09:51 - 12 հունիսի, 2025
Վաշինգտոնը կառուցողական փոխգործակցության է ձգտում Մոսկվայի հետ՝ ռուս-ուկրաինական hակամարտությունը լուծելու նպատակով. Ռուբիո |tert.am|
tert.am: ԱՄՆ պետքարտուղար Մարկո Ռուբիոն շնորհավորել է Ռուսաստանի քաղաքացիներին Ռուսաստանի օրվա կապակցությամբ: Շնորհավորանքները տարածել է երկրի Պետդեպարտամենտի մամուլի ծառայությունը:
Ուղերձում Ռուբիոն նշել է Վաշինգտոնի ցանկությունը՝ կառուցողական փոխգործակցություն ունենալ Մոսկվայի հետ՝ Ուկրաինայում հակամարտությունը լուծելու համար։
«Մենք նաև օգտվում ենք այս հնարավորությունից (Ռուսաստանի օրվա տոն - Խմբ.)՝ հաստատելու Միացյալ Նահանգների ցանկությունը՝ կառուցողական փոխգործակցություն ունենալ Ռուսաստանի Դաշնության հետ՝ Ռուսաստանի և Ուկրաինայի միջև երկարատև խաղաղություն ապահովելու համար», - ասվում է շնորհավորական տեքստում։
Ուղերձի վերջում պետքարտուղարը հույս է հայտնել, որ խաղաղ կարգավորումը կնպաստի Միացյալ Նահանգների և Ռուսաստանի միջև փոխշահավետ հարաբերությունների ամրապնդմանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)