18:17 - 09 փետրվարի, 2024
Դատապարտյալների շախմատի աշխարհի առաջնությանն ընդառաջ «Արմավիր» ՔԿՀ-ում անցկացվել է ներհիմնարկային մրցաշար
Հայաստանի Հանրապետության արդարադատության նախարարության «Արմավիր» քրեակատարողական հիմնարկում Հայաստանի շախմատի ֆեդերացիայի նախաձեռնությամբ, հիմնարկի սոցիալական, հոգեբանական և իրավական բաժնի աջակցությամբ անցկացվել է հերթական ներհիմնարկային շախմատի մրցաշարը, որին մասնակցել է 28 դատապարտյալ, այդ թվում՝ ցմահ ազատազրկման դատապարտված անձինք։
Մրցաշարին ներկա են եղել Շախմատի ակադեմիայի հիմնադիր-նախագահ, Հայաստանի քառակի չեմպիոն, գրոսմայստեր Սմբատ Լպուտյանը և «Արմավիր» քրեակատարողական հիմնարկի վարչակազմը։ Խաղն անցկացրել է Ակադեմիայի մարզիչ, հանրապետական մրցավար Գևորգ Մուրադյանը։
Լավագույնս հանդես եկած դատապարտյալները մասնակցելու են միջհիմնարկային մրցաշարին՝ ազատազրկված անձանց միջև անցկացվող շախմատի աշխարհի առաջնությանն ընդառաջ Հայաստանի դատապարտյալների հավաքական ձևավորելու նպատակով։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)