23:28 - 22 նոյեմբերի, 2024
Ծառայողական մեքենաների խնդիրը լուծելու եմ կացնային ձեւով․ դրանք կկրճատվեն մոտ մոտ 80 տոկոսով․ Փաշինյան
Ես ծառայողական մեքենաների խնդիրը լուծելու եմ կացնային ձեւով․ հիմա ինչ է տեղի ունենում․ ես ծառայողական մեքենաների ցուցակներն ուզում եմ, եւ առավոտ էլ էի դրանով զբաղված, եւ էսպես գրիչով խազեր եմ քաշում էդ մեքենաների վրա։ Այս մասին Հանրային հեռուստաընկերությանը տված հարցազրույցում ասաց վարչապետ Նիկոլ Փաշինյանը։
«Համոզված եմ, որ էդ մոտեցման պատճառով որոշակի կազմակերպչական խնդիրներ կառաջանան, բայց կառաջանան, որովհետեւ մեր գործընկերները պատշաճ չեն արձագանքել իմ հրապարակային եւ ոչ հրապարակային ասածներին»,- հավելեց Փաշինյանը։
Հարցին՝ քանի տոկոսն է կացնով հատվելու, Փաշինյանը պատասխանեց՝ շատ մեծ տոկոսը, մոտ 80։
«Բայց ես ուզում եմ ասել, որ խոսքը ծառայողական ավտոմեքենաների մասին է, որովհետև նախարարություններում, գերատեսչություններում կան մեքենաներ, որոնք չեն ծառայում անձանց, այլ ծառայում են աշխատանքների: Այդ մեքենաների թիվը չի կրճատվի ընդհանրապես։ Հնարավոր է նույնիսկ ավելանա այս մյուս մեքենաների հաշվին»,- եզրափակեց վարչապետը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)