13:44 - 29 սեպտեմբերի, 2023
Ավելի քան 50 զոհ և 50 վիրավոր. Պակիստանում մահապարտը մզկիթի մոտ պայթյուն է իրագործել |tert.am|
tert.am: Առնվազն 52 մարդ է զոհվել և ավելի քան 50-ը վիրավորվել Պակիստանի Բելուջիստան նահանգում Մուհամեդ մարգարեի ծննդյան օրվան նվիրված հավաքի ժամանակ մահապարտ ահաբեկչի հարձակման հետևանքով: Այս մասին գրում է The Guardian-ը:
«Մահապարտն իրեն պայթեցրել է ոստիկանության փոխտեսուչի մեքենայի մոտ», - Reuters-ին ասել է ոստիկանության գլխավոր տեսուչի տեղակալ Մունիր Ահմեդը:
Նա հավելել է, որ պայթյունը տեղի է ունեցել մզկիթի մոտ, որտեղ մարդիկ հավաքվել էին երթի համար՝ նշելու Մուհամեդ մարգարեի ծննդյան օրը, որը պետական տոն է:
Նշվում է, որ ոչ մի խմբավորում դեռևս չի ստանձնել պայթյունի պատասխանատվությունը: Պակիստանի «Թալիբանը»՝ տարբեր սուննի իսլամիստական խմբավորումների հովանավոր խմբավորումը, հերքել էիր առնչությունը կատարվածին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)