armenpress.am: «Լրագրողներ առանց սահմանների» միջազգային իրավապաշտպան կազմակերպությունը կոչ է արել Ադրբեջանի իշխանություններին հետաքննել, պարզաբանել ռմբակոծության աղբյուրը, որի հետևանքով վիրավորվել են Լեռնային Ղարաբաղում մարտերը լուսաբանող 4 լրագրող:
Կազմակերպությունը տարածած հայտարարությունում մասնավորապես նշել է, որ չորս լրագրողներն այն թղթակիցների խմբում էին, որոնք հրետակոծվել էին Լեռնային Ղարաբաղում՝ Մարտունի քաղաքում՝ բախումների հինգերորդ օրը:
Կազմակերպությունը նկատել է, որ բոլոր լրագրողները և նրանց փոխադրամիջոցները կրել են PRESS տարբերանշանը, նրանք Արցախում էին բնակիչներից հարցազրույց վերցնելու և նախորդ ռմբակոծությունների վնասը տեսնելու համար:
«Այս ռմբակոծությունն անհիմն էր, քանի որ քաղաքացիական անձինք, մասնավորապես, լրագրողները, ռազմական թիրախ չեն: Մենք կոչ ենք անում Ադրբեջանի իշխանություններին հետաքննություն անցկացնել ՝ հրետակոծության ծագումը պարզելու համար և ամեն ինչ անել, որպեսզի տուժած լրագրողները լիովին անվտանգ տարհանվեն», - ասել է «Լրագրողներ առանց սահմանների» կազմակերպության Արևելյան Եվրոպայի և Կենտրոնական Ասիայի գրասենյակի ղեկավար Ժաննա Քավելիերը:
comment.count (0)