Գնել Սանոսյան

ՀՀ տարածքային կառավարման և ենթակառուցվածքների նախարարն է։

Եղել է Գեղարքունիքի մարզպետը, «Քաղաքացիական պայմանագիր» կուսակցության հիմնադիր անդամ է։ «Հայկական աշխարհագրական ընկերություն» գիտական-հասարակական կազմակերպության անդամ։ Ծնվել է 1983թ․ հոկտեմբերի 7-ին Գեղարքունիքի մարզի Ծակքար գյուղում։ 2000-2006 թթ․ սովորել է ԵՊՀ աշխարհագրության ֆակուլտետում՝ ստանալով բակալվրի, այնուհետև՝ բնօգտագործում և բնապահպանություն մագիստրոսի աստիճան։

2004-2010թթ. եղել է ուսուցիչ «Մակսեդան» օտար լեզուների վարժարանում։ 2007-2010 թթ․ դասավանդել է Երևանի Հյուսիսային համալսարանում, այնուհետև՝ 2006-2018թթ․՝ Արտաքին տնտեսական կապերի համալսարանում։ 2014-2015թթ. «Կարդինալ Ինթերնեյշնլ» ՍՊԸ-ում աշխատել է որպես վաճառքի պատասխանատու։ 2018թ. մայիս- հոկտեմբեր եղել է ՀՀ բնապահպանության նախարարի տեղակալ։ Նույն թվականի հոկտեմբերի 10-ին նշանակվել է ՀՀ Գեղարքունիքի մարզպետ։

«Հեռանում եմ հանգիստ և խաղաղ»․ ՏԿԵ նախարար Գնել Սանոսյանը ևս աշխատանքից ազատման դիմում է գրել

