն, ինչ փուլում են աշխատանքները, Հակոբ Արշակյանն ասաց. «Երկուշաբթի օրն արդեն կգան, և բարերարներն իրենց կողմից պետք է մի թաղամաս սարքեն, և կառավարության կողմից հանձնաժողովը պետք է գա, արդեն տեղը որոշված է, ընտրված է, որ աշխատանքները սկսեն»: Հարցին էլ՝ ի՞նչ տրամադրվածություն ունեն մարդիկ, հարմարվե՞լ են նոր իրավիճակին, նա ասաց. «Որ չհարմարվեն, կոպիտ ասած, ի՞նչ պետք է անեն: Հիմա տնից հանել են մարդուն, բա տուն պետք է տան, փոխհատուցում պետք է տան, մի բան պետք է արվի, որ այդ մարդն իր ապագան կարողանա պատկերացնել, պետք է սարքեն, դա ոնց ուզում են, պետք է անեն»: Վարչական ղեկավարը նշեց, որ հիմա գյուղապետարանը սննդով է օգնում մարդկանց և ոչ միայն տեղահանվածներին, մարզպետարանից էլ երկու տնակ են տվել, որ երկու ընտանիք կարողանա բնակվել ժամանակավոր, մինչև տուն կառուցվի: «Գյուղում խուճապ չկա, մեր ժողովուրդը խուճապի մատնվող չի, ուղղակի վատ են զգում, որ իրենց պատուհանից նայում են, թուրքին են տեսնում»,- ասաց նա: Ինչ վերաբերում է գյուղացիների զինվելուն, որ պաշտպանեն իրենց, Արշակյանն ասաց. «Այնպես չէ, որ գյուղացին զինված չէ, զինված է, գյուղացին ամեն պահ ինքն իր անվտանգությունը փորձելու է ապահովել, օգտագործելու է իր զենքը թուրքի դեմ, հաստատ անելու է, այնպես չէ, որ խեղճ ժողովուրդ է»: Շարունակությունը՝ tert.am-ում։
15:11 - 16 հունվարի, 2021
Շուռնուխ գյուղի բնակչի անսանագոմը բաժանվել է 2 մասի` «ադրբեջանական» և «հայկական»․ ՀՀ պետական սահմանների որոշման հարցում նման մեխանիկական մոտեցումները պետք է ուղղակի բացառվեն․ ՄԻՊ

Շուռնուխ գյուղի բնակչի անսանագոմը բաժանվել է 2 մասի` «ադրբեջանական» և «հայկական»․ ՀՀ պետական սահմանների որոշման հարցում նման մեխանիկական մոտեցումները պետք է ուղղակի բացառվեն․ ՄԻՊ

Շուռնուխ գյուղի բնակիչ Ստյոպա Մովսիսյանի տան ուղիղ հարևանությամբ գտնվող նրան պատկանող անասնաշենքը GPS [գլոբալ տեղորոշման] համակարգի կամ Գուգլ քարտեզի (Google Map) կիրառության արդյունքում բաժանվել է 2 մասի` «ադրբեջանական» և «հայկական»: Այս մասին հայտնում են ՄԻՊ գրասենյակից։ Ընդ որում, ինչպես տան, այնպես էլ անասնաշենքի նկատմամբ սեփականության իրավունքի պետական գրանցումը հաստատված է ՀՀ կադաստրի կոմիտեի վկայականներով: Հենց այդ տան տարածքում մենք փորձեցինք Գուգլ (google) քարտեզների մի քանի տարբերակներ, որոնցից ամեն մեկը  ցույց տվեց տարբեր արդյունք, այդ թվում՝ Ստյոպա Մովսիսյանի տունը ու Շուռնուխ գյուղն ամբողջությամբ ներկայացնելով Հայաստանի Հանրապետության տարածքի մաս: Ցավոք, այսօր նման պատմությունները բազմաթիվ են. նման կոնկրետ օրինակներն են հենց ապացուցում, որ սահմանների որոշման մինչ այս պահը կիրառվող մոտեցումների, GPS կամ Գուգլ քարտեզի (Google Map) մեխանիկական կիրառության պատճառով վտանգվել, իսկ հատկապես սեփականության ու մի շարք այլ իրավունքների դեպքում կոպտորեն խախտվել են ՀՀ սահմանային բնակիչների իրավունքները:  Մարդիկ սեփականության վկայականներով անգամ չեն կարողանում օգտվել իրենց գույքից: Ուստի, Հայաստանի Հանրապետության պետական սահմանների որոշման հարցում նման մեխանիկական մոտեցումները, նման արագությամբ գործընթացները պետք է ուղղակի բացառվեն:  Անհրաժեշտ են մասնագիտական մոտեցումներ, գիտական հետազոտությունների արդյունքներ, տեղում հանձնաժողովային մանրամասն աշխատանքներ, պատշաճ իրավական հիմքեր և այլն:
12:07 - 09 հունվարի, 2021
Նոյեմբերի 10-ի հայտարարության մեջ չկա ոչ «Մեղրի», ոչ էլ ՀՀ որևէ տարածքի առնչությամբ «միջանցք» արտահայտություն. Նիկոլ Փաշինյան

Նոյեմբերի 10-ի հայտարարության մեջ չկա ոչ «Մեղրի», ոչ էլ ՀՀ որևէ տարածքի առնչությամբ «միջանցք» արտահայտություն. Նիկոլ Փաշինյան

Նիկոլ Փաշինյանը ֆեյսբուքյան իր էջում գրառում է կատարել, որում մասնավորապես նշել է նոյեմբերի 10-ի եռակողմ հայտարարության հետագա իրագործման իրենց առաջնահերթությունները: «1. Հայտարարության 8-րդ կետի լիարժեք իրագործում. ըստ այդմ պետք է տեղի ունենա գերիների, պատանդների եւ այլ պահվող անձանց, ինչպես նաեւ մարմինների լիարժեք փոխանակում: Մեզ համար կարեւոր է նաեւ տեղի ունեցած ռազմական գործողությունների գոտում ծավալուն որոնողափրկարարական աշխատանքների իրագործումը: 2. Տարածաշրջանի բոլոր տնտեսական եւ տրանսպորտային ենթակառուցվածքների ապաշրջափակում, ինչը նշանակում է ինչպես Հայաստանի կողմից Ադրբեջանի տարածքով բեռնափոխադրումներ եւ տրանսպորտային հաղորդակցություն դեպի Ռուսաստան եւ Իրանի Իսլամական Հանրապետություն, այնպես էլ Ադրբեջանի կողմից Հայաստանի տարածքով բեռնափոխադրումներ եւ տրանսպորտային հաղորդակցություն՝ դեպի Նախիջեւան: Կրկին ուշադրություն եմ հրավիրում այն փաստի վրա, որ նոյեմբերի 10-ի հայտարարության մեջ չկա ոչ «Մեղրի» ոչ էլ ՀՀ որեւէ տարածքի առնչությամբ «միջանցք» արտահայտություն: Հայաստանից դեպի Ռուսաստան եւ Ադրբեջանից դեպի Նախիջեւան հաղորդակցության երթուղիների ընտրությունը առանձին քննարկման թեմա է, որի արդյունավետության կարեւոր պայման է գերիների, պատանդների, այլ պահվող անձանց, զոհվածների մարմինների փոխանակման, ինչպես նաեւ անհետ կորածների որոնողական աշխատանքների ծավալների եւ արդյունավետության բարձրացումը»,- գրել է Փաշինյանը:
11:21 - 08 հունվարի, 2021
Երեկ Շուռնուխի՝ Ադրբեջանին հանձնվող 11 տների բնակիչները թողել են տները. այժմ բանակցություններ են, թե որ զորքը որտեղ է կանգնելու. Շուռնուխի վարչական ղեկավար |tert.am|

Երեկ Շուռնուխի՝ Ադրբեջանին հանձնվող 11 տների բնակիչները թողել են տները. այժմ բանակցություններ են, թե որ զորքը որտեղ է կանգնելու. Շուռնուխի վարչական ղեկավար |tert.am|

tert.am: Երեկ երեկոյան Սյունիքի մարզի Շուռնուխ բնակավայրի՝ Ադրբեջանին հանձնվող 11 տների բնակիչներն իրենց տները թողել, իրերից ինչ կարողացել, հավաքել են ու տեղափոխվել: Այս ասաց Շուռնուխի վարչական ղեկավար Հակոբ Արշակյանը: «11 ընտանիք է, 12-րդ տունն էլ մնում էր ճանապարհի կողմում, այդ տան անդամներն էլ են դուրս եկել: Մեղվի փեթակները թողել են, ինչ հասցրել են, այն էլ վերցրել են: Հիմա ադրբեջանցիները տեղափոխություններ են անում, իրենց դրոշը դրված է: Իմ տունն էլ է մնացել Ադրբեջանին հանձնվող հատվածում, մեր ընտանիքը տեղավորվել է գյուղապետարանի շենքում, մի մասը՝ գյուղի ազատ տներում, մի մասը տեղափոխվել է Գորիս, Կապան, Երևան»,-ասաց Արշակյանը: Նրա խոսքով՝ այս պահին բանակցություններ են ընթանում ռուս խաղաղապահների, ՀՀ ԱԱԾ սահմանապահ զորքերի և ադրբեջանական զորքերի միջև: Շարունակությունը՝ tert.am-ում։
13:45 - 05 հունվարի, 2021
Շուռնուխում իր տնից դուրս է եկել 12 ընտանիք, 11 տուն անցել է Ադրբեջանի հսկողության տակ, բոլորին կտրվի փոխհատուցում |armenpress.am|

Շուռնուխում իր տնից դուրս է եկել 12 ընտանիք, 11 տուն անցել է Ադրբեջանի հսկողության տակ, բոլորին կտրվի փոխհատուցում |armenpress.am|

armenpress.am: Շուռնուխ գյուղով անցնող Մ2 ավտոմայրուղու ներքևի հատվածում գտնվող 12 տներից 11-ն անցել է Ադրբեջանի հսկողության ներքո, սակայն անվտանգության նկատառումներից ելնելով 12-րդ տնից ընտանիքը ևս դուրս է եկել: 12 ընտանիքից 9-ն այս պահին տեղավորվել է հենց Շուռնուխում, բոլորին կտրվի փոխհատուցում: Շուռնուխում ստեղծված իրավիճակը պարզաբանեց Սյունիքի փոխմարզպետ Նարեկ Բաբայանը: «11+1 տուն. 11-ն անցել է իրենց, մյուսն էլ ստիպված, շատ մոտ գտնվելով, դուրս է եկել: Այսպիսով փաստացի 12 ընտանիք դուրս է եկել իր տներից: Այդ տները գտնվում են միջպետական Մ2 ավտոմայրուղու արևելյան կամ ներքևի հատվածում»,-ասաց Բաբայանը: 12 տներից դուրս եկածներից մեկը տարեց կին է, այժմ նա տեղափոխվել է Կապան՝ իր աղջկա տուն, մինչև կլուծվի հարցը: Երկու ընտանիք տեղափոխվել է Գորիս՝ իրենց հարազատների տուն: Փոխմարզպետի խոսքով՝ մնացած ընտանիքները տեղավորվել են Շուռնուխում դատարկ տներում: «Երեկ մարզպետի հետ քննարկմանը նրանք խնդրեցին երկու ժամանակավոր տնակ:  Մարզպետն իրենց տրամադրեց այդ երկու տնակները: Եվ այս պահին այդ 12 ընտանիքից 9-ը տեղակայվել է գյուղում»,-ասաց Բաբայանը: Նրա վստահեցմամբ՝ պետությունն այդ ընտանիքներին միանշանակ փոխահատուցում տրամադրելու է: Այս փուլում քննարկվում է, որ հենց Շուռնուխում նոր բնակարաններ կառուցվեն և տրամադրվեն այդ բնակիչներին: «Բայց դա պետք է լինի իրենց հետ համատեղ քննարկման արդյունքում»,-նշեց Բաբայանը: Շուռնուխ գյուղում ընդհանուր առմամբ կա 45 ընտանիք: Այսպիսով նրանցից երկուսն այս պահին Գորիսում է, մեկը՝ Կապանում: Փոխմարզպետի խոսքով՝  բոլոր միջոցները ձեռնարկում են, որ նրանք էլ շատ արագ վերադառնան գյուղ, կարծում է, որ շատ մոտ ապագայում այդ հարցը կլուծվի: «Ամեն ինչ պետք է անենք, որ բնակիչները Շուռնուխում իրենց անվտանգ զգան»,-նշեց Բաբայանը: Նա նաև վստահեցրեց, որ Շուռնուխի տարածքից արոտավայր, խոտհարք կամ վարելահող չի անցնում հակառակորդին: «Բայց քանի որ շուռնուխցիների մի մասն իրենց խոտհարքը կազմակերպում էր Կուբաթլուի տարածքում, այդ առումով բնակիչները խնդիր ունենալու են»,- ասաց Բաբայանն ու հավելեց, որ հակառակորդի հսկողության տակ անցած տների տնամերձերի մասով ևս փոխհատուցում կտրվի:  Փոխմարզապետը վստահեցրեց, որ դպրոցի հետ կապված խնդիր ևս չկա: «Համացանցում  նյութ, նկարներ էին տարածվում՝ գրադարանի հետ կապված: Ուզում եմ տեղեկացնել, որ բոլոր գրքերը տեղափոխվել են, թշնամուն ոչ մի գիրք չի մնացել:  Կար կադր, որում թափված գրքեր էին. գրքերը տեղափոխելու ընթացքում ընդամենը միջադեպ է եղել, գրապահարան է շրջվել, գրքեր են թափվել: Եվ ինչ-որ մեկը պարզապես շտապել է ֆիքսել այդ կադրը և այդպես ներկայացրել»,-ասաց նա: Անդրադառնալով անվտանգությանը՝ փոխմարզպետը պարզաբանեց՝ մայրուղու՝ ադրբեջանական հսկողության տակ անցած հատվածում՝  ճանապարհի ներքևի հատվածում ադրբեջանցիները տեղադրել են վրան և տեղակայվել: «Մայրուղու վերևի հատվածում տեղակայվել են ՀՀ ԱԱԾ սահմանապահ զորքերը: Մայրուղու վրա տեղակայվել են ռուս սահմանապահ զորքերը: Կարծում եմ՝ այդ հատվածում մայրուղին լիարժեք անվտանգ է, քանի որ վերահսկսվում է և մեր ԱԱԾ սահմանապահ զորքերի կողմից և ռուս սահմանապահների կողմից»,-ասաց նա:
21:54 - 04 հունվարի, 2021
Գորիս-Կապան միջպետական ավտոճանապարհը գործում է անխափան և անվտանգ է բնականոն երթևեկության կազմակերպման համար. ԱԱԾ

Գորիս-Կապան միջպետական ավտոճանապարհը գործում է անխափան և անվտանգ է բնականոն երթևեկության կազմակերպման համար. ԱԱԾ

ՀՀ ազգային անվտանգության ծառայությունը հայտնում է, որ Գորիս-Կապան միջպետական ավտոճանապարհը գործում է անխափան և անվտանգ է բնականոն երթևեկության կազմակերպման համար: Միաժամանակ տեղեկացվում է, որ Սյունիքի մարզի Շուռնուխ բնակավայրի հատվածում ՀՀ ԱԱԾ սահմանապահ զորքերի և ՀՀ-ում ՌԴ ԱԴԾ սահմանապահ վարչության ստորաբաժանումների կողմից իրականացվում են սահմանի պահպանության համապատասխան միջոցառումներ, միջադեպեր չեն գրանցվել, իրավիճակը լիովին վերահսկելի է, և ազգաբնակչության կողմից անհանգստանալու առիթներ չկան: Ազգային անվտանգության ծառայությունը հորդորում է այս ուղղությամբ ևս բացառապես հետևել պաշտոնական լրահոսին և իրազեկում, որ անհրաժեշտության դեպքում կտրամադրվի լրացուցիչ տեղեկատվություն:
18:31 - 30 դեկտեմբերի, 2020
Սահմանագծման և սահմանազատման գործընթացների հետ կապված ՀՀ ԱԳՆ-ն տրամարդել է կարևոր նշանակության պաշտոնական դիրքորոշում. ՀՀ ՄԻՊ

Սահմանագծման և սահմանազատման գործընթացների հետ կապված ՀՀ ԱԳՆ-ն տրամարդել է կարևոր նշանակության պաշտոնական դիրքորոշում. ՀՀ ՄԻՊ

Հայաստանի Սյունիքի մարզ կատարած այցի արդյունքներով պաշտոնական հարցում էի ուղարկել ՀՀ արտաքին գործերի նախարարություն` կապված սահմանագծման և սահմանազատման գործընթացների հետ` հաշվի առնելով ստեղծված իրավիճակում մարդու իրավունքների վրա այդ գործընթացների ուղիղ ազդեցությունը: Այս մասին Ֆեյսբուքի էջում գրել է ՀՀ մարդու իրավունքների պաշտպան Արման Թաթոյանը:   «ՀՀ ԱԳՆ-ն տրամարդել է կարևոր նշանակության պաշտոնական դիրքորոշում: Ստորև այն հրապարակում եմ ամբողջությամբ. «Պետական սահմանների սահմանագծումը (դելիմիտացիան) և սահմանազատումը (դեմարկացիան) հաջորդաբար իրականացվող երկկողմ միջազգային գործընթացներ են, որոնք պահանջում են համատեղ հանձնաժողովի առկայություն և դրա շրջանակներում մասնագիտական քննարկումների և բանակցությունների անցկացում։ Վերոնշյալ գործընթացների առաջնային պայման է սահմանակից պետությունների միջև երկկողմ բնականոն, այդ թվում` դիվանագիտական հարաբերությունների առկայությունը:  Միջազգային պրակտիկայում՝ սահմանակից երկրների միջև սահմանագծման և սահմանազատման գործընթացներն իրականացնելու նպատակով ձևավորվում է համապատասխան երկկողմ միջկառավարական հանձնաժողով (երկրների արտաքին քաղաքական գերատեսչությունների ներկայացուցիչների գլխավորությամբ)՝ բաղկացած պետական շահագրգիռ մարմինների (արտաքին քաղաքական, պաշտպանության և անվտանգության ոլորտներից) ներկայացուցիչներից և փորձագետներից (մասնավորապես՝ գեոդեզիայի և քարտեզագրության ոլորտից)։  Նման հանձնաժողովների աշխատանքների առաջին փուլը, որպես կանոն, ավարտվում է առանձին երկկողմ համաձայնությամբ՝ սահմանագծման իրավական հիմքերի շուրջ, հետագայում՝ սահմանագծման ավարտից հետո, նաև սահմանազատման գործընթացի համատեղ իրականացման շուրջ։  Հանձնաժողովի կողմից երկկողմ գործընթացի բարեհաջող ավարտից հետո կնքվում է երկու պետությունների միջև սահմանի մասին համաձայնագիր, որով արձանագրվում է սահմանային հարցերում բոլոր խնդիրների լուծված լինելու հանգամանքը։  Նախքան վերոնշյալ գործընթացների մեկնարկը և դրանց բարեհաջող ավարտը՝ պետական սահմանի երկայնքով մարտական հերթապահություն իրականացնելու նպատակով զինված ուժերի կամ սահմանապահ զորքերի տեղակայումը բացառապես պաշտպանական և անվտանգային բնույթի միջոցառում է՝ կողմերի փաստացի վերահսկողության տակ գտնվող բնագծերում, որն անմիջականորեն կամ միջնորդավորված բանակցվում է զինված ուժերի ներկայացուցիչների միջև:  Ուստի, ներկայումս ընթացող միջոցառումների իրականացումը չի առնչվում կարգավիճակային հարցերին, չի կարող մեկնաբանվել որպես սահմանագծման և սահմանազատման շուրջ վերջնական համաձայնություն կամ գոյություն ունեցած վարչական սահմանների մեխանիկական հաստատում»:  Ինչպես նշված, այնպես էլ տարբեր այլ հարցերով ՀՀ ԱԳՆ-ի հետ, հատկապես միջազգային կառույցներում մեր երկրի մշտական ներկայացուցիչների, մի շարք պետություններում մեր դեսպանների հետ Հայաստանի մարդու իրավունքների պաշտպանի հաստատությունն ունի հաստատված արդյունավետ համագործակցություն ու վստահելի գործընկերային աշխատանք»,- գրել է Թաթոյանը:
09:29 - 30 դեկտեմբերի, 2020
Մարուքյանն «Իմ քայլը» խմբակցության Սյունիքից ընտրված պատգամավորին հորդորեց վայր դնել մանդատը

 |armenpress.am|

Մարուքյանն «Իմ քայլը» խմբակցության Սյունիքից ընտրված պատգամավորին հորդորեց վայր դնել մանդատը |armenpress.am|

armenpress.am: ՀՀ Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը «Իմ քայլը» խմբակցության Սյունիքից ընտրված պատգամավոր Արմեն Խաչատրյանին հորդորեց վայր դնել մանդատը: Այս մասին Մարուքյանն ասաց խորհրդարանի նիստի ընթացքում իր ելույթում` նշելով, որ իշխանության ներկայացուցիչներն այժմ չեն կարողանում անարգել մտնել Սյունիք` մի խումբ սյունեցիների բողոքի ակցիաների պատճառով: «Պարոն Խաչատրյան, դուք, որպես Սյունիքից ընտրված պատգամավոր, լավ կանեք` ձեր մանդատը վայր դնեք, ձեր նախորդ գործընկերոջ պես, դրանով ցույց տալով ձեր բողոքը»,- ասաց Մարուքյանը` ակնարկելով «Իմ քայլը» խմբակցության Սյունիքից ընտրված պատգամավոր Տիգրան Կարապետյանին, ով հայտարարել է պատգամավորական մանդատը վայր դնելու մասին: Ի պատասխան Մարուքյանի ելույթի, Արմեն Խաչատրյանը նշեց, որ օրեր առաջ է վերադարձել Սյունիքի մարզ կատարած այցից և դուրս եկավ նիստերի դահլիճից, իսկ պատգամավոր Էդմոն Մարուքյանը հիշեցրեց, որ ՀՀ վարչապետ Նիկոլ Փաշինյանը Սյունիք կատարած այցի ընթացքում Սիսիանում այցը դադարեցրել էր՝ հայտարարելով, որ չի պատրաստվում գնալ ճանապարհը փակած քաղաքացիների հետ բախումների:
12:31 - 28 դեկտեմբերի, 2020
Կարմիր գիծը մեր տարածքային ամբողջականությունն է․ Նիկոլ Փաշինյան

Կարմիր գիծը մեր տարածքային ամբողջականությունն է․ Նիկոլ Փաշինյան

Մի կողմից ասում են՝ չկան սահմաններ, մյուս կողմից ասում են՝ ադրբեջանցիները ազատ ելումուտ են անում ՀՀ սահմաններ։ Այս մասին ասաց ՀՀ վարչապետ Նիկոլ Փաշինյանը՝ Հանրային ՀԸ-ին տված հարցազրույցի ժամանակ։ «Մեզ ուղղված շատ մեղադրանքներ իրար բացառող են։ Մի դեպքում մեզ քննադատում են նրա համար, որ միջոցներ չենք ձեռնարկել պատերազմը կանխելու համար, մյուս կողմից մեզ մեղադրում են, որ միջոցներ ենք ձեռնարկում նոր պատերազմը կանխելու համար։ Ի վերջո, ՀՀ-ն անկախություն է ստացել որոշակի տարածքում, եթե հարցեր կան այդ մասին, ես վկայակոչել եմ 2010-ին ընդունված «ՀՀ Վարչատարածքային բաժանման մասին» օրենքը»,- ասաց նա, նաև հակադարձեց ընդդիմության այն պնդմանը, թե դա պետական սահմանին չի վերաբերում՝ ասելով, թե Ադրբեջանի Հանրապետության սահմանները ինչ կապ ունեն ՀՀ ներքին վարչատարածքային բաժանման հետ։ Վարչապետի խոսքով՝ եթե ՀՀ-ից ներս գոյություն ունի Ադրբեջանի Հանրապետության տարածք, էլ ոնց են ասում, որ Ադրբեջանի ներկայացուցիչները մտել են ՀՀ տարածք։ Նա հարց ուղղեց, թե այսինքն ՀՀ ներսում կա Ադրբեջա՞ն։ «Այսօր տեղի է ունեցել այն, ինչ գրվել է 2010-ին ընդունված օրենքում։ Դա տեղի է ունենում նոր պատերազմից խուսափելու համար։ Երբ Սերժ Սարգսյանն ասում էր՝ ՀՀ-ն պատրաստակամություն է հայտնել թողնել 7 շրջանները, դրանց մեջ Զանգիլանն ու Ղուբաթլին էլ էին մտնում, և նկատի է առնվում նույն բանը։ Միջոցները, որ ձեռնարկվել են, ձեռնարկվել են Սյունիքի անվտանգության ապահովման համար։ Քանի որ նոյեմբերի 9-ի հայտարարության ստորագրման պահին Կուբաթլուի և Զանգելանի 90 և ավելի տոկոսը եղել է Ադրբեջանի վերահսկողության ներքո, եղել է բանավոր ըմբռնում այդ համատեքստում, որ այդտեղ պետք է սահմանային որոշակի կետերի ճշգրտում իրականացնել։ Այն ժամանակ, որ պարզ է եղել, որ այս հարցի շուրջ կարող է տեղի ունենալ պատերազմ, որ կարող է անցում կատարել դեպի Սյունիքի մարզ, մենք միջոցներ ենք ձեռնարկել Սյունիքի անվտանգությունը ապահովելու համար։ Ձեռնարկված միջոցի էությունն այն է, որ վերահսկողության տակ գտնվող գոտին համընկնի ՀԱՊԿ պատասխանատվության գոտում գտնվող տարածքների հետ, որ կոնկրետ ՌԴ անվտանգային պարտավորությունները Հայաստանի հանդեպ գործարկելու համար որևէ խոչընդոտ չլինի»,- ասաց Նիկոլ Փաշինյանը։ Նա նշեց, որ Սյունիքի մարզը, որը գոյություն է ունեցել Խորհրդային Հայաստանում, ամբողջությամբ այսօր էլ գոյություն ունի։ «Արված գործողությունների արդյունքում կանխվել է պատերազմը Սյունիքում ոչ միայն այսօր, այլև ընդհանրապես, որովհետև մենք տեղաբաշխված ենք այնպես, որ Սյունիքի նկատմամբ ոտնձգության դեպքում կխառնվի նաև ՌԴ-ն։ Սա չի նշանակում, որ չի կարող լինել բանավեճ մի կամ երկու կամ տասը տան վերաբերյալ։ Մոտ 20 հողամասի վերաբերյալ կա բանավեճ։ Ճանապարհների հետ կապված՝ կա բանավեճ։ Մենք ասել ենք՝ եկեք երաշխավորենք, որ այդ ճանապարհը աշխատի, հետո կհասկանանք։ Ամենատարբեր տարբերակներ կան բանավեճերը լուծելու, բայց որ ՀՀ տարածքը եղել է և շարունակում է լինել անձեռնմխելի, երկու կարծիք լինել չի կարող»,- հայտնեց Նիկոլ Փաշինյանը։ Վարչապետը դարձյալ անդրադարձավ այն հարցին, թե ինչու չի կանգնեցվել պատերազմը՝ ընդգծելով, որ պատերազմը կանխելու մեկ ճանապարհ կար՝ 7 տարածքների վերադարձը։  Վարչապետը վերահաստատեց, որ եռակողմ հայտարարության մեջ Սյունիք, միջանցք, Մեղրի բառեր չկան, և կա տրանսպորտային ուղիների դեբլոկացիայի պնդում։ Հարցին, թե այստեղ որն է ՀՀ կարմիր գիծը, Նիկոլ Փաշինյանն արձագանքեց. «Կարմիր գիծը մեր տարածքային ամբողջականությունն է»։ «Երեկ, օրինակ, Վերին Լարսը փակ էր բոլոր տեսակի բեռնատարների համար։ Եթե պարզվի, որ կարող ենք երկաթուղային հաղորդակցություն ունենալ ՌԴ-ի, Իրանի հետ Նախիջևանով, դա մեզ համար լավ նորություն կլինի, թե՞ վատ։ Մենք ոնց ենք պատկերացնում, մենք Նախիջևանի և Ադրբեջանի տարածքով պիտի գնանք ՌԴ, բայց Ադրբեջանը մեր տարածքով չպիտի՞ գնա Նախիջևան»,- ասաց վարչապետը։
23:04 - 27 դեկտեմբերի, 2020