18:08 - 31 մայիսի, 2025
Ստամբուլում կրկին քաղաքապետարանի աշխատակիցներ են բերման ենթարկվել |1lurer.am|
1lurer.am: Ստամբուլում քաղաքապետարանի մի շարք աշխատակիցներ են բերման ենթարկվել՝ կոռուպցիոն հանցագործություններ կատարելու մեղադրանքով։
Թուրքական ԶԼՄ-ների տվյալով՝ ձերբակալման 47 օրդեր է տրվել։ Կասկածյալների թվում են Ստամբուլի երեք խոշոր շրջանի, ինչպես նաև Ադանայի տեղական իշխանությունների ներկայացուցիչներ։
Ավելի վաղ կալանավորվել էր Ստամբուլի քաղաքապետ Էքրեմ Իմամօղլուն, ինչից հետո Թուրքիայում հակակառավարական ակցիաներ էին սկսվել: Նա ևս մեղադրվում է կոռուպցիայի, փողերի լվացման և ահաբեկչության հետ կապ ունենալու համար։ Ընդդիմության համոզմամբ՝ Էքրեմ Իմամօղլուի դեմ հարուցված գործը քաղաքական դրդապատճառներ ունի, քանի որ նա համարվում է առաջիկա ընտրությունում Ռեջեփ Էրդողանի հիմնական մրցակիցը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)