Տարածքային կառավարման և ենթակառուցվածքների նախարար Գնել Սանոսյանը ևս հայտնում է աշխատանքից ազատման դիմում գրելու և նախարարի պաշտոնը թողնելու մասին: Այս մասին նա հայտնել է ֆեյբուքյան իր էջում։ «Հարգելի գործընկերներ, սիրելի բարեկամներ Ցանկանում եմ տեղեկացնել, որ այսօր աշխատանքից ազատման դիմում եմ գրել և թողնում եմ Տարածքային կառավարման և ենթակառուցվածքների նախարարի պաշտոնը։ Իմ պաշտոնավարման 3-ից ավել տարիները լի էին բազմաթիվ մարտահրավերներով։ Բացի բուն աշխատանքը՝ գրեթե ամենօրյա ռեժիմով բախվել ենք չնախատեսված, չպլանավորված և հրատապ լուծում պահանջող խնդիրների։ Նոր ճանապարհների կառուցում, ԼՂ-ից բռնի տեղահանում, ջրհեղեղ։ Եվ սա միայն ամենախոշոր մարտահրավերներն եմ թվարկում։ Չի եղել աշխատաքային շաբաթ, որ որևէ մարզում չլինեմ։ Անձամբ հետևել եմ համայնքային կյանքի բարելավմանն ուղղված ծրագրերին, նոր ենթակառուցվածքների կառուցման և բարեկարգման գործընթացներին՝ լինի դա ենթակայան, ջրագիծ, ճանապարհ, մանկապարտեզի շինարարություն և այլն։ Այս շարքը կարելի է շատ երկար թվարկել։ Կառավարության ջանքերով, համատեղ ու թիմային աշխատանքի արդյունքում պատվով հաղթահարել և լուծել ենք առաջ եկած խնդիրները։ Վստահաբար շատ խնդիրներ դեռ լուծում են պահանջում, դեռ շատ անելիքներ կան թեկուզ միայն վերը թվարկված մարտահրավերների ուղղությամբ։ Շնորհակալություն եմ հայտնում ՀՀ Վարչապետ Նիկոլ Փաշինյանին վստահության և հնարավորության համար, փոխվարչապետերին, գործընկեր նախարարներին, վարչապետի աշխատակազմին, օրենսդիր և գործադիր մարմինների ներկայացուցիչներին, ենթակա մարմիններին, մարզպետներին, ՏԻՄ ղեկավարներին, միջազգային ու տեղական գործընկերներին և իմ մեծ թիմին՝ ՏԿԵՆ աշխատակազմին, առանց որոնց անհնար էր այս մեծ ծավալի աշխատանքն իրականություն դարձնել։ Տարածքային կառավարման և ենթակառուցվածքների համակարգը շատ բարդ է, աշխատանքի ծավալը՝ ահռելի։ Այս 3 տարիների ընթացքում աշխատել եմ ուժերի գերլարումով՝ ի նպաստ մեր պետության և ժողովրդի։ Լիահույս եմ, որ նախարարության համակարգման ներքո գտնվող կարևորագույն ոլորտներն այսուհետ էլ կկառավարվեն նույնքան սրտացավորեն՝ ի շահ Հայաստանի Հանրապետության։ Հետևում թողնում եմ կատարված հսկայածավալ աշխատանք, ուստի հեռանում եմ հանգիստ և խաղաղ»,- գրել է նա իր ուղերձում: Նշենք, որ ՀՀ կառավարությունում կադրային լուրջ փոփոխություններ են տեղի ունենում։ Այսօր արդեն ազատման դիմում են ներկայացրել ԲԴԽ նախագահ Կարեն Անդրեասյանը և Հակակոռուպցիոն կոմիտեի ղեկավար Սասուն Խաչատրյանը, ՆԳ նախարար Վահե Ղազարյանը, Քննչական կոմիտեի նախագահ Արգիշտի Քյարամյանը։ Հրաժարականների դիմումներին անդրադարձել է վարչապետ Նիկոլ Փաշինյանը՝ նշելով, որ մի շարք բարձրաստիճան պաշտոնյաների խնդրել է թողնել իրենց զբաղեցրած պաշտոնները․ «Նման խնդրանքով դիմելու պատճառները անձնավորված չեն, այլ համակարգային, որոնց մասին հրապարակային խոսել եմ»,- գրել է վարչապետը։ Ընդդիմադիր «Պատիվ ունեմ» խմբակցության պատգամավոր Տիգրան Աբրահամյանը պաշտոնանկությունները դիտարկում է նախընտրական տրամաբանությունների ներքո, իսկ ԱԺ ՔՊ խմբակցության պատգամավորները նշում են, որ պաշտոնանկությունները ուղիղ կերպով վերաբերում են ՀՀ վարչապետի խոսքին և դժգոհություններին:

12:33 - 18 նոյեմբերի, 2024

ԱԺ-ում քննարկվում է ՀԾԿՀ նախագահի ընտրության հարցը |armenpress.am|

armenpress.am: Ազգային ժողովում քննարկվում է հանրային ծառայությունները կարգավորող հանձնաժողովի նախագահի ընտրության հարցը։ Կառավարությունը հանրային ծառայությունները կարգավորող հանձնաժողովի նախագահի պաշտոնում առաջադրել է Մեսրոպ Մեսրոպյանի թեկնածությունը: Թեկնածուին կենսագրությունը և գործունեությունը ներկայացրեց տարածքային կառավարման և ենթակառուցվածքների նախարար Գնել Սանոսյանը։ «Նա լավ ծանոթ է այս ոլորտին, ունի անհրաժեշտ հմտություններ, փորձ, կարողություններ, գիտելիքներ, որպեսզի բարձր պատասխանատվությամբ իրականացնի այն գործառույթները, որոնք դրված են հանրային ծառայությունները կարգավորող հանձնաժողովի առաջ։ Հանձնաժողովի աշխատանքը բարդ է, բայց պետության կողմից հստակեցվել են ոլորտում վարվող քաղաքականությունները, սակագնային և այլ ուղղություններով օրենսդրական կարգավորումները և հիմնական խաղի կանոնները, իրավական դաշտը։ Կարծում ենք՝ Մեսրոպյանի գիտելիքներն ու փորձը բավարար են, որպեսզի այս անչափ կարևոր ոլորտում պարոն Մեսրոպյանը կարողանա աշխատանքը արդյունավետ իրականացնել»,- ասաց Սանոսյանը։

