09:40 - 30 հունվարի, 2025
Վաշինգտոնի օդանավակայանից ոչ հեռու 64 ուղևորներով ինքնաթիռը բախվել է ուղղաթիռին |news.am|
news.am: Վաշինգտոնի մերձակայքում գտնվող Ռեյգանի ազգային օդանավակայանի մոտ 64 մարդ տեղափոխող ինքնաթիռը բախվել է ԱՄՆ բանակի Black Hawk ուղղաթիռին, հայտնում է CNN-ը։
«Ինքնաթիռը մոտենում էր թռիչքուղուն, հայտնել են Դաշնային ավիացիոն վարչության և պաշտպանության նախարարության ներկայացուցիչները», հաղորդում է հեռուստաալիքը։
Վաշինգտոնի ոստիկանական բաժանմունքի համաձայն, որը վկայակոչում է CNN-ը, այս պահին հաստատված զոհեր չկան։
«Կոլումբիական շրջանի Պոտոմակ գետի շրջանում, որտեղ բախվել են մարդատար ինքնաթիռը և ուղղաթիռը, իրականացվում է արտակարգ իրավիճակների մեծ արձագանք... Ըստ ավիաընկերության՝ ամերիկյան ավիաուղիների 5342 չվերթն օդ է բարձրացել Կանզաս նահանգի Վիչիտա քաղաքից: Սպիտակ տունը հաստատել է, որ միջադեպին մասնակցել է ռազմական ուղղաթիռ»,- ասվում է հեռուստաալիքի հաղորդագրության մեջ։
Ռեյգանի ազգային օդանավակայանում բոլոր թռիչքներն ու վայրէջքները դադարեցվել են։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)