azatutyun.am: Երևանի քաղաքապետ Տիգրան Ավինյանի խոսքով՝ իշխող «Քաղաքացիական պայմանագիր» խմբակցության հետ խորհրդարանում ունեցած հանդիպմանը քննարկվել են մայրաքաղաքին առնչվող բազմաթիվ հարցեր, պաշտոնանկության հարց չի եղել օրակարգում։
«Մեր գործընկերները բարձրաձայնել են և հարցեր, որոնք իրենք ստացել են քաղաքացիներից, դժգոհություններ, որ ստացել են քաղաքացիներից, բայց հիմնական քննարկումն, իհարկե, ավելի ինստիտուցիոնալ խնդիրների և դրանց լուծման ճանապարհի մասին էր», - լրագրողների հետ զրույցում ասաց նա՝ պատասխանելով հարցին, թե արդյոք իր և քաղաքապետարանի աշխատանքից դժգոհություններրը շա՞տ էին, և արդյոք վստահություն կա՞ իր նկատմամբ։
Ըստ քաղաաքապետի՝ իրենք մի թիմ են, և թիմն է որոշել իրեն առաջադրել քաղաքապետի թեկնածու։
«Այո, ես կշարունակեմ պաշտոնավարել։ Բայց դա այս հանդիպման հետ որևէ կապ չուներ», - շեշտեց նա։
Ավինյանի փոխանցմամբ՝ խոսել են հանրային այգիների ու մայթերի վերականգնման ծրագրերից, կայանատեղիների ռազմավարությունից, տրանսպորտի խնդիրներից և այլն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)