11:16 - 15 նոյեմբերի, 2024

Ծեծկռտուք չի եղել, հրմշտոց է եղել. Սանոսյանը՝ ՊՊԾ նախկին պետի եւ Ավինյանի աներոջ մասնակցությամբ միջադեպի մասին |news.am|

news.am: Մեծ միջադեպ չի եղել, ոչ էլ ծեծկռտուք: Աշխատանքային ժամ էլ չի եղել, այսինքն մինչև շենք մտնելը ինչ-որ խոսակցություն է եղել: Այս մասին այսօր` նոյեմբերի 15-ին ԱԺ-ում հայտարարեց ՏԿԵ նախարար Գնել Սանոսյանը` անդրադառնալով տարածված լուրերին այն մասին, որ երեկ «Երևան ՋԷԿ»-ի տարածքում վիճաբանություն է եղել ՊՊԾ նախկին պետ Սարգիս Հովհաննիսյանի և Տիգրան Ավինյանի աներոջ` Արթուր Պահլավունու միջև: Նշենք, որ Սարգիս Հովհաննիսյանը «Երևան ՋԷԿ»-ի նորանշանակ փոխտնօրենն է, իսկ Արթուր Պահլավունին անվտանգության պետը: «Որոշ միջադեպ եղել է, ինչի համար ես շատ ցավում եմ, ափսոսում եմ, բայց նաև անհասկանալի է ինձ համար, քանի որ գործընկերները, յուրաքանչյուրը պետք է փորձի աշխատանքային միջավայրում կամ դրանից դուրս այնպիսի վարք դրսևորել, որպեսզի նման միջադեպ տեղի չունենա: Ես վիդեոներն էլ եմ տեսել, ինչ-որ հարցի շուրջ` ընդ որում հարցի, որը «ՋԷԿ»-ին չի առնչվում, եղել է խոսակցություն, որոշակի հրմշտոց, ընդամենը այդքանը»,-հավելեց նա:

11:10 - 15 նոյեմբերի, 2024

Վստահաբար կարող ենք փաստել, որ ՀՀ-ում տեղական ինքնակառավարման համակարգը կայացած է. Գնել Սանոսյան

14:17 - 10 նոյեմբերի, 2024

Գնել Սանոսյանն Արմավիրի մարզում հետևել է սուբվենցիոն ծրագրերի իրականացման ընթացքին

