11:31 - 27 մայիսի, 2023
Մահվան ելքով ՃՏՊ՝ Ձորաղբյուր գյուղում․ Renault-ն բախվել է կայանած բեռնատարին, այնուհետև՝ տան պատին և կողաշրջվել
Մայիսի 26-ին, ժամը 19։50-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղի Ազատության փողոցի 4-րդ նրբանցքում տեղի է ունեցել ՃՏՊ՝ ավտոմեքենան բախվել է պատին. անհրաժեշտ է փրկարարների օգնությունը: Այս մասին հաղորդում է ՆԳՆ փրկարար ծառայությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Renault մակնիշի ավտոմեքենան բախվել է ճամփեզրին կայանած GAZ մակնիշի բեռնատարին, այնուհետև՝ տան պատին և կողաշրջվել:
Մինչ փրկարարների կանչի վայր հասնելը՝ Յ. Ս.-ն (ծնված 1964 թ․) հոսպիտալացվել է «Սուրբ Գրիգոր Լուսավորիչ» ԲԿ։
Փրկարարները հոսանքազրկել են ավտոմեքենան, ուղղել այն և քաղաքացի Տ. Ա.-ի (ծնված 1973 թ.) դին մոտեցրել դի տեղափոխող ավտոմեքենային:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)