tert.am: Խերսոնի շրջանային ռազմական վարչակազմի ղեկավար Ալեքսանդր Պրոկուդինը կարճ տեսաուղերձում հաստատել է Կախովսկայա հիդրոէլեկտրակայանում պայթյունի մասին և ասել, որ ջուրը կրիտիկական մակարդակի կհասնի 5 ժամից։
Վարչակազմի ղեկավարի խոսքով` սկսվել է տեղի բնակչության տարհանումը վտանգավոր տարածքներից, որտեղ ջրհեղեղներ են տեղի ունենում։
Ուկրաինական «Հարավ» օպերատիվ հրամանատարությունը ռուսական զորքերին մեղադրել էր Կախովսկայա հիդրոէլեկտրակայանը վնասելու մեջ։
Ռուս զինվորական բլոգերներն իրենց հերթին ուկրաինացի զինվորականներին են մեղադրում հիդրոէլեկտրակայանի փլուզման մեջ։
Shantnews.am-ի փոխանցմամբ՝ Ուկրաինայի նախագահ Վլադիմիր Զելենսկին Ազգային անվտանգության խորհրդի արտակարգ նիստ կանցկացնի՝ կապված Կախովկա հիդրոէլեկտրակայանի պայթյունի հետ, հայտարարել է Անվտանգության խորհրդի քարտուղար Ալեքսեյ Դանիլովը։
Խերսոնի շրջանային ռազմական վարչակազմի ղեկավար Ալեքսանդր Պրոկուդինն ասել է, որ հինգ ժամվա ընթացքում ջրի մակարդակը Կախովսկայա հիդրոէլեկտրակայանի մասնակի փլուզումից հետո կհասնի կրիտիկական մակարդակի։ Նա նաև հայտարարել է Դնեպրի աջ ափից բնակիչների տարհանման մասին, որոնց ջրհեղեղ է սպառնում։ Նա ափամերձ շրջանների բնակիչներին հորդորել է փաստաթղթերը հավաքել և սպասել ավտոբուսներով տարհանմանը։
comment.count (0)