ՀՀ ՏԿԵ նախարար Գնել Սանոսյանն Արմավիրի մարզում հետևել է մի շարք սուբվենցիոն ծրագրերի իրականացման ընթացքին։ Ինչպես հայտնում են ՏԿԵ նախարարությունից, նախ դիտարկվել է Արաքս համայնքի Գրիբոյեդով գյուղի կենտրոնական փողոցի և Արաքս գյուղի Րաֆֆու փողոցի 200 մ երկարության ճանապարհի ասֆալտապատման աշխատանքները։ Ծրագրի արժեքը՝ 121,768,486 դրամ է՝ այդ թվում՝ ՀՀ պետական բյուջեի համաֆինանսավորումը՝ 66,972 մլն դրամ։ Նախատեսվում է Գրիբոյեդով գյուղի կենտրոնական ճանապարհի, Չարենցի փողոցի ասֆալտապատում՝ 960 մ երկարության և 8237 քմ մակերեսով, Արաքս գյուղի Րաֆֆու փողոցի ասֆալտապատում՝ 200 մ երկարության, 1387 քմ մակերեսով։ Հաջորդը Մեծամոր համայնքի Նորապատ բնակավայրի 8-րդ փողոցի ճանապարհի, Բամբակաշատ բնակավայրի Բամբակաշատ-Նոր Արմավիր, Բամբակաշատ և Հայկավան բնակավայրերի Բամբակաշատ-Հայկավան ճանապարհահատվածների հիմնանորոգման ծրագիրն էր, որը հաստատվել է 2023 թվականին՝ 578,011 մլն դրամ ընդհանուր արժեքով, այդ թվում՝ ՀՀ պետական բյուջեի համաֆինանսավորումը՝ 202,3 մլն դրամ։ Նախատեսվում է ասֆալտապատել ընդհանուր՝ 3900 մ երկարության, 32160 քմ մակերեսով ճանապարհը։ Շինարարական աշխատանքներն ավարտական փուլում են։ Ավարտին է մոտենում նաև Արմավիր համայնքի Արմավիր քաղաքի Սահմանապահների փողոցի, Թումանյան, Հ Ավետիսյան, Շահումյան փողոցների մի շարք հատվածների հիմնանորոգման, Նորավան բնակավայրի կենտրոնական փողոցի կառուցում, Այգեվանի կենտրոնական փողոցի հիմնանորոգման, Մյասնիկյանի Բաղրամյան փողոցի կառուցման, Լուկաշին բնակավայրի Թամանյան փողոցի հիմնանորոգման աշխատանքները։ Ծրագիրը հաստատվել է 2023 թվականին՝ 1,398 մլրդ դրամ ընդհանուր արժեքով, այդ թվում՝ 489,36 մլն դրամ ՀՀ պետական բյուջեի համաֆինանսավորմամբ։ Նախատեսվում է իրականացնել 6030 գծմ երթևեկելի ճանապարհի և 6852.6 քմ մայթերի ասֆալտապատում, 8612.6 քմ բազալտե եզրաքարերի փոխարինում և տեղադրում։ Նախարարի վերջին կանգառը Արմավիր համայնքի Չարենցի փողոցի մի շարք հատվածների հիմնանորոգման սուբվենցիոն ծրագիրն էր՝ 956,62 մլն դրամ ընդհանուր արժեքով, այդ թվում ՝ 334,82 մլն դրամ ՀՀ պետական բյուջեի համաֆինանսավորմամբ։ Նախատեսվում է ասֆալտապատել 3.702 կմ երկարությամբ, 36 660 քմ մակերեսով ճանապարհ, 7269.5 քմ մայթերի ասֆալտապատում, 5467.6 գծմ բազալտե եզրաքարերի տեղադրում, ջրատար խողովակների տեղադրում՝ 697.7 գծմ, վաքեր՝ 778 գծմ, կողնակների կառուցում՝ 3272 քմ։

20:41 - 08 նոյեմբերի, 2024

Կարս-Գյումրի երկաթգծի գործարկման մասով թուրքական կողմի հետ կա երկխոսություն. Սանոսյան |news.am|

news.am: ՀՀ տարածքային ենթակառուցվածքների նախարար Գնել Սանոսյանը այսօր՝ նոյեմբերի 4-ին, ԱԺ-ում լրագրողների հետ զրույցում ասաց, որ տրանսպորտային միջազգային ֆորումի շրջանակներում առիթ է ունեցել հանդիպելու թուրք գործընկերոջ՝ Աբդուքադիր Ուրալօղլուի հետ։ Նա նշեց, որ առիթը օգտագործելով որպես տրանսպորտային ոլորտի և ենթակառուցվածքների նախարարներ խոսել են առկա հնարավորությունների, ենթակառուցվածքների մասին, որոնք չեն օգտագործվում և օգտագործվելու դեպքում ինչ հնարավորություններ կարող են բացել երկրների և տարածաշրջանի համար։ «Խոսել ենք «Խաղաղության խաչմերուկ» նախագծի մասին։ Կարող ենք գնահատել, որ բավական լավ արդյունավետ քննարկում էր»,-ասաց նա: Սանոսյանը հավելեց, որ իրենք խոսել են բոլոր առկա չգործող ենթակառուցվածքներից, այդ թվում՝ Գյումրի-Կարս երկաթուղուց: Նախնական պատկերացումներ կան, թե ինչքան կարող են տևել վերականգնման աշխատանքները, նաև պատկերացում կա, թե որքան ֆինանսական միջոցներ կպահանջվեն դրա համար»,- ասաց նախարարը: Եթե ընդհանուր քննարկումներն առաջ գնան, ապա ըստ նախարարի, այդ նախնական մտքերը, հաշվարկները կկենտրոնացնեն, դրանց նախագծի տեսք կտան ու կյանքի կկոչվեն: Նա ընդգծեց, որ այդ հարցի շուրջ առնվազն կա երկխոսություն և այդ հանդիպումն այդ երկխոսության շրջանակում էր. «Եթե հասնենք այն փուլին, որ պետք է այդ նախնական ուսումնասիրությունները, թվերը դառնան իրական նախագծեր, ապա մենք ավելի մեծ ծավալով կներգրավվենք այս պրոցեսին»,-ասաց Սանոսյանը:

18:23 - 04 նոյեմբերի, 2024

Հայաստանը մինչև տարեվերջ կվերացնի ԵՄ ավիացիոն «սև ցուցակ»-ում հայտնվելու պատճառ դարձած վերջին թերությունը |armenpress.am|

armenpress.am: Հայաստանի Հանրապետությունը վերացրել է Եվրամիության ավիացիոն «սև ցուցակ»-ում հայտնվելու պատճառ դարձած 41 թերություններից 40-ը, իսկ վերջին թերության վերացումը նախատեսվում է ավարտին հասցնել ընթացիկ տարվա դեկտեմբերին։ ԱԺ հանձնաժողովների համատեղ նիստում 2025 թվականի պետական բյուջեի մասին օրենքի նախագծի նախնական քննարկումների ժամանակ այս մասին ասաց Տարածքային կառավարման և ենթակառուցվածքների նախարար Գնել Սանոսյանը։ Նա նշեց, որ վերջին թերությունը վերաբերում է տեսուչների և մասնագետների պակասին։ «Պակասի մի մասը լրացվել է, իսկ ևս մի քանի մասնագետ այժմ վերապատրաստման փուլում են, որը կավարտվի դեկտեմբերի կեսերին»,- ասաց նա։ Նախարարն ընդգծեց, որ Հայաստանը հոկտեմբեր ամսին արդեն դիմել է Եվրամիության ավիացիոն գործընկերներին՝ սկսելու այն աշխատանքային պլանը, որով Հայաստանի ավիացիան դուրս կգա «սև ցուցակից»: Նա տեղեկացրեց, որ նոյեմբերի 13-ին նախատեսված է տեսակապով խորհրդակցություն եվրոպական գործընկերների հետ, որի ընթացքում կձևավորվի ճանապարհային քարտեզը, որպեսզի Հայաստանի՝ «սև ցուցակից» դուրս գալու գործընթացն ավարտին հասցվի։ « Շատ հույս ունեմ, որ մենք խնդիրները վերացրել ենք՝ հաշվի առնելով նաև այն, որ այս տարի Հայաստանում անց է կացվել ԻԿԱՕ-ի (Քաղաքացիական ավիացիայի միջազգային կազմակերպություն) աուդիտը, որը բարձր վարկանիշ ունեցող միջազգային մարմին է։ Աուդիտի արդյունքները ցույց տվեցին, որ մենք բազմաթիվ թերություններ վերացրել ենք»,- հավելեց նա։ Նրա խոսքով՝ ապագայում եվրոպական գործընկերները կայցելեն Հայաստան՝ համապատասխան ուսումնասիրություններ իրականացնելու համար։

16:50 - 04 նոյեմբերի, 2024

Ունենք նոր շինարար. Գնել Սանոսյանը՝ Իծաքար-Գանձաքար ճանապարհի հիմնանորոգման մասին |1lurer.am|

