10:47 - 24 հունվարի, 2020
Հաստատվել է տնտեսավարող սուբյեկտների շրջանակը, որոնց մոտ տեսչական ստուգումները կարվեն վեց ամիսը մեկ
ՀՀ կառավարության որոշմամբ հաստատվել է այն տնտեսավարող սուբյեկտների վերանայված շրջանակը, որոնց մոտ բնակչության և շրջակա միջավայրի անվտանգության ապահովման անհրաժեշտությամբ պայմանավորված ստուգումները իրականացվելու են վեց ամիսը մեկ պարբերականությամբ։
Ստուգումներն անցկացնելու իրավասությունը վերապահվել է երկու տեսչական մարմինների՝ Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնին և Հայաստանի Հանրապետության բնապահպանության և ընդերքի տեսչական մարմնին:
Փոփոխությունը կատարվել է Հայաստանի Հանրապետության կառավարության 2011 թվականի դեկտեմբերի 29-ի N 1925-Ն որոշման մեջ։
Ցանկը՝ կից լուսանկարում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)