22:29 - 19 սեպտեմբերի, 2023
ԱՄՆ դեսպանատունը իր քաղաքացիներին խորհուրդ է տալիս չայցելել ՀՀ որոշ տարածքներ՝ Տավուշ, Սյունիք, Երասխ, Վայոց Ձոր
Հայաստանում ԱՄՆ դեսպանատունն իր երկրի քաղաքացիներին զգուշացրել է Արցախում ընթացող մարտերի մասին՝ շեշտելով, որ Հայաստանի և Ադրբեջանի սահմանի երկայնքով ռազմական գործողություններ չեն գրանցվել։
«Դեսպանությունը սա համարում է արագ զարգացող իրավիճակ և շարունակում է ուշադիր հետևել: Հայաստանում ԱՄՆ դեսպանատունը խորհուրդ է տվել դեսպանատան աշխատակիցներին և նրանց ընտանիքներին շարունակել հետևել գործող սահմանափակումներին, այսինքն՝ խուսափել հետևյալ վայրեր ոչ կարևեր ճանապարհորդություններից՝
Տավուշի մարզ՝ Մ4 մայրուղու երկայնքով Իջևանից հյուսիս և բոլոր դեպի արևելք ընկնող բոլոր տարածքները,
Գեղարքունիքի մարզ՝ Սևանա լճից արևելք, Սևանա լճից հարավ և M10 մայրուղուց արևելք, Արարատի մարզ՝ Երասխ գյուղ, Վայոց ձորի մարզ, Սյունիքի մարզ։
Լեռնային Ղարաբաղ մեկնելը նույնպես արգելվում է»,- ասվում է հաղորդագրության մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)