1lurer.am: Իծաքար-Գանձաքարը երբեք ասֆալտապատ ճանապարհ չի եղել: Բավական մեծ նախագիծ է՝ մոտ 35, որոշ տեղերում՝ մոտ 40 կմ-ի կարող է հասնել: Ամբողջովին նոր՝ բավական բարդ պայմաններով անցնող գրունտային ճանապարհի կառուցում է՝ լրիվ նոր ասֆալտապատ ճանապարհով: Այս մասին, անդրադառնալով Տավուշի մարզով անցնող Իծաքար-Գանձաքար ճանապարհի հիմնանորոգմանը, ԱԺ մշտական հանձնաժողովների համատեղ նիստում՝ 2025 թ. պետական բյուջեի նախնական քննարկման ժամանակ, ասաց ՏԿԵ նախարար Գնել Սանոսյանը: Նախարարը խոստովանեց՝ ճանապարհի կառուցման ժամանակ խնդիրներ են ծագել շինարարի հետ, ժամանակ են տվել շինարարական ընկերությանը թերությունները շտկելու, սակայն չի կարողացել: «Գիտեք, որ ընկերությանը հեռացրել ենք, նոր ընկերություն է այնտեղ աշխատում: Գնացինք դատական պրոցես և այլն: Նոր շինարարը որոշ հատվածներում ինչ-ինչ խնդիրներ ուներ, լաբորատոր փորձարկումներ իրականացվեցին՝ գրունտների, կավային շերտի հետ կապված: Կարծես այդ խնդիրները մնացին հետևում, հիմա շինարարությունն իրականացվում է»,- տեղեկացրեց Սանոսյանը: Նրա խոսքով՝ հնարավոր է՝ լինեն ժամկետի հետ կապված խնդիրներ, սակայն ծրագիրը կիրականացվի՝ չնայած բարդություններին:

16:41 - 04 նոյեմբերի, 2024

Կառավարությունը հաստատեց սուբվենցիոն ծրագրերի համար մարզերին 2 մլրդ 903 մլն դրամ հատկացնելու նախագիծը |armenpress.am|

12:29 - 31 հոկտեմբերի, 2024

Գնել Սանոսյանը և Թուրքիայի տրանսպորտի և ենթակառուցվածքների նախարարը Ստամբուլում հանդիպում են ունեցել

Հոկտեմբերի 15-ին Ստամբուլում տեղի ունեցած Միջազգային ճանապարհային ֆեդերացիայի համաշխարհային կոնգրեսի շրջանակում Հայաստանի տարածքային կառավարման և ենթակառուցվածքների նախարար Գնել Սանոսյանը երկկողմ հանդիպում է ունեցել Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուի հետ։ Այս մասին տեղեկացնում են ՀՀ տարածքային կառավարման և ենթակառուցվածքների նախարարությունից։

21:50 - 15 հոկտեմբերի, 2024

Հայաստանը պատրաստ է վերագործարկել իր ինքնիշխան տարածքով անցնող բոլոր կապուղիները. Գնել Սանոսյան

Հայաստանի Հանրապետության տարածքային կառավարման և ենթակառուցվածքների նախարար Գնել Սանոսյանը հոկտեմբերի 15-16-ը գործուղվել է Թուրքիայի Հանրապետություն (Ստամբուլ)։ Ինչպես հայտնում են ՏԿԵ նախարարությունից, հոկտեմբերի 15-ին նախարարը մասնակցել է Միջազգային ճանապարհային ֆեդերացիայի համաշխարհային կոնգրեսին։ Նախարար Սանոսյանն իր ելույթում շեշտել է, որ ներկա աշխարհաքաղաքական պայմաններում նոր, հուսալի և կենսունակ հաղորդակցության ուղիների ստեղծումը, ինչպես նաև նախկինում գործած տրանսպորտային ենթակառուցվածքների վերագործարկումն ու ապահով գործարկումն առաջնային կարևորություն է ձեռք բերել աշխարհի բոլոր պետությունների համար, քանի որ զարգացած ենթակառուցվածքների առկայությունն և տարածքային համաչափ զարգացումը բոլոր երկրների կայուն զարգացման և դրանցում ապրող մարդկանց բարեկեցության ապահովման կարևորագույն գործոններից են: «Տարածաշրջանի բոլոր պետությունների միջև տնտեսական ենթակառուցվածքների լիարժեք ապաշրջափակումը, կապուղիների զարգացումն ու փոխկապակցվածության մակարդակի բարձրացումը Հայաստանի Հանրապետության կառավարության առաջնահերթություններից է: Առաջնորդվելով Հարավային Կովկասում տևական և կայուն խաղաղություն հաստատելու մղումով՝ Հայաստանի Հանրապետության կառավարությունը մշակել է «Խաղաղության խաչմերուկ» նախագիծը»,- ընդգծել է Սանոսյանը։ Նախարարի խոսքով՝ Հայաստանի Հանրապետությունը պատրաստ է վերագործարկել իր ինքնիշխան տարածքով անցնող բոլոր կապուղիները, ստեղծել նորերը, առանց որևէ խտրականության ապահովել Հայաստանով անցնող բեռների, տրանսպորտային միջոցների, մարդկանց, խողովակաշարերի, էլեկտրական գծերի անվտանգությունը: «Մեր առաջարկած «Խաղաղության խաչմերուկ» նախագիծը ենթադրում է, որ տարածաշրջանի բոլոր տնտեսական և տրանսպորտային ենթակառուցվածքները պետք է ապաշրջափակվեն և գործեն երկրի ինքնիշխանության, իրավազորության ներքո՝ հիմնված հավասարության և փոխադարձության սկզբունքի վրա»,- շեշտել է ՏԿԵ նախարարը:

19:20 - 15 հոկտեմբերի, 2024

Ավիացիան մեր երկրի համար անչափ կարևոր ոլորտ է. Գնել Սանոսյանի ուղերձը

ՏԿԵ նախարար Գնել Սանոսյանը շնորհավորել է Հայաստանի Հանրապետության քաղաքացիական ավիացիայի ստեղծման 91-րդ տարեդարձի և մասնագիտական օրվա առթիվ: «Ավիացիան մեր երկրի համար անչափ կարևոր ոլորտ է, որն ամեն օր հաղթահարում է իր առջև ծառացած մարտահրավերները և կայուն քայլերով շարժվում առաջ։ Ձեր ավանդն անուրանալի է Հայաստանում քաղաքացիական ավիացիայի զարգացման գործում։ Յուրաքանչյուրիդ կատարած անձնվեր աշխատանքի արդյունքում է, որ այսօր մենք հաստատուն քայլերով ոլորտը տանում ենք դեպի զարգացում՝ ապահովելով անվտանգ և ապահով թռիչքներ։ Մենք բարձր ենք գնահատում յուրաքանչյուրիդ կատարած անձնվեր աշխատանքը՝ ուղղված քաղաքացիական ավիացիայի զարգացմանը։ Այսօր էլ ոլորտի առաջ բազմաթիվ մարտահրավերներ կան, բայց այն նվիրումը, որն առկա է ոլորտի պատասխանատուների և մասնագետների մոտ, ինձ մեծ հավատ է ներշնչում, որ բոլոր մարտահրավերները հնարավոր է հաղթահարել և ապահովել անվտանգ, էլ ավելի հարմարավետ թռիչքներ։ Շնորհավոր քաղաքացիական ավիացիայի 91-րդ տարեդարձը»,- ասել է Սանոսյանը։

16:32 - 30 սեպտեմբերի, 2024

Սյունիքում Գնել Սանոսյանը այցելել է Խոտ-Որոտան հիմնանորոգվող ճանապարհահատված

Սյունիքի մարզ կատարած աշխատանքային այցի երկրորդ օրը ՀՀ ՏԿԵ նախարար Գնել Սանոսյանը, նախարարի տեղակալ Քրիստինե Ղալեչյանը, Սյունիքի մարզպետ Ռոբերտ Ղուկասյանը, «Ճանապարհային դեպարտամենտ»հիմնադրամի գործադիր տնօրեն Արմեն Զոհրաբյանը, վերջինիս տեղակալ Սերժիկ Պետրոսյանը և պաշտոնատար այլ անձինք այցելել են Խոտ-Որոտան հիմնանորոգվող ճանապարհահատված: Այս մասին հայտնում են ՀՀ տարածքային կառավարման և ենթակառուցվածքների նախարարությունից։ Նախարարը եղել է ճանապարհի առավել բարդ հատվածներում, որտեղ արդեն իսկ գտնվել են նախագծային լուծումներ եւ ճանապարհի բարդ սողանքային հատվածներում ծավալվել է ակտիվ աշխատանքային գործընթաց ։ Հիմնանորոգվող ճանապարհից շուրջ 7կմ հատվածում արդեն տեղադրվել է երկշերտ ասֆալտբետոնե ծածկ: Նախարարն այցելել է նաև Տաթև-Աղվանի ճանապարհահատված։ Շինարարության պատասխանատուների հետ քննարկվել են ընթացիկ և հետագա աշխատանքները։

16:52 - 29 սեպտեմբերի, 2024

ՏԿԵ նախարարն Իրանի դեսպանի հետ այցելել է Սյունիք

ՀՀ ՏԿԵ նախարար Գնել Սանոսյանն աշխատանքային այցով Սյունիքի մարզում է։ Ֆեյսբուքյան իր էջում Սանոսյանը տեղեկացրել է, որ ՀՀ-ում ԻԻՀ դեսպան Մեհդի Սոհբանիի, Սյունիքի մարզպետ Ռոբերտ Ղուկասյանի, «Բարձրավոլտ էլեկտրոցանցեր» ՓԲԸ-ի տնօրեն Դավիթ Միրզոյանի, Սիսիանի համայնքապետ Արմեն Հակոբջանյանի և պաշտոնատար այլ անձանց ուղեկցությամբ այցելել է «Նորավան» ենթակայան: «Նախ ծանոթացել եմ կայանի շինարարության ներկայիս ընթացքին, կատարված աշխատանքներին։ Այցելել եմ նաև «Նորավան» ենթակայանի կառավարման շենք, որտեղ ներկայացվել է տեղադրված սարքավորումների միջոցով և Երևանում և Թեհրանում մոնիթորինգ անելու հնարավորությունը։ Մինչև այս տարվա ձմեռ նախատեսվում է ավարտին հասցնել մալուխների անցկացման աշխատանքերը, կատարել բարեկարգման աշխատանքներ, իսկ 2025 թվականի ընթացքում արդեն ապահովել տեխնիկական հագեցվածությամբ։ Այցի ընթացքում դիտարկել ենք նաև Հայաստանից դեպի Իրան հենասյուների տեղադրման հատվածները, կատարված բետոնացման աշխատանքները, որոնք իրականացվում են ռելիեֆային բարդ պայմաններում։ Վերջին երկու ամսվա ընթացքում տեղադրվելն են մոտ 40 հենասյուն։ Պայմանավորվածություն է ձեռք բերվել ավելի ակտիվացնել համագործակցությունը՝ ենթակայանի աշխատանքները սահմանված ժամկետում ավարտելու համար»,- գրել է նա։

22:12 - 27 սեպտեմբերի, 2024

ՀՀ-ն որդեգրել է կայուն զարգացման քաղաքականություն. Սանոսյանը՝ հանքարդյունաբերական համաժողովին

17:42 - 27 սեպտեմբերի, 2024

ՀՀ-ն որդեգրել է կայուն զարգացման քաղաքականություն. Սանոսյանը՝ հանքարդյունաբերական համաժողովին

17:42 - 27 սեպտեմբերի, 2024