16:34 - 11 ապրիլի, 2020
Գեղարքունիքում կորոնավիրուսով վարակված պացիենտի շփման շրջանակը հայտնի է. բուժող երկու բժիշկները թեստ են հանձնել |aysor.am|
aysor.am: Գեղարքունիքի մարզում այսօր կորոնավիրուսի առաջին դեպքն է գրանցել։ Վարակակիրը մեկ շաբաթից ավելի բուժում է ստացել Մարտունու բժշկական կենտրոնում:
Գեղարքունիքի մարզպետ Գնել Սանոսյանն ասաց, որ վարակակրի շփման շրջանակը հայտնի է, բոլորը մեկուսացված են։
«Երկու բժիշկ թեստավորվել են։ Ընտանիքի մյուս անդամներին տեղափոխում ենք համապատասխան մեկուսացման վայր», - նշեց մարզպետը։
Գնել Սանոսյանի խոսքով՝ բժիշկների թեստերի պատասխանները հայտնի կլինեն վաղը։
Հարցին, թե ի՞նչ է սպասվում մյուս բուժաշխատողներին, մարզպետն ասաց, որ բոլորին կթեստավորեն, իսկ հիմա, Սանոսյանի խոսքով, ուղղակի պետք է ինքնամեկուսանալ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)