19:52 - 04 հունիսի, 2020
Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան |armtimes.com|
armtimes.com: ՀՀ առողջապահության նախարար Արսեն Թորոսյանը ճեպազրույցի ընթացքում կորոնավիրուսային իրավիճակի նոր տվյալներ է ներկայացրել: Նախարարը տեղեկացրել է, որ արձանագրվել է 33 տարեկան քաղաքացու մահ:
«Երիտասարդն ունեցել է քրոնիկ հիվանդություններ և մահվան պատճառն այդ բարդացած անամնեզն է եղել»,- տեղեկացրեց նախարարը: Այս պահին 418 ծանր վիճակում գնվող քաղաքացի, և 81 ծայրահեղ ծանր վիճակում գտնվող պացիենտներ կան:
Անդրադառնալով 33-ամյա քաղաքացու մահվան դեպքին, Թորոսյանն ընդգծեց, որ պետք է մեր պատկերացումները փոխենք վիրուսի և տարիքային շեմի հետ կապված: «Պետք է հասկանանք, որ ոչ մեկն` անկախ տարիքից ու սեռից ապահովագրված չէ կորոնավիրուսային հիվանդությունից: Մեր մտածելակերպը պետք է հարմարեցնենք նոր իրողություններին»,-ասաց նախարարը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)