tert.am: Նյու Ջերսիից դեմոկրատ սենատոր Քորի Բուքերը ելույթ է ունեցել ԱՄՆ Սենատում՝ քննադատելով նախագահ Դոնալդ Թրամփի քաղաքականությունը։ Բուկերի ելույթը տևել է 25 ժամ 4 րոպե։ Այսպիսով, նա գերազանցել է դեմոկրատ սենատոր Սթրոմ Թուրմոնդի ռեկորդը, որը 24 ժամ 18 րոպե տեւողությամբ ելույթ էր ունեցել 1957 թվականին, գրում է apnews.com-ը։

Բուքերը երկուշաբթի՝ մարտի 31-ի երեկոյան, սկսել է  ելույթը Սենատում՝ խոստանալով խոսել «այնքան, որքան կարող է ֆիզիկապես»։ Նա ելույթ է ունեցել ամբողջ գիշեր և ավարտել է խոսքը երեքշաբթի, ապրիլի 1-ի երեկոյան։ Նրա ելույթը YouTube-ում դիտել է 2,225,418 օգտատեր։

«Սա նորմալ ժամանակներ չեն մեր երկրի համար: Ամերիկայի ժողովրդին և ամերիկյան ժողովրդավարությանը սպառնացող վտանգները լուրջ և հրատապ են, և մենք բոլորս պետք է ավելին անենք դրանց դիմակայելու համար», - ասել է նա:

Բուքերի ելույթը վերաբերում էր առողջապահության, բարեկեցության, ներգաղթի, տնտեսության, հանրային կրթության, ազատ խոսքի և արտաքին քաղաքականության թեմաներին։