news.am: Վերականգնվող էներգետիկիայի զարգացումը կարեւոր է գազային կախվածությունը նվազեցնելու համար: Այս մասին նոյեմբերի 19-ին «Նվազագույն ծախսերով Հայաստանի էներգահամակարգի զարգացման 2020-2036 թվականների պլանը» հաշվետվությունը ներկայացնելու ժամանակ հայտարարեց ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանը:
Նրա խոսքով՝ Հայաստանում բարենպաստ օրենսդրական բազա է ստեղծվել վերականգնվող էներգետիկիայի զարգացման համար:
«Դրա վկայությունն է փոքր ՀԷԿ-երի զարգացումը: Բացի այդ, ստեղծվել են անհրաժեշտ պայմանները արեւային էներգետիկայի զարգացման համար»,- նշեց նա:
Նշենք, որ նոյեմբերի 19-ին Երեւանում ներկայացվել է «Նվազագույն ծախսերով Հայաստանի էներգահամակարգի զարգացման 2020-2036 թվականների պլանը» հաշվետվությունը:
comment.count (0)