13:28 - 04 սեպտեմբերի, 2023
Ծիծեռնակաբերդի տարածքից 3 անձ բերման է ենթարկվել, այդ թվում՝ Հովսեփ Կուբատյանը
Բերման է ենթարկվել Երևանի քաղաքապետարանի լրատվության վարչության նախկին պետ, Երևանի ավագանու ընտրություններում «Ազգային առաջընթաց» կուսակցության (ղեկավարը՝ Հայկ Մարության) ընտրական ցուցակով առաջադրված Հովսեփ Կուբատյանը։
«Ծիծեռնակաբերդում այգում նստելու համար ինձ տանում են ոստիկանություն` Մալաթիայի բաժին։ Ոչ մի օրինական պահանջ, ոչ մի հիմք», - գրել է Կուբատյանը «Ֆեյսբուքի» իր էջում։
Ոստիկանության լրատվական բաժնից Sputnik Արմենիային հայտնել են, որ Ծիծեռնակաբերդի տարածքից 3 անձ բերման է ենթարկվել Վարչական իրավախախտումների վերաբերյալ ՀՀ օրենսգրքի 182 հոդվածով (ոստիկանության ծառայողի օրինական պահանջը չկատարելը) նախատեսված արարքը կատարելու համար։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)