12:32 - 16 հունիսի, 2025
Իրանում մահապատժի են ենթարկել «Մոսադ»-ի հետ կապերի մեջ կասկածվող տղամարդուն |factor.am|
factor.am: Իրանում այսօր մահապատժի են ենթարկել Իսրայելի «Մոսադ» հետախուզական գործակալության օգտին լրտեսության համար մեղադրվող տղամարդու, գրում է իրանական Tasnim-ը։
Էսմայիլ Ֆեքրի անունով տղամարդը դատապարտվել է «իսրայելական ռեժիմի «Մոսադ»-ի համար լրտեսելու, անվտանգության հետախուզական տվյալներ հավաքելու և Իրանում դիվերսիաներ իրականացնելու համար»։
Նշվում է, որ նա «կապի մեջ է եղել «Մոսադ»-ի երկու սպայի հետ, նրան հանձնարարվել է թշնամուն փոխանցել Իրանի գաղտնի և զգայուն տեղեկատվությունը»։
Հաղորդվում է, որ Ֆեքրին կալանավորվել է Իրանի անվտանգության ուժերի կողմից 2023 թվականի դեկտեմբերին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
![Իսրայել-Իրան ռազմական էսկալացիա [ԹԱՐՄԱՑՎՈՂ]](https://cdn.infocom.am/enlarge?file=2025-06-14-13bd6d7c-99ab-4e67-a9d4-12a276c0cce7.jpg&type=jpeg&width=410&height=230)
comment.count (0)