11:53 - 28 հոկտեմբերի, 2024
Լիբանանում ավիահարվածի պատճառով մեկ օրում զոհվել է 19 քաղաքացի |news.am|
news.am: Լիբանանի առողջապահության նախարարության արտակարգ գործողությունների կենտրոնը տեղեկացրել է մեկ օրում զոհվածների մասին իսրայելական ավիահարվածների հետեւանքով։ X-ում ներկայացված ամփոփագրում նշվել է, որ ավիահարվածների զոհ է դարձել 19 մարդ, 108 հոգի վիրավորվել է։
Սպանվածների եւ վիրավորների թիվն ամենամեծն է հարավային Սայդա եւ Տիր շրջաններում, որտեղ զոհվել է 7 եւ վիրավորվել 48 մարդ։ Նաբաթիայում սպանվել է 10 մարդ, 55 հոգի տեղափոխվել է հիվանդանոցներ։
Բաալբեկ-Հերմել նահանգում ռմբակոծությունների հետեւանքով սպանվել է երկու, վիրավորվել հինգ մարդ։
Թարմացվել են իսրայելական հարվածների զոհերի մասին տվյալները 2023թ. հոկտեմբերից հետո։ Զոհերի թիվը հասել է 2 672-ի, վիրավորներինը՝ 12 468-ի։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)