15:08 - 05 ապրիլի, 2025
ԱՄՆ-ն այլևս մտադիր չէ աշխարհի մարդասիրական օգնության բեռի մեծ մասն իր ուսերին տանել. Ռուբիո |azatutyun.am|
azatutyun.am: ԱՄՆ-ն այլևս մտադիր չէ աշխարհի մարդասիրական օգնության բեռի մեծ մասը իր ուսերին տանել, հայտարարել է ԱՄՆ պետքարտուղարը՝ կոչ անելով մոլորակի մյուս հարուստ երկրներին ավելի մեծ պատասխանատվություն ստանձնել Մյանմայի վերջին ավերիչ երկրաշարժից հետո։
«Մենք ողջ աշխարհի կառավարությունը չենք, մարդասիրական օգնություն կտրամադրենք, ինչպես մյուս բոլորը, ու դա կանենք այնպես, ինչպես կկարողանանք»,- Բրյուսելում լրագրողներին ասել է Մարկո Ռուբիոն, հավելելով, - «Մենք նաև այլ կարիքներ ունենք, որոնք պետք է հաշվի առնենք»։
Նախագահ Դոնալդ Թրամփը իր պաշտոնավարման առաջին օրը հրամայեց 90 օրով սառեցնել ԱՄՆ-ի ողջ արտաքին օգնությունը: Այդ որոշումը՝ Միացյալ Նահանգների Միջազգային զարգացման գործակալության (USAID) բազմաթիվ ծրագրերի փակմանը զուգահեռ սասանել է մարդասիրական նախագծերը աշխարհով մեկ։ Դոնալդ Թրամփը հայտարարում է, թե ամերիկացիներից մանդատ է ստացել առաջին հերթին նրանց կարիքները հոգալու համար։
Լուսանկարը՝ Օմար Հավանա/Getty Images։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)