civilnet.am: Մարտի 5-ին Ադրբեջանի նախագահ Իլհամ Ալիևը կմեկնի Անկարա։ Այս մասին հայտնել է Թուրքիայի նախագահի աշխատակազմի հանրային կապերի ղեկավար Ֆահրեթթին Ալթունը։
Ըստ նրա՝ հանդիպմանը երկու նախագահները մտքեր են փոխանակելու տարածաշրջանային և միջազգային հարցերի շուրջ։
Բացի այդ, ըստ թուրքական TRT-ի՝ Էրդողանն ու Ալիևը տեսակապով ուղիղ եթերով մասնակցելու են Իգդիր-Նախիջևան գազամուղի բացման արարողությանը, որի հիմնարկեքի արարողությունը տեղի է ունեցել 2023-ի սեպտեմբերի 25-ին։
Թուրքիայի նախագահ Էրդողանը նախoրեին անդրադառնալով Հարավային Կովկասի իրավիճակին ասել էր հետևյալը՝
«Հաշվի առնելով, որ Հայաստանի հետ հարաբերությունների կարգավորման գործընթացն առաջ է ընթանում՝ մենք անհամբեր սպասում ենք համաձայնության հասնելուն, որը թույլ կտա տևական խաղաղություն հաստատել Ադրբեջանի և Հայաստանի միջև», – ասել է Թուրքիայի ղեկավարը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)