20:41 - 08 մայիսի, 2024
ԵԱՏՄ–ն 10 տարվա ընթացքում կարևոր հարթակ է դարձել անդամ երկրների համար. Փաշինյան |arm.sputniknews.ru|
arm.sputniknews.ru: Եվրասիական տնտեսական միությունն իր գոյության 10 տարվա ընթացքում անդամ երկրների տնտեսությունների համար դարձել է սերտ և տնտեսական փոխգործակցության նշանակալի հարթակ։ Եվրասիական տնտեսական բարձրագույն խորհրդի նիստի ժամանակ այս մասին ասաց ՀՀ վարչապետ Նիկոլ Փաշինյանը։
«Հասկանալի է, որ ԵԱՏՄ-ի կարգավորող շրջանակը շարունակում է ձևավորվել, և այս գործընթացը դեռ հեռու է ավարտից: Կարևոր է, որ այն ձևավորվում է տնտեսական տրամաբանության շրջանակներում։ Միայն գործընկեր երկրների շահերի նկատմամբ հարգալից վերաբերմունքի հիման վրա կհաջողվի պահպանել ԵԱՏՄ արդյունավետությունը»,– նշեց Փաշինյանը։
Ըստ նրա` ջանքերը պետք է կենտրոնացնել ազգային առաջնահերթությունները հաշվի առնելու վրա։ ՀՀ վարչապետի պնդմամբ` համագործակցությունը պետք է նպաստի միության երկրների քաղաքացիների բարեկեցության բարձրացմանը։
Հայաստանը Եվրասիական տնտեսական միությանն անդամակցում է 2015 թվականի հունվարի 2-ից: Ներկայում ԵԱՏՄ-ին անդամակցում է հինգ պետություն` Հայաստանը, Բելառուսը, Ղազախստանը, Ղրղզստանն ու Ռուսաստանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)