14:07 - 21 սեպտեմբերի, 2023
Սա համազգային պայքար է. Սուրեն Պետրոսյանը և իր կողմնակիցները զանգվածային հացադուլ սկսեցին |armeniasputnik.am|
Ազգային ժողովի դիմաց բողոքի ակցիա իրականացնող «Ժողովրդավարական համախմբում» կուսակցության նախագահ Սուրեն Պետրոսյանը և իր կողմնակիցները զանգվածային հացադուլ են սկսում։
Նշենք, որ ներկայում Արցախի Հանրապետության վերաբերյալ հայաստանյան իշխանությունների քաղաքականությունից դժգոհողները բողոքի ակցիա են իրականացնում խորհրդարանի շենքի դիմաց։
«Սա համազգային պայքար է, նոր սկզիբ պետք է դնենք, կամ գնանք վերջնական տապալման։ Մենք այսօրվանից զանգվածային հացադուլ ենք սկսում։ Մեր նպատակը իշխանություններից ինչ–որ բան պահանջելը չէ։ Բոլոր հոգևորականները, մասնավորապես` վեհափառը, բոլոր մտավորականները, գիտնականները, ակտիվ քաղաքացիները պետք է միանան այս համազգային պայքարին։ Այլ տարբերակ չկա»,– ասաց Պետրոսյանը։
Նրա խոսքով` հացադուլի միակ նպատակն այն է, որ բոլորը հավաքվեն մեկ տեղում և մեկ գաղափարի շուրջ։ Քաղաքական գործիչը շեշտեց` երբ լինի համախմբում,, չեն լինի հասարակությանը տարբեր վայրեր ուղղորդելը, սպասեցնելը։
ԱԺ–ի մոտ բողոքի ակցիա իրականացնող ցուցարարները շարժվելու են Գարեգին Նժդեհի արձանի մոտ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)