Հրադադարից անմիջապես հետո շինարարական աշխատանքներ են իրականացվում Արցախի ողջ տարածքում: Այս մասին տեղեկացնում է Արցախի տեղեկատվական շտաբը՝ հղում անելով ԱՀ քաղաքաշինության նախարարությանը։
«Պատերազմը ահռելի վնասներ է պատճառել ոչ միայն Ստեփանակերտին, այլև Արցախի բազմաթիվ բնակավայրերի: Ավերված շենք-շինությունների գույքագրման և շինարարական աշխատանքներն ընթանում են իրար զուգահեռ, որպեսզի հնարավորինս սեղմ ժամկետում վնասները վերականգնվեն: Ընդհանուր առմամբ վնասվել է շուրջ 2800 օբյեկտ, որից մոտ 250-ը վերականգնման ենթակա չեն: Շինաշխատանքներին ընդգրկված են տարբեր շինարարական կազմակերպություններ։ ԱՀ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅՈՒՆԸ ԻՐԱԿԱՆԱՑՆՈՒՄ Է ՎԵՐԱՀՍԿՈՂՈՒԹՅՈՒՆ»,- նշված է հաղորդագրության մեջ։