Վեցերորդ վարչության հատուկ նշանակության վաշտի դիմակավորված աշխատակիցները Հատուկ գործողություն են իրականացվում Կիլիկիայի ավտոկայանում:
Ըստ ավտոկայանի գլխավոր տնօրեն Աշոտ Մնացականյանի, տարիներ շարունակ Կիլիկիա ավտոկայանից հոսանքի կորուստ է տեղի ունեցել։ Մնացականյանը «Ազատության» հետ զրույցում նշեց, որ օրինակ նախորդ ամիս 600 հազար դրամից ավելի գումար է ծախսվել հոսանքի համար, դրան նախորդող ամիսներին՝ ծախսը 1 միլիոնից ավելի է եղել: Նրա պնդմամբ, Հայաստանում գործող 27-28 ավտոկայաններից ամենաշատը հենց այստեղ է հոսանք ծախսվել։ Այս պահին իրավապահները փորձում են հասկանալ՝ ի՞նչ խնդիր է և ինչպե՞ս է այդ հոսանքի արտահոսքը տեղի ունեցել։
Շենքում կապարակնքված երեք դուռ կա, որտեղ, ըստ Աշոտ Մնացականյանի, առանց պայմանագրի գործունեություն է իրականացրել «Բոգո» մականունով հայտնի քրեական հեղինակություն Ռուբեն Կոստանյանը։
Օրերս սեփական տան բակում այրվել էր Կենտրոնական ավտոկայանի նորանշանակ տնօրեն Ռոման Համբարձումյանի ավտոմեքենան, իսկ համացանցում լուրեր էին տարածվել, թե տեղի ունեցածը կապ ունի Ռուբեն Կոստանյանի հետ: Այդ միջադեպի առթիվ էլ Ոստիկանությունում նյութեր են նախապատրաստվում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)