12:57 - 11 հունիսի, 2024
Քարկոփում տեղադրված ժամանակավոր հետիոտնային կամուրջը Դեբեդի նոր վարարման հետևանքով փլվել է |factor.am|
factor.am: Լոռու մարզի Քարկոփում տեղադրված ժամանակավոր հետիոտնային կամուրջը անցած գիշեր Դեբեդը քշել, տարել է: Այս մասին Factor.am-ին հայտնեց ՏԿԵ նախարարի մամուլի քարտուղար Սոնա Հարությունյանը։
«Քանի որ ավելի ցածր էր սարքած ու նեղ ճանապարհ էր, վարարումից ջուրը շրջել է այդ կամուրջ։ Հիմա հինը պետք է հեռացվի և քննարկվի ու կառուցվի նոր ժամանակավոր հետիոտնային կամուրջ կառուցելու հարցը»․- ասաց Հարությունյանը։
Հիշեցնենք, որ կամուրջը մի քանի օր առաջ էր տեղադրվել, որով Ախթալայի և հարակից 6 գյուղերի բնակիչները կարողանում էին կապ հաստատել միմյանց հետ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)