Ֆրանսիան Ուկրաինային կհատկացնի ևս 200 միլիոն եվրո. Շմիհալ |1lurer.am|
19:17 - 04 հունիսի, 2025

Ֆրանսիան Ուկրաինային կհատկացնի ևս 200 միլիոն եվրո. Շմիհալ |1lurer.am|

1lurer.am: Փարիզում կայացած հանդիպման ժամանակ Ուկրաինայի վարչապետ Դենիս Շմիհալը իր ֆրանսիացի գործընկեր Ֆրանսուա Բայրուի հետ պայմանավորվել է Ուկրաինային լրացուցիչ 200 միլիոն եվրո տրամադրելու հարցում: Այն ուղղվելու է վերականգնողական նախագծերին և եվրոպական շուկային ինտեգրմանն աջակցելուն, հայտնում են ուկրաինական լրատվամիջոցները՝ հղում անելով  սոցիալական ցանցում Շմիհալի արած հայտարարությունը։

«Ֆրանսիան մնում է Կիևի ռազմավարական գործընկերը։ Փարիզը ճգնաժամի սկզբից ի վեր Ուկրաինային տրամադրել է 2 միլիարդ եվրո ուղղակի բյուջետային օգնություն»,- ասել է Ուկրաինայի վարչապետը։

Լրատվամիջոցները հայտնել են, որ Շմիհալը հանդիպել է նաև Ֆրանսիական զարգացման գործակալության (AFD) գլխավոր տնօրեն Ռեմի Ռիոյի հետ։

«Մենք շնորհակալ ենք AFD-ին՝ էներգետիկ օբյեկտների, ջրամատակարարման համակարգերի, ճանապարհների, հիվանդանոցների և դպրոցների արդիականացման նախաձեռնությունների համար։ Մենք նաև գնահատում ենք AFD-ի կողմից ֆինանսավորվող քաղաքային զարգացման ջանքերը»,- ասել է Շմիհալը։

Ուկրաինայի վարչապետը հավելել է, որ ճգնաժամի սկզբից ի վեր Զարգացման գործակալությունը Կիևին տրամադրել է 400 միլիոն եվրո։ «Այս պահին մենք ունենք 19 համատեղ նախագիծ և հույս ունենք, որ մեր համագործակցությունը հետագայում կզարգանա»,- ասել է Շմիհալը:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել