17:37 - 29 դեկտեմբերի, 2020
Սպիտակ-Գյումրի, Վանաձոր-Դիլիջան, Գորիս-Կապան ավտոճանապարհներին տեղ-տեղ մերկասառույց է
Դեկտեմբերի 29-ին՝ ժամը 17։00-ի դրությամբ‚ Սպիտակ-Գյումրի, Վանաձոր-Դիլիջան, Գորիս-Կապան ավտոճանապարհներին տեղ-տեղ մերկասառույց է։ Այս մասին հաղորդում է ԱԻՆ-ը։
Վարդենյաց լեռնանցքը դժվարանցանելի է կցորդիչով տրանսպորտային միջոցների համար։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով` տեղեկացնում է ՀՀ տարածքային կառավարման և ենթակառուցվածքների նախարարությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)