Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Հայ-վրացական սահմանին վրաց սահմանապահների կողմից խիստ ստուգումներ են: |aliq.ge|

Հայ-վրացական սահմանին վրաց սահմանապահների կողմից խիստ ստուգումներ են: |aliq.ge|

aliq.ge: Հայ-վրացական սահմանին վրաց սահմանապահների կողմից խիստ ստուգումներ են: Հայաստանից Վրաստան անցնող քաղաքացիներին երկար պահում են սահմանակետում, ստուգում են ինչպես առողջական վիճակը, այնպես էլ ուղեբեռի պարունակությունը, ուղևորները պարտադիր պետք է դիմակներով լինեն: Բոլոր պայուսակները բացվում ու հատ-հատ ստուգվում են: Պարտադիր ստուգվում է՝ քաղաքացին եղել է Իրանում, թե ոչ: Սահմանում պարբերաբար մեծ հերթեր են գոյանում: Շարունակությունը՝ aliq.ge-ում։

16:26 - 29 փետրվարի, 2020

Թբիլիսի–Երևան չվերթների չեղարկումը կապված է բացառապես ավիաընկերությունների չվացուցակներում տեղի ունեցած փոփոխությունների հետ. դեսպանատուն |aysor.am|

Թբիլիսի–Երևան չվերթների չեղարկումը կապված է բացառապես ավիաընկերությունների չվացուցակներում տեղի ունեցած փոփոխությունների հետ. դեսպանատուն |aysor.am|

aysor.am: Վրաստանում ՀՀ դեսպանատունը տեղեկացնում է, որ Թբիլիսիից դեպի Երևան Georgian Airways և Armenia Aircompany ավիաընկերությունների այսօր նախատեսված չվերթների չեղարկումը կապված է այդ ավիաընկերությունների չվացուցակներում տեղի ունեցած փոփոխությունների հետ։ Հայտնում են նաև, որ վաղվանից ավիաչվերթները կշարունակվեն ըստ ժամանակացույցի:

15:36 - 29 փետրվարի, 2020

Թբիլիսին չեղարկել է դեպի Երևան թռիչքները |aliq.ge|

Թբիլիսին չեղարկել է դեպի Երևան թռիչքները |aliq.ge|

aliq.ge: Թբիլիսին չեղարկել է դեպի Երևան թռիչքները: Ինչպես հայտնի է, այսօր երեկոյան 18:50-ին Թբիլիսիից Երևան չվերթ պետք է կատարեին ինչպես Georgian Airways, այնպես էլ Armenia Aircompany-ի ինքնաթիռները, սակայն Թբիլիսին չեղարկել է թռիչքները: Թռիչքների չեղարկման պատճառը դեռևս հայտնի չէ:

13:31 - 29 փետրվարի, 2020

Զոհրաբ Մնացականյանը հանդիպել է Վրաստանի պաշտպանության նախարարի հետ

Զոհրաբ Մնացականյանը հանդիպել է Վրաստանի պաշտպանության նախարարի հետ

Հայաստանի Հանրապետության արտաքին գործերի նախարար Զոհրաբ Մնացականյանը փետրվարի 28-ին հանդիպեl է Վրաստանի պաշտպանության նախարար Իրակլի Ղարիբաշվիլիի գլխավորած պատվիրակությանը: Կողմերը գոհունակությամբ ընդգծել են պատմական բարեկամության և բարիդրացիական հարաբերությունների բարձր մակարդակը՝ վերահաստատելով երկկողմ պատրատասկամությունը՝ քայլեր ձեռնարկելու հայ-վրացական համապարփակ օրակարգի ընդլայնման և հարստացման ուղղությամբ: ԱԳ նախարարը գոհունակությամբ արձանագրել է, որ Հայաստանի և Վրաստանի միջև տարբեր մակարդակներում առկա է երկխոսության և համագործակցության հագեցած օրակարգ, որը պայմանավորված է նաև երկու երկրների ռազմավարական փոխկապակցվածությամբ: Անդրադարձ է կատարվել տարածաշրջանային մի շարք հարցերի: Նախարար Մնացականյանը վրացական կողմին ներկայացրել է Լեռնային Ղարաբաղի խաղաղ կարգավորման գործընթացում Հայաստանի սկզբունքային դիրքորոշումը և մոտեցումները: Երկուստեք ընդգծվել է, որ հակամարտությունների խաղաղ կարգավորումն այլընտրանք չունի:

16:48 - 28 փետրվարի, 2020

Ձնահոսքի վտանգի պատճառով Լարսը փակ է |aliq.ge|

Ձնահոսքի վտանգի պատճառով Լարսը փակ է |aliq.ge|

aliq.ge: Վրաց-ռուսական սահման տանող` Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում արգելվել է բոլոր մեքենաների տեղաշարժը։ Վրաստանի ավտոճանապարհների դեպարտամենտը տեղեկացնում է, որ ճանապարհն ամբողջովին փակելու որոշումը կայացվել է `օդի ջերմաստիճանի կտրուկ բարձրացման ու ձնահոսքի վտանգի հետ կապված։ Միջպետական ավտոճանապարհի մնացած հատվածներում սահմանափակումներ չկան։

14:47 - 28 փետրվարի, 2020

Արմեն Գրիգորյանը Վրաստանի հետ սահմանը փակելու անհրաժեշտություն չի տեսնում |armenpress.am|

Արմեն Գրիգորյանը Վրաստանի հետ սահմանը փակելու անհրաժեշտություն չի տեսնում |armenpress.am|

armenpress.am: Հայաստանի Հանրապետության անվտանգության խորհրդի քարտուղար Արմեն Գրիգորյանը կորոնավիրուսի տարածումը կանխարգելելու աշխատանքների շրջանակներում Վրաստանի հետ սահմանը փակելու անհրաժեշտություն այս պահին չի տեսնում: Անդրադառնալով հարցին, կորոնավիրուսի տարածումը կանխարգելելու աշխատանքների շրջանակներում կարո՞ղ է քննարկվել Վրաստանի հետ սահմանը փակելու հարցը, Արմեն Գրիգորյանը պատասխանեց. «Եթե դրա անհրաժեշտությունը լինի, կքննարկվի. այս պահին դրա անհրաժեշտությունը դեռ չկա»: Հարցին՝ ազգային անվտանգության լուրջ խնդիր չի՞ լինի, եթե փակ լինեն թե Իրանի, թե Վրաստանի հետ սահմանները, անվտանգության խորհրդի քարտուղարը պատասխանեց. «Մենք դեռ այդ իրավիճակին չենք հասել։ Անվտանգության տեսանկյունից կքննարկենք, Եթե անհրաժեշտություն լինի, կփակենք, եթե չէ, չենք փակի»։

11:08 - 28 փետրվարի, 2020

Փաշինյանը կարևորել է պաշտպանության ոլորտում Վրաստանի հետ համագործակցության 2020թ․ ծրագրի ստորագրումը

Փաշինյանը կարևորել է պաշտպանության ոլորտում Վրաստանի հետ համագործակցության 2020թ․ ծրագրի ստորագրումը

Վարչապետ Նիկոլ Փաշինյանը փետրվարի 27-ին ընդունել է պաշտոնական այցով Հայաստան ժամանած Վրաստանի պաշտպանության նախարար Իրակլի Ղարիբաշվիլիին: Ինչպես տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, ողջունելով Վրաստանի պաշտպանության նախարարի և նրա գլխավորած պատվիրակության այցը Հայաստան՝ վարչապետն ընդգծել է հայ-վրացական ռազմավարական հարաբերությունների շարունակական զարգացման կարևորությունը: Նիկոլ Փաշինյանը նշել է, որ պաշտպանական բնագավառում փոխգործակցությունը Հայաստան-Վրաստան գործընկերության կարևորագույն բաղադրիչներից է և կարևոր համարել փետրվարի 27-ինր երկու երկրների պաշտպանության նախարարությունների միջև պաշտպանության ոլորտում երկկողմ համագործակցության 2020թ․ ծրագրի ստորագրումը: Իրակլի Ղարիբաշվիլին նշել է, որ ուրախ է կրկին այցելել բարեկամ Հայաստան, որի հետ Վրաստանը սերտ բարեկամական հարաբերություններ և ամուր գործընկերություն ունի: Նա գոհունակություն է հայտնել ՀՀ պաշտպանության նախարարի հետ համագործակցության, նաև փետրվարի 27-ին կայացած հանդիպման կապակցությամբ և կարևորել պաշտպանության ոլորտում երկկողմ համագործակցության 2020թ․ ծրագրի ստորագրումը: Զրուցակիցները քննարկել են երկկողմ հարաբերություններին, այդ թվում՝ հայ-վրացական պաշտպանական փոխգործակցության օրակարգին վերաբերող հարցեր: Զրուցակիցներն ընդգծել են, որ երկու երկրներին և ժողովուրդներին միավորում են պատմամշակութային դարավոր կապերը և քրիստոնեական արժեհամակարգը, որոնք ամուր հենք են բարեկամական համագործակցության խորացման և սերտացման համար: Անդրադառնալով տարածաշրջանային անվտանգության մարտահրավերներին՝ Նիկոլ Փաշինյանը և Իրակլի Ղարիբաշվիլին մտքեր են փոխանակել հակամարտությունների խաղաղ կարգավորման, այդ ուղղությամբ փոխադարձ ջանքերի կարևորության շուրջ:

18:40 - 27 փետրվարի, 2020

Հայաստանը Վրաստանում կմասնակցի ՆԱՏՕ-ի Noble Partner բազմազգ զորավարժություններին |tert.am|

Հայաստանը Վրաստանում կմասնակցի ՆԱՏՕ-ի Noble Partner բազմազգ զորավարժություններին |tert.am|

tert.am: Հայաստանի և Վրաստանի պաշտպանության նախարարությունների միջև ստորագրվել է 2020 թվականի ռազմական համագործակցության ծրագիր: Այս մասին Վրաստանի պաշտպանության նախարար Իրակլի Ղարիբաշվիլի հետ համատեղ ասուլիսի ընթացքում հայտարարեց ՀՀ պաշտպանության նախարար Դավիթ Տոնոյանը: «Ծրագրում ներառված են պաշտպանության բնագավառում միջոցառումներ, վերջիններս ընդգրկում են ռազմական կրթություն, զինծառայողների սոցիալական պաշտպանության, խաղաղապահության և լեռնային պատրաստության ոլորտները: Ինչպես նաև պայմանավորվածություն ձեռք բերվեց ընդլայնել մի շարք այլ ոլորտներում համագործակցությունը՝ դեռևս չներառելով երկկողմանի ծրագրում»,-մանրամասնեց նախարարը: Դավիթ Տոնոյանը հավաստիացրեց, որ ՀՀ-ն և Վրաստանը ձգտում են իրենց ուրույն ներդրումն ունենալ առավել անվտանգ և բարեկեցիկ Հարավային Կովկասի կերտման գործում: Վրաստանի պաշտպանության նախարար Իրակլի Ղարիբաշվիլին էլ տեղեկացրեց, որ ՀՀ զինծառայողները մասնակցելու են Վրաստանում նախատեսված ՆԱՏՕ-ի Noble Partner բազմազգ զորավարժություններին:

17:39 - 27 փետրվարի, 2020

Վրաստանում կորոնավիրուսով ախտորոշված պացիենտի հետ շփված 4 անձինք հետազոտվել են և նրանց մոտ չի հայտնաբերվել վարակը

Վրաստանում կորոնավիրուսով ախտորոշված պացիենտի հետ շփված 4 անձինք հետազոտվել են և նրանց մոտ չի հայտնաբերվել վարակը

ՀՀ Առողջապահության նախարար Արսեն Թորոսյանը ֆեյսբուքյան իր էջում գրում է․ «Քիչ առաջ խոսեցի Վրաստանի առողջապահության նախարար Եկատերինե Տիկարաձեի հետ, որպեսզի հասկանամ կորոնավիրուսով պայմանավորված իրավիճակը մեր հարևան երկրում: Նախարարի հավաստմամբ` կորոնավիրուսով ախտորոշված պացիենտի հետ շփված 4 անձինք հետազոտվել են և նրանց մոտ չի հայտնաբերվել վարակը: Նրանք 14 օր կմնան մեկուսացման մեջ»։

10:22 - 27 փետրվարի, 2020

Վրաստանում արձանագրվեց կորոնավիրուսի առաջին դեպքը |aliq.ge|

Վրաստանում արձանագրվեց կորոնավիրուսի առաջին դեպքը |aliq.ge|

aliq.ge: Վրաստանի առողջապահության նախարար Էկատերինա Տիկարաձեն քիչ առաջ անցկացրած արտակարգ մամուլի ասուլիսի ժամանակ հայտարարեց, որ Վրաստանում արձանագրվել է Կորոնավիրուսի առաջին դեպքը: Վարակը հաստատվել է Վրաստանի քաղաքացու մոտ, ով երեկ Ադրբեջանից է մուտք գործել Վրաստան: Պացիենտն այժմ գտնվում է ինֆեկցիոն հիվանդանոցում: Առողջապահության նախարարը Վրաստանի բնակչությանը կոչ է անում չմատնվել խուճապի ու վստահեցրել է, որ տարվում են անհրաժեշտ կանխարգելիչ աշխատանքներ:

09:43 - 27 փետրվարի, 2020

Վրաստանում կհարգեն Սումգայիթի ջարդերի զոհերի հիշատակը |aliq.ge|

Վրաստանում կհարգեն Սումգայիթի ջարդերի զոհերի հիշատակը |aliq.ge|

aliq.ge: «Վրաստանի Հայ Համայնք» հասարակական կազմակերպության նախաձեռնությամբ փետրվարի 29-ին կհիշատակվի 1988 թվականի Սումգայիթի հայ բնակչության ջարդերի տարելիցը։ «Լինելու է նաև ուսանողների կողմից պատրաստված քննարկում՝ Խոջալուի դեպքերի մասին, որտեղ ներկայացվելու են անհերքելի փաստեր, նկարներ և այլ նյութեր», — ասվում է ֆեյսբուք սոցիալական ցանցում ՀԿ-ի կողմից բացված միջոցառման գրառման մեջ: Միջոցառումը կմեկնարկի 16։00-ին, ՀԿ-ի գրասենյակում (Ածկղուրի 4ա)։

21:22 - 26 փետրվարի, 2020

Վրաստանի պաշտպանության նախարարը պաշտոնական այցով կժամանի Հայաստան |armenpress.am|

Վրաստանի պաշտպանության նախարարը պաշտոնական այցով կժամանի Հայաստան |armenpress.am|

armenpress.am: Երկօրյա պաշտոնական այցով փետրվարի 27-ին Հայաստան կժամանի Վրաստանի պաշտպանության նախարար Իրակլի Ղարիբաշվիլիի գլխավորած պատվիրակությունը: Այս մասին հայտնեցին ՀՀ պաշտպանության նախարարության տեղեկատվության և հասարակայնության հետ կապերի վարչությունից: Նույն օրը ՀՀ ՊՆ վարչական համալիրի մամուլի սրահում ՀՀ պաշտպանության նախարար Դավիթ Տոնոյանը և Վրաստանի պաշտպանության նախարար Իրակլի Ղարիբաշվիլին հանդես կգան այցի վերաբերյալ համատեղ հայտարարությամբ:

18:45 - 26 փետրվարի, 2020

Ռուսաստանն այսօր էլ դեմ է ՆԱՏՕ-ին Վրաստանի անդամակցությանը․ Գախարիա |aliq.ge|

Ռուսաստանն այսօր էլ դեմ է ՆԱՏՕ-ին Վրաստանի անդամակցությանը․ Գախարիա |aliq.ge|

aliq.ge: «Ռուսաստանն այսօր էլ դեմ է ՆԱՏՕ-ում Վրաստանի լիարժեք անդամագրմանը, հենց հիմա ժամանակն է, որպեսզի ՆԱՏՕ-ն պատասխանի մեր պահանջներին դաշինքում անդամագրվելու կապակցությամբ»,- այս մասին ասվում է Վրաստանի վարչապետ Գիորգի Գախարիայի կողմից հեղինակավոր The Washington Times-ում «Վրաստանն արժանի է ՆԱՏՕ-ի անդամակցությանը. երկիրը կենսական նշանակություն ունի Սև ծովի աշխարհաքաղաքական անվտանգության համար» վերտառությամբ հրապարակված հոդվածում: Վրաստանի կառավարության ղեկավարը անդրադարձել է նաև ՆԱՏՕ-ում Վրաստանի անդամակցության առումով Թուրքիայի իշխանությունների բարձրաստիճան ներկայացուցիչների հստակ աջակցությանը: Հոդվածում Գախարիան նշում է, որ Թուրքիայի ԱԳ նախարար Մեվլութ Չավուշօղլուն Դավոսի համաշխարհային տնտեսական ֆորումում կոչ է արել ՆԱՏՕ-ին անհապաղ ընդունել Վրաստանին որպես լիարժեք անդամ՝ Սև Ծովում անվտանգության և ՆԱՏՕ-ի կողմից մարտահրավերներին պատասխանելու համար:

13:19 - 25 փետրվարի, 2020

Վրաստանը դադարեցնում է Իրանի հետ ավիահաղորդակցությունը |aliq.ge|

Վրաստանը դադարեցնում է Իրանի հետ ավիահաղորդակցությունը |aliq.ge|

aliq.ge: Վրաստանի կառավարությունը կորոնավիրուսի ներթափանցումը երկիր բացառելու համար դադարեցնում է Իրանի հետ ավիահաղորդակցությունը: Կառավարության տարածած հայտարարության համաձայն, այս փուլում տեղափոխվելու համար մնում է ցամաքային սահմանը, որտեղ կգործեն խիստ սահմանափակումներ: Ըստ կառավարության, հարկ եղած դեպքում չի բացառվում նաև ցամաքային արգելքը: Վրաստանի Արտաքին գործերի նախարարությունը տեղեկացնում է, որ Իրանից Վրաստան ուղևորների տեղափոխումը կդադարեցվի, ավիաընկերությունները հնարավորություն կունենան դատարկ ինքնաթիռներով մտնել Վրաստանի տարածք, որպեսզի այստեղ գտնվող իրանցիները վերադառնալու հնարավորություն ունենան: Կորոնավիրուսի տարածումը կանխելու նպատակով Իրանի հետ սահմանն արդեն փակել են Հայաստանը, Թուրքիան, Պակիստանը:

11:32 - 24 փետրվարի, 2020

Սալոմե Զուրաբիշվիլին Ռուսաստանին մեղադրել է Վրաստանի դեմ հիբրիդային պատերազմ վարելու մեջ |news.am|

Սալոմե Զուրաբիշվիլին Ռուսաստանին մեղադրել է Վրաստանի դեմ հիբրիդային պատերազմ վարելու մեջ |news.am|

news.am: Վրաստանի նախագահ Սալոմե Զուրաբիշվիլին Ռուսաստանին մեղադրել է Վրաստանի դեմ հիբրիդային պատերազմ վարելու մեջ: «2019 թվականին նախագահի պաշտոնական կայքի վրա կիբեռհարձակում իրականացնելով՝ Ռուսաստանը հարձակվել է մեր ինքնիշխանության եւ ազգային անվտանգության վրա, փորձել է կաթվածահար անել պետական կառույցների գործունեությունը: Դա միջազգային նորմերի խախտում է: Ռուսաստանը Վրաստանի դեմ հիբրիդային պատերազմ է վարում»։ Ավելի վաղ Վրաստանի ԱԳՆ-ն հայտնել է ,որ անցած տարվա հոկտեմբերին կիբեռհարձակման հետեւում կանգնած է եղել ՌԴ Զինված ուժերի Գլխավոր շտաբի գլխավոր վարչությունը:

20:52 - 20 փետրվարի, 2020

Մեր ընդդիմությունում մնում են մարդիկ, ովքեր ժամանակին ռազմական օբյեկտներ են վաճառել ՌԴ-ին․ Արչիլ Թալակվաձե |shantnews.am|

Մեր ընդդիմությունում մնում են մարդիկ, ովքեր ժամանակին ռազմական օբյեկտներ են վաճառել ՌԴ-ին․ Արչիլ Թալակվաձե |shantnews.am|

shantnews.am: «Ուզում եմ հանգստացնել մեր հասարակությանը: Իշխանությունները խաղաղության և անվտանգության երաշխիք են: Մենք որևէ մեկին առիթ, ինչպես նաև՝ թույլ չենք տա օգտագործել հանգամանքներն՝ իրավիճակն ապակայունացնելու համար»: Այդ մասին խորհրդարանի խոսնակ Արչիլ Թալակվաձեն հայտարարել է լիագումար նիստում ՝անդրադառնալով առաջիկայում Վրաստանում ԵԽ նախարարների կոմիտեի նիստի անցկացմանը: «Մեր ընդդիմությունում առ այսօր մնում են մարդիկ, ովքեր ռազմական նշանակության օբյեկտներ են վաճառել Ռուսաստանին և ռազմադաշտում զինվորներ թողել։ ԵԽ-ում բանաձև են ստորագրել, որով մեղադրում են Վրաստանին ռազմական գործողություններ սկսելու մեջ: Նրանք անմիջական հանդիպումներ են ունեցել Ռուսաստանի Դաշնության քաղաքական ղեկավարության հետ և ԶԼՄ-ների միջոցով լոյալ հայտարարություններ արել: Այսօր նրանց կողմից լսվում են սպառնալիքներ, որ եթե Վրաստանում կայանա ԵԽ կոմիտեի նիստ, երկրում անկարգություններ կկազմակերպեն»,-հայտարարել է խորհրդարանի խոսնակը:

11:46 - 20 փետրվարի